Let's Gather (Closed)

喺富榮呢個位開串燒店都好新奇🤣一於就試下啦😛香燒孜然韭菜（$16）👍🏻好重孜然粉味😎所以好惹味🤔仲有啲菜汁一齊食到🤩唔會燒乾曬，所以都好淋👍🏻極尚鹽燒牛舌（$38）👍🏻頭兩嚿好爽口好正！但食最後一舊有啲筋，個口感就差少少～而且咬落去都多肉汁，有鹽味但未去到好鹹😎🙌🏻老北京牛肉串（$22）👍🏻牛肉嫩滑🤩仲保留到肉汁好正🤤唔係好識老北京味係咩味😂但都幾好味😋新疆烤羊肉串（$28）👍🏻有羊羶味亦都有啲筋～所以會有少少韌但同樣都有肉汁😋而且夠孜然粉味！係新疆嘅感覺！🤣山椒燒豬頸肉串（$26）👍🏻山椒味嚟講，係有柑橘清香🙌🏻即係有啲檸檬嘅酸味～但冇麻辣嘅味🤔都好食嘅而且燒得有少少脆😋😋鹽燒魷魚串（$22）有啲細條，但都燒得好香，有淡淡嘅鹹味。建議叫鹽燒原條大魷魚，感覺可能會抵啲🫠蒜蓉燒原條茄子（$48）👍🏻正常發揮🙌🏻夠大條！而且調味足夠～話梅燒菠蘿（$18）菠蘿夠甜～～但話梅味唔出🤔要到最後有啲回味嘅時候先感覺到啊🫥📍總結：-有少少食唔飽🙈-冷氣太凍🫠啲嘢食好快凍咗，所以要盡快食～-男老闆（？）有少少烏龍😂😂成日落錯單又唔知上緊碟串燒係咩肉😆😆不過大家係街坊都好易話為…查看更多

大角咀地大物博，大胃成日都蒲頭，偏偏好少發掘富榮花園嗰頭，因為真係太邊邊喇！不過正因為少去，今次又發現到街坊打躉點呢間串燒店平平無奇，但都有啲驚喜位好似呢份茄子，賣相方面好認真，切到好方型，茄子肉好綿，容易撕又香口雞軟骨餃子外脆內熱，裡面好有雞肉香，有少少咬勁，好快咗chur一聲就清晒冇諗過牛舌都可以煮得咁彈牙，而且牛味十足五花腩冇改錯名，真係燒到好香脆羊肉串嘅孜然味好突出，極具民族風味如果係燒蠔，蒜蓉絕對係佢嘅伯樂，蒜味經高溫融入蠔肉當中，與其鮮味相得益彰胃民極度熱愛燒菠蘿，見到話梅味更要返一碟，燒到唔濕身，成功鎖水喺裡面，所以啲話梅粉可以保持乾爽大胃第一次食生醃螄蚶，原來呢味係潮州名食，啲螄蚶肉勁滑勁過癮，送酒一流食串燒一定好頸渴，呢間嘅飲品都係大大杯成功食完成餐，都仲未飲晒，相當抵嗌…查看更多

星期日放假成日去大角咀搵食既我，今次走到入去富榮花園食串燒。各位朋友仔去大角咀除左去果幾條食街之外，不妨行多幾步入黎試試呢間又平又好味既串燒店。店內有好多坐位，可以一班好友"一起" 食串燒。重點推介：蒜香清酒烤焗活蜆$68餐廳推介叫我食，好彩答應佢叫左黎食，真心真係整得好好。蜆肉大隻肥美，完全無沙，清得好乾淨。真係食到香酒味，我好鍾意，下次再黎食一定會再叫呢個蜆。蒜蓉燒原條茄子$48好味，配蒜蓉無得輸！香燒孜然韭菜$16，川燒翠玉瓜$16韭菜嫩，翠玉瓜燒完依然充滿水份。鹽燒鹿兒島一口豚$32鹿兒島豚肉燒得剛剛好，肉質保持軟嫩。麻辣手拍青瓜$28唔食得太辣既我接受到。孜然燒雞中翼$24燒雞翼！我鍾意食！當然係燒得好香口啦。鹽燒虎蝦$28，炸雞脾肉串$18，蜜糖燒台灣腸$18，鹽燒雞軟骨2串$28，山椒燒豬頸肉串$26，汁燒脆邊五花腩$18個五花腩真係燒到脆脆的，雞軟骨好味岩我心意，其他都好好。叫左咁多都只係3百幾蚊，真心好抵食。…查看更多

