Golden Valley

上星期係婆婆生日,老人家做生日,就最喜歡食中餐! 所以我上網做左好多功課,揀左一間出名既粵菜同婆婆做生日! 駿景軒 - 多年既米之蓮一星食府! 好早以前都聽過大名,原來近年搬左去皇后大道東果面!當晚我地book左7點,都幾多人,上到去見到裝修好有高級粵菜館既風格。門口見到尊典雅的白玉觀音像,背面有精緻木雕,右邊掛上"駿景軒"名牌,簡單得來好有格調!臺面既鋪陳好簡潔,望落餐具都好高級,好靚!呢餐生日飯,婆婆交比我發板叫餸,佢話想食d傳統+辣野! 既然係咁…當然先黎個廣式靚湯啦：杏汁白肺湯 - 相信白肺湯,係街外都買少見少,但就算係有,我都未必敢飲! 但婆婆近來有d咳,所以每人叫左碗黎飲! 個湯底煲到奶白色,好香,帶住絲絲既杏仁味,但唔會太搶! 重點係個白肺一d都唔騷,一定反覆洗左好多次先有咁既效果,食落好似食緊豬肚咁! 呢盅湯,無得頂啊!頭盤 - 飲完靚湯,當然要食下d頭盤啦! 我揀左個口水雞! 不同于出面,呢度既口水雞既汁係另上,怕辣既可以點少d汁! 實話講口水雞出面食得多,但呢度係唔同d! 雞皮滑兼彈牙,肉雖然唔多,但好有雞味,相信係用新鮮雞整先有咁既效果! 出面食到既口水雞雖然多肉,但大多係雪雞,層次係幾回事!粵菜 1 - 終於到主菜啦! 當然要試先試粵菜啦! 我叫左最普通既菠蘿咕嚕肉! 識食既一定知呢味菜最考功夫,菜式雖然普通,但整得好食既好少! 呢度既咕嚕肉,炸炸唔厚,面脆肉嫩,最重要個汁掛晒係每樣料上面,基本上食晒成碟,碟面好干淨,高水準啊! 汁甜甜酸酸,好開胃!粵菜2 - 瓦罉焗胡椒蝦 - 呢味是當晚主菜, 雖然胡椒係基本野,蝦係普通海鮮,但用瓦罉黎焗, 呢種傳統做法,唔係一般餐廳可以食到! 用瓦罉黎焗,可以將胡椒既香味迫入蝦度,而且瓦罉保溫好好,蝦肉剛剛熟,但唔會老! 又係一味菜式普通, 但味道唔簡單既菜式,極品!新派粵菜 - 黑松露野菌安格式牛柳粒 - 新式粵菜,炒得安格式牛柳粒,當然用貴價露筍伴碟,加上不同既野菌,用黑松黎炒,非常惹味,有別一般粵菜既食法!改良版粵菜 - 黑醋珠蟹肉帶子炒鮮奶 - 呢道係今晚最正既主菜,婆婆最種意,似係大良炒鮮奶既改良&創新版本! 有別于一般既炒鮮奶,呢味餸唔落炸粉炸,所以表面唔係脆口!初先食仲以為係炒蛋白,但口感無咁削,較彈牙,口感好好,但奶味唔算濃,好正!至于同炒鮮奶一齊炒既,有好大梳既蟹肉,肉身好有質感,似係花蟹肉! 另外仲有大大粒既帶子,相當新鮮!最特別既係配上黑醋珠,應該似係魚子之類既野,酸酸地,好特別,都係第一次食!* 整體呢道餸真係食到,完全顯示到星級既功架,應該拿得獎! 無得頂!川菜 - 酸菜桂花魚 - yeah! 終於到我最期待既川菜啦! 婆婆鐘意食魚,就叫左最基本既酸菜桂花魚! 又再一次平凡菜式,見不平凡既水準! 以往係好多地方食過酸菜魚,唔係魚骨多,就係魚好腥,或者酸菜無味,又或湯底死辣太鹹! 但呢次食既酸菜魚都係一流：魚片薄,明顯廚師刀工好好；而且桂花魚雖然多骨,但今次食既魚片一條骨都唔見,好勁啊! 魚片鮮,肉質嫩。 酸菜底未好夠,唔識點形容種酸味,但就係好夠味,好夠酸,十分醒胃! 湯底唔會鹹,基本吸收左酸菜既味,已經令到個湯好濃郁,我都忍唔住飲多幾啖,真係好好味!今餐婆婆食得好開心,話樣樣都好好食! 見到婆婆食得開心就好啦,婆婆身體健康,下年帶你再食過!…Read More

