話說呢晚又去左大埔街市開餐，今次揀左食泰國菜﹗金泰泰式美食，鋪外座位不算多，卻坐滿人﹗七點半來到，成個街市座無虛席，超級誇張，好多食店都要等位，可幸我地路過呢間野有人走我地即時聰明地飛撲埋去，唔係有排等都似﹗食物種類都幾多，價錢$50樓下﹗先來一個泰式木瓜沙律開開胃先﹗份量不少喎﹗木瓜絲相當新鮮爽口，咬落卡卡聲，醬汁酸中帶微辣，好味﹗辣椒膏炒青口，未吃已聞到香噴噴﹗青口是雪藏貨，食落亦不算太韌煮得不過老，個辣椒汁清清地同海鮮味幾配合，唔錯﹗鹹魚炒芥蘭﹗足料，食到有好多未碎的鹹魚件，再加上大量蒜蓉，又香又惹味，岩哂我呢0的濃味人﹗重點推介呢個，菠蘿炒飯﹗賣相很不錯，街市也有如此手工看得出的誠意﹗炒飯上放上蝦件、青口、魷魚仲有肉粒，餐廳食都未必咁豐富﹗飯身炒乾身，帶著濃濃的咖哩香，香噴噴相當吸引，再加上大量菠蘿粒及提子乾，嚼落陣陣香甜，好好食﹗最後成個食哂﹗來吃泰國野當然飲番支泰啤啦﹗兩個人四碟餸再加兩支啤酒埋單一人百一蚊，價錢都不算貴，值得推介﹗呢個街市睇黎臥虎藏龍，真係要花多點時日才可以試哂佢地呢﹗更多相:http://hk.myblog.yahoo.com/smallsmalllin/article?mid=15619…Read More
