Lok Heung Yuen Coffee Shop (Closed)

早兩日蛇竇要結業嘅消息流出，小編就知道係時候要去試吓bookmark咗好耐嘅滑蛋叉燒飯啦😞因為再唔試就真係可能永遠都冇機會試😩不過可惜小編去到嗰日一早已經賣晒，可能真係有緣無份啦🥺但好彩是日最後一盤菠蘿包都俾小編試到，都算冇咁遺憾😉樂香園係1950年代開業，聽聞因為當初環境隱蔽，吸引左中環嘅打工一族去蛇王，所以又有蛇竇嘅稱號😚店舖有兩大名物必試，分別係滑蛋叉燒飯同雞批🤫-🍴粟米肉粒飯雖然小編今次食唔到佢哋個滑蛋叉燒飯，不過粟米肉粒飯亦有驚喜。金黃色嘅粟米肉粒茨汁🌽鋪滿晒成個飯面🍚，非常吸引。味道方面，茨汁入口有好重香甜嘅粟米味😋而且目測粟米份量都算幾多，絕對係真材實料🤗另外，粟米肉粒嘅質感亦偏向比較杰身，撈飯一流😚雖然啲肉粒入口嘅質感就比較嚡口，不過入口仍然可以食得出有肉香味😝整體來講粟米肉粒飯真係非常好食，話佢係小編生平食過最好味嘅粟米肉粒飯一啲都唔誇張😎所以如果大家都同小編一樣同滑蛋叉燒飯緣慳一面，都可以考慮吓試吓呢個吖😁-🍴菠蘿包菠蘿包🍍新鮮熱辣辣啱啱出爐，所以攞上手嘅時候仲係暖暖地架，嗅落亦都帶有少少菠蘿嘅香味😯菠蘿包入口估唔到真係食到有菠蘿嘅香味，而且麵包亦都比較大個😳食起嚟口感暨鬆軟又厚實，唔係空氣包，所以絕對抵食☺️另外，菠蘿包表面嗰層菠蘿皮會做得比較厚身，所以入口亦相對會比較脆😉整體來講菠蘿包絕對抵食，而且食到有菠蘿味亦都係驚喜位😚-🍴熱奶茶熱奶茶☕️入口非常香滑，帶有濃濃嘅茶香味但又唔澀🥰香濃嘅茶葉味又會夾雜着有少少淡奶嘅味道，即使唔額外加糖都唔會覺得好難入口😙而且飲每一啖奶茶口腔都會留有茶葉嘅香味喺度徘徊，真係好好飲😌只可惜小編發現得實在太遲啦🤧…Read More

還記得麥兜動畫， 菠蘿油王子嗎？ 菠蘿包可算是代表本土的經典食物之一。 記得小時候，媽媽最喜歡買 新鮮出爐的菠蘿包，給我當下午茶。 現在大個了， 有時在中環吃午餐時 路過這家店， 也會不其然地停下腳步， 買一個菠蘿包 ，細味童年回憶。樂香園可說是中環絕無僅有的 舊式茶餐廳。 菠蘿包脆脆的皮， 配上軟滑甜美的麵包， 吃起來就是 。。。兒時的味道 。回憶總是美好的， 希望這間餐廳可以一直在中環營業下去， 讓我們可以 把時光凝聚， 留住美好的一刻。…Read More

樂香園是一間歷史悠久的茶餐廳，原先位於中環威靈頓街，有「蛇竇」的稱號，後因業主加租遷往現址。我很喜歡光顧這些老式茶餐廳，感覺這些餐廳的食物總是有一種莫名其妙的親切感。和同事提及這裡的港式奶茶咖啡和滑蛋叉燒飯，口水直流。於是，走來這裡食晏。叉燒滑蛋飯：不用我描述，看相已知道滑蛋有幾滑，叉燒份量很足，叉燒很好味。蝦仁滑蛋飯：蝦仁又大粒又新鮮。其實，吃了成碟飯已經很飽，不過，看了新鮮出爐的菠蘿包，忍不住又叫了來吃，水準依舊，唔錯😻…Read More

最鐘意係呢到既菠蘿包！！因為我覺得呢到既菠蘿包 真係有菠蘿味唔知有無食過呢到既菠蘿包既朋友都有咁既感覺呢到既包絕對唔係"空氣包"！！ 好大個 夠厚實 絕對抵食 但唯一我唔鐘意既地方係我覺得佢甜得濟 純粹個人口味 …Read More