英皇駿景軒酒店內的駿景軒中菜館，裝修格調優雅，燈光柔和舒服，食物還有米芝蓮保證的質素，怎能不好好享受這一餐呢😋杏汁燉白肺湯＄90奶白的濃湯，一陣陣杏汁清香撲鼻，材料豐富還有雞腳瘦肉菜膽等等，非常滋潤👍🏻麻辣水煮鮮魚片＄368魚片刀功出色每片雕花，又簿又滑但唔會鬆散，麻辣味剛好不會辣到爆炸，吃到鮮魚的鮮味👏🏻照燒黑松露野菌安格斯牛柳粒 $288一片片的黑松露在牛柳粒面上感覺很高級😂黑松露味突出，用上蘆筍紅黃椒雜菌一起炒不但顏色鮮艷而且很入味，牛柳粒牛味濃郁又鬆軟，令人食指大動👍🏻菠蘿咕嚕肉＄178咕嚕肉皮脆肉腍多汁，擺耐咗外層還是鬆脆🤩實在難得，配菜的菠蘿是用新鮮菠蘿所以特別多汁甜美👍🏻上湯雲吞＄98上湯雲吞湯頭用清雞湯很清甜，雲吞粒粒飽滿餡料還用魚肉沒那麼膩👏🏻…Read More

今日Mummy 約左我話食餐好野，話係米之蓮🌟級餐廳，所以今日連下午茶都冇食，留肚等呢餐佢話呢間餐廳係連續七年攞到米之蓮星級美譽，實力一定唔簡單，新鮮及當造的食材，不加味精，香料及調味料亦由四川直送，呢一餐真係令人期待:)我哋準時去到，服務員有禮貌的招待我們坐下，環境係唔同啲，始終係酒店格局媽咪負責點菜，第一道菜就係呢個杏汁燉白肺湯，入口非常豐富的杏仁味，有豬肺，雞腳，白菜膽，真係好好飲，我超級超級鍾意跟住呢個瓦罉焗胡椒蝦，一上枱就香氣四溢，食慾大增，賣相又靚，聽講話連謝霆鋒都讚口不絕跟住呢個川味口水雞，用新鮮龍崗雞，我特登試一口原味，雞肉嫰滑及有豐富質感，然後再試佢嘅特製醬汁，味道層次豐富，又係另一種享受麻辣水煮先魚片，第一眼望落去真係嚇親我，仲以為好辣，但係當我食啲魚片嘅時候，嘩，真係好滑，我覺得「麻」的感覺好特別，原來麻辣係會特別帶出魚嘅鮮味，真係好佩服廚師點解可以咁叻咕嚕肉，呢個餸無論我去到邊度，我都一定order，呢度又真係整得零捨好食，特別係表面嘅脆漿，係五星水準霸王炒辣子雞，我個人就覺得辣左啲，但係媽咪就非常鍾意，見佢不斷攻擊，相信喜歡食辣嘅，一定會食得好滋味我哋另外試埋呢個酸菜桂魚片，魚肉鮮嫩，再喝上一口魚湯，滿足極了我同媽咪揀咗擔擔麵、紅油雲吞，呢兩個川菜嘅代表，相信都唔需要我特別介紹，亦係水準之上全晚服務員細心招待，非常有禮貌，我們非常滿意，環境氣氛亦十分舒服，真係星級享受…Read More

