尖沙咀 古惑仔漫畫主題冰室❤️玩味特色飲品😍招牌黑金烏鴉今日玩懷舊風，去咗近排網上好Hit嘅一間餐廳📸 位於尖沙咀The One對面🤣試吓佢哋嘅晚餐同埋飲品質素黑金烏鴉（黑松露乳鴿）呢間餐廳嘅菜式名稱都好特別😅好似呢隻黑金烏鴉咁其實係黑松露味嘅乳鴿。個皮係黑色嘅，其實係淡淡的黑松露味。而且搽咗少少金箔點綴✨，令到成個菜式升華咗唔少。乳鴿嘅味道正常，而且有少少嘅肉汁，重點個賣相係幾靚，而且調味方式亦好特別👍🏻蔣天生炒骨（菠蘿🍍生炒骨）$88呢碟菠蘿生炒骨，外皮好香脆，而且唔會過口。排骨尚算有肉汁，不過每舊都有骨頭🦴，鍾意啖啖肉嘅你哋就可以試吓其他菜式啦🤣調味方面發揮正常，特別欣賞佢哋用新鮮嘅菠蘿🍍分量亦好足👍🏻京蔥爆牛佬$88 （小編推介）估唔到個名平平無奇嘅，反而最有驚喜😍呢碟菜非常惹味，而且食得出係新鮮牛肉，炒得啱啱熟，軟腍入味，帶少少微辣🌶而且份量好多😋😋回鍋肉炒花仔榮🥬（福花） $88呢碟味道偏辣，有幾隻辣椒🌶️喺度，餸飯一流。特別一陣係佢嘅福花處理得幾好，識落爽脆，而唔會過硬。醬汁惹味🥰細細粒泡泡🍸（雜果草莓🍓馬天尼） $108視覺效果滿滿嘅飲品一定係呢一杯細細粒泡泡啦😍成件事好有少女心，不過個泡泡持續左不多於1分鐘，所以要打卡嘅你哋記得相機食飲啦🤣📸草莓中和左馬天尼嘅苦澀味💕成杯飲品味道酸甜酸甜，酒味幾重架十三妹（煙燻威士忌🥃） $108另一杯打卡飲品就係呢一杯十三妹啦🥃入面有檸檬🍋蜜糖🍯同埋有煙熏味道，雖然係威士忌，但反而冇上一杯咁苦🤣比較易入口啲，酒味唔會太濃，仲有少少甜味，如果又想打卡，又想飲淡味啲嘅，呢杯就啱你喇！😍環境方面，毋庸置疑呢一間餐廳嘅裝修非常有特色，如果係古惑仔漫畫嘅fans一定好鍾意❤️就算唔係佢哋嘅fans，佢哋嘅裝修擺設都非常用心，成間餐廳都有好多打卡嘅位置📸例如門口，走廊，座位，仲有一間VIP房係更加有特色嘅裝修😂員工方面，員工嘅態度都幾友善，鍾意同唔同嘅客人傾偈🤣佢哋嘅制服都係有古惑仔嘅特色㗎，如果你哋想知嘅話就去餐廳睇吓啦💕總括而言，呢間主題餐廳🍴嘅環境同埋食物質素都幾滿意，而且佢哋嘅裝修好有特色👍🏻，位置亦都容易搵，雖然小菜價錢中上，但係份量都幾足。如果想平平哋試吓呢一間餐廳🍴想打下卡📸，其實食下午茶都可以㗎🥰有興趣就試吓啦💕…查看更多
