Cafe Terceira (Closed)

澳門一向是我的後花園，只需花費一二千元便可訂間心儀酒店渡過兩至三天悠閒假期；並且四處享用當地美食，確實一樂也。而今疫情關係世界各國皆封關，惟有阿Q精神找間葡國菜的餐廳當作一解思念情懷。時代廣場十三樓原來有間食葡菜食館，其裝修令我仿似置身於澳門。而餐牌上看見二人乳豬套餐正是我懷念的葡式食品，毫不疑地落單。是日餐湯(南瓜忌廉湯)買相OK,味道一般沒有太大驚喜。小食拼盤拼盤有辣蝦柚子沙律、墨魚球、芝士馬介休薯球和芝士脆豬包各二件。兩種丸子炸得金黄，買相吸引。墨魚球爽口彈牙，咬落好多墨魚肉。而薯球用了馬介休和芝士，有鹹香魚味和芝士味。爽脆鲜蝦配上些微辣椒粉能提升食慾。沙律菜亦新鲜。乳豬件乳豬以各種香料醃製，味道唔錯。以燒烤烹調不但能鎖住肉汁，咬落嫩滑唔鞋口；最重要是皮脆香口，配埋D醬汁十分惹味。蝦子松露意粉醬汁以蝦子松露調製所以味覺非常濃郁，意粉亦好有口感；混埋一齊來吃是唔錯組合，不過一定要熱食否則便會感覺會好漏。葡撻撻皮鬆化蛋味香，上面焦糖不會太甜是我喜愛。熱情果疏打甜甜酸酸的熱情果和冰凍疏打水混合一起清凉解渴，亦能舒解一下濃郁嘅味道，不致太滯口。…Read More

現在疫情末過，除了在家煮就會叫外買；但往往都揀中式、西式、甚至會幫襯粥麵舖。今次偶然見到時代廣場十三樓有間以葡菜做買點，突然勾起以往經常去澳門找美食的日子；一於入內嘆番個葡式精選下午茶餐。這個下午茶套餐售價$168，是二人價錢收費合理。大大個芝士咖哩牛肉包採用脆猪仔包，外脆內軟。本來咖喱已很惹味，再混入芝士特別濃耶；夾上牛肉來吃與傳统澳門豬排包別有一番風味。葡撻撻皮鬆化蛋味香濃，面上的焦糖味美；最重要是不會太甜，是我的至愛。芝心薯仔馬介休球炸得香脆，內裏薯蓉軟綿綿混入芝士和小小馬介休食落唔覺滯口。沙梨頭手打墨魚餅用料算足夠，非常彈口是唔錯的小食。椰香奶凍是惟一的甜點，椰奶味濃郁很香很滑；甜度適中，有意外驚喜。因這個是二人餐，除了個包外其他食品皆有兩件和包一壺花茶；但可惜因外買只能提供兩杯飲品。…Read More

星期一約了幾位朋友吃飯, 在銅鑼灣時代廣場食通天隨便找找, 見到"澳門"就突然很想吃葡撻!! 很久都沒吃了餐廳很有格調, 是西式的裝橫, 坐下我很快就想好要吃葡撻、豬扒包!!紫玫瑰花   : 最近要養生, 晚上又不敢喝澴茶, 所以點了紫玫瑰花 , 超級多玫瑰, 壺嘴很小, 不用擔心玫瑰花會倒出來~ 葡撻 : 我最喜歡就是它上面甜甜的焦糖面, 蛋撻滑, 有焦糖香, 吃完想再多吃一件~豬扒包 : 份量很多!!! 原來還有薯角, 一定要跟朋友分享! 豬扒有肉汁一大塊, 麵包乾身很脆另外還點了椰香雞湯米  : 要快點吃, 因為米粉是比較吸收水份的, 放久一點會變成"撈麵" , 湯汁充滿椰香, 很邪惡>< 上面有一些油條片, 即刻吃盲可以又有點脆, 又吸收了椰香。雞件也挺多份量!強烈建議要跟朋友分享, 每個菜分量也不少, 吃了葡撻又勾起我的心癮, 經常想再吃~…Read More

