Steam Hotpot

#「蒸蒸日上」私房菜（自己mark個名做私房菜）香港佐敦與尖沙咀之間有間。真。新鮮。味美。既蒸海鮮鍋+最尾食碗自選指定粥#支持香港經營店舖💗#支持香港消費💗#泊車算方便✅#附近有大廈泊車✅#有咪錶但係半小時咪錶來✅今晚同一月之星慶祝生日朝早十二點前訂枱趕得切仲可以約即晚上去堂食🌠選擇咗每位$620既餐介紹食既菜單及評語-真心話勁新鮮澳洲龍蝦(每位半隻)有膏既龍蝦，雖然每人食半隻，但真係勁夠鮮甜，蝦肉都算厚身南非鮑魚清蒸就係要食鮮味，咸鮮味確係正蒜蓉粉絲蒸扇貝超級新鮮扇貝（掛住食影到濛左啦😂）噴水貝殼、北寄貝 貝殼肉漲卜卜超鮮甜北寄貝平時食壽司多咁蒸來食又另一食法，仲係食個鮮甜味游水龍躉伴時蔬呢個魚超新鮮冇腥味仲要係啖啖肉咁蒸超後菜都好鮮甜靚海蟹伴黑松露墨魚丸海蟹比心目中略偏細隻，但係老闆新鮮即場新鮮洗同即劏（下次提自己要問吓加錢食大隻肉蟹先）黑松露丸配搭幾新鮮手切頂級牛小排(可轉黑毛豬)今晚係牛小排真係冇醃既肉第一次覺得好正🙌🏻嫩滑走地雞今晚配埋雲耳，菇類，蟲草花蒸雞食個新鮮味唔係雪藏雞田園粗粮今晚有粟米🌽南瓜🎃蕃薯🍠好鮮甜素食都好味（食到唔記得影相添）綿滑蒸鍋粥訂枱時就要選定以下粥底：1️⃣柴魚花生粥2️⃣菜乾排骨粥3️⃣粟米南瓜排骨粥4️⃣香菇野菌雞粥5️⃣瑤柱蓮子排骨粥😀選取請預先通知😀今晚自選菜乾排骨粥 -菜乾冇沙，排骨有醃過夠味好好👍🏻脆皮地瓜丸 即炸超脆皮內軟地瓜丸重點唔太甜環境舒適最岩一家大細及三五知己朋友聚會但一定要訂位提早約定唔駛等位有大廳有房間（另題外話洗手間位地面乾爽都保持到乾淨）多謝店內靚姐你成晚幫忙計時落料辛苦晒你多謝你出手💥💥注意💥💥 時令海鮮可能會有更改🦀🦞🦐💥本店保留最終决定權💥免收茶芥及加一☕免收切餅費🎂免收開瓶費（紅酒白酒及各種烈酒）🍾🥃凡本月生日🎂即每枱每人送可愛公仔包一隻（訂檯前請預先通知及當日出示証明）這店開到23:00香港極度需要這些店可以開得比較夜請繼續保持水準🙌🏻有機會會再過嚟食其他set at😬#香港美食#蒸蒸日上 …查看更多

話說又係生日🎂飯系列🤣7月真係食唔完之月😋😋😋😋其實呢間蒸蒸日上私房菜我既一班朋友之前已經食過、但嗰次我咁啱不在港，就唔到時間錯過左，偏偏佢食班死野食完讚不絕口！個個都大讚比起坊間既蒸海鮮，呢間真係高幾班，攪到我話到我生日今次一定要食！😤呢間其實有兩間「分店」，近佐敦呢個架步應該專門招呼大啲既party😯一到埗見個場地放左兩張6人枱、一張大圓枱，一張4人枱，地方都幾闊落，雖然幾枱一食得高興都會嘈嘈地，不過絕對可接受，而且好乾淨企理、完全冇紙箱📦雜物。聽講仲有一間VIP房都係放一張大圓枱，有minimum charge不過夠一枱人一定食到。