Quan Alley HK (Closed)

海港城既Dining Coupon都好多餐廳可以用一次用5張total 可以減$500！！！今次就試左可以用Dining B coupon既寬巷子主打台灣創意火鍋 亦有維景大海景🌃餐廳環境雖然好靚 但用完coupon之後都覺得性價比唔高🥲.🎈湯底方面 (單鍋$298, 鴛鴦$338)作為火鍋既靈魂 湯底既重要性不言而喻我地揀左鴛鴦湯底 唔好辣既我地兩邊都選擇左白鍋👉東方美人 (豚骨鍋)作為人氣之選我對佢都好有期望 湯底有唔少佐料 包括紅棗 杞子 龍眼 薏米 豆腐等但係依然香味欠奉 味道較淡 飲唔到豚骨味🥲值得一提既係綿綢豆腐幾好食 就算單點都可以一試評分: 4/10👉貢布豬肚口味真係非常主觀🤣 我就覺得豬肚湯較腥 友人反而中意呢個湯多啲雖然味道唔太適合我口味 但同樣好多湯料隨便一搵就勁多豬肚👍評分: 3/10.🎈壽司滑 (牛肉$148/3, 蝦肉$108/3)呢個幾特別 可以話係呢間獨有💁🏻‍♀️上面係肉 下面再放肉滑 包成壽司形狀😋除左外觀靚之外 味道都OK蝦滑爽口 蝦肉鮮甜 牛滑有牛味 牛肉都唔韌👍評分: 7/10.🎈綜合肉類盛盒 ($338)盛盒有三款肉類 豬頸肉 黑豚肉 羊👉黑豚肉同羊都各有6塊左右 比較腥加埋豬肚湯可以話係腥上之腥 沒有之一評分: 2/10👉包到好似玫瑰花既豬頸肉就係主角啦肉質都算嫩滑 不過性價比有點低🥲評分: 6/10.🎈菠菠糖 ($98/3)佢既外觀不錯 用左菠菜包住豆皮煮熟後豆皮索哂湯汁 不過煮完散散地🌚不過不失 叫做幾有創意 不過同樣性價比低評分: 6/10.🎈牛腱 - 即食小吃 ($128)只有六塊左右 味道較淡冇乜滷香味 肉質還可以🥲又係性價比比較低既評分: 4/10.🎈醬料呢個醬料做得幾好 係已經調好左既洋蔥醬有少少辣辣甜甜 幾惹味評分: 7/10.🎈總括而言性價比比較低 雖然打卡值唔錯 餐廳環境都好靚可以對住無敵大海景🌃但係湯底真係一大敗筆 菜品雖然創新 但就唔係樣樣都好食評分: 5/10…Read More

平時下午茶tea set食唔少，打邊爐版就真係第一次！寬巷子嘅「子午後•百艷茶宴」($580/2)造型已經夠吸引，仲要有唔少創意料理，絕對唔敷衍～事前book位要特別講定window seat (得3張枱)，就可以欣賞埋海景景色，幾寫意！等我介紹吓三層嘅美食，全部都係淥落去個鍋度㗎！

上層：澳洲和牛牛舌花、墨魚朵花、以及松板枝香花中層：(創意料理) 懷舊台式月餅糕、糖葫蘆、墨條牛軋、鳳梨酥、菠菠糖下層：花團錦簇蔬菜加錢叫咗鴛鴦鍋，咁就一次過可以試哂佢2個湯底：「東方美人」(滋潤豬骨濃湯)同「元珠小染」(小辣)～湯底都幾好飲，入面都已經有啲料～店員有講解邊啲要淥幾耐，臨尾先食個牛舌花因為要等佢解凍，同埋個糖葫蘆因為佢出面層糖會溶而「污染」個湯底～出奇地食物質素幾好又新鮮，連啲菜都好味！創意料理睇落好得意，但要淥落去就覺得奇怪－月餅糕淥耐咗所以爛爛地，入面食落似咸水角個餡；糖葫蘆入面其實係海蝦＋豬肉；墨條牛軋就係墨汁＋花枝＋雞軟骨；鳳梨酥係豆腐＋蝦＋豬肉＋花枝滑等等（但真係食到啲甜甜地菠蘿咁嘅嘢，幾有驚喜）；菠菠糖就係豆皮＋白芝麻＋菠菜～ Overall都唔錯，值得一試！另外有玫瑰高山清茶同一個fancy嘅鳳梨酥做甜品～成個set都對得住佢嘅價錢，環境舒適又坐得舒服！如果唔想食甜點tea set，都可以試下呢個，有啲新意！…Read More

