石姐辣蟹雞煲小菜皇 (Closed)

去太子搵野食唔一定要去始創果邊先有野食, 其實行去大角咀果邊都有好多地道小食, 而且又大把選擇唔洗逼。今次揀左去石姐食小菜皇, 因為果邊D老字號都食過晒, 今次就同男朋友試下間新開幾個月的餐廳。餐廳裝潢走平民化的路線, 但樓底夠高, 都算坐得舒服, 如果一行十幾人黎仲可以坐圓檯, 3、4個人黎又可以坐卡位, 各取所需。蝦乾啫啫通菜煲夠鑊氣夠香口~通菜青翠, 炒得夠青爽, 蝦干味香, 風味十足, 熱辣辣, 香氣撲鼻, 食得出夠鑊氣菠蘿咕嚕蝦球非常開胃, 酸酸甜甜, 大蝦隻隻夠爽, 剩係點汁食飯都可以食幾碗。招牌豬手呢道菜其實係食功夫的, 做的過程工序多當然不在話下, 要做到皮脆肉質彈牙, 實在難得, 豬皮香脆而不過火, 而且又不會太油膩, 內裡肉汁豐富而不會過鞋, 實在難得。…Read More

成日係旺角太子食飯, 好多時餐廳都等好耐, 但時間是金錢, 預期用時間去等一間唔知好唔好味的餐廳, 不如行多兩條街去試新野。今次去左太子後少少的石姐辣蟹食飯, 其實離地鐵站都係兩三條街唔係好遠。今次同朋友兩個, 所以只係叫左2個小菜配白飯。 蝦乾生啫通菜煲：蝦乾同通菜的份量都非常多，最欣賞係個通菜煲快炒之餘又滋滋聲咁上，上枱就已經聞到陣陣的香氣勁新鮮熱辣, 而且煲底又唔會一pat pat 醬，雖然豬肉粒肥肉多左D, 但夠晒香口, 又唔會過咸, 真係忍唔住要叫多碗白飯去送黎食，非常滋味好食。菠蘿咕嚕蝦球夏天唔想食gam 多肉, 但又想食D 開胃的餸菜, 咕嚕蝦球係我其中一樣常叫的, 鮮蝦爽口鮮味, 外皮香脆, 菠蘿香氣十足, 唔會太甜亦都唔會太酸, 甜甜酸酸非常開胃!! 呢個真係推介!…Read More