Arashiyama Japanese Restaurant

朋友今晚帶我食好野，話係好正中的日本料理。嵐山日本料理位於尖沙咀棉登徑內，係K11附近，所以並不難找。店內有吧枱及長枱，我們7點到，差不多已經滿座，所以好建議訂位。首先，我們叫左刺身三文魚刺身$38/2件、油甘魚刺身$68/2件、甘蝦刺身$78/4隻刺身鮮甜新鮮，三文魚好厚身，不用沾任何醬汁也有自身甜味。池魚皇$48/件、鯛魚$20/件、金目鯛$58/件池魚魚肉較爽口，加上少許薑，令鮮味更出；肉質厚實，本身魚油不多，加了蟹籽及蔥令魚味更出；細膩肥美的金目鯛，普通加上醬油已經足夠。蒜片安格斯薄燒$148店員推介是招牌菜，安格斯牛味濃郁，包著大量蒜片香蔥，點少少醬汁，食到舔舔脷。肉片下面的芽葉吸了牛肉汁的精華，牛肉肥瘦適中，加上醬汁一吃更美味。串燒日本黑豚肉$38、免治雞肉棒$28、蘆筍$28。燒物火喉控制得好，豚肉及雞肉棒燒得夠嫩，再配上生雞蛋黃鼓油，令肉質更滑。煎沖繩餃子$58餃子外皮煎得脆卜卜，內裡肉汁很多，很juicy!手打泡菜黑豚肉石頭鍋烏冬$118一點點辣的湯帶有一點甜味，可以當湯入一大碗。加入打半熟蛋拌混連手打烏冬吃更爽口彈牙。總括黎講，雖然有小小貴，但是物有所值，食物夠新鮮，味道不會偏淡或偏咸，質素令人驚喜，值得啊！而且好日式建築感覺，餐廳有bar枱亦有餐桌，好岩朋友聚餐。…Read More

今天到尖沙咀K11行街，行到有點攰了，記得棉登徑有好幾間餐廳，便過去看看，選擇了這間」嵐山日本料理」。店內都已經快座滿了，吧台還有位置，正喜歡座在吧台。座低後，店員送上平板看菜單，簡潔清晰。刺身：鯛魚刺身 $48用串串上，幾有新意，火炙過表面，好厚身，口感好煙韌。二切鰤魚刺身 $98鮮甜嫩滑，配上胡麻醬也不錯。壽司：蟹肉蟹膏魚子帆立貝壽司 $56輕火炙過的帆立貝，上面還配有蟹肉、蟹膏和魚子，配搭新鮮，味道夾。拖羅蓉甘蝦壽司 $64用上赤醋的壽司飯更高級，拖羅蓉配甘蝦，互不搶味，很不錯。牛肉份量多，芽菜鋪滿底還有炸蒜片、配上燒烤醬，有辣有唔辣，蘸上一點很有風味。鮑魚用刀處理過，火喉燒得正好，入口好腍，一點不韌。串燒安格斯牛肉，汁香味濃，牛肉味香，表面更灑上芝麻，不錯。熱辣辣，份量足，菌類蔬菜新鮮，上面撒上木魚碎，調味正好。賣相吸引，石鍋上能保持熱度，上面鋪滿紫菜，還有只窩蛋，拌勻後滿滿蛋香，整體汁潤，味道豐富。…Read More

剛剛去完日本旅行回來，已經好掛住日本的美食，同事說嵐山日本料理質素唔錯，就一於去一解思鄉的愁緒。嵐山日本料理位於尖沙咀棉登徑，在尖沙咀N1出口行數分鐘就到，好方便。店內環境舒適，可以選擇坐吧枱或普通枱，我今次選了吧枱，可以一路食一路見到師傅烹調。店員推薦了幾款時令刺身，刺身來到果然新鮮，片片都立立令的。中拖羅刺身是超厚切，油脂四溢，入口即溶。鰤魚刺身也是超厚身，魚味濃郁，入口細膩。銀雪魚刺身第一次食好特別，好肥美，入口幼滑帶點爽。赤貝刺身好鮮甜，入口爽滑。左口魚刺身薄切，切得薄得透光，師傅的刀功盡顯，蘸些蘿蔔蓉酸汁，可帶出味道較清淡的左口魚，又是另一番風味。壽司是即叫即握，手握的壽司握得軟硬適中，而且飯粒分別，正。帆立貝厚身新鮮，配上濃滑的吞拿魚蓉，好配合。油甘魚厚身肥美，配上入口即溶的海膽，也好配合。蟹膏壽司內的蟹膏是一梳梳的，蟹膏味濃郁，配上卜卜脆的蟹子，口感豐富。串燒煙肉廣島蠔，廣島蠔隻隻都脹卜卜，配上燒得香而不肥膩的煙肉，正。串燒免治雞肉棒啖啖肉，醮上生雞蛋豉油，入口有香濃的雞味外還使免治雞肉入口滑溜。串燒蕃薯仔好甜，外脆內軟。蒜片安格斯薄燒，安格斯牛味濃郁，包著大量蒜片香蔥，食到舔舔脷。…Read More