‼️❤️ 記得CLICK我PROFILE關注我呀 ❤️‼️.🤭 呢篇真係冒住比人封號嘅危險寫嘅真實評語 😩.★彡 𝕳𝖆𝖕𝖕𝖞 𝕱𝖆𝖙𝖍𝖊𝖗’𝖘 𝕯𝖆𝖞 彡★ // 🥘 台式火鍋 🌟 寬巷子 《👽食神大媽父親節紀錄系列》.⠀🐉 過江龍火鍋，疫情關係一路未試，之前一路只聞樓梯響，到父親節終於去試下。話曬剛開始寫，講D好野先，擺盤精緻、造型特別、海景加分。其他，以下內容再慢慢話你知。🤡 如果想要最快速嘅評語：華而不實、名大於實、物非所值。實在不知道他的好評是哪裡來的？🙄.🐂 牛小排HKD300 五薄片，值唔值就每人心裡面把秤唔同。大媽印象中就算宮崎牛or飛驒牛都唔需要呢個價錢。所以點呢個份量就夠，否則一定要叫四碟都未必夠。同檯兩位唔食牛，呢份五片全部都起大媽個肚度 🤣.🐉 滿懷希望試一下過江龍火鍋，湯底揀左「紅泥小染X東方美人」嘅鴛鴦鍋，即係麻辣拼豬骨湯底。但你地睇左大媽咁耐，大媽唔會見到貴就乜都讚。好對得住良心講句，只辣不香。坊間麻辣鍋要辣，好容易，甚至好多濫竽充數係用辣去掩蓋食物質素嘅不足。但精品麻辣在於要夠香，可惜呢個湯底係最令大媽失望嘅一環。不香也罷，台式火鍋嘅獨有嘅藥膳味呢？🌚 以接近HKD400一個湯底計，味道平平無奇，的確有點對唔住個價錢。⠀.⠀😇 可以讚嘅係佢嘅錦綢豆腐，真係有水準！👍 一層一層柔軟嫩滑，食得出獨特嘅質感，反而呢樣加左兩次單。只需要HKD 68一份，卻絕對良心出品有質素。⠀.⠀講左咁多缺點，都講下佢嘅賣點。呢間過江龍最大賣點絕對係佢嘅裝修，的確有心思，有格調，加上無敵大海景絕對加分，大媽最愛佢大門外嘅畫作，好有質感。但始終是餐廳，味道先行是常識吧。😩.🐷 綜合肉類盛盒呢個黑豚肉算係咁多樣入面最滿意的一款美食，大概350元係咁多款入面最物有所值。豬帶油花，入口爽嫩，賣相精緻。呢個必點喔。👍⠀.坐過山車都要唞吓氣，之前數完佢一大輪，今次講下佢過得去嘅餐點先。話曬佢聲稱SELL創意，就點左呢兩份招牌創意餐點：.🍡 枝仔冰過得去，完全無花枝或豬肉鮮味，但算夠特別搭救。.🍭 菠菠糖反而唔錯，素菜黎講真係幾特別。至於其他餐點，最好味反而係個響鈴呀撞鬼 👻⠀.黎到你地最鍾意睇嘅「睇人XX最興奮系列」尾段，🤡 話說除左上面講個湯底超失望，仲有呢個簡直係大媽生平食過最難食嘅蛋餃！！！🥴 真係未見過塊皮厚過大媽面皮嘅蛋餃！唔係講笑，佢唔係普通厚，係超級非常極度厚！仲要入口完全係無鮮味，係零！都唔知食左乜嘢！😪 因為唔想浪費，照食，食完基本上食唔落其他野嘅主要原因唔係因為太飽，係因為唔好食搞到無咩激情呀大佬。😪⠀.🤭 前幾日網友們見到我POST完，起我IG留言創意十足話塊皮望落厚過PANCAKE嘅宇宙級難食蛋餃，今次再介紹另一款真係千祈唔好嗌，聲稱創意之作嘅「鳳梨酥」！！！🌚.⠀大媽係一個極度膚淺嘅人所以就因為呢個名而嗌黎試下，咁就中伏啦 😪 佢聲稱係豬肉、蝦肉、花枝所組成，但入口嘅感覺，真係好似一堆搞爛嘅糊仔凝固成一舊長方體，仲話有咁多材料整合而成，卻咩鮮味都無，真係連好假地讚一句雞有雞味都讚唔出口。❌ 千祈唔好叫呢個！.⠀🌚 起呢個咩人都自稱KOL淨係收錢咩都讚好嘅年代，係咪都需要講下良心先零分重作呢？🌚 話說大媽都有上某個平台度睇下係咪大媽個人問題，發現投訴嘅都係主要投訴服務超差。呢樣嘢下回再講，今次講味道先。一味讚好嘅，你地淨係食風景嗎？🤣🤣🤣 ⠀.⠀總結呢間過江龍，公平D，唔好同香港比，就同台灣同等屬於邊爐界頂級嘅「合X」同「X色」比較，作為邊爐怪嘅大媽起台北兩間都試過，埋單人均大概港幣1000-1300，但感覺就係，以台灣頂級火鍋計，人地收我當地頂級價錢就真係俾返我頂級嘅質素同服務我。但呢間過江龍就收我高級嘅價錢卻比緊XX嘅質素我，叫人情何以堪。🌚 埋單當日有八折，大概一千八。至於係咪值得，我相信淨係鍾意食風景、為打卡、鍾意名牌效應見到貴就盲目讚好嘅人，自然會覺得超值。🤡🤡🤡⠀.⠀🌟 如果因為講真話俾人封埋個戶口，大家記得悼念大媽 🤣🤣🤣⠀.👽 大媽發覺普遍黎講市場較少推廣或者宣傳爸爸節，但其實爸爸同媽媽係一樣咁偉大對我地咁好架 ❤️ 大媽籍此機會 ㊗️ 天下間所有爸爸都身體健康一個開心父親節 🥰⠀.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂..📍 尖沙咀廣東道3-27號海港城海運大廈地下OT G57號舖⠀☎️ +(852)3188-2840⠀.…Read More

