Kei Kee Dessert

佳記甜品，位於元朗教育路大坑渠側。 好多年冇食b仔涼粉了， 難得入到元朗， 剛好食完晚飯就去佳記甜品。點了B仔雜果涼粉$46、哈密瓜西米露$32、蒜蓉香辣雞翼尖$24。 ▪️B仔雜果涼粉 ～ 份量多，涼粉爽口，每款生果都新鮮，最喜歡芒果，非常甜美。 ▪️哈密瓜西米露 ～ 甜到適中，清涼可口。 ▪️蒜蓉香辣雞翼尖 ～ 雞翼尖蒜蓉味唔算出，但係辣度好勁， 都幾惹味。 整體食物可以，但環境清潔度要改善，有蚊滋。🏷️溫馨提示～ 整個用餐體驗均屬個人分享意見， 只作參考😊。 …查看更多

講起元朗名物就一定會提起B仔涼粉或者佳記甜品，不過個人認為B仔涼粉其實係一間畀糖水耽誤咗嘅雞翼尖鋪~去過幾次，最令我回味嘅唔係佢個涼粉，而係佢嘅蒜蓉香辣雞翼尖！ 🧡蒜蓉香辣雞翼尖（$20）每次必點！雞翼尖煮得好入味，好淋好滑，好重蒜香同泡椒味，辣得好過癮，食落超惹味！而且價錢唔貴，值得encore！ 🧡爽滑腸粉+美味魚蛋（$10+$10）腸粉嫩滑爽口，加埋啲醬好好味！魚蛋就正正常常！ 🧡椰汁西米露（$20）之前有試過佢嘅招牌涼粉，唔係特別好食，今次就嗌咗最normal嘅椰汁西米露，都係麻麻地，西米糊糊地，煮得過爛咗~大家都係對佢嘅糖水唔好期望過高~ …查看更多

元朗B仔涼粉的名氣太嚮，令我真的一度以為“B仔涼粉”就是舖頭的名字，每次入元朗都想要來吃一下，這次大家都有各自想吃的，就沒有叫B仔涼粉，畢竟那麼大一盤，還是比較適合和朋友一起分享。但我仍是選了個什果涼粉來解饞，想不到水果也是滿滿當當的，根本就是縮小版的B仔涼粉了吧。除了B仔涼粉，雞翼尖也是這裡的招牌，重蒜味又帶點香辣，很刷嘴。還有其他一些甜品也有提供，味道也不錯。不過這次遇到的點餐姐姐的服務態度真的有待提高，一坐下來就問我們吃什麼，雖然明白或許是想要有效率，但並不是人人都對你們家餐牌倒背如流的，說先看看餐牌再點餐也不用先給我們白眼再走開吧。本來根據味道是應該給的，不過服務扣分，只能給ok了。…查看更多

每次來到元朗附近食完晚餐一定會留肚食B仔，不過有一間鋪搬遷左比較遠，所以去返返舊舖🕞輪後時間🕤超級好運唔洗排隊就有位🥢推介食品🥢1️⃣蒜蓉香辣雞翼尖濃濃嘅蒜蓉味再配搭辣椒🌶️真係「選」過不停，比起之前食開較得淡左，無甘辣，唔系好食得辣嘅朋友都可以一嘗滋味由於太好味又唔識飽一坐低就叫三碟，朋友唔夠喉重想打包多一碟返屋企2️⃣B仔涼粉拼西米露賣相震撼，水果都非常新鮮，鍾意食生果嘅朋友一定要試，再加埋花奶真系極品，不過份量有啲多，適合三五知己一齊食3️⃣芒果河粉呢個河粉都係必叫河粉好滑再配埋冰沙，絕！✨餐廳環境✨：光猛，比人一種好衛生舒適嘅感覺，由於太多捧場客，座位距離比較窄，有一點新貼身嘅感覺 🔆總結一下🔆：回頭率高，勝在多選擇，價錢又相宜，食物品質高，相聚好地方 …查看更多

這裏無時無刻都是非常熱鬧多人，無論是下午或是晚上！就算只是經過附近都會忍不住想起這裏，要不要坐下來吃一點小東西或者外賣回家吃呢！每次來這裏都會必點鮮果西米的芒果西米露和小食的蒜蓉香辣雞翼尖，價錢便宜又美味，果然是在元朗最出名的食店！他們的芒果西米露($36)，裡面的芒果簡直像是吃不完，非常足料，物超所值。就算賣$40幾，應該依然會要。另外友人要的西瓜西米露也是如此的非常足料！還有他們的蒜蓉香辣雞翼尖($19)，一份已有非常多隻，辣味和蒜味都十分突出，好像會吃上癮的。有時看到其他客人點這個小食時都是要很多份，他們應該是每人一份這樣的吃。如果外賣這份小食的大家，不知道會不會把醬汁都留起來呢？最近也會吃豬皮($19)，這個的醬汁是帶甜味的，與雞翼尖的蒜辣味都很好配搭！…查看更多