 澳門葡菜,香港很少,近乎沒有今年銅鑼灣有一家價位略貴,但整體水準唔錯小島‧澳門菜 Café Terceira 收得貴,但份量相對比得多有豬扒包,海蟹皇粥,椰香雞米,烤乳豬煮青口,馬介休等 我個人最喜歡椰香葡國雞可配飯或包汁香濃郁帶椰香,不辣醬汁濃郁雞肉無骨嫩滑 配白飯一球 焗飯天價焗豬,但用靚豬排,厚切,加上炒飯底,番茄醬汁,芝士香草等等焗起來香濃而乾爽,豬扒厚切吃來有質感甜品當然食葡撻有朱古力味原味等等也不太貴$14起一隻 酥皮葡撻 $14酥脆口感加上焦糖甜香,嫩滑蛋漿,極之出色比起澳門名店更好吃咸檸七  豬扒厚切肉嫩有質感椰汁葡國雞配飯無敵好吃…Read More

印象中葡國菜只有葡國雞，豬扒包原來唔係，尼間小島葡國菜，帶來新鮮葡國菜.絕對要你一試難忘.雙十一要同朋友行街食飯.決定左來銅鑼灣順便行下街.環境裝修唔錯.周圍都有澳門式藍色瓷磚點綴.都幾乾淨光猛.門口有櫃位，擺左葡撻同木糠布甸.兩樣都係尼間襆頭主打甜品.一定要試，我兩樣都試左.都幾出色.唔知道係有心定無意.尼間鋪好多菜色都用葡式乳豬代替左豬扒.例如係乳豬扒包乳豬扒飯.見樣都幾吸引.嗌左野菌乳豬牛油焗飯.西洋腸炒雜菜.驚喜位：盲曹魚伴花甲.兩杯飲品.熱情果蘇打.同洋甘菊.熱飲.乳豬飯未隔遠已經聞到牛油香味.面頭有四舊厚切乳豬.皮超脆，應該係上菜前有火槍再燒過.問我葡式乳豬同港式乳豬有什麼分別.分別唔係好大.葡式，皮都係好脆.但無港式咁鹹.更加juicy，油脂會溶曬，令肉食落更滑，但又食唔出jelly狀的肥膏.好出色，配埋cheese.邪惡組合.飯比較軟身，吸收曬牛油同醬油.西洋腸炒蔬菜.驚喜接著來.有芥蘭白菜粟米仔.好豐富，而且油份好充足.細細細細個阿媽已經講菜要夠油先好味.葡國人都知道尼個道理.面頭的蝦粉超正，成碟菜既靈魂.居然成碟菜食曬.主角來啦.開頭以為乳豬係主角，No.尼條盲曹魚，絕對驚喜.魚肉先燒後煮，表層香口，裡面肉質好結實而且相當入味.有橄欖檸檬洋蔥伴碟加埋牛油，所以味道相當豐富.而且同條魚好夾..花甲本身已經鮮甜，再加埋D魚肉汁.好味到不得了.平時食蒸魚太多了.這種煮法相當有驚喜.甜品當然少不了葡tart.中規中矩，有流心口味，類似流心月餅.木糠布甸一定要提.微甜，木糠甜度比較低，cream口感好清淡.好出色.最驚甜品死甜.唔會有膩既感覺.可以外賣.滿意一餐，相當有新鮮感.…Read More

今日到時代廣場的食通天搵食，有好多餐廳可選擇，我們最後選擇了比較少食的澳門菜。雖然澳門好近香港，但都好幾年無去啦，所以就食門菜當自己走轉澳門吧。餐廳用上我至愛的Tiffany Blue做主色，及用上澳門出名的花紋圖案磁磚，令整體更加有澳門的風味。餐廳座位闊落，光猛，2 個人都可以安排卡位，坐得舒服。餐廳的餐牌同餐具的顏色都是用藍色好主。餐廳提供了好多澳門出名的菜式。因為太掛住澳門的豬扒包，所以是必叫的。餐廳的除了普通經典豬扒包，還有幾款特式豬扒包，如辣肉腸松露芝士，馬介休蝦籽滑蛋，乳豬脆包。我們選了經典的一款，雖然價錢比外面的貴，但份量很大，足夠2個人食，還配有薯角及沙律，不錯啊!豬扒包上枱熱啦啦，好細心切開2份，方便大家分享。包皮脆身，豬扒還有肉汁，煎得不過火，不乾身，配上沙律醬同生菜，好味。連配角薯角都炸得香脆。老公選擇了咖哩雞飯，份量十足，咖哩汁香濃，雞件嫩滑，好岩送飯。最後再飽都要點多個葡撻滿足一下，餐廳有4款葡撻提供(焦糖，奶黃流心，咖啡及鮮橙檸檬)我們要了焦糖及咖啡，葡撻熱啦啦，酥皮層次分明，有蛋香。而咖啡的那個雖然外表唔吸引，但多了一份香濃咖啡味，咖啡控一定要試下。食了咖啡葡撻，我們還配上一杯cappuccino，真係prefer match 呀!今餐真係好滿足，未有時間去轉澳門，就這樣當一下吧!…Read More

