Daily 13 (Closed)

【荃灣靚靚cafe🤍Daily 13】-荃灣工業大廈林立亦都聚集左唔少餐廳今日就同大家介紹呢間靚靚cafe😝Daily13😝-餐廳係佈置方面有心思❤️一入門口就有幅玫瑰花牆🌹仲有乾花同胡桃夾子嘅裝飾幾「IGable」 📸💁🏻‍♀️餐廳入面係以簡約黑白灰作為主色🖤值得一提係靠窗嘅高枱係有海景🌅黃昏同入夜嘅景色都相當唔錯🌇🌉Daily13同我之前介紹過嘅Undici一樣佢都有$1甜品放題🍴甜品控千祈唔好錯過😋-😋蒜香辣椒蜆肉意大利粉配軟殼蟹🦀 $138+1❤️‍🔥❤️‍🔥❤️‍🔥❤️‍🔥❤️‍🔥推薦❤️‍🔥❤️‍🔥❤️‍🔥❤️‍🔥❤️‍🔥軟殼蟹外焦內嫩，仲感受到軟殼蟹那層薄薄的軟殼🦀食落好脆而且炸衣唔厚😼亦都冇油膩感😍個意粉蒜香十足🧄微辣偏甜🌶仲有好多蜆肉🥰係炒意粉比較乾身😋好香口😼朋友唔食辣都係咁添食🤣好味指數🌕🌕🌕🌕🌖-😋海鮮忌廉汁扁麵配揶威煙三文魚 $118+1呢款味道都相當唔錯🍝雖然都係意粉😛但同上邊嘅蒜香辣意粉有唔同風味😳各有特色❤️忌廉汁帶有好香嘅蝦味🦐食落唔會好heavy 扁麵好掛汁🍝煙三文魚嘅鹹味令意粉味道更豐富😳意粉好足料❤️‍🔥蜆肉有鮮味🦑魷魚圈彈牙唔韌😍好味！好味指數：🌕🌕🌕🌕🌗-加$48可以轉套餐，包餐湯、餐飲以及甜品💁🏻‍♀️餐湯🥣😋迷你櫻花濃蝦湯🌸蝦味非常濃郁🦐仲食到啲櫻花蝦-💁🏻‍♀️餐飲🍹😋菠蘿柚子梳打🍍有淡淡柚子味😝唔會話太甜菠蘿酸酸甜甜🍍好清新😼好啱夏天飲😋香蕉乳酪🍌 面頭嘅忌廉灑左玫瑰花瓣碎同可可粉，非常浪漫精緻💗飲落香蕉味濃郁，口感幾稠密💛-💁🏻‍♀️甜品（隨機蛋糕🍰）😋朱古力忌廉蛋糕🍫朱古力忌廉味道香濃面頭可可粉嘅苦味可以中和返忌廉嘅甜食落唔會太膩😝好味指數： 🌕🌕🌕🌕🌑-😋朱古力芝士蛋糕芝士味味道濃郁厚重😼幾軟滑好味指數：🌕🌕🌕🌕🌘-Daily13雖然位置唔係好近MTR💁🏻‍♀️但係食物同環境取勝😼係適合同朋友聚會或者拍拖食飯嘅聚腳點😜-📍 Daily 13 (荃灣)荃灣柴灣角街38-40號銓通工業大廈13樓A室💸人均消費：$190…Read More

去呢間餐廳前，其實冇咩期望，因為係工廈既cafe，仲要咁偏僻，直到我食左第一啖野食⋯⋯心諗@@嘩😱！嘜咁好食既！然後每碟都非常期待！先講講佢地既意大利飯，非常好食，米粒硬度適中，煙韌有咬口；每粒米都吸收左好多湯既味道。配料如帶子、野菌、露荀都好新鮮好食。😍拿！佢飯類我試三款都好好食，但想重點講講鰻魚蛋包飯。佢蛋入面包住既，係忌廉意大利飯，上面日式，下面意大利style。食起上泥非常有新鮮感，而且味道都好夾！🥰意粉係al dente既🙂口感非常好，佢既辣汁好有驚喜，係醒神又唔會辣你好耐果種，有少少冬陰公果種味道，食落好有層次。佢既野飲都唔錯！我揀左呢杯：…Read More