我之前經過中環機利文新街，見到呢間懷舊茶餐廳，對我哋後輩嚟講，反而有一份新鮮感；原來呢度就係蛇竇！我分開兩個星期六嚟幫襯。第一次：(下午茶) 蛋撻 + 熱好立克 $17.5第二次：(午餐) 腿蛋治 + 菠蘿包 + 熱杏仁霜 $28.5蛋撻：$4.5不論堂食抑或外賣呢度都係同價，出面有茶餐廳堂食貴 $1~ $2。蛋撻烘焗得恰到好處，撻邊及撻底無焗燶！牛油撻皮有牛油香味，撻身夠薄；一咬開，見到中間蛋漿份量不少，有蛋香、夠滑，亦無小氣孔！甜味適中，食起嚟好鬆化。我始終覺得牛油蛋撻係好食過酥皮蛋撻！因為酥皮蛋撻要做得好，先要條件係酥皮夠多層兼要鬆化！唔係度度食到令人滿意嘅酥皮蛋撻。熱好立克 ：$13儘管天氣有幾熱以及時間有幾趕，我依然堅持飲熱飲！因為可以飲出淡奶嘅真正濃度，唔會受冰而影響。凍飲嘅冰會破壞質感，變得水汪汪！以肥肥矮矮嘅杯盛住，慢慢品嚐箇中味道，奶落得夠多，水夠熱，夠帶出好立克特有香味！凍好立克未必感受得到！腿蛋治 ：$12我發覺呢度每枱食客都會叫蛋類有關嘅食物，例如：滑蛋蝦仁飯、滑蛋叉燒飯、滑蛋牛肉飯、蛋治。蛋治 $11，腿蛋治 $12，唔爭在俾多 $1 食埋火腿。 我見同枱女食客叫咗蛋治，起碼成 1cm 厚嘅滑蛋，睇到我都心郁！先講方包，雖然只係普通方包，勝在夠軟熟，夾蛋果一面搽咗牛油，蛋係滑蛋，但唔算多，亦唔覺油，又有蛋香；當然不及澳洲牛奶公司咁正啦！牛油嘅咸味配合淡味雞蛋，確實好夾！至於火腿，喺出面有啲茶餐廳嘅火腿凍冰冰，照放落三文治入面。呢度嘅火腿係熱嘅，應該係淼過水，表面無油漬亦無煎過嘅痕跡。雖然加咗 $1 多塊火腿，但係蛋嘅份量少咗起碼一半！:(菠蘿包 ：$3.5呢個菠蘿包真係好抵食！面頭嘅菠蘿脆皮明顯比其他西餅店嘅更厚！給予我一份驚喜，就係未食已經嗅到一陣清甜菠蘿香味！成個菠蘿包無落到菠蘿片，相信脆皮部分加咗菠蘿汁。食落去都有菠蘿味，新鮮出爐不久，仲係暖暖地，但略嫌唔夠熱；包質密度高，食起嚟仍然軟熟，外脆內軟，無可厚非令人回味！值得推介！熱杏仁霜：$13同以肥肥矮矮嘅杯盛住，我飲熱杏仁霜通常落一茶匙糖，呢度係用糖罌，棄用糖包，雖然環保，但易受潮！我見罌入面有些糖凝結成一大粒。攪勻一飲，先係聞唔到杏仁味，跟住飲唔出杏仁味，飲到底才有些少杏仁味，怕且只係落得一茶匙，難怪好似飲緊奶水！ 如果落夠兩殼，杏仁味更香更濃又夠滑！我喺度食嘢一陣間，聽到有趣嘅暗語：熱好立克 - 「好力」菠蘿油 - 「加油」幾有鼓勵作用呀！大家做嘢都會落力啲啦！:)…Read More

還記得蛇竇結業前虛冚熱鬧，相隔不足半年，又另覓新舖重開。與舊址一樣，分上下兩層，環境較以前光猛乾淨，連碗筷也是新的，但地方就細了很多，所以舖面排了等位及外買的人龍。滑蛋叉燒飯是每次指定必叫之選，今次也不例如。周遭十之八九的食客也是滑蛋叉燒飯，黃黃的炒蛋及又多又大塊的叉燒十分吸引，反觀我們的，炒蛋顏色帶點焦黑，叉燒，飯身又腍，破壞了它在我心目中的美好形象。粟米肉粒飯-將粟米湯用水開稀，效果太濕，像湯飯般似的，味道又太甜。菠蘿包-酥皮的細紋不夠清晰可見，欠缺鬆脆外，也少了以前有種鳳梨酥的香氣，飽身較實，與舊舖時差別很遠。蛋撻-撻皮帶有牛油香，惜未夠鬆化，燉蛋亦夠香滑，始終不是新鮮出爐，味道當然差一點。心理上有種新不如舊的心態，我還是懷念以前的蛇竇。…Read More