晌香港，印度菜好普及，素食菜館近年亦大行其道，但專賣印度素菜嘅餐廳你又知唔知有幾多家？我就唔多清楚嘞，只喺最近就去過尖東嘅「Sangeetha Vegetarian Restaurant」一掃印度素菜，食素，就梗要預埋喜歡食素菜嘅老婆啦
。呢家餐廳位處一入夜就鬼咁靜嘅永安廣場，餐廳內嘅環境好簡單，好平民嘅感覺，完全無咩華麗嘅裝修，感覺就喺既然食素，就毋庸奢華，但仍光鮮企理，菜式定價亦親民，更唔收加一，怪唔得只喺閒日夜晚，都有咁多「鄉里」幫襯
，唔少喺一家大細，猶如飯堂。打開餐牌，第一版就有餐廳嘅詳盡介紹。原來其歷史不短，而且，更喺跨越多國嘅連鎖餐廳。由於餐牌都比較厚，又易屈起埋，非常難影嚟俾大家參考，好彩事後發現佢哋有設立網頁，更上載整個餐牌，故此索性編輯一下放上嚟等大家易於參考。如你所見，菜式非常之多，由湯品、前菜、炸餅、什錦烤串、麵條、蒸米糕、印式輕食、麵包及咖喱、煎餅、班戟、掛爐烤餅、米飯、印度套餐、鐵板、北印度風味、兒童套餐、蔬菜、飲品、鮮榨果汁、奶昔、小食，到甜點，一應俱全
，多到眼花繚亂。餐牌唔止印刷精美，亦中英對照，有啲店員仲識幾句廣東話，唔使太擔心溝通問題。
芒果味印度奶昔（Mango Lassi）$35
如無記錯，小弟嚟親食印度嘢，都喺必叫呢一款芒果味印度奶昔，有啲就譯為芒果酸奶，因為喺以鮮芒果肉跟乳酪打成，故入口有陣陣醒胃嘅乳酪酸香味，而且，芒果味亦香甜濃郁。菠蘿汁（Pineapple Juice）$35呢度有唔少果汁選擇，更標明鮮榨，呢杯菠蘿汁一睇就知喺鮮榨，皆因仲睇到果汁內有唔少果肉嘅纖維，入口菠蘿香味天然清甜，不過，唔知喺咪講求健康關係，上文杯芒果酸奶，呢杯菠蘿汁，以及稍後介紹嘅石榴汁，都唔多冰凍，只喺入口涼涼哋嘅感覺。石榴汁（Pomegranate Juice）$45好少飲石榴汁，所以，幾有新鮮感。色澤鮮紅，望落仲以為喺西瓜汁添，試咗一口，雖然石榴味都好出，但對比起上述兩杯飲品，味道比較清淡一啲，但感覺就覺得好健康咁。咖喱角（Samosa）$40幾常見嘅印度前菜，既然喺素版，裡面就當然只得啲薯仔、蔬菜、青豆啦，特別之處就喺包到拳頭咁大。外皮口感比較酥化，卻唔油膩，配以印式甜酸醬及薄荷乳酪醬，食落更清爽。洋蔥炸餅（Onion Vada）$60炸餅無論外形，抑或口感都有啲似炸薯餅，我哋揀咗洋蔥口味，不過，洋蔥味嘅感覺唔喺好強，而且，好大件一個，幾個人共享就最好，一人一個都嫌太飽肚。配上嘅醬汁都好特別，白色嘅有少少芝麻香、又辣辣哋；白色隔離嗰兜都喺有點辣，但就帶薄荷味；再隔離就喺常食到富香料層次嘅咖喱；最邊邊大兜啲嘅喺咖喱雜菜。蕃茄香辣班戟（Tomato Chili Uthappam） $70無咩辣椒公仔嘅溫馨提示下，今勻真喺中咗伏，咪以為喺表面啲紅粉辣，喺班戟裡面堅有唔少青辣椒，嗰啲先非常之辣，而班戟嘅質感正正就喺平常晌麥記食早餐時嘅熱香餅嗰種，軟綿綿，但配鹹食個人感覺一般。蘑菇咖喱（Mushroom Masala）$75瑪沙拉喺混合多種具芳香性嘅香辛料所做，喺印度料理嘅萬能香料，就算呢道菜只配鮮蘑菇，一樣好好食，啲蘑菇好爽口，個汁底稀杰度啱啱好，香味有層次，微微哋辣，十分惹味，無論撈飯，抑或配印度烤餅，同樣咁正。