朋友住係”奧運站”附近，話帶我去食間好味嘅串燒小店，我初初以為行錯路，去錯左個屋苑內(富榮花園”，點知行入少少就見到間小店。門外見到除咗做串燒外，仲有飯類、小食、臭臭粉同湯麵等，都有好多選擇店內坐位唔算太多，剛剛晚上6點入座可以有卡位坐串燒餐單選用自助形式，鍾意食乜就自己慢慢選慢慢揀1. 凍大杯檸茶($25)，真係好大杯，檸檬片又好多，食串燒除咗飲酒外，飲凍檸茶都好夾2. 極尚鹽燒牛舌($38)，牛舌上有金箔，成件事顯得好矜貴牛舌燒得好Juice。3. 麻香蒜芯苗($14) 蒜芯苗來貨靚，入口好柔嫩，配上麻油十分惹味4. 老北京牛肉串 ($22) 好香孜然粉味，牛肉同樣燒得十分Juice5. 百里香燒雞肉串($18)，雞肉嫩滑多汁。6. 蒜蓉燒原條茄子($48) 少少辣，多多蒜蓉粒，茄子燒得唔乾，好汁好味，兩個人share 真係唔夠分，因為太好味7. 肉桂燒菠蘿($18)，三件菠蘿入口多汁，清一清味蕾可以繼續再食8. 汁燒脆邊五花腩($18)，每塊五花腩邊入口都係好脆，五花腩入口好有油香9. 新疆烤羊肉串($28)，羊肉羶味，10. 山椒燒豬頸肉串 ($26) 邊位燒得香脆11. 蜜糖燒台灣腸 ($15)，燒得外脆內熱唔乾身12. 燒瑞士風味蔥油腸 ($26)，入口啖啖蔥香味，鍾意食蔥一定冇錯過13. 燒五香豆卜($12)，外皮燒得脆口，內裡唔乾身。整體來講，串燒食物水準高尚，價錢親民，同朋友「一起」相聚食嘢同傾談嘅好地方，值得一試再試，一聚再聚…查看更多

在奧海城附近意外發現到間街坊串燒店🍢串燒種類都幾多仲可以小酙一杯價錢又唔算貴之餘味道唔錯\( ´ω` )/好多街坊都買外賣便當🍱午市仲有肉燥飯.葱油飯.臭臭粉等.▫鹽燒雞軟骨 $28/2串雞軟骨調味剛好 燒得爽脆可口▫鹽燒熊本和牛串 $48有肉汁之餘肉感滿滿▫極上鹽燒牛舌 $38牛舌厚度和韌度都剛好 帶濃厚的牛香🥰▫鹽燒鹿兒島一口豚 $32油脂感剛好 燒到微焦 味道好香口～▫山椒燒豬頸肉串 $26豬頸肉燒至外脆內嫩 山椒味有啲似麻辣 個人蠻喜歡▫話梅燒菠蘿 $18好鐘意食燒菠蘿🍍好甜juicy!店家仲好特別用左話梅燒 味道更香😚▫蒜蓉燒原條茄子🍆 $48串燒必點🤗 落足蒜蓉同葱花好惹味!▫蒜蓉牛油焗金菇 $32滿滿蒜香的金菇 焗完之後更入味🤤▫凍果茶 $25大大杯百香果茶 酸甜酸甜適合消暑解膩(๑˃̵ᴗ˂̵)…查看更多