每逢家庭聚會，吃的都是中菜。尤其家人長年在外，吃一頓正宗美味的中菜，實在有難度。今次選擇了米芝蓮推介的中菜餐廳，一慰家人對中菜的思念，哈哈！餐廳位於酒店內，進酒店上一層。餐廳面積不算大，但裝潢簡潔大方，以米黃色為主調。設有幾間廂房，牆邊刻有精緻的木雕圖案，還有球形的玻璃吊燈為餐廳添了不少貴氣呢！值得一提是餐具十分講究，每個客人都有兩對筷子，方便用餐呢！⭐️是日老火例湯$88是日例湯是花旗蔘三珍煲豬肘，簡簡單單一盅滋補湯羹，卻喝到家的味道。淡淡的花旗蔘甘香，配料有海底椰、花旗蔘、川貝和豬肘，豬肘肉嫩無渣，十分滋補，不俗。⭐️杏汁燉白肺湯$90平時很少喝杏汁，杏汁甜品也很少聽吃。杏汁味道香濃，但輕易喧賓奪主。這盅杏汁燉白肺湯下恰到好處，杏香馥郁，入口甘醇，和白肺十分協調，最滿意是豬肺，嫩滑無比呢！⭐️黑醋珠蟹肉帶子炒鮮奶$328這道菜式是餐廳的創新菜式。一大碗白色的蛋白鮮奶，既似泡沫又像雲朵，一碰輕輕軟軟的，入口輕盈，絕不像在吃炒鮮奶。鮮奶裡頭還裹了一撮一撮的鮮蟹肉，配搭鮮帶子，啖啖鮮味，略顯寡淡，幸好黑醋珠調味，味道恰到好處。⭐️酸菜桂魚片$308這味酸菜桂魚片是四川名菜，我在內地吃過一次，雖麻中帶辣，魚片嫩滑，可惜湯底盡是辣椒油和辣椒，實在有點吃不慣。但眼前的一大碗酸菜桂魚片，份量多，湯底呈奶黃，入口甘醇不覺麻辣，魚片鮮甜爽脆，配搭酸菜，口感酸甜微辣，很開胃呢！⭐️菠蘿咕嚕肉$178咕嚕肉是我的最愛，必點！粒粒咕嚕肉金黃酥脆，大小相若，咬一口，外脆內嫩，吃起來酸酸甜甜，就愛這種酸甜滋味，再吃一口菠蘿，實在滿足呢！⭐️正宗四川擔擔麵$48這碗擔擔麵的湯頭香濃，伴點麻香，以四川菜來說，它的辣不過是BB辣，但足以令我滿足！幼滑的麵條吸附惹味的湯汁，香而不辣，滋味無窮！⭐️上湯雲吞$98 這客雲吞只有六顆，索價$98實在稱不上便宜呢！不過湯頭清澈，雲吞粒粒分明亮澤，皮薄滑，嚐一口，蝦肉彈牙，妹妹最喜歡吃了，哈哈！▫️作為米芝蓮餐廳，唯一挑剔的是賣相不夠精緻吸引，不過食物完全彌補這項不足，菜式質素毫不遜色，每道菜都很有水準呢！…Read More