由於友人一早訂左枱訂左餐（應該要一早揀定，因為佢地要預備材料），所以我其實都唔要有咩食，店員姐姐為我地端上菊花紅棗龍眼肉茶，都十分足料，飲落去好潤喉清甜！然後就問我地可以開始食未。人齊啦就食啦！😋先黎一啲蜆先！姐姐會幫你落窩面蒸，放好timer，夠鐘會幫你上碟！🤗而個粥底亦一早set左喺底，所以訂枱前都要揀定⋯啲蜆蒸左分黎鐘已食得！一開蓋嗰下啲蒸氣好香！肉質鮮甜，一啲都冇過熟、肉又嫩又有汁！唯一我有一隻有沙未咬清，但我見我啲friend嗰啲都冇沙，咁我食左5-6隻都係一隻有沙，可接受！由於太多美食，只能夾埋啲相一齊po🤣第二味係到蒸蝦！好大隻呀！又係蒸幾分鐘就又食得，我地又食又傾我覺得阿姐好似好快手咁，要我地食唔停🙈😆嘩！啲蝦🦐又係好彈牙既肉！又係勁甜！男友話係海蝦黎的，啲肉先會咁結實💪🏼第三味就係貴妃蚌啦！呢個真係不得了，一人一隻蒜蓉粉絲蒸，隻蚌好大隻，唔好講個殻幾大，係隻蚌有差唔多我手掌咁大🖐🏼厚度又唔會太厚，所以肉質甜又有鮮味、加埋少少蒜蓉提升左個香味但又唔會太搶！粉絲索左啲蚌汁！呢個真係滿分💯👏🏼👏🏼👏🏼次後就到花螺，雖然佢偏細隻，但勝在近新鮮同乾淨，了出黎個尾都冇好深色既屎，唔知係咪因為佢夠「後生」定啲水質夠乾淨，講真，食到螺呢，我先點左少少豉油，因為樣樣海鮮都好鮮味！😍👏🏼👏🏼👏🏼下一味係個鮑魚，呢個就相對普通，佢拆左殻切左一掌先同你蒸，所以蒸左分零鐘已食得！不過鮑魚味就唔係話好重、食到暫時唯一一樣有少少野可以挑剔的，就係鮑魚食落口有少少淋左。但鮮味仲好高既～食到呢度其實飽左一半，但其實啲重份量既先而家開始！下一味落既係龍躉！而且唔只有魚，仲有好多菜心同翠玉瓜，所以除左食蒸海鮮都仲有好多蔬菜🥗😂講返個魚，佢切塊件件都好巨、肉質都係個句，真係彈牙又滑又有魚既鮮味😋🌊同埋佢呢個龍躉每人為返有3大件，再加埋D菜，食完呢個魚都真係好飽! 因為其實佢既份量都唔細，我地又帶左支日本既桃酒來送海鮮🥂🍾話時話，呢度自備酒水就當然冇問題之餘，佢地仲唔收開瓶費! 天啊，冇加一冇開瓶費，但其實又可以免費畀埋冰桶、杯等等，仲要其實個姐姐都好好服務!👏🏼👏🏼講到呢度，個姐姐就問我地有冇人今個月生日，如果有就會送多一個壽包 😆不過佢會要你show一show身份証畀佢睇一睇! 仲有生日禮物，呢間野其實都幾良心啊~😂🤤去左個toilet break返來原來已開始蒸蟹🦀仲要加埋佢地自家製既黑松露墨魚丸! D蟹雖然唔大隻，目測就3-4両左右啦，但蒸落好鲜甜! 另外每人都有2-3粒墨魚丸，墨魚味好香，不過黑松露其實就冇咩特別。呢一道菜仲有個亮點，就係佢連埋D豬皮一齊蒸! D豬皮本身好爽口，索埋D蟹汁好甜! 