天氣開始變冷又係時候打邊爐🍲😂 友人深知我最怕打完邊爐一身油煙味的感覺💨知道這間餐廳夠通風，特地約了我去海港城這間寬巷子齊齊打邊爐🔥•選了鴛鴦鍋: 東方美人和養生白鳳 🐖東方美人主要材料是豬骨豬手熬製而成。🐔養生白鳳則主要由人參春雞花膠煮三四個鐘。味道濃郁，材料豐富，足料煮成，欣賞湯底不會食完口乾乾湯底是打邊爐的靈魂，落足心機的湯底！•菠菠糖 🍭 $98 三顆賣相精緻的創意料理 味道有驚喜！一層一層味道口感各有不同。菠菜軟腍中夾著芝麻的卜脆，和豆皮的香滑口感，有創意味道匹配，讚！•玫瑰松阪 $368 三朵 🌸嘩！這碟一送上枱大家都心心眼精緻吸睛的賣相，無得嘆！未知味道如何但賣相首先已深得我心 😂洋蔥中盛著蘋果蛋白，煮前先用蘋果蛋白塗滿豬肉再放入湯底滾🥘松阪豬是豬的下巴位置 珍貴在於它豐富的油脂 這碟有油花但油脂不多，絕不會膩口感軟腍，配上餐廳調配的洋蔥醬，清新酸咸，不錯•餐廳坐得舒服，大大張枱，侍應親切有禮最難得食完不會口乾肉質新鮮，一分錢一分貨 菠菠糖有新鮮感，推介！…Read More

疫情關係又限聚令之下，好感恩可以約到3位好耐無見既朋友。今日黎試呢間海港城sell 精緻既火鍋- 寬巷子。首先係個湯底，我地叫鴛鴦鍋，一辣一唔辣。唔辣既係烏雞湯叫養生白鳳，辣既叫紅泥小染。齋飲白湯的話係ok 既。無試齋飲辣湯。菠菠糖 - 其實係搵塊菜葉包住腐皮仲有d 芝麻餡，唔會話好味（搵幾支樹枝插住係靚既）综合牛肉盛合 - 牛係相對 ok 既， 朵花靚靚地話係牛既橫隔膜，煮完好似肥牛d 膏但係口感都爽 黑毛肚 （左上）- 店員建議我地煮幾秒，但講真，幾多秒我都覺得係韌鳳梨酥 - 簡單d 形容就係魚腐包貢丸裡面仲有d 柚子既嘢， 一般咯鴨血 - 唯一我覺得還好既一味，如果鴨血都可以出事 ，就真係.....墨條牛軋 - 墨魚丸➕雞軟骨既組合，就係整到牛軋糖咁樣黑毛豬肉 - 肉的話相對係比較出色既菜色手握壽司滑 - 賣相ok 特別，其實就係用蝦，牛肉，鮑魚等等➕魚滑。食完之後既感想：我究竟食左d 咩？手工蛋餃 - 蛋皮包肉咯我地book 左6:30pm， 用餐時間2小時。7:45pm開始叫我地last order ➕埋單。有d 比人催既感覺，最後都要開turbo 食。可能係我期望過高，或者有食過更加出色既高質火鍋，寬巷子確實令我覺得失望。如果想影相呃like 係好ok，不過嘢食就真係好麻麻，結論係可一不可再。 …Read More

好耐冇去台灣忽然好想食火鍋，記得呢間台北食過好坐又好味，即晚book位好順利，去到坐低，waiter溫馨提示叫定鍋底先慢慢揀其他，於是order鴛鴦鍋一邊紅泥小染一邊姬松茸茶樹菇清湯鍋底，滾起飲碗清湯先好甜，之後order牛小排，海鮮拼盤和菠菠糖，食材好新鮮擺得好靚，又影又食忙一輪飽嗮喇，大致算滿意，不過我記得台北每次上食材時會交代需要煮幾分鐘而且有沙漏⏳計時非常體貼，唔知點解呢邊冇左呢部份服務...…Read More