昨晚準時放工，朋友駕著他的車子接我下班，然後我問他「今晚我們去那裡?」他簡單回答駿景軒，我沒聽錯吧，他說一星米芝蓮中菜駿景軒。把車泊好，去到駿景軒門口我才知道他真的不是說笑。入坐後，店員詢問我們想喝甚麼茶，這裡的茶選擇挺多的，有龍井，鐵觀音，菊花等，朋友交給我決定，我就選菊花，以免晚上喝濃烈的茶而睡不著，菊花溫和多了。我們先淺嚐酸辣海鮮羹，海鮮羹用料豐富，每一匙羹都可撈起蝦肉，帶子等配料，而且非常鮮甜。湯羹其酸辣香氣十足，光是聞已讓我口水一湧而出，那迷人的酸辣滋味剛好，令我們胃口大開。紅油雲吞滑彈的外皮配上鮮香飽滿的菜肉內餡，吃起來飽足感十足。雲吞稍微久放一點特製的紅油，讓外皮可吸附更多醬汁，雲吞帶點微微酸辣，又有點肉的鮮美，肉汁豐富，齒頰留香。養顏至上的我怎會錯過黑醋珠蟹肉帶子炒鮮奶，果然它沒有令我失望。黑醋珠在白滑的炒鮮奶上如寶石般耀眼生輝，鮮奶火喉恰到好處，混合絲絲的蟹肉滑溜好入口，再嚼一口柔嫩的帶子，清甜餘韻不絕，女生定必愛上。酸菜桂魚片特別將桂魚片去除所有骨刺，客人方便進食，魚肉細緻滑嫩，甘甜無比，真的很讚。酸菜湯除必備的酸菜，小青辣椒外，駿景軒的還加入薑片，炒香的蒜片，蔥花及青芹加持，湯底酸中帶小辣，味道層次豐富，好喝極了。菠蘿咕嚕肉色彩繽紛，絕對是視覺的享受，一口可嚼的咕嚕肉經酥炸後香脆十足，再以菠蘿，青椒，紅椒及洋蔥香炒，淋上酸甜的醬汁，開胃又美味，很快就一掃而空，大滿足的晚餐。…Read More

多謝朋友搭線幫忙才可以成功轉工，所以請了佢去灣仔的駿景軒食一餐貴價中菜。先來一人一盅的杏汁燉白肺湯，豬肺無一點雜質味，洗得非常乾淨，而且非常腍滑，杏仁味又不會太濃蓋過湯本身的鮮味，配搭比例剛好，整個湯鮮甜無比，潤肺養身。之後再上了黑醋珠蟹肉帶子炒鮮奶，炒鮮奶裏面夾雜住一梳梳的蟹肉，油份不多人，而且炒得很滑，帶子大隻且表面微煎，裏面嫩腍，加些醋作調味可減輕膩感。酸菜桂魚片一大鍋酸菜湯裏面浸著桂魚片，酸菜不會太酸，咸味適中，還帶點辣，桂魚片每片切得一樣厚薄，魚肉嫩滑鮮甜，配酸菜真係一絕。菠蘿咕嚕肉，咕嚕肉外脆內軟，酸味調較恰當，肉質很腍，加上三椒菠蘿配菜，非常開胃。最後食埋個四川擔擔麵，擔擔麵即使放左幾個字，麵質都唔會發水脹及變腍，而且不會糊口，帶點麻辣味之餘，又有很香的花生醬味。…Read More

今日和媽媽補吃新年飯，所以訂了枱食川菜，因為她還是比較喜歡中式的菜式。*杏汁燉白肺湯 ($90/位)一上枱就已經有香香的杏仁味傳出；湯很清甜，一點都不油膩；飲完感覺很滋潤，真的很適合這個乾燥的季節呀！很多湯料，有雞腳、肺、豬肉和菜。用來沾湯料食的*瓦罉焗胡椒蝦 ($428)一煲有八隻的胡椒蝦；用了大量的胡椒包著蝦，蝦已經開邊去腸和頭的膏，方便起蝦肉；蝦身很有胡椒香味，比較乾身。胡椒香而不辣*酸菜桂魚片 ($308)這個用超大碗上的酸菜桂魚片，是帶點辣味的菜式；桂魚片起了肉，一點骨都吃不到；酸菜帶辣味，所以不吃辣的只吃桂魚片都可以接受；桂魚片很彈牙，肉質很滑。*菠蘿咕嚕肉 ($178) 菠蘿咕嚕肉酸酸甜甜的；菠蘿是用了新鮮的菠蘿；咕嚕肉外脆內爽口，而且不肥膩。*紅油雲吞 ($98)雲吞皮薄餡靚，是豬肉和蝦的餡；紅油這個看上去很辣，但其實因為加了黑醋，所以其實不太辣；反而帶點酸酸的。*上湯雲吞 ($98)上湯這個味道最吃到原來的味，比較清一點。*甜品今日的甜品有紅豆沙和這個雪耳海底椰；最近比較乾燥，所以想要滋潤一下！雪耳的質感不太硬也不太軟，糖水質感有點厚，不會太甜。…Read More