我男友都忍唔住同姐姐大讚個豬皮好得👏🏼👍🏼👍🏼話哂都食左7樣海鮮，跟住佢就到肉同菜，先有一道手切牛肉~🐮原來牛肉都可以咁蒸 而且蒸既時間一定要夠短，每邊30秒左右就剛好上碟，而且佢又係好有份量，每人都有2-3塊 一入口D牛肉一D筋都冇，但又有趙勁! 🤓牛之後就有雞，佢呢個什菌蒸滑雞真係好夾，D雞蒸到剛剛熟，一D都唔鞋，真係大膽講句冇牙都食到!🐥😋而且雞味好香，完全冇任何雪味，而且係香港可以食到咁好食既冰鮮雞真係唔多🙈😆係開粥食之前，仲有一味什菜，有南瓜、蘿蔔、蕃薯同馬蹄，樣樣都洗同切得好乾淨，食落都好甜，只有蕃薯比較冇咩味。而且真係跑到上心口了🤓但又唔可以唔食下佢呢個吸收哂所有海鮮同肉既精華既粥~我地揀左菜乾排骨粥，粥底都係要喺訂枱時揀好，今次呢個菜乾粥好啲菜乾味香得來好清甜，雖然食到真係好飽，但點都要試少少，然後食唔哂都可以帶走。最後就有個炸地瓜丸，連埋送既「壽包」，原來係會送一人一粒、而且係公仔一樣架！🙋🏼‍♀️🙋🏼‍♂️有男仔女仔樣，一個蓮蓉一個豆沙但個炸地瓜丸真係不得了，外層係炸粉包蕃薯皮，入面係芋泥！而且個芋泥好香呀！係我地細個食菲律賓運返黎嗰啲芋頭雪糕既香味呀！😍😍😍😂😋🤤🤤🤤真係好好食！幾飽都要食！而且咁飽我地都係再加多幾粒！講真，呢餐飯真係飽到不行了，還好唔太多肉同埋唔油，所以落左枱就唔會話好辛苦🙈🤣一間私房菜做到啲野咁好食、材料新鮮、地方乾淨地點又方便，服務都咁好，最重要係價錢真係好抵食，性價比極極極高！蒸蒸日上，I’ll be back! 😍🤓😋💯💯💯💯👍🏼👏🏼👏🏼👏🏼每位$330(蒸蒸日上）（免收加一，只收現金）噴水貝殼，扎扎跳海蝦蒜茸粉絲蒸貴妃蚌，野生花螺，大蓮鮮鮑魚游水龍躉斑生猛靚海蟹，黑松露墨魚丸手切頂級牛小排農場走地雞溫室野菌田園粗糧蔬菜盤特色獨有綿滑蒸鍋粥脆皮地瓜丸…查看更多

今年夫家的中秋節飯局, 選擇了之前冬至飯也光顧過, 家人都挺喜歡, 位於柯士甸路的私房蒸氣鍋 - 蒸蒸日上。 一行12人, 有大又有細, 這趟預訂房間, 可以坐得更舒服更有私隱。 而訂房設有最低消費: $4500, 如果人多, 平均每人都是四百多,這個價錢食蒸海鮮也不失為好選擇。 因為是私房菜, 大廳也坐得蠻舒服。 因為只接受電話預訂(最少要早一天預訂), 所以海鮮款式早已預備好。 食海鮮當然要配上白酒, 我們自攜酒水, 店方沒收取開瓶費之餘, 更提供冰粒冰筒給我們雪凍白酒, 貼心服務。 餐前小食: 自家製的醃蘿蔔, 醬油醃得入味, 蘿蔔又爽口, 很惹味開胃。 還有滋補養顏的紅棗圓肉茶, 比飲茶葉茶更好味又養生。 最後食的菜乾排骨粥, 蒸海鮮之前要作好準備, 先把材料倒進鍋底, 慢慢熬製。 房內設有兩個蒸爐, 12人的分量分開兩邊蒸煮, 令每位都可夾到。 先是噴水花甲花甲每隻都很大隻飽滿, 鮮甜彈牙, 不蘸醬油也能感受鮮味, 浸得徹底沒有沙, 令人吃不停口, 份量十分多, 每人起碼可以食到7,8隻, 夠滿足。 