作為日本控既我，今晚與朋友們聚聚，我們選擇了到尖沙咀食日本料理「嵐山」！一入店內，職員很迅速安排吧檯座位給我們！我覺得職員很友善，而且座位很舒服！左口魚刺身薄切： 每片刺身晶瑩剔透，雖然薄切但鮮味濃，配上店內特制的醬油，令我吃到津津有味； 中拖羅刺身： 厚切但入口即溶，而且充滿如有香的味道；銀雪魚刺身： 厚切，雖然銀鱈魚含油量較高，不但不會油膩，而且銀雪魚的香味較突出；北海道帶子刺身： 有很肥美的帶子，肉厚味甜，很新鮮，很爽口很彈牙。這餐日本料理店的CP值很高，是不可錯過的選擇，有機會我一定會再光顧！…Read More

今晚同朋友到嵐山食好D食豪D。7 點鐘到，餐廳都已經差唔多爆場，好彩預早訂位，仲提供了一早要求的Bar 枱，正。鍾意Bar枱原因是可以近距離見到各款新鮮的魚生，又可以同廚師有互動。餐牌是用平板電腦的，感覺比較高級。未開餐，廚師先給我們開胃的前菜沙律，沙律菜好新鮮，食落索索聲。刺身就更係要選擇新鮮而又時令的，廚師推介左口魚薄切，中拖羅，銀雪魚及北海道帶子。刺身好新鮮，好肥美。左口魚刺身薄得透光，食落爽口，配上特別的醬油，好味。厚切的中拖羅及銀雪魚的魚油十足，入口即溶。煎銀雪魚就食得多，刺身都係第一次嘗試。帶子厚肉鮮甜。壽司有蔥花吞拿魚蓉及鰤魚壽司，好耐無食到有脆身既紫菜，要讚呀! 壽司飯亦已經調左味，所以完全唔需要點醬油，好味。串燒有鮑魚，銀杏同黑豚肉。鮑魚大隻爽口，燒完都不會縮水。黑豚肥瘦均勻，燒得香口，鍾意有脆邊。銀杏配上木魚絲，好味。蒜片安格斯薄燒，安格斯牛燒得剛剛好，肉身不會太老，仍然嫩滑，再卷上大量蔥花及蒜片，仲有大量芽菜墊底，一齊食就prefect 啦!餃子皮薄肉汁多，點上酸酸的醋汁，一個人可以食一客呀!最後更係要湊下米氣，叫了一個海膽炒飯，兩個人份量剛剛好。雖然只簡單用上海膽，雞蛋同蔥花炒，但香氣十足，飯粒炒得粒粒分明，炒得乾身，一大碟好快被清光。今晚每人食左600幾蚊, 食到新鮮時令既刺身,間唔中對自己好少少都值得的。…Read More

同朋友一時興起，相約去棉登徑食日本料理先黎刺身，我地叫左中拖羅刺身、池魚皇腩刺身、赤鯥刺身，北海道帶子刺身和甘蝦刺身，件件都好鮮甜，特別是厚切拖羅，十分肥美！另外，值得一讚的是，刺身師傅貼心地幫我地分開2盤上至於壽司，選擇左「季節限定推介」的金目鯛刺身壽司、牡丹蝦壽司和秋刀魚壽司！同樣鮮甜美咪，秋刀魚壽司更是入口即溶，正！到熟食，叫左蒜片安格斯薄燒，薄薄安格斯牛肉包住香脆蒜片及香蔥，真的一試難忘串燒豆腐，滑滑豆腐加上甜甜燒汁，超值之選煎沖繩餃子好多汁，唔會乾，但個人偏向喜歡外皮煎脆一點！燒油甘魚頭，好多肉，肉質好滑，加上燒得好香脆，配上檸檬汁，一流！黑豚石頭鍋飯，用料足，份量大，而且夠晒熱，將溫泉蛋拌飯一齊食，配上牛肉燒汁，夠香又唔會乾！總捨而言，「嵐山」是值得推薦的高質日本料理！…Read More