依家打邊爐通常都有做折所以特登揀d 正價絕對唔會食既餐廳黎試當晚bk 左七點半，我地七點早到左都唔比入，唯有坐係門口睇下餐牌先餐牌都好有特色，一對門甘，好重手坐左一陣都算多人walk in 但要等到八點幾就有位最後坐到七點三就比我地入去一坐底就擺低依個洋蔥醬，埋單先知$15 一碟。。。。但真係好好味，佢可以提升d 食物到另一層次，所以值得比依$15一個鍋都要二百尾，鴛鴦先338, 梗係揀鴛鴦一個紅泥小染，係麻辣底，一個養生鍋，係烏雞花膠底麻辣一開頭都無咩料到。。。可能都有譚仔十小甘上下，但對我地食開辣既人黎講真係好似無辣甘。。。中間個圈係大量花椒，連住麻辣底，甘就唔駛成日筆到d 花椒粒，好貼心既設計，麻辣無乜料，得三舊豆腐同兩舊仔鴨血，鴨血勁滑， 豆腐好特別，好吸湯，養生都有半隻小烏雞可以食下，填填肚，d 湯都ok 甜依度大部份都係分左三人份量同五人份量我地三個人，所以叫哂平d 既三人份依生菠菠糖一上碟就覺得好似食芝麻卷甘入面好多芝麻好香，好好食，但唔覺得自己食緊麻辣鍋甘墨條就普通d, 墨魚味唔算好重，口感係硬身dd, 似長形墨魚丸甘，唔算彈牙枝仔冰係好多人勁讚，一食落去係甜既，彈牙質地，係唔錯，似食緊甜品之後梗係要叫壽司款，一豚一牛個賣相真係好得，豬肉味好夠好香，下面係豬肉滑前，好有口感同勁香豬肉味牛肉壽司，佢都寫淥四分鐘，但之後發覺上面塊牛會變太老，所以建議拆番上面塊牛自己夾住淥會好d, 下面舊飯就係似酒樓牛肉球甘，上面牛肉重牛味，係淥太耐了，牛肉球就無咩特別，唔會好重牛味最後當然唔夠飽，叫左d 澱粉填下肚先薯粉上既粒粒似係未熟西米～～薯粉係幼身，好吸湯，本身以為麻辣個邊無咩料到，點知一擺d 薯粉落去，吸哂湯，勁麻辣，我同fd 兩個食得辣既都覺得好麻口感就正常，都彈牙整體真係大食既係度應該會食窮，同埋最好三人或五人黎食，d 份量可以預到一人一件甘…Read More

中午黎呢間超靚景嘅的台式火鍋，門口已經靚到哇一聲，有好靚嘅鋼琴，仲有啲復古擺設。入面亦有好多燈籠，好有古代感覺。入到盡頭更加有無敵維港靚景，今日好彩中午人唔多，可以坐窗邊靚位。呢度嘅侍應都好耐心解釋每到食物嘅做法。呢度食物擺盤一流，我地亦揀左靚靚食物打下卡。湯底我地揀左貢布豬肚湯，養生白鳳，鴛鴦湯底$338。湯滾左之後，試下個湯，胡椒味十足，啱曬我呢啲重口味又唔想食太辣嘅人。養生白鳳有花膠、烏雞呢啲養生聖品，仲好有人參味添，健康之選。玫瑰水果茶（$98）有1300ml，入面有大量青蘋果、橙，味道好夠，甜甜地之餘依然飲到茶味。滷牛腱（$78）、滷大腸頭（$98）首先頭盤就食住啲熟食先。滷水汁一樣入味，大腸頭爽口，牛腱唔鞋。白菜豬肉餃（$88）大大隻，煮得耐又唔會散。玫瑰松板（$368）呢個擺盤一朵朵玫瑰花咁，其實係豬頸肉片一片片整出黎。食之前就加上洋蔥裝著嘅蛋液，令片片豬頸肉更香。豬頸肉超爽啊。菠菠糖（$98）呢個係菠菜包住啲響鈴，連埋足籤煮四分鐘食落依然有咬口。酒香糖葫蘆（$98）賣相好似冰糖葫蘆，但係食落其實係蝦丸！入面用左鳳尾蝦、豬肉，出面用麥芽糖整到立立令，賣相一流！花團錦簇（$328）超大個蔬菜拼盤！起碼夠我食三日啊！有多種菇類菜類，食到差唔多放落鍋度有花海嘅效果！今日食到好飽，呢度環境夠曬正，服務又一流，開係高級地段又又靚景靚裝修，價錢當然相應較高。…Read More

台灣過江龍寬巷子 鋪頭位於海港城 窗口位可以欣賞到維港美景 所以一位難求～ 好彩我早左3星期就訂定枱😉.🍲鴛鴦鍋 (元珠小染x養生白鳳) $338一大班人打邊爐 鴛鴦鍋就梗係係指定動作 貪佢有辣有唔辣 任君選擇🤗 麻辣湯底用上月桂葉、辛料、辣椒、白芝麻煮成 食落十分惹味🤤 而養生白鳳則以烏雞、花膠、桃膠、人參熬成 飲落好清甜😌 .🌹玫瑰與鯉 $538店舖既招牌菜💕 本身諗住只係因為擺碟令d 可以用黎呃like📸 點知原來依道係又有外表 又有內涵既一道菜👍🏻係碌之前會有店員幫手將蛋白均勻咁淋係d 松阪豬上面 令到d 松阪豬爽口得黎又好滑😝 大推～👍🏻👍🏻👍🏻.🐂日本和牛(大) $880🐂澳洲重量和牛(大) $780分別叫左兩款和牛 真係冇比較就真係冇傷害🙈日本既和牛比起澳洲和牛好食10倍👍🏻 其實就咁睇d 雪花既紋路 直情覺得澳洲和牛有d 唔夠肥 好似營養不良咁😂😂 果然入口有少少鞋口🤭 相反日本和牛既油脂睇相都睇得出紅白相間 分佈得均勻😋😋 入口是滿滿的幸福感❤️.💐花團錦簇 $328由不同既蔬果菇類插成一個花藝品 望落真係賞心悅目😌 而且分量都唔少 我地6個人都唔夠戰鬥力清晒一盤🙈.🦀手打帝皇蟹滑 $148🐚手打鮑魚滑 $148帝皇蟹滑同鮑魚滑都係比較少見😉 所以都叫左黎試 個人比較鐘意帝皇蟹滑多d 因為碌完都仲見到一絲絲既蟹肉🤤 蟹迷千萬唔好錯過！.🧊枝仔冰 $148🍭菠菠糖 $138另外叫左2款 店家推出既fusion菜😝 枝仔冰半透明表皮既口感有d 似細個食過既啫喱雪條 而入面係墨魚同蝦🦐 而菠菠糖就係由菠菜包住豆皮同白芝麻 食落十分之香口😋.🥟魚皮餃 $88🥟寬巷子水餃王 $98寬巷子水餃王 真係勁大一粒🥟 入面超重料 好大大隻既蝦 食落彈口 正👍🏻.🧅洋蔥醬 $15/位同其他火鍋店唔同 依度冇得自己混醬🤣🤣 但就有店家秘制洋蔥醬 因為洋蔥可以解油膩 所以會唔覺唔覺食多左好多野😆.✅必試: 玫瑰松阪、帝皇蟹滑、水餃皇.…Read More