蒜香烤餅（Garlic Naan）$40既然叫咗道瑪莎拉咖喱，咁就梗喺要叫番一客印度烤餅，蒜香口味簡簡單單就最合心水，一客有4件，仲加咗少少芫荽碎，啲烤餅入口香，配咖喱真喺一流，略嫌啲餅稍為韌身咗，唔知喺咪一早嚟到，擺耐咗嘅關係。咪睇啲店員好似茶記啲阿叔，個個感覺都幾親和，唔會不耐煩咁，招呼都幾好架，而且，上菜速度勁有效率。此外，枱上放有收費嘅樽裝水，但同樣有放有水壺和水杯，有免費開水供客人飲用。越夜，就見越多「街坊」嚟幫襯！…Read More
。呢家餐廳位處一入夜就鬼咁靜嘅永安廣場，餐廳內嘅環境好簡單，好平民嘅感覺，完全無咩華麗嘅裝修，感覺就喺既然食素，就毋庸奢華，但仍光鮮企理，菜式定價亦親民，更唔收加一，怪唔得只喺閒日夜晚，都有咁多「鄉里」幫襯，唔少喺一家大細，猶如飯堂。打開餐牌，第一版就有餐廳嘅詳盡介紹。原來其歷史不短，而且，更喺跨越多國嘅連鎖餐廳。由於餐牌都比較厚，又易屈起埋，非常難影嚟俾大家參考，好彩事後發現佢哋有設立網頁，更上載整個餐牌，故此索性編輯一下放上嚟等大家易於參考。如你所見，菜式非常之多，由湯品、前菜、炸餅、什錦烤串、麵條、蒸米糕、印式輕食、麵包及咖喱、煎餅、班戟、掛爐烤餅、米飯、印度套餐、鐵板、北印度風味、兒童套餐、蔬菜、飲品、鮮榨果汁、奶昔、小食，到甜點，一應俱全，多到眼花繚亂。餐牌唔止印刷精美，亦中英對照，有啲店員仲識幾句廣東話，唔使太擔心溝通問題。芒果味印度奶昔（Mango Lassi）$35如無記錯，小弟嚟親食印度嘢，都喺必叫呢一款芒果味印度奶昔，有啲就譯為芒果酸奶，因為喺以鮮芒果肉跟乳酪打成，故入口有陣陣醒胃嘅乳酪酸香味，而且，芒果味亦香甜濃郁。菠蘿汁（Pineapple Juice）$35呢度有唔少果汁選擇，更標明鮮榨，呢杯菠蘿汁一睇就知喺鮮榨，皆因仲睇到果汁內有唔少果肉嘅纖維，入口菠蘿香味天然清甜，不過，唔知喺咪講求健康關係，上文杯芒果酸奶，呢杯菠蘿汁，以及稍後介紹嘅石榴汁，都唔多冰凍，只喺入口涼涼哋嘅感覺。石榴汁（Pomegranate Juice）$45好少飲石榴汁，所以，幾有新鮮感。色澤鮮紅，望落仲以為喺西瓜汁添，試咗一口，雖然石榴味都好出，但對比起上述兩杯飲品，味道比較清淡一啲，但感覺就覺得好健康咁。咖喱角（Samosa）$40幾常見嘅印度前菜，既然喺素版，裡面就當然只得啲薯仔、蔬菜、青豆啦，特別之處就喺包到拳頭咁大。外皮口感比較酥化，卻唔油膩，配以印式甜酸醬及薄荷乳酪醬，食落更清爽。洋蔥炸餅（Onion Vada）$60炸餅無論外形，抑或口感都有啲似炸薯餅，我哋揀咗洋蔥口味，不過，洋蔥味嘅感覺唔喺好強，而且，好大件一個，幾個人共享就最好，一人一個都嫌太飽肚。配上嘅醬汁都好特別，白色嘅有少少芝麻香、又辣辣哋；白色隔離嗰兜都喺有點辣，但就帶薄荷味；再隔離就喺常食到富香料層次嘅咖喱；最邊邊大兜啲嘅喺咖喱雜菜。蕃茄香辣班戟（Tomato Chili Uthappam） $70無咩辣椒公仔嘅溫馨提示下，今勻真喺中咗伏，咪以為喺表面啲紅粉辣，喺班戟裡面堅有唔少青辣椒，嗰啲先非常之辣，而班戟嘅質感正正就喺平常晌麥記食早餐時嘅熱香餅嗰種，軟綿綿，但配鹹食個人感覺一般。