來到元朗少不了品嚐這間屹立許久的佳記甜品，價錢很貼地，選擇超級多，看到密密麻麻的餐牌就知道了🤩蒜蓉香辣雞翼尖 19最出名的就是這個雞翼好多隻才19，真的是元朗名物原本以為大蒜味會很重，吃完會有很重的口氣，但吃了第一隻後完全改觀，根本一點大蒜味都沒有，只有爆香後的蒜香，使用指天椒，一沾到嘴上就有刺激的辣，非常惹味，雞翼尖煮的入味又軟，皮一咬就化掉，非常讚爽滑腸粉 10（四條）這腸粉好便宜，而且質素比外面許多攤販都好，剪的短短的，沾甜醬、辣醬、花生醬和醬油，腸粉皮薄又滑，不會黏成一塊，軟軟的很好吃鮮什果涼粉 39另外附上一碗花奶，大大一碗兩個人都夠飽水果有西瓜、蜜瓜、火龍果和芒果，新鮮又爽甜涼粉切的厚厚一大塊，本身不會甜，加糖水來吃剛剛好，清涼很適合夏天…查看更多

🎐熊妹放假的時候就係周圍覓食的時候，今日就離開巿區去到元朗呢個美食天堂。📌黎到元朗，遠近馳名響噹噹的《佳記甜品》B仔涼粉一定係必食款喇！📌熊妹之前去開都係元朗又新街分店，因為地點方便啲，不過好似前排俾政府告話阻街而搬左，今次就黎到位於朗屏大坑渠側的《佳記甜品》總店，總店應該水準較高質素吧！📌總店鋪面就無之前又新街個間咁大，都係幾張橙色大圓枱圓櫈，環境就似大排檔咁簡陋少少，不過食客主要到此的目的都係為大大兜b仔涼粉而來，都應該不在乎環境配套。📌黑糯米、涼粉、西米露、布甸、黑珍珠、大菜糕、杏仁豆腐、啫喱，真係講啲出的糖水甜品都有，再配以各款新鮮生果，價錢非常親民，$20-$40，以今時今日的鋪租昂貴，咁的價錢真係絕無僅有喇。📌再來，當然係唔少得打嚮招牌的b仔類喇，仲有啲特色河粉，再做埋咸款小食類，絕對可以係度食餐飽。B仔黑珍珠，$84嘩！嘩！嘩！聞名不如見面的b仔甜品出場喇！真係非常震撼！一大兜的新鮮生果，有木瓜、大樹菠蘿、奇異果、罐頭桃、西瓜、哈密瓜、菠蘿、香蕉、荔枝、密瓜，簡單啲黎講，即係生果盆，仲有椰果、蘆薈同海底椰做配料，跟一碗花奶，想落幾就幾多。今次熊妹唔揀涼粉，因為怕太多食唔哂，揀上了黑珍珠，細細粒流質啲易入口。食呀食呀食呀，食極都食唔完⋯⋯食極都仲有⋯⋯再close-up一次，生果有木瓜、大樹菠蘿、奇異果、罐頭桃、西瓜、哈密瓜、菠蘿、香蕉、荔枝、密瓜，齊哂！📌食啲甜既又食啲咸喇蒜蓉香辣雞翼尖，$19馳名的蒜蓉香辣雞翼尖係《佳記甜品》咸食佳作。辣椒用上指天椒🌶，外皮已經滲透出攻喉的辣椒味，食到辣椒附近的雞翼尖就一定會嗌破喉嚨喇。雞翼尖的油脂沾上惹味的辣椒，仲有蒜蓉爆香的味道，果然一流！爽滑腸粉，$10見枱枱都叫一碟腸粉，熊妹當然唔執輸喇。十蚊四條腸粉就普通貨式，不過混醬食包無食，多啲麻醬多啲芝蔴，麻醬就溝稀左啲，杰稠啲好味啲。熊妹就麻麻地好甜醬，因為覺得味太濃會蓋過其他醬料的味道。📌大遠陸路黎到元朗一日遊，真係必到《佳記甜品》拜訪一下，以作悠閒假期的結束，🈵足。…查看更多