Blue Monday 的晚上，來到位於尖沙咀棉登徑的嵐山，門面係木質招牌配上大大個舖名，霸氣十足。入座後店員隨即送上熱茶及餐牌，主要餐牌是以平板為主，亦有紙張Menu介紹時令食物。食日本野就一定要食刺身同壽司。我們坐在刺身部的正前方，可以欣賞到師傅聚精會神咁為我地準備食物。先來刺身，有中拖羅、池魚魚腩、北海道帶子、赤鯥刺身同甘蝦刺身，每一件都好高水準，超級肥美，好新鮮，特別係中拖羅，超級厚身，入口有好鮮香的魚味。赤鯥肉質鮮甜，嫩滑，油份豐腴，而北海道帶子中間包左一層紫菜，第一次食依個造法，好特別，好有口感。之後點左三件壽司，分別係金目鯛、特丹蝦和空運直送的秋刀魚，秋刀魚壽司入口即溶，而甜美的魚脂留在口中~金目鯛的魚脂與肉比例均衡，肉質細嫩肥美，味道鮮甜，口感爽滑，一試難忘。串燒豆腐外面黃金色，內裡又熱又滑，配上醬料，特別滋味。煎沖繩餃子一份5件，皮煎得脆又唔乾，餡料飽滿又多汁，很好。燒油金魚頭，平時出邊都係食開三文魚頭，燒油金魚頭燒得甘香，魚肉嫩滑，不錯。蒜片安格斯薄燒，依個真係好好味，安格斯薄但燒得油香，肉質豐富，軟腍入味, 包住蔥和炒得金黃色的蒜片，非常可口，連配菜芽菜都徹底吸左安格斯牛味，食到停唔到口。仲有個黑豚石頭鍋飯，有流心太陽蛋漿、濃香薄切黑豚肉，味濃又帶點甜美，口感唔錯。食左個咁豐富的晚餐，好滿足。…Read More

放工時間同朋友同事喺K11附近行下街, 去到呢條街棉登徑都幾多野食, 經過門口見到嵐山裝修都幾靚幾日式咁再睇睇門口果D推介美食, 價錢都算合理丫, 就入去食飯喇一入到去就見到門口位置有張吧台, 鍾意望住人地煮野食既可以坐呢度座位都幾寬敞企理電子餐牌比傳統餐牌好佢唔會因為太多選擇單而令到本菜單過厚壽司盛同刺身盛會抵食過散叫, 不過如果有D款式唔鍾意食既話再睇番散叫MENU黎揀都OK既叫左幾款刺身, 有北寄貝, 赤貝, 大拖羅同埋港人至愛既三文魚, 塊拖羅入口即溶架北寄貝新鮮即開, 顏色鮮豔之餘, 肉質極具彈性汁燒鮑魚都燒得好正架, 燒到剛剛好有脆邊口感, 但唔會太乾身, 仍然保留住鮑魚汁既鮮甜味再黎個甜蝦蓉香芒卷, 中間放一小塊芒果, 配上爽口生菜, 卷面先放甜蝦同蟹籽, 個感覺好refreshing, 大家都唔會搶晒浸味, 你會分辨到芒果同蝦味蒜片安格斯薄燒, 一小塊香脆蒜片, 加上少量香蔥, 令安格斯牛既肉味更加濃郁手打海鮮石頭鍋烏冬, 好豐富種類既海鮮, 食到最後連個湯都飲埋, 蘊含住多種海鮮既精華, 實在太鮮味喇最後食埋個一口芝士作ending甜品, d芝士好熱小心燙咀, 拉絲拉到好長…Read More

朋友介紹去一間尖沙咀的隱世日式小店食晚飯，當然要應約！店址在大商場後的小巷，不算起眼，但平日夜上去到竟然座無虛席，人氣很高。店內座位比想像多，坐吧台位可以看到師傅烹調，頗有日本屋酒屋風味。新鮮的海產絕對是這裡的主角，店內用ipad點單，方便又環保。沒想到前菜已經很驚喜，日本南瓜又粉又甜，蒜頭爽脆而且不辛辣，完全改變了我對蒜頭的印象。刺身很新鮮，油金魚較肥美，金目鯛肉質彈牙。帆立貝超厚肉，不只鮮甜，食完更有黏口的感覺！壽司同樣新鮮，醋飯黏糯，不會一拎就散。喜之次灸燒後充滿油脂，好香口。海膽又甜又creamy，推薦！安格斯薄燒牛味濃，肉質燒完都保持到肉汁，肉入面夾左蒜片和香蔥，味道更豐富。炸紫薯餅中間夾了栗子，熱辣辣又香脆。泡菜黑豚肉烏冬湯底好濃郁，唔會過辣。烏冬份量唔少，質感偏軟但不會過淋，夾埋濃湯一齊食幾惹味。價錢雖然唔平，但食物新鮮質素高，朋友果然冇介紹錯👍🏻…Read More

這天去完好友為流浪貓狗籌款的畫展， 在附近找家餐廳吃晚餐。選擇數月前惠顧過的嵐山日本料理。上次來是吃午餐，印象中有多款午市定食選擇，味道也不錯。今晚選了刺身、牛肉薄燒和豚肉鍋 。吞拿魚刺身入口溶化 。三文魚剌身肥美 。鯛魚刺身肉質透滑，味道鮮甜。薄燒牛肉 $148 薄滑而沒有渣的牛肉片，捲著炸過的蒜片和大量香葱。泡菜黑豚肉石頭鍋烏冬 $118黑豚肉稔香有肉味 ，溫泉蛋滑嘟嘟，烏冬吸收了辣度適中泡菜湯底，軟滑惹味。 青檸梳打 $38嚟一杯冰凍的青檸蘇打 ，解暑解辣，又可以清洗味蕾。這出品唔錯，女侍應們服務又有禮，這頓晚餐感覺滿足!…Read More