四寶食堂 (華凱大廈)

呢日去完油街實現扮吓文青，就喺附近搵咗間茶記諗住嘆個early dinner，原來呢度嘅午市係做到1730而下午茶餐係做到1800🙀 即刻把握機會快快脆嗌幾個餐食吓😛瑞士汁雞髀配菠蘿油呢個配搭嘅兩種食物都好啱我口味，兩款都係我下午茶會想食嘅嘢🥰 雞髀size都幾大隻，瑞士汁甜甜地幾開胃🍗 另外菠蘿油嘅麵包好鬆軟，面頭菠蘿整得好香口，唔會成塊好硬👍🏻他他醬炸魚薯條完全係俾呢條炸魚柳嘅size嚇親🐟 佢同隻碟一樣咁長，炸粉唔算好厚，入面嘅魚柳幾嫩滑，點埋絕配嘅他他醬，真係令人好滿足呀。另外炸魚柳側邊都有好多粗薯條。蔥花咸牛肉炒蛋熱狗原來呢一個熱狗餐係配埋薯條🍟 呢一個熱狗面頭有大量嘅咸牛肉炒滑蛋，都幾足料🍳 熱狗入面嘅腸仔係一條較粗嘅芝士腸，食落口幾有驚喜🌭 麵包同樣係非常鬆軟，都幾出色。豉油王龍鬚炒麵午市套餐嘅份量都幾多，我同友人share都爭啲食唔晒呀🍝 幾鍾意佢底下嘅炒麵係用上幼麵，令到豉油王嘅味道包裹住麵條。另外面頭嘅魷魚鬚幾有咬口🦑飲品我地嗌咗幾款茶記必備嘅飲品，凍檸茶、熱奶茶同埋冷熱齋啡各一杯☕️ 比較特別嘅係原來呢度嘅凍齋啡係preset咗有糖㗎，想無糖嘅朋友要留意啦😮呢間茶記真係幾唔錯，夠晒香港特色之餘又有啲特色嘅食物，好似咸牛肉炒蛋熱狗就真係好有驚喜，下次再發掘吓間餐廳有咩好食先🤩…查看更多

趕及下午茶時間，就點了：1）照燒鰻魚玉子熱狗併炸薯條，跟熱飲品~ 賣相也不錯，熱狗真的很大，雞蛋也滿滿。 不過，可惜的是：鰻魚在哪裡？ 找了很久鰻魚粒或鰻魚碎也不見。 於是再看看餐牌，查究一下是否我們看錯~ 本身是沒有鰻魚的。 但看清後，無錯喔！ 是照燒鰻魚玉子不是鰻魚汁窩！於是，問店員，他解說，只是用了鰻魚的汁，但我們反駁：如果是這樣，就不能寫鰻魚去誤導客人，有違廣告不符合商品窩。 於是，店員說： 如果不想食，可以換過另一款熱狗給我們。 但我們已食過，而且我們的不滿，只是想告訴不可以這樣做生意，既然沒有鰻魚就不要寫有咯！@ 後來，不死心地尋找很久，終於被我們發現了 ~ 一片很小的鰻魚皮~ 🤣 @ 2）瑞士汁雞髀併菠蘿油，跟熱飲 ~ 雞髀算大，味道正常； 但菠蘿包很大，可能是空氣包，所以，牛油顯得非常小，但都算OK。 ~ 總括：食物的質素一般，但份量收這個價錢算是平了 ~ …查看更多

四寶食堂，我之前食過晚市，前幾日過開去港島，經過又到tea time 🤤所以試下佢D下午茶餐。 同朋友叫左2個下午茶餐，再加多個菠蘿油🤩全部炸野，真係極邪惡，但真係好鬼正😂炸魚柳+薯條：$40幾蚊，咁大塊炸魚柳，魚柳肉好滑👍🏻再加超香脆炸漿，真係外脆內軟🤤 咸蛋醬雞翼+薯條：咸蛋醬超多呀🤩好邪惡，每隻雞翼都塗滿咸蛋醬，配香脆炸雞翼，雞皮嘅油同脆+咸蛋醬嘅咸同香！！！真係好正！好邪惡！！！食唔夠喉，我地仲追加左個菠蘿油+特飲雪山阿華田🤤 菠蘿包皮仲係脆ga 🤩牛油又滑，如果再多啲牛油，會更加正。 雪山阿華田，又靚又好飲，面頭D cream 打得好滑😋唔錯總結：下午茶set D價錢全部都係$30-$50 ，份量仲唔少，係幾抵食👍🏻😋…查看更多

🇭🇰四寶食堂·我地個日本身諗住食朋友推介既半島冰室既 點知原來佢星期日唔開 所以最後就黎左呢間🤣🤣·黑蒜油叉燒滑蛋飯$60 l 瑞士汁雞脾黑蒜蔥油撈公仔麵$56 (菠蘿油+$8)佢呢度嘅嘢食真係超級大份 我哋最後係完全食唔晒 攞走咗個菠蘿包做第二日嘅早餐🤣🤣佢個叉燒滑蛋飯真係超級大個 入面仲要超多厚切既叉燒 口感唔錯🐷不過我自己就覺得佢個蛋偏杰身少少 感覺好似落左啲芡咁 配埋啲黑蒜油食落比較膩🫢反而佢個飯質感出奇地幾好🍚😂之後佢另外個雞髀撈公仔麵都係食落偏鹹 個雞扒入味就入味啦 不過我自己就覺得佢滷得有啲太耐 所以雞肉偏乾🐤最後個菠蘿包反而唔錯 就算我哋第二朝焗返熱都仲係好好食 麵包個質感好好 而且面頭嗰個菠蘿皮調味都剛剛好😎·#rbyeat#rby港式#rby北角 #rby炮台山 #rby銅鑼灣 #rby旺角 #rby將軍澳·📍北角炮台山電氣道258號華凱大廈地下C及D號舖📍銅鑼灣謝斐道482號兆安廣場地下1-3號舖📍旺角豉油街23號地舖📍將軍澳唐德街9號將軍澳中心1樓137E號舖…查看更多

港式冰室係香港嘅特色，一定冇人會唔鍾意🫢 我自己都超鍾意，不過實在有好多選擇，間間都好食，最近就試咗呢間四寶食堂，都幾好食，值得推介🤗今次就試咗佢嘅下午茶餐，有好多好多選擇，樣樣都好似好好食咁，因為唔係太肚餓，所以揀咗啲比較light啲嘅下午茶餐😍 如果鍾意食花生醬嘅就一定要試吓佢嘅粒粒花生醬西多士😍 平時西多士入邊嗰啲係冇粒粒花生醬㗎，所以呢個口感會比較豐富，咬落去好脆，再加上佢嘅西多士超厚👍食完覺得好滿足👊 另外都一定要試吓佢嘅菠蘿油啦🥪 菠蘿油又係香港嘅另一個特色美食，一定唔可以錯過🙌 一定要喺佢新鮮拎出嚟嗰陣時食落去先至係最正嘅🤗😍…查看更多