去銅鑼灣食野, 都偏貴, 今日約朋友試呢間澳門葡國菜,抵食喎,我們先叫了一碟冷盤-黑醋豬手($78)，豬手處理得乾乾正正,皮脆,夾埋黑醋汁中和肥膩感,充滿膠質，好彈牙。另一道菜叫了烤焗盲鰽魚伴檸檬牛油汁煮海蜆($178),一大條魚,旁邊有8隻蜆肉，蜆肉鮮甜,還有牛油同忌廉味。平時少食盲鰽魚,原來肉質好滑,實肉的，完全唔會有魚腥味,其不需加檸檬汁,保留魚肉鮮甜味,加上其他配菜，有橄欖、黃椒紅椒、三款菇、檸檬片、洋蔥、同魚一齊食好juicy。我同朋友都愛食葡撻,我自己叫了兩個,朋友一個,分別叫了濃香咖啡葡撻同鮮橙檸檬葡撻作甜品， $14一個，鮮橙檸檬味夠特別, 帶清香, 重牛油香的酥皮，但咖啡味偏苦澀,唔係太襯葡撻味道,下次一定要試焦糖原味。…Read More

看完電影剛好晩飯時段，既然同層已有食肆；也就懶得舟車勞頓了。有京川滬菜、越南菜、澳門菜，前兩者也曾光顧，那不如試試新鮮的澳門菜吧。趨近店前，陣陣甜香飄至，觸目所及是一排金黃焦香葡撻；除原味外，還有鮮橙檸檬、焦糖及咖啡。外賣甜點還有一旁的木糠布甸，同樣有四款選擇：原味、杏仁餅味、黑芝麻味及宇治抹茶味。放眼望去，入座率也算高，是食物具質素還是得利於戲院之便呢？被侍應安置於卡座中，四個人坐夠晒闊落；淺藍色調給人舒適放鬆的感覺。馬介休球～金黃色的表層，外脆內軟，以size計雖可一口一個，但不要忽略那熱燙的溫度呀。將魚肉揉合了薯泥，以高溫油炸；味道鹹香、口感軟綿；滋味無窮。白酒煮海蜆～個頭雖不是很大，肉質卻鮮甜嫩囗，且完全無沙；白酒與蜆是最穩妥的配搭。葡式燒乳豬～吃葡菜或澳門菜必不可缺的其中一味，皮脆肉嫩，做得一點也不失禮；配角之一的脆薯角外酥內軟，反倒成了另一主角。好在有週遭的意瓜及車厘茄作緩衝，算是減少了一點罪惡感吧！西洋腸炒雜菜～我叫這味作家常炒雜菜，香腸常見於澳葡菜中，這裡的肉味甘香，不過鹹；配爽口的雜菜相當可口。黑松露炒意粉～總要有點澱粉質落肚才覺實在，意粉軟硬度適中，黑松露香霸氣外露；話咁快便清碟。葡萄牙博克手工啤酒~色澤偏深、帶銅鐵色的澤，泡沫細滑，帶濃郁果香及麥味，又有點黑啤的影子，是一支優質的啤酒。葡萄牙博克生啤～色澤金黄、口感清爽，帶香草和麥香，生啤就要這樣喝！果香軟心多士伴Movenpick 雲喱嗱雪糕～外脆內軟，加埋香滑的Movenpick雪糕同吃，真是好吃到一個點。宇治抹茶木糠布甸～抹茶味意想不到的濃郁，甜度適中，想不到和木糠布甸又幾匹配喎，強烈推薦！好一頓滿足，開心發掘了一個新「葡點」。小島•澳門菜地址: 銅鑼灣勿地臣街1號時代廣場13樓1302號舖電話: 31019539…Read More