去年已聽說過台北過江龍寬巷子，以創意火鍋料見稱。平日工作繁忙，這天難得與好友一聚，決定來試試這間創意火鍋慰勞自己一下😌吃火鍋最重要是什麼？配料？還是湯底？但無容置疑的是讓人愉悅的氣氛，確能使人大快朵頤。餐桌中央的縷空鍋子在燈光的照射下有如精緻的藝術品般，確是美觀與實用兼具。而餐牌使用鮮橙紅色的真皮皮革製成外套，上面銹有黑色字樣的「寬巷子」，突顯不同於一般大眾化火鍋的刻板印象 ，原來吃火鍋除了湯底正、配料靚外，也可如此精緻配合餐廳的地理位置，望望維港景致，誰說愛吃火鍋不能享受浪漫？:)好友酷愛刺激的麻辣火鍋，而我卻想要來點養生系，就選擇了小辣的「元珠小染」和「養生白鳳」兩款做鴛鴦鍋。元珠小染是麻辣小辣湯底，一般麻辣火鍋辣味是很足夠，但總讓人吃完口乾舌燥，這湯底辣味剛剛好，香味四溢，平常吃米線小辣或以下的最適合了！而「養生白鳳」的配料不得不多著墨介紹一下，這養生鍋用烏雞、花膠、桃膠、黑蒜和鮮人蔘煮成，未放配料前必嚐一口，清甜鮮味！再來就是同樣吸晴的火鍋料，首先來一盤Signature 的玫瑰🌹松板，很佩服師傅的巧手刀功和藝術細胞，這道菜其實是新鮮豬頸肉切片，兩端較薄中央略厚一點，然後砌成玫瑰花狀，像是一朵朵盛開的粉紅玫瑰。而食法也很考究！隨碟附上以洋蔥盛載的蛋白液，是這道菜的重點，淋上蛋白液後的豬頸肉放入鍋中久煮也不靭，口感仍很爽口滑溜，卻不怕生蟲蟲的危機！不愧為鎮店之寶！第二道也是店裡的特式菜，叫菠菠糖，光看外表只覺得像芝麻波板糖，原來以手工豆皮與白芝麻製內餡，外面包裹一層菠菜，再以植物的枝幹代表竹籤，視覺效果十足。然後來一份墨條牛軋，看來根本是沾上椰絲的竹炭口味的牛軋糖吧！？原來是花枝條染上墨魚汁加雞軟骨，爽口，可惜是浪費了整碟椰絲。手工蛋餃內餡是鯪魚肉、馬蹄等，頗有咬口，是傳統台灣食品。最後一道葷菜是杏香野菊，米白色花朵造型很吸引，以杏仁片和紫色粟米粒釀在蝦滑上，鮮甜得來很彈牙。要均衡飲食，當然少不了蔬菜，有這道花團錦簇，一上桌真的嚇一跳，完全是將整個花圃搬上餐桌一樣，將生菜、椰菜、小棠菜、粟米、辣椒、金菇等插花，實是賞心悅目，也很新鮮！但人數不多還是放棄吧！因為要吃完整盆蔬菜相信需要4-5人合作才能完成！吃火鍋當然要點透心涼的飲料，除了啤酒汽水外，也可點些女生愛好，譬如說玫瑰水果茶，滿杯都是水果和花瓣，不單止好喝又養顏，還是仙氣飄飄的打卡首選！$98已有一瓶，不怕吃到口乾！因為屬精品火鍋類，價格方面比一般火鍋來說是較貴，大時大節或節日慶祝時，偶然犒賞自己亦無不可。…Read More