第二次黎依間cafe😚質素保證，Cafe係荃灣既工業大廈，清新簡約風，以白、灰色、雲石做主題，仲掛左啲假綠色植物為點綴，令人有種清新舒服既感覺💕✨+$48轉set dinner，再+$1有甜品放題‼️✨另收加一-💕招牌名古屋蒲燒鰻魚蛋包意大利飯 $158👅好味指數：9.5/10份量巨多、鰻魚厚肉極長、肉質彈牙不再説😍連蛋都好厚，起碼3-4隻蛋。係其他地方食得太多差不多樣既鰻魚飯，令到我都唔記得原來依間有個特別之處💡，就係飯底係磨菇意大利飯😍好濃菇味，同好濃郁既芝士同奶香味，質感黏稠度剛好，拉絲又濕潤☺️，好creamy🤍，比用白飯口感更豐富更正，必食❗️☺️-💕蒜香辣椒蜆肉意大利粉配軟殼蟹 $138👅好味指數：8/10今次黎換左用石鍋上，影完相都仲熱辣辣❤️，原隻軟殼蟹炸得好香脆，爆汁juicy😍意粉份量好多，蜆肉都每淡食到👍🏻，味道就蒜香味比辣椒味岀小小，如果兩者都再重口味啲就更好了☺️。-💕 香草蜜糖無激素雞翼 $58👅好味指數：8.5/10雞翼表皮好脆口😍，入哂蜜糖味，而唔係只係流於表面，肉質都嫩滑😚❤️。-環境：9/10服務：9/10整體味道：8.5/10回頭率：9/10…Read More

第一次黎daily 13，想黎好耐，但係因為佢係工廈入面，一路都嫌麻煩去😂搞到宜家先去食。見到佢成日有好多唔同promotion，好似蛋糕放題、雪糕放題咁，鍾意食甜品既人啱曬🙈我去既時候都做緊+$1雪糕放題，但係佢個promotion只限星期一至四既晚市，我果日星期六去就試唔到la。但係講真就咁一個dinner set已經夠食得好飽😂 1️⃣招牌名古屋蒲燒鰻魚蛋包意大利飯（$158）呢個鰻魚蛋包飯真係超好驚喜，一黎到，見到條勁長既鰻魚已經覺得好吸引，上面鋪左啲木魚絲、紫菜，下面係蛋包飯，飯唔係普通白飯，而係蘑菇義大利飯😍食落夠濕潤，飯既質感啱啱好唔會太淋，食到忌廉同埋芝士既香味🧀大愛呢個鰻魚蛋包飯🥰🥰   2⃣️蟹肉蟹子明太子扁意粉（$128） 好creamy～每一條意粉都掛滿醬汁🤤明太子同蟹子撈埋偏粉紅既醬汁夠曬rich，而且意粉都夠煙韌彈牙，仲食到絲絲蟹肉，呢個我都好推薦！    3⃣️海鮮忌廉汁扁麵配挪威煙三文魚（$118）呢個都好creamy，但係味道比較淡，唔係好食到忌廉同海鮮既味道。煙三文魚整成一朵花咁好靚😌仲有魷魚圈。  4⃣️蒜香辣椒蜆肉意大利粉配軟殼蟹（$138）超啱打卡🙈成個石鍋咁上，仲有原隻軟殼蟹，炸得夠脆而且唔會好油膩👍意粉冇前面果幾款咁膩，比較似係炒意粉咁比較乾爽。意粉入面既蒜粒同辣椒炒得夠曬惹味，唔會太辣但係好香🤤仲有粒粒蜆肉🤩  5⃣️秘製香辣雞塊（升級套餐+$68）升級套餐會跟一款廚師推介小食、櫻花蝦湯同埋是日甜品。小食係炸雞塊，炸雞塊炸得夠juicy，上面淋上左蛋黃醬，仲有跟啲沙律菜，感覺健康啲😝不過略顯炸雞塊既炸衣厚左少少。  6⃣️迷你櫻花濃蝦湯（跟餐）好濃😳而且入面仲食到粒粒櫻花蝦乾，感覺好足料！  7⃣️日東卷蛋（跟餐）店員同我地講是日甜品可以免費升級做卷蛋😋前排日東卷蛋勁紅，我都想試好耐，今次可以一次過試到四種唔同既口味，好開心😄卷蛋細細件咁。今次試到既口味有士多啤梨、蜜瓜、栗子同埋芝士味。個人最鍾意蜜瓜味😋  8⃣️抹茶芝士蛋糕（跟餐）我地升級左兩個套餐，一款甜品揀左卷蛋，另一款就試佢地既是日甜品。甜品係抹茶芝士蛋糕🤤抹茶味道偏甜，芝士蛋糕質感厚實，味道唔錯，但係如果抹茶味道再濃啲再甘啲就好la。  9⃣️抹茶鮮奶（跟餐+$16）套餐可以用半價嗌野飲，抹茶鮮奶抹茶味道好夠，但係偏粉感，飲既時候仲飲到啲抹茶粉🙈  …Read More