蘑菇咖喱（Mushroom Masala）$75瑪沙拉喺混合多種具芳香性嘅香辛料所做，喺印度料理嘅萬能香料，就算呢道菜只配鮮蘑菇，一樣好好食，啲蘑菇好爽口，個汁底稀杰度啱啱好，香味有層次，微微哋辣，十分惹味，無論撈飯，抑或配印度烤餅，同樣咁正。蒜香烤餅（Garlic Naan）$40既然叫咗道瑪莎拉咖喱，咁就梗喺要叫番一客印度烤餅，蒜香口味簡簡單單就最合心水，一客有4件，仲加咗少少芫荽碎，啲烤餅入口香，配咖喱真喺一流，略嫌啲餅稍為韌身咗，唔知喺咪一早嚟到，擺耐咗嘅關係。咪睇啲店員好似茶記啲阿叔，個個感覺都幾親和，唔會不耐煩咁，招呼都幾好架，而且，上菜速度勁有效率。此外，枱上放有收費嘅樽裝水，但同樣有放有水壺和水杯，有免費開水供客人飲用。越夜，就見越多「街坊」嚟幫襯！…Read More
見到餐廳淨係得我們一枱香港人，我就知我會食到好正宗的印度菜！
到印度餐廳，一定不能錯過好出名的芒果味印度奶昔(Mango Lasssi)！味道似芒果乳酪飲品，酸酸甜甜好正架！另外，朋友仔就叫左杯朱古力奶昔(Chocolate Milkshake)，鍾意朱古力味的朋友，記住要攪勻痴係杯上的朱古力醬哦。原來印度都有佢的芝士架，身為芝士迷的我，即刻叫返碟！呢碟係印式芝士65(Paneer 65)，切到一粒粒的芝士痴左粉去炸到脆卜卜，芝士味道唔算太濃，吱埋個青檸，就算唔係芝士粉絲都應該接受到。比大家睇睇芝士的橫切面，個粉其實好薄，而且唔會好油膩，想食真印度菜的大家不能不點。食印度菜，點可以少左咖哩呢？餐廳提供多種不同的素食咖哩，當中包括豆咖哩、薯仔咖哩、蔬菜咖哩。今次，我們就點了一份印式芝士黃油咖哩(Paneer Butter Masala)。咖哩味好香，而且唔會太辣。加左牛油令咖哩更香滑。不過印式芝士，我都係鍾意炸到香口個款多D。食咖哩點可以少左印度烤餅(Naan)呢？我們今次就叫左兩份，一份係黃油烤餅(Butter Naan)及一份蒜香烤餅(Garlic Naan)。兩款烤餅都係非常香，食得出係岩岩新鮮出爐！我最鍾意的係超級香口的蒜香烤餅，蒜蓉應該係用了新鮮切的蒜頭先會達到呢個香味，加上少量的芫茜，令到烤餅一上桌已經香氣撲鼻。另外，我們都叫左有餡的薯仔餡餅(Aloo Paratha)。呢個餡餅用左兩片煎得香口的薄餅去夾住好香胡椒味薯仔餡，點一點酸忌廉去平衡下，令人停唔到口。另外，我們仲叫左份Dragon Mushroom。個人覺得呢個菜式好岩香港人口味，利用洋蔥及Nuts炒香蘑菇，非常香！我同朋友仔食到停唔到口。
最後，我們叫左份印式甜品Kulfi，其實呢個甜品唔係Menu度架，係職員介紹的。Search返呢個被稱為印度雪糕，主要用奶同Nuts整成，我個人都幾鍾意食奶款的製品，食落同平時的雪糕無咁實，宜宜有不同的香料同Nuts係入面，值得幾個朋友仔黎叫一份share試一試。==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)