♨️🇹🇼《珍稀食材篇》《食用指引及食評於下方位置》我的紀錄習慣一向都是幾分感動幾分誠意🤣，今次這篇食記介紹定當要長篇大論，要盡快開工！- - - - - - - - - 食店吸睛點 - - - - - - - - -開設於維港臨海自然會租金高昂，不過食店方面沒半點在食材上節省成本之意，反而花大量人力時間在菜色設計上，單計這份心思已經值回票價。-當中跟日本的廚師發版相似。要發揮食材的最美味並不在乎於其新鮮度，而在於配菜組合、烹調手法、食用次序。好比脂香味重的大拖羅多以最濃味品種的海膽作為陪襯食用，兩者互相協調突出主體又能更顯矜貴。寬巷子了解這份料理深度又能發揮極致，以下將逐一回味，方便下次能更之細味😋。===========品味指引===========鴛鴦鍋《元珠小染 養生白鳳》 HKD 338簡單來說是藥膳鍋跟麻辣鍋，白湯藥材味濃，有甘香味，不過味道偏淡，特意為食材的味道複雜性而設，避免反客為主。-紅湯敢說是暫時香港食過的最好味。辣味適中又辛香味濃。普遍食店忘卻麻辣湯的重點只著重辣味，在這裡能品嚐到惹味的辛香。本人心目中第一位《無老鍋》以辛香而不辣見稱，《寬巷子》就以兩者恰到好處為賣點，兩間食店的湯底同屬第一位。玫瑰松板 HKD 368屬豬的下巴位置，又因為被油脂包圍故要經驗熟練的師傅才能順利取得工整的松板肉。油脂含量高而又平均分佈於豬肉間所以額外滑溜，咀嚼時更多了一份軟潤感。配上台灣產本土雞蛋白食用可以更引出松板豬的獨有香味，一種近似花香，清新而沒有丁點肉類的血腥味，珍味非常，只可惜價錢稍貴。不過也是必食之選。手打帝皇蟹滑 HKD 198帝皇蟹以鮮味濃而蟹味淡馳名，所屬味道最能體驗高檔日本菜的精髓：淡而鮮、簡單又具層次感。今次店方以手打滑呈現能滿足像我這般對嚼勁愛到發狂的食客，不過建議在用餐前段食用，確保味覺敏感度，蟹味及鮮味清晰而又輕輕帶過，包有一番新體驗。紐西蘭蟶子皇 HKD 68終於找到間能與起初開業《養心殿》一較高下的蟶子皇，體型大隻不在話下，鮮度特別地高，要比一般即叫即劏的來得更鮮美，這點非來貨為最生猛的莫屬，價錢絕對值得，師傅特地把蟶子開邊，方便食客可以一隻品味兩次🤩。-♨️🇹🇼《創意料理篇》《食用指引及食評於下方位置》- - - - - - - - - - - 細味指引 - - - - - - - - -杏香野菊 HKD 128以新鮮鯛魚片作為底座，上層用人工插上整齊呈扇狀的杏仁，濃魚香味出奇地跟杏仁香味配合得天衣無縫，爽實的咬感更為無嚼感可言的魚肉富上豐富層次。極濃的魚肉味本已經難能可貴，竟借用杏仁的爽實感存在，又一驚喜。菠菠糖 HKD 98一道驚喜滿滿的創意料理。由豐富菜香味的菠菜葉包裹著內層的白芝麻豆皮。白芝麻的精純油香味跟豆皮配合得天衣無縫而且份量恰到好處。芝麻香味以最出色的存在，作為吃貨的我幾敢肯定白芝麻在制作前就已被預先炒香才散發到出乎意料的香味。豆皮捲得夠鬆，避免帶來沈重的油膩感。冬甩子 HKD 98這道菜式的主題為多層次鮮味。紅蘿蔔、堅果、杏果各種各樣都有各自的獨有味道，不過同樣地輕盈，所有材料擁有清澈的鮮度又不會喧賓奪主。進口時，以不同方式所呈現的鮮味一擁而上，那種要多得糾纏不清的滋味，本人在以前都未曾嘗試過。墨條牛軋 HKD 98跟冬甩子類似，不過今次則著墨於先後，比較。以墨魚汁混制，鮮味自然不同凡響，以椰絲作為鮮味的陪襯，不會喧賓奪主又足夠形成一對組合令層次更豐富更完善，再次認證設計者對味道的充份掌握。…Read More