呢間小店位於大角咀，距離奧運站大約10分鐘, 沿途覺得幾舒服🍃一入店覺得環境都算企理，食物方面提供港式茶餐廳食物同串燒選擇，當日晚市時間去，見到有唔少街坊堂食同買外賣🥡 ✤//極上鹽燒牛舌 $38//牛舌燒得唔錯，雖然唔係厚切，但亦唔算好薄，口感有啲煙韌，味道幾香✤//老北京牛肉串 $22//相比之下更加鍾意食呢個牛肉串🤎 牛肉好軟冧 ，生熟程度適中，推介🙂✤//鹽燒虎蝦 $28//肉質都彈牙，但係以為會大隻啲✤//燒味淋雞泡魚乾 $48//呢個好味，有日式居酒屋嘅質素😝 個人覺得少甜會好啲，但係朋友好鍾意❤️✤//山葵章魚串 $28//呢個都好推介💕 章魚細細粒，口感煙韌又唔會好難咬，加上燒過嘅wasabi味道好濃郁好香😋✤//蒜蓉燒原條茄子 $48//賣相非常吸引，茄子都好大條，調味好香蒜味同孜然粉味🧂但係有啲油膩，建議同幾個朋友分享👨‍👩‍👧‍👦✤//話梅燒菠蘿 $18//菠蘿好香甜，唔錯👍🏻✤//香煎豬扒湯米線 $52//豬扒幾厚切，肉質同樣Juicy軟冧🐽✤//凍大杯檸水 $25//都幾大杯，叫咗少甜，清清地幾解暑整體覺得食物質素唔錯，如果喺附近度可以試吓😊⋆ ⋆ ⋆ ⋆ ⋆🐽 Overall : 7/10🐽 Revisit : Maybe…查看更多

小店位於大角咀海庭道8號富榮花園8座8號地舖，三個8字，非常容易記。餐廳午市主要供應飯類、湯麵、小食和臭臭粉，但到了晚市則主攻串燒。串燒的種類有四十多種款式，有肉類、海鮮類、蔬菜水果類、丸/腸類、還有幾款小食可供選擇，價錢親民貼地，外賣串燒更提供88折，價錢更優惠。極尚鹽燒牛舌（$38）厚切的牛舌燒至剛熟，有嚼勁但又不過靭，上面還點綴了一小片金箔來突顯極尚的名字。鹽燒脆雞皮（$28/2串）薄薄的雞皮串，燒至脆卜卜，入口香脆並帶點雞油的香氣。鹽燒雞軟骨（$28/2串）雞軟骨一口一粒，軟骨部份口感彈牙鬆脆，佐酒一流。孜然燒雞中翼（$24）雞翼的外皮燒至金黃香脆，肉質鮮嫩，灑上孜然粉令香氣倍增。新疆烤羊肉串（$28）羊肉粒同樣添上孜然粉，令羊肉串添上濃厚的香料味道之外更可以辟去羊肉的羶味。山葵章魚串（$28）章魚粒加入了山葵，山葵的獨有氣味雖然有點嗆鼻，但十分醒神。燒五香豆卜（$12）豆卜燒至外脆內軟，五香粉調味令本身無味的豆卜增添味道。麻香蒜芯苗（$14）蒜芯苗燒至熟透，令蒜芯散發出甜味。蒜蓉燒原條茄子（$48）原條茄子開邊平放，加入蒜蓉、辣椒碎、蔥粒、孜然粉等，夾起上來一絲絲，惹味又滋味。話梅燒菠蘿（$18）新鮮的菠蘿塊上面撒了少許話梅粉，鹹酸的話梅粉令菠蘿的甜味提升。可樂（@ $10）Menu Interior …查看更多