「佳記甜品」可說是早期的網紅店了，在未有網絡宣傳攻勢的年代，它已經是家傳户曉的名店。同時也吸引了很多遊客來光顧，總店分店經常坐無虛席。也許是主力做遊客生意，定價偏高。筆者的確甚欣賞「佳記甜品」的腸粉，入口真係非常滑溜。下單時，店員會詢問需要下什麼醬料；亦會在碟上獨立放甜醬辣醬。普通用滷水鹵製的豬皮。豬皮處理工序不算好，吃用時仍見到表皮上有毛頭。經滷水煮熬都頗入味，但不夠爽口。筆者曾經因爲這碟雞翼尖而經常到訪元朗，可惜事隔幾年再食，已經不是當年的味道了。不知是否人客太多而趕著出品，雞翼尖明顯不夠入味，蒜蓉味還可，辣味卻是不夠濃。…查看更多

本人都不是生得高大，但樓上閣樓雅座頂頭侷促，仲要求搭檯，超細迷您圓檯，貼牆圓檯已無左 3 份 1 空間，仲要坐 5 個成年人！我即時黑面問：您試下坐唔坐到？肥嬸答剛才都係坐兩個。剛剛兩個身材細粒，都坐得免強又辛苦，您有無腦架？肥嬸話知您，攞出一臉食就坐唔食就過主態度，掉頭走左去。比面朋友我照坐，坐到離檯成呎！寄人籬下，我息事寧人，算數！剛食完晚飯仲要飲果汁食生果及小食，會唔會太過份呀！食兩啖又要我清晒去，我都好飽食唔晒喇，盡晒力最後剩返涼粉，埋單又 $100 蚊，浪費食物、浪費金錢！蜜瓜奶，人家想飲豐胸木瓜鮮奶，但連木瓜都無，勁失望。甜甜的蜜瓜幸好不太膩滯，算清爽的。西瓜汁，不愛甜食的我走到甜品屋果汁係唯一出路。西瓜味清爽不太甜也不錯，但一啖飲左大半剩返少少囉。鮮雜果涼粉，吃不消太大兜，除左份量超多外，完全唔覺有什麼特別，有什麼好食呢。我地兩個都食唔晒，好浪費。有火龍果、西瓜、哈蜜瓜、木瓜、芒果、蘆薈、波霸珍珠、涼粉，平平無其，單調乏味，唔識欣賞。美味魚蛋，陳皮古法魚蛋喎，有兒時的味道，有魚味及咸香，嚥韌質地，不過不失。蒜蓉香辣雞翼尖，遠近馳名，個個爭相仿效，連朋友們都知道秘方了。總店辣度堅係勁過分店多倍，紅脣㷫㷫的，全身發滾，額頭晒汗，夠刺激夠晒爽，高潮迭起！辣汁滲透皮肉中，雞皮黏黏滑嘟嘟，一啜骨肉分離，連骨連肉齊齊趙，蒜香可口，辣味上腦好鬼 high！雷沙湯丸，小心燙嘴喎，黏黏的冒著煙，吹兩下微微降溫再緩緩放進嘴仔去！滾上花生碎芝麻砂糖甜甜的脆脆的，湯丸嚥韌充滿麵粉香又能將甜度中和一下，微甜感覺更良好。…查看更多

琴晚去元朗食晚飯未夠鐘，好衰唔衰肚餓之際經過B仔，雞翼尖控當然忍唔到口啦。雖然有好多住元朗嘅人都唔會食B仔，但我就偏愛雞翼尖，唔會食佢地嘅甜品，所以唔好問我B仔涼粉好冇食，我主要係食小食！7點幾鐘呢啲食飯時間，唔會好似平時咁人山人海。我都有一段時間冇黎食，原來已經加左價喇…加價都要食啦，我真係好鐘意佢地嘅雞翼尖。不過講真，係以前真係算賣得平，出面食親雞翼都廿幾蚊兜，份量差唔多。蒜蓉香辣雞翼尖 $17堂食同外賣爭好遠，有時外賣拎到番屋企，陣油鯨鬼哂，好趕客。堂食熱辣辣，好食好多。蒜蓉香，又夠辣，食完一碟都忍唔住encore多碟爽滑腸粉 $9/4條；魚蛋 $9/8粒講真，我覺得佢地嘅腸粉其實幾滑溜，偏幼身，唔會有粉感。魚蛋非常普通，過下口癮。食完辣野鹹野，點都會口渴，純粹為解渴，我地會點西瓜冰。西瓜冰 $25唔會好甜好假，接受。餐牌：…查看更多