António

在澳門想吃葡國菜不難 ,但想吃高級的就絕不容易。 安東尼奧開業了短短十年, 已經多次獲得米芝蓮推介, 絕對難得。餐廳供應高級的葡國菜, 雖然價錢較貴, 但環境和食物質素也比其他葡國菜餐廳更高。而且使用 JCB 卡不但可以享有九折優惠, 更有免費砵酒一杯。推介白酒蒜蓉炒蜆, 葡式焗鴨飯。…Read More

晩上到氹仔Antonio Restaurant吃晩餐，友人預早訂了位，七時前到店我居然是第一個客人呢Antonio Restaurant連續多年入選米芝蓮指南及亞洲最佳餐廳評鑑，是氹仔人氣的葡萄牙餐廳餐廳内用上大量葡國彩磚及油畫做裝飾，置身其中好像身處葡萄牙小鎮中呢這油畫所畫的就是Antonio先生了，他真人挺親切的，上次到店遇見他，還跟他聊起來呢但這次見不到他了先送上小吃，是我愛的橄欖，帶點蒜香。友人不喜歡橄欖，那我就全吃光光了！ (有核的要小心吃呀)餐廳還有伯伯現場唱葡萄牙歌呢，他走到各桌子唱歌，氣氛超好點了Sangria，通常是用紅酒、水果、糖漿及蘇打水調製出來的酒精飲品，毎間餐廳都有自家秘方的 Antonio Restaurant 的 Sangria 較甜，喝起來不覺酒精味，還帶些果香送來銅籃盛著的麵包，麵包還是微暖的，質感軟軟，好吃葡式焗鴨飯(Mop 230)，最愛的葡國菜式之一還未送來時已遠遠聞到香味，飯焗至乾身，不會油油的，旁邊還起了脆脆的飯焦。上面方上煙肉及葡國腸，都烤得香香的，豐富了飯的香味裡面還有絲絲鴨肉，鴨絲香濃鬆化而不乾，最愛！海鮮雜燴配麵包糰 (Mop 225)，有蝦、 蜆、帶子、青口及蟹肉在内，麵包糰就是下圖"醬汁"部份，其實是放到番茄醬汁中煮爛了的麵包，混上芫茜碎來吃的味道及口感有驚喜，海鮮也很新鮮呢海鮮雜燴配麵包糰旁邊客人點的燒葡國腸及橙酒班戟，雖然不能嘗到味道，但看到製作過程也大飽眼福…Read More

發現呢間餐廳，可以話係一個巧合。話說我地响官也街附近行吓逛吓嘅時候，本來想去全氹仔唯一嘅酒吧稍為休息一會。點知行行吓路經此店，見店外寫住「recommended by Michellin」，且裝修雅致，如一般歐式民居風格，本著有食為大嘅宗旨，友人A往裡面一探，迎面而來竟是此店東主，亦是主廚安東尼奧先生 (Mr. Antonio)。Antonio十分健談，平易近人，對我地嘅提問與要求都盡量迎合。此店地下係dining area，二樓就係廚房同埋洗手間，還有未完全裝修好嘅天台。他解釋今日有private party，所以地下已經full house。不過他補充話天台只是未裝好玻璃窗，暫時只有帆布遮蓋，可能會有點風及冷，但還可以用嚟招呼我地，我地當然唔會介意啦，仲順道參觀二樓嘅廚房，廚師們正忙碌地準備當晚嘅甜品，Antonio仲介紹佢所用嘅食材比我地認識，真令我地大開眼界。天台地方唔大，只可容納六至八個人，但係因為咁一班好朋友先可以好close咁一齊分享美食，此時此刻，夫復何求！審視菜譜一輪，再經「有種」先生介紹，選了以下八道菜及四款甜品：「葡式陶盤燒葡國腊腸」：侍應小姐用手提氣爐將用陶製嘅盤燒熱，將葡國腊腸嘅表皮煎得卜卜脆。葡式腊腸比中式嘅淋，質地有少少似潤腸；味道係鹹鹹地，與中式嘅少許甜味各有千秋。「白酒蒜蓉炒蜆」：蜆肉雖小，但肉味是鮮甜的，最重要嘅係那些汁，十分惹味，能輕易食出有蒜蓉及不同香草嘅香味，佐以附上嘅新鮮麵包，比單純以橄欖油及醋更佳。「葡式焗鴨飯」：個人認為到葡式餐廳必食嘅一道菜，首先係鴨肉係拆成絲後與飯一起焗，神奇嘅地方就係鴨肉雖然經過高溫烘焗，但係入口好鬆軟，質感如糜肉一般，完全唔需要大力咀嚼。「椰汁非洲雞配焗薯及雜菜沙律」：這道菜係「有種」先生嘅誠意推介，炸雞肉配上椰絲，雞肉嘅香脆中帶有絲絲椰香，令人食慾大振。「炭燒鱸魚(配烚薯仔及時蔬)」：鱸魚嘅缺點就係多骨，個人來說對多骨嘅魚印象麻麻，不過此魚燒得恰到好處，魚肉爽脆，雖然說吐骨很麻煩，但此道菜還可算得上喜出望外。「燒羊排配薯條及菠菜蓉」：相反，我對燒羊排有點期望，結果顯示與期許有少許出入。事先聲明，我對羊肉要求頗高，可能係食憤友人訂購嘅羊架實在質素太好。這裡嘅羊肉雖能夠保持其獨特嘅肉味，可是肉質偏韌，與友人訂購的差一班。「燒pianola鮮豬肋骨配薯菜」：豬肉基本上係穩健之選，只要唔係好似港式餐廳般用梳打粉醃淋，難食極有個譜。這裡嘅豬肋骨亦係一道喜出望外嘅菜色，肉質鬆軟之餘不失應有嘅質感，而且肉汁豐盈，係上乘之作。「海鮮雜燴配烚薯仔」：葡國位處大西洋東岸，海產豐富，所以烹調海鮮應不賴。此店嘅海解雜燴十分出色，湯料有蝦(連殼及唔連殼)、帶子、蟹、青口、魚肉等，用一個大黃銅鍋裝起，利用銅導熱快嘅特點，用最短嘅時間煮熟湯料，減少肉質因長期受熱而受到破壞。湯底鮮甜(這是因為蝦連殼一齊煮)，其中尤以魚肉出奇地爽脆，魚骨附近更有煙韌嘅感覺，有如鯇魚腩般。「雲呢拿雪糕配火焰櫻桃汁」與「火焰蘭姆酒香蕉」同樣由Antonio親自操刀，一面欣賞其烹調技術，一面等待，集視覺、嗅覺、味覺於一爐。「牛奶忌廉」：即是焦糖燉蛋，難得之處係燉蛋保留蛋香味，而且texture係纖幼，十分出色。「朱古力摩士」：不是很甜，很mild，是十分恰當嘅濃度，過甜反而會令人覺得有點滯，尤其是大快朶頤之後。除咗上列美食之外，我地仲點了一支紅酒，價錢大約係二百多元。整體價錢共二千一百多(共七人)，好食嘅嘢我永遠覺得物有所值。順帶提一點，這裡有一缺點，就係廚房門開關經常bang bang 聲，都幾擾人，要扣分。…Read More