最近聽朋友推薦呢間超長鰻魚蛋包飯，於是黎試食。間野係非常隱閉嘅工廈13樓，間工廈星期六日仲要有線電視大廈果邊度門唔開，要穿其他工廈停車場去番後面街正門入去。上到去環境幾幽靜，始終位置太偏僻，假日人唔多。一點鬆D去到時得2枱客，到2點半走人都係坐得半間餐廳。一入去就見倒個大海景，可惜一坐低落梳化就咩都睇唔倒。有機會一個人去可以試試坐窗邊吧枱，嘆個景嘆足全餐。大理石枱唔係特別闊，叫得多野有可能唔夠擺，不過所有櫈都係梳化底，幾好坐。星期日menu選擇都多，一開始以為佢要+68蚊先轉餐咁貴，落單先知午餐有配湯或沙律+花茶以外飲品一杯，另外可半價加配甜品，價錢都算合理。同行3人叫左2份鰻魚蛋包意大利飯，一個左蒜香辣椒蜆肉軟殼蟹意粉。一杯青檸檸檬梳打，一杯百香果蘋果茶，一杯抹茶拿鐵。叫完野我地冇特別問佢已經準備好三份餐具比我地share野食，都幾貼心。沙律係普通沙律菜配芝麻醬，正正常常。不過個跟餐嘅湯竟然係龍蝦湯，一開始外貌太平凡以為係普通紅湯，點知飲落去驚為天人。雖然細細碗但味道非常濃郁又唔苦，5分好評。鰻魚蛋包意大利飯條鰻魚超級長，大過我塊臉，見倒就開心本身有少少怕蒲燒汁嘅甜味，所以落單時講左蒲燒時必須嘅汁之外唔好再落汁，廚師都有準確做倒呢個要求。鰻魚d骨都算整得軟，慢慢食直接吞都ok。蛋包意大利飯賣相好睇之餘，個飯算有心思，有cream得黎唔會太濕，又有菇同粒粒蒜，就咁食未必覺得好，但配埋鰻魚同蛋真係幾夾幾好食，4分同行其中一位叫左呢個蒜香辣椒蜆肉軟殼蟹意粉，其實有少少意外佢用石鍋上，因為見其他枱叫其他款意粉都係普通碗。偷食左2啖，意粉軟硬適中，味道偏香而冇咩辣味，不過唔知點解有陣椰子油味，食落有少少怪。軟殼蟹咬落去算juicy，不過食倒微微苦味，可能少少炸過龍。如果想試意粉建議挑戰其他選擇。飲品方面，雙檸梳打冇落糖，岩減肥人士。抹茶拿鐘就味道普普都冇拉花。百香果蘋果茶個味都自然，而且有一片浸左糖嘅蘋果同少許椰果，3杯入面最好飲最多料係呢杯。甜品加左一份富士蘋果芝士蛋糕，味道都係正常範圍，不過size超迷你，如果唔係跟餐半價應該唔會再單點。3個人埋單連加一$520，平均每人$180，星期日午飲時間坐得舒服又唔洗等，食物水平中上，可以再戰。另外見佢有其他平價lunch menu for平日。…Read More