最近天氣轉冷，想圍住個火鍋十下十下的念頭又開始蠢蠢欲動，因此，這晚特地預訂了位於尖沙咀海港城的寬巷子火鍋店，與男友大快朵頤。 寬巷子的門面用了一扇古木門口，忍不住要在門前拍了不少照片。 裏面的裝潢古色古香，有種在古代的宮殿裏面進食的感覺。窗邊的位置更可享180度的維港海景，實在浪漫。除了美侖美奐的裝潢和無敵景觀，我也很欣賞餐廳在細節上都花上了心思：火爐上有個銀色底托，鍋爐放上去以後，就好比綠葉襯托花朵的感覺，設計別出心裁；筷子和湯勺放在用木製筒子裏面，好比文房四寶；筷子的長度做出比一般筷子長，更方便從鍋裏面撈起食物。唯獨是餐牌用了橙色軟皮革作封套，有點與古典的裝潢格格不入，如果換成深啡色會更配合整體風格。我們點了店員推薦的幾道食材，包括杏香野菊、墨條牛軋、菠菠糖，豬肉餃，和花團錦簇。單是看Menu 上面的圖片，已是讚嘆不絕，當一道道被塑造成藝術品的食材放在面前時，再次被廚師那巧奪天工的手藝驚艷了。 杏香野菊做出花瓣的形態，紫玉米成花蕊，内腰肉爲花芯。 連同竹枝放進鍋裏面約4分鐘便可，肉質鮮甜彈牙，杏仁爽脆，紫玉米煙韌，三種口感的搭配非常奇妙。 菠菠糖也是連竹枝放進鍋裏面約4分鐘拿起，咬破外面豆香濃鬱的豆皮，白芝麻香破囊而出，繚繞味蕾！ 另一個驚喜來自墨條牛軋，名稱相似平常在臺北買到的甜甜牛軋條所以點來試試，這個要煮起碼上5-6分鐘，咬起來煙韌，有淡淡墨魚汁香，中間能吃到爽脆的口感是來自配雞軟骨和花枝塊，非常好吃。這個鹹味的牛軋條與原本認知的甜味牛軋條造成極大的感官衝擊，極具驚喜！ 玫瑰松阪也是亮點，大葱裏面承載著蛋白， 店員教導把蛋白均匀淋在肉上，用湯勺把整朵玫瑰松阪放入湯底，10多秒之後慢慢把肉片弄送，因爲肉片切得極薄身，幾乎幾十秒之後便熟。濃濃豐腴的肉香在口腔裏面爆發，肉汁極其豐富！ 豬肉餃$78的白菜，蘑菇碎與肉豬非常搭配，皮很薄身。 最晚的高潮是以各種蔬菜擺設成盆栽的花團錦簇，甫上座已讓我倆驚呼不已，份量之大足夠4-5食用。 店員眼見我們不知從何入手，便道可以幫我們把蔬菜鋪在火鍋盆上，猶如在水中開花的形態。由於從未聽過這一種的吃法，便讓店員示範，讓我們開開眼界！ 這幾年香港引入了不少類似的臺灣火鍋品牌或是仿效臺灣火鍋風格的餐廳，但說實在，要把食材弄得像猶如藝術品，尤其是花團錦簇這道把各種蔬菜用插花的手藝擺放成盆栽，如斯出神入化的境界，還是頭一回在寬巷子見識到了。這裏的價錢確實要比一般火鍋來得貴，但以這個食物質素，裝潢，景觀，和具高度欣賞價值的食材擺設手藝，絕對值得大時大節或紀念日掏荷包來這裏擦餐勁！…Read More

藝術火鍋@尖沙咀寬巷子來自台灣，麻辣火鍋好出名，不過朋友怕辣就無點到。我哋揀咗個鴛鴦鍋，白色嗰邊係東方美人，另一邊叫養生白鳳，有花膠同烏雞～Menu 會列明飲品一壺有幾 ml，咁樣都幾好，易啲預份量。我哋呢壺係山渣紅果汁，味道酸咪咪，真係雪到好冰涼，幾開胃！台灣古早嘅雪條叫枝仔冰，不過呢個係模仿枝仔冰嘅創意料理嚟，整得真係好似一支支雪條，但就唔會溶，哈哈！外層有塊水晶皮，入面係花枝、蝦同豬肉打成嘅肉團。因為混合咗唔同食材，口感好彈牙同豐富。後面係呢度特調嘅洋蔥醬，無豉油咁鹹，唔會搶啲嘢食嘅味 啲嘢食好似藝術品咁，賣相非常靚～早年去親台灣一定會買好多鳳梨酥，呢個鳳梨酥其實係手工豆腐再混咗蝦肉同豬肉等等，咬開真係有菠蘿流心！玫瑰松板精緻到爆，右邊有個洋蔥係裝住啲蛋白，要淋咗啲蛋白先淥啲豬肉。一開頭侍應示範一次俾我哋睇，仲有個沙漏幫手計時，都幾好玩！啲花瓣一層又一層，整得好立體。除咗個樣睇得之外，無諗過豬肉都可以咁滑嫩嚟呢度一定食呢個玫瑰松板！菠菠糖嘅外皮係菠菜，裏面係手工豆皮包住白芝麻，所以好香芝麻味。侍應教我哋連埋樹枝放落去，咁樣淥完都唔會散開～寬巷子水餃王包到好飽滿，餡料好充實。花團錦簇有成十幾樣蔬菜，插到好似盆栽咁，啲菜好新鮮同清甜！我哋係坐窗邊位，個一望無際嘅海景超正雖然呢度貴過台灣店，不過環境、食物同服務都有水準～…Read More

