Yung Kee (Closed)

同朋友黎九龍城搵食，食個平平地食車仔麵先～～我就揀左食碗仔翅湯底姜汁好立克    $18原本覺得兩樣野大纜都扯唔夾，反而出奇地匹配，而且姜味出得黎又唔會掩蓋到好立克既香。出面好少見到呢款飲品既配搭，值得一試。菜脯煎蛋      $12菜脯份量岩岩好而且好香同好爽口。而煎蛋既熟程度岩岩好唔會太老，記得上左菜之後要趁熱食。雞絲碗仔翅湯底(配一麵底)    $28中意烏冬！不過要加$4，配料就有雞翼尖、蘿卜、雞翼尖、芝心丸、百葉豆腐，個湯底都係比較特別，而且逢星期六日先有。一開始食覺得有啲淡，但係慢慢食落其實個濃度係岩岩好，而且碗仔翅湯底都係好足料所以好飽肚👍🏻而配料方面，芝心丸係特別推介，比出面既芝心丸更加多芝士。而雞翼尖都好入味，至於百葉豆腐反而因為唔夠香口而比較遜色。…查看更多

連續2日都出九龍城，琴日食左泰國菜，今日想食返清少少，上網搵到呢間車仔麵好特別咁，估唔到食車仔麵都咁多花樣！以為食車仔麵既地方裝修會比較舊式？錯啦！設計以白底為主，望落去幾清新乾淨佢有好多款特色湯底！姜汁咖啡    $21首先餐飲到～咖啡入口先有微微焦香，後勁先帶姜汁味，味道都幾夾姜汁好立克    $18呢個比姜汁咖啡吸引，姜汁同好立克完全融為一體！菜脯煎蛋      $12店員提醒想食呢個就必須於19:30前落單！因為負責菜脯煎蛋既師傅要收工吖～蛋煎得燶而不焦黑，菜脯填滿入面，仲帶少少汁，不錯雞絲碗仔翅湯底(配一麵底)    $28店員指星期六日先供應雞絲碗仔翅湯底！咁岩星期六前來，梗係試下呢個。揀左配烏冬(+$4)，配料揀左蘿卜(+$8)、雞翼尖(+$9)、百葉豆腐(+$9)、芝心丸(+$9)。勁足料，份量都幾多，唔會偏咸，濃稠度適中，可能我重口味，覺得可以再重味啲，或者加少許紅醋調味味道會更佳妃松茸蟲草花湯底(配一麵底)    $30揀左配米線，配料揀左飛魚籽魚蛋腸(+$9)、麵筋(+$9)、沙爹魷魚(+$10)、辣咖哩牛腩(+$15)。清甜味道但又唔會過淡，飲左都冇口渴！雖然話係辣咖哩牛腩但其實都唔辣，燜得幾焾幾岩我口味，飛魚籽魚蛋腸都幾彈牙。依排做緊世界盃，店內仲有電視直播，食住港式風味既車仔麵配世界盃幾有feel，平平地，唔一定要去酒吧～～…查看更多

今日去九龍城買餸打邊爐, 順便過黎食返碗車仔麵做LUNCH坐低後, 填紙落ORDER 就得開頭對住D點菜紙, 好似張張都差唔多, 之後發覺係揀湯底先再填呢度最有特色就係湯底, 除左清湯外, 仲有胡椒豬肚湯/ 酒香藥膳雞湯/姬松茸蟲花湯雞, 雞絲碗仔翅湯底等我地揀左一碗胡椒豬肚湯, 一碗酒香藥膳雞湯, 再自己揀配料配料種類多, 如果唔知點搭好, 可以參考牆上既配搭胡椒豬肚湯黎左之後, 緊係飲番啖湯先湯底濃郁, 胡椒味重, 好正, 飲完好暖胃, 好啱咁凍既天氣飲, 幫助驅風散寒配左豬皮蘿蔔, 魚肉春卷, 都係正常水準酒香藥膳雞湯, 有較重既藥材味, 味道甘甜, 湯入面仲有幾片藥材, 真係真材實料配豬紅, 冬菇, 沙嗲魷魚豬紅冬菇都入味 店員好醒目自動將沙嗲魷魚另上, 唔使沙嗲同湯底MIX 埋沙嗲汁好惹味, 店員話係佢地自家製既不過我叫左米線, 就煮得太淋了由於兩個湯都好好飲又無味精, 俾我地飲到見碗底菜脯煎蛋, 係即叫即製, 熱辣辣上枱, 要趁熱食蛋香濃郁,  裡面仲有D 蛋汁, 加上菜脯, 好有口感見食評推介薑汁好立克/奶茶, 我都要返杯薑汁奶茶, 女仔最鍾意有薑既野奶茶裡面有薑片, 薑味唔算太濃, 混合奶茶, 配搭新鮮又幾好飲另外要左杯熱朱古力, 味道都幾濃, 唔落糖都夠甜…查看更多

日本人食拉麵會飲晒啲湯，代表嗰拉麵好好味，對廚師嘅讚賞。不過我哋喺香港同日本食咁多拉麵都無試過飲得晒嗰湯，太肥啦。不過我哋竟然喺九龍城榕記車仔麵食到飲晒嗰湯，全因嗰湯底真係太好味。M佬之選：胡椒豬肚湯 (油麵+雞中翼+魚皮餃)網上啲人話嗰湯講到咁正，就梗係要即刻飲返啖先。未飲已經好香胡椒味，嘩，一飲落口，就有好濃嘅胡椒味，辣到條脷都有啲麻，真係好足料喎。湯底仲連埋豬肚，有成六七舊咁多，好抵呀，豬肚吸埋胡椒味，爽口彈牙，正。車仔麵嘅餸都好出色，雞中翼有淡淡嘅鹵水味，雞肉嫩滑，魚皮餃一咬就有好多魚油，好香濃。A姐之選：姬松茸蟲草花湯 (上海麵+麻辣鱈魚丸+魚肉春卷+豬腩片+雞翼尖)養生嘅A姐揀咗姬松茸蟲草花湯，一嚟到就好香菇味，菇味濃郁，非常清甜，有媽咪煲老火湯嘅感覺。食麻辣鱈魚丸要小心啲汁會射出嚟，辣辣地好惹味。魚肉春卷彈牙，豬腩片新鮮，雞翼尖入味。雞絲碗仔翅比坊間嘅碗仔翅足料，雞絲唔覺得韌，加埋冬菇雲耳，口感豐富，最重要係有埋麻油清香，大滿足。菜脯煎蛋雞蛋煎得啱啱好，一啲都唔老，有少少焦，加埋菜脯，有口感之餘，仲有少少咸味，正。蒜香生菜蒜味濃郁，唔單止係表面加少少炸蒜，係生菜本身都有蒜蓉味，唔錯。（記住Like同Share畀朋友）…查看更多