Dai Mon Yokocho (Shantung Street)

調味料同茄子一啲都唔夾  分量少  完全比張特色燒茄子調味料同茄子一啲都唔夾  分量少 完全比餐牌呃左😓可以話係失望 豬頸肉都係肥肉 烏冬既大蜆洗唔乾淨 仲有沙又臭 個茄湯本來應該都幾好食 但比個蜆搞臭左 得燒蟶子係好食 炸物都炸得好香…Read More

八點幾九點喺旺角買完嘢，又要搵地方醫肚，星期五晚嘅旺角真係寧舍麻煩，周圍都要排隊等位，唯有行離最旺嘅區搵食，行吓行吓行到去麥花臣見到有得食串燒就試吓啦。雖然門口得幾個人等緊位，但都等咗成十分鐘先入到去坐，入到去又逼逼哋，空間唔算大，但檯就密質質，坐得唔係太舒服。睇餐牌成張密密麻麻，但其實好多嘢都係一樣，只係唔同湯底或者醬汁。因為食咗下午茶又唔太餓嘅關係，我哋兩個人就只係叫咗一個豬骨湯牛肉拉麵，再加幾串串燒。拉麵首先嚟到，合格啦，無咩特別，啲牛肉肉質有少少韌，湯底都可以嘅。點知食完碗麵，坐多10分鐘，仲係一碟串燒都未燒好，真係燒太耐，頂唔順要催先好快嚟咗個蟶子，蒜蓉燒海鮮就點都正㗎喇，啲蒜蓉都食曬一粒不剩。之後幾串肉都好食嘅，個人比較鍾意韓醬汁燒，少少辣食到好過癮，最後埋單三百幾走人。大門橫丁整體來講食物質素都唔錯，但環境同服務都麻麻，最可惡係串燒真係要燒半個鐘先食到，希望遲吓會有所改善啦。…Read More