Original Art

今次好姊妹話要推薦一間位於九龍塘女青雅舍既法國菜，由石硤尾地鐵站行過去大約15分鐘就到～雖然地點唔算方便，但係入到餐廳，原來好多客人都會特登開車慕名而來，絕對不能小覷它！呢度環境寬敞，裝修走優雅路線，同朋友一邊品嚐美食，一邊聊聊近況就最適合不過！蒜香雞翼（$78）：總共有6隻雞翼，每隻都炸得好香脆，蒜香味濃郁！南瓜甘筍忌廉湯（$28）：朋友飲左呢個湯，話好creamy同香甜，仲有一片蒜蓉多士，可以蘸些湯一起吃！龍蝦濃湯（$38）：龍蝦湯味濃，鮮味十足，鹹度啱啱好，值得一讚！加拿大豬鞍配蘋果醬（$158）：切開肉質呈粉嫩色，嫩滑多汁，豬羶味唔重～配菜仲有蕃茄、薯仔等等，令人一試難忘！香煎帶子黑松露闊條麵（$138）：黑松露味超香濃，而每粒帶子都係大大隻，煎得亦啱啱好～闊條麵軟硬度適中，好易掛汁且蛋味香濃，好味玫瑰千層蛋糕（$68）：雖然份量唔算好大件，但勝在玫瑰味超香濃，比另一間連鎖西式餐廳嘅玫瑰蛋糕系列還要高質！…Read More

朋友無意中找到這間位於九龍塘叫原藝的法國菜餐廳。餐廳位置有點隱蔽，於青年旅舍地下，幸好門口可以泊車，好方便。環境舒服，木製餐枱，燈光色調較暗，感覺很溫暖，有點像置身外國的感覺。晚餐選擇多，而且價格合理，可散叫或套餐。餐具用牛仔布捲著，有種帶點原始的藝術感覺，我非常喜歡。 蒜香雞翼 擺碟很有心思，雞翼香脆又保留肉汁，蒜味香濃，加上沙律菜平衡。加拿大豬鞍配蘋果醬 豬鞍煮得剛剛好，迷人的粉紅色而肉汁豐富，加上酸甜的蘋果醬和配菜有蘆筍、薯仔、蕃茄、椰菜苗和小粟米，可以減少油膩感而且清新。油封鴨腿 鴨腿油封烹調，外皮色澤亮麗，肉質保持嫩滑，食畢竟然沒有一絲油膩感，再配上幼滑的薯蓉，我很喜歡。精緻的擺盤可以為美味加分，我感受到這晚將食物化身藝術，符合餐廳的名字原藝。…Read More

之前學長請我食下午茶嚟過呢到，環境好清閑靜靜哋，感覺完全係可以慢活一下😌，傾下偈，所以呢晚到我帶朋友嚟試下。餐廳位置隱世得嚟其實又唔算好僻，喺石硤尾站出嚟後行條長樓梯轉左行過埋學校就係，正正喺青年旅舍地下。我哋有book到枱，所以餐廳已留座，見到7點半已經有唔少食客用膳中。環境真係好舒服，餐枱好大，唔會令你有焗促感，而燈光色調較暗，以木製傢俬為主，成個感覺係可以令你放鬆。晚餐menu都有幾多選擇，前菜同主菜都各有10款揀，仲另外有個套餐。我哋想食意粉🍝，所以決定散叫。價錢定價都幾合理，西餐廳嚟講性價比頗高，前菜全部唔過百，主菜平均計百中就有交易，稍為新派少少嘅茶餐廳其實都叫緊差唔多價，最多平少少。但呢到成個氛圍同食物質素完全係另一個級別。首先，我哋一人叫咗一個是日餐湯($38)，今日係甘筍忌廉湯，味道夠濃夠creamy但唔會重口味。而旁邊嘅蒜蓉多士條就更喜出望外😍，因為係超鬆軟同好香，同平日好硬好難咬嘅唔同，因為好好食所以覺得一條唔夠喉。前菜就要咗蒜香雞翼($78)，朋友係🐔雞翼怪所以勁啱佢，擺碟超靚，有成6隻，下面就有啲沙律菜。雞翼煎得好脆，又大大隻，蒜味好香，味蕾大開。到主菜喇，🍷紅酒燉美國和牛面頰肉($198)，呢道菜同我想像中有啲唔同，我無expect有意粉伴碟哈哈，另外亦俾我一種好健康嘅感覺，因為有好多蔬菜🥕🌽🥒🥦，其中有啲菜仲比較罕見添，例如Brussels Sprouts(中文原來叫抱子甘藍haha)。牛面肉好嫩燉到超冧啊，連同蔬菜意粉拌勻啲紅酒汁，幾好食。不過我覺得呢道菜如果將意粉轉做細隻嘅新薯🥔或薯蓉，可能又會有另一種風味。另外，我哋要咗龍蝦汁虎蝦意粉🍝($148)，一上菜就已經聞到勁香，個龍蝦汁真係超正，好似龍蝦湯🦞咁，唔會過鹹，意粉夠彈牙非常掛汁，每條都好均勻好味。兩隻虎蝦🦐都幾新鮮，但就唔算好大隻。呢個係我食過其中一碟最好食嘅意粉呀😋。最後甜品要咗法式檸檬撻($38)🍋，我自己鍾意食酸野同檸檬製食品，所以就覺得唔錯，檸檬蓉同派皮都ok，但朋友話酸到盲都開眼🤣。不過個撻真係比較迷你，細咗小小。其實仲想叫多款甜品食，但已經售罄😭，得返呢款，好想試天鵝造型嗰件。晚餐就包埋飲品的，要咗熱檸水熱檸茶，為呢餐劃上完美句號☺️。總括嚟講，餐廳食物真係好高質素，每一樣都無令我失望，下次嚟會想試多幾款食物。環境亦係餐廳另一賣點，有遠離煩擾嘅感覺，唔使趕交枱或大聲嗌先傾到計，完全適合小聚會甚至慶祝生日等日子🥳。我會話我呢晚係享受晚餐嘅過程。服務同價格方面就都還不錯，就連餐具set都特別精緻👍。…Read More

星期五晚同老婆拍拖，上網見到呢度由藍帶廚師主理嘅新分店，揸車嚟好方便，又有泊車優惠，但坐地鐵比較難搵；其實餐廳在女青年會內。裝修都有少少文藝元素，餐廳面積唔算大，訂咗位才來比較穩陣因為附近無其他餐廳！餐牌都有唔少嘅選擇，由平至貴悉隨尊便。紅椒忌廉湯好彩唔係好辣，小小辣增加湯嘅層次感，亦減去膩的感覺，蒜蓉多士水準超高。蒜香雞翼皮脆肉嫩，煎炸有水準，蒜蓉味香氣吸引。黑松露忌廉帶子闊條麵擺設有心思，四隻帶子向唔同嘅方向中間再加個沙律菜，帶子煎嘅火候剛剛好，保持中間嘅嫩滑，忌廉汁唔會太濃味，濃淡比例適中。香煎鴨胸配血橙醬亦顯示出廚師控制火喉的水準，中間位置剛剛熟，鴨肉唔會韌，而佢哋應該揀咗一啲好靚嘅鴨胸肉，皮好薄唔會太肥。本來都已經好飽，但見到佢哋嘅甜品全部現場即製，賣相亦好吸引，忍唔住叫多個甜品試下。天鵝仔外型嘅朱古力黑茶慕絲最吸晴，天鵝翅膀同埋頭都係白朱古力，佢地話慕絲蛋糕係由幾種75%以上朱古力混合而成，有豐富層次口感亦唔會太甜。…Read More