記得三年前到台灣旅行，特意選了一家精緻火鍋店，除了大賣宮廷特色，食物又精緻，令人印象深刻。想不到三年後這個熱潮已吹到香港。最近知道寬巷子在海外開設第一家分店，而且選址香港-尖沙咀(海港城)。在網上看到其精緻的食物已相當吸引，立即要來找回台灣的回憶。餐廳參考台灣店的設計，充滿懷舊感，而且闊落，完全沒半點擠迫的感覺。打開餐牌，盡是精緻的火鍋食物，全部賣相都非常吸引。鴛鴦鍋 $328 (元珠小染，東方美人)餐廳湯底有五種選擇，選了麻辣的元珠小染和清甜的東方美人。元珠小染 - 紅紅的麻辣湯非常吸引，而且湯底重麻不重辣，辣味溫和，麻味刺激。東方美人 - 美人鍋用上豬骨高湯，它鮮甜的味道， 將它當成湯飲也絕不過份。玫瑰松板 $298餐廳的招牌菜，將豬肉卷出玫瑰花的形狀，立即變得非常吸引。放入鍋之前先將蛋白搽上豬肉中再灼熟，豬肉香滑，口感爽彈，有豐富的豬肉香味。花團錦簇 $238也是第一次看到如此巨型的蔬菜拼盤，還以為是一個插花擺設，非常龐大。花團錦簇由各種蔬菜(金針菇，香菇，美白菇，日本甜玉米，時令蔬菜)組合而成，職員也樂意幫忙將蔬菜鋪滿整個火鍋中，顯得非常豐富。菠菠糖 $68將手工豆皮捲起，中間還有白芝麻，最後用菠菜包住。灼的時間比較講究，太快固然不夠熟，太久又會破壞口感，所以餐廳都有準備沙漏，而我就建議將菠菠糖放到東方美人鍋中，更能嚐到它的味道。杏香野菊 $108杏香野菊是香港限定，手工之作。採用新鮮內腰肉，將它摔成爽彈的口感。再包上香茄，烤到紫金色，用杏仁圍出花，最後加上紫玉米，令入口富有層次。白菜豬肉餃 $78白菜豬肉餃由師傅包製，皮薄，而且豬肉，鮮蝦等的餡料相當豐富。烏梅汁 $88吃麻辣火鍋，飲烏梅汁是比較好的選擇，能夠減辣解渴。首次接觸寬巷子，實在被它出色又富藝術感的食物吸引，而且還有台灣的店員出色的招待，難怪餐廳客似雲來！…Read More

台北火鍋名店「寬巷子」，終於落戶在港，它的賣點以精緻手作配料洋名，為咗保證食物質素，專誠請來4位台灣店師傅到港主理，供應嘅食物大致同台灣店一樣。火鍋配料賣相精緻得像藝術品一樣，每一度配料都精心打做，店員也會細心解釋用料。店子的門面裝飾得古式古鄉，內裹有獨立的房間及大堂的雅座，而靠近窗邊的座位更可享維港景色，也有提供小童座椅，十分體貼。坐下後第一時間看看餐牌，餐牌也有特色的設計，用上全真皮的封面，內頁也製作得很精美。我們先選擇湯底，有五款海底可供選擇，如一鍋湯底$298，也可以選鴛鴦鍋，都只係$328，我哋就選鴛鴦鍋，一款要「東方美人」養生滋補，豬骨味濃而順滑；湯底有龍眼乾、杞子、牛蒡、紅棗、薏米。另一款選「元珠小染」辣得舒服順喉，不會搶去肉類的原味，配料有龍眼乾、紅棗、花椒、辣椒、白芝麻、杞子等，麻得香口但不會太辣。而每款海底也會有鴨血及冰豆腐放在鍋內。鴨肉非常新鮮，入口很嫩滑，而冰豆腐很有層次感，把湯底的精華全都吸收在內，加上有濃濃的豆味，非常好吃😋另點了招牌「 玫瑰松板 」，這是必食推介，一碟3朵的玫瑰花精緻得不捨得吃下，聽聞台灣店日賣300朵。玫瑰花用上松板豬肉製成，全經人手砌成非常立體，$298/ 3朵 ，每朵大約有14片豬頸肉，他們會提供蛋汁，放在花上才灼，令肉片更滑溜。　另一美味精緻之選「杏香野菊 」$108/3朵，每一朵花都要用上幾分鐘製作，這個菜式已在台灣店停售，香港店能再次出現，大家真的要把握機會。花芯以蝦滑製成，再用人手插上30多片完整的杏仁片，再用火微烤，令杏仁片的邊緣有微焦，份外香脆。在底部有海苔片，能提升蝦滑的鮮味，而外層用上茄子薄片，並烤成紫金色，在花的中心放上紫粟米粒，全朵花放入湯內灼，在灼好後花的形狀仍能保持，真是巧奪天工之作。「菠菠糖」$68/3件，賣相很可愛像波板糖，內裹有菠菜的外皮，包著白豆皮再加上滿滿的白芝麻，白豆皮盡吸湯汁的精華，入口盡是芝麻的香，層次感豐富。「花團錦簇 」$238，賣相霸氣十足，極像盆栽一樣美，吃完火鍋服務員更會幫你，把菜插在鍋中儼如細心栽花一樣。而菜的份量也相當多。「墨條牛軋糖 」$88/3件，以黑墨魚汁、花枝漿肉等拋摔而成，最特別是加入了雞軟骨來取代牛軋糖中的果仁，含有豐富鈣質，非常有心思。魚皮餃🥟$68/6粒，魚皮餃子的皮，柔軟滑溜，加上餡料充足，經美味的湯底灼熟後，升華到頂點。「烏梅汁」1300ml 一壺$88，此飲品配上火鍋真的很能下火，酸酸甜甜的，加上夠冰凍，真是麻辣鍋的最佳拍檔。…Read More