朋友發現呢度有得任食芝士蛋糕，所以今日主菜係芝士蛋糕！🤣想食任食芝士蛋糕，要先點選餐牌上既漢堡、意大利飯或意粉，然後加$68升級成套餐（有小食同迷你櫻花濃蝦湯），再加多$1就可以任食享用芝士放題～（❗️不過唔知優惠幾時完，記得問左先去～）🤓我同朋友食左幾round！飽到呢～🤤當晚有8款芝士蛋糕選擇，試晒咁多款後，個人最愛原味芝士蛋糕，然後係抹茶芝士蛋糕，蕉糖杏仁蛋糕就排第三！🤩其他味道都唔錯，我唯獨唔鍾意抹茶大豆。1️⃣軟殼蟹安格斯芝士漢堡 ($148)軟殼蟹同薯條都油左啲...牛肉又太乾...2️⃣蒜香辣椒蜆肉意大利粉配軟殼蟹 ($138)意粉煮得剛好，有嚼口！但味道就唔夠出...3️⃣蟹肉蟹子明太子意粉 ($128)軟身啲既意粉配上好濃濃既醬汁，但同期望既味道有啲落差...4️⃣黑松露野菌意大利飯 ($108)意大利飯食落唔似意大利飯...😲同埋愈食愈漏...5️⃣招牌名古屋蒲燒鰻魚蛋包意大利飯($158)朋友好滿意！👏🏻👏🏻👏🏻總括黎講，蛋糕特別係芝士蛋糕係約正，但漢堡、意大利飯同意粉就有進步既空間～…Read More

本來諗住同朋友去荃灣搵野食，去了這家Daily 13 Cafe食晚餐，這裡旺中帶靜，裝修新穎，感覺好休閒舒服。挪威煙三文魚凱撒沙律煙燻過的煙三文魚食落去啖啖嘅煙燻味，少少咸幾滋味。配上沙律菜一起吃，不知不覺就吃了很多。HKT三式薯條驚喜之作，有三款醬汁，分別是蜜糖芥末、茄汁和黑松露。份量都不少，黑松露香濃，薯條炸得適中，不會乾柴。 蒜香辣椒蜆肉意大利粉配軟殼蟹軟殼蟹炸得香脆可口，口裡盡是啖啖蟹肉，肉質鬆化不覺乾柴，也不油膩。是不錯的小吃呢！蒜香辣椒味不會太啃，很容易入口，意粉口感彈牙，整體配搭得很好。金莎朱古力（飲品）有一粒金莎，朱古力味都重，啖啖都飲到金莎的味道。而忌廉滑溜，整體也不會太甜，很好。抹茶拿鐵味道只有很少的苦澀，既有抹茶嘅清香，也不會太甜 ，飲完唔會令你口渴，啱曬夏天飲。…Read More

朋友介紹荃灣高質西餐，係西鐵站行15-20分鐘，喺工業區入面。一入鋪就見到一幅綠葉牆可以打卡，鋪面裝修都幾靚，啱曬打卡。餐牌選擇唔多，我哋就揀咗軟殼蟹意粉同埋墨汁意大利飯，有一個跟咗餐。龍蝦湯唔算大碗，但就好香，一上枱，隔住口罩都聞到。湯入面重有d櫻花蝦，飲落蝦味更濃。呢個雞塊係跟餐送嘅，比想像中辣，如果唔食得辣就要小心d。軟殼蟹粉意不得了，隻軟殻蟹好大隻，意粉食落有d似避風塘炒蟹嘅味。墨汁意大利飯比較特別，好少食黑色嘅意大利飯。帶子有3粒，每粒都好大粒，有一面煎過，除咗賣相好之外，味道都唔錯。嘢飲就相對貴d，跟餐半價都要十幾蚊，味道就還好。甜品係cheese cake，擺盤幾靚，味道亦唔錯。之前上網睇話可以加錢任食，但今日唔見有做呢個優惠。整體嚟講，嘢食唔錯，裝修都好靚。有海景同花牆可以打卡，啱曬情侶或者姊妹嚟食。…Read More