扎扎跳海蝦大大隻海蝦, 排滿整個蒸氣鍋。 蒸至橙紅的海蝦, 爽口彈牙又鮮甜, 每人至少吃到3,4 隻之多, 十分滿意又飽足。 濟洲象拔蚌切片到薄身的象拔蚌, 清甜彈牙而有嚼口, 近內臟位置, 蒸過後會較腍身一點, 但亦無礙鮮甜之味。 蟶子皇蟶子非常大條, 肉厚粗身, 處理過十分潔淨, 蒸的時間控制得適中, 沒有過老, 質感爽身又帶嚼勁, 鮮甜味十足。 一輪海鮮過後, 來些菜蔬作間場緩和一下: 田園粗糧蔬菜盤蔬菜盤有南瓜、粟米和白蘿蔔。 南瓜糯軟香口, 粟米甜爽, 白蘿蔔反而有點澀, 可能未到當造時間。 用蒸的方法烹調蔬菜, 比用油煮來得更健康鮮甜。 鮮鮑魚仔夾起粟米後, 將鮮鮑魚放於較結實的南瓜和蘿蔔上蒸, 三幾分鐘就食得, 肉質彈牙好食, 鮮味十足, 每人都有3-4隻, 甚為豐富過足口癮。 游水海班用菜心、津白和秋葵作底, 再放上海班, 令魚肉不會黏在鍋爐之餘, 又令菜蔬滲透魚汁香, 不錯。 每塊切件海班都充滿豐富骨膠原, 加上已起骨, 啖啖肉, 不過略嫌有點點過實帶點嚡口。 帶有魚汁精華的菜心蒸得腍軟, 津白超甜, 秋葵則帶滑潺感, 喜歡的吃過不停, 不喜歡這口感的還是吃津白菜心。 黑松露墨魚丸加入豬皮一起蒸, 墨魚丸十分彈牙足料, 雖然所說的黑松露味未算十分突出, 墨魚味仍是香濃, 爽彈好食! 生猛海蟹吃過墨魚丸後, 於豬皮上放進處理好的蟹件。 中秋時節的蟹開始當造, 非常多肉多膏, 多到溢出的爆滿, 盡是滿足, 雖然體積略為細隻, 但味道十分鮮甜, 同樣令人滿意。 豐富的海鮮過後, 肉食也是少不了: 手切頂級牛小排切得厚薄適中的牛小排, 牛味頗重, 彈牙香口, 蒸的好處就是令肉汁保持, 時間控制適宜, 不會過韌, 盡享牛肉的美味。 農場走地雞/ 温室野菌籃雞肉加上雲耳雜菇一起蒸, 沒有調味的雞肉不單嫩滑, 而且吸收了菇類的精華香味, 不用蘸上醬汁已是鮮甜可口。 最後是吃蒸氣鍋少不了的 - 特色綿滑蒸鍋粥兩鍋份量十分, 吸收了海鮮精華的菜乾排骨粥, 軟綿香滑, 灑上胡椒粉令味道層次更鮮甜。 不過在這十成飽滿的狀態下吃了兩碗粥品, 實屬飽到不行, 剩下的還是打包回家, 早餐延續這味道的一頓。 脆皮紫心丸最喜歡這兒的甜品 - 脆皮紫心丸, 剛炸起的熱騰騰, 炸得香脆金黃, 滿滿的紫薯蓉餡香口甜美, 可惜每人只有一粒未能盡興滿足, 只能抱著小食多滋味的去細嘗。 健康又美味的蒸氣鍋, 吃到原汁原味的海鮮, 份量之多確令家人十分盡興, 這個價錢既可吃到多款生猛海鮮, 又可滿足肚皮, 而且又坐得舒適, 相對其他蒸氣鍋店來說是十分實惠, 是家人聚餐的一個好地方。順帶一提這兒只收現金啊!…查看更多