GeGe Fu Royal Cuisine (Closed)

一家大細食開年飯，今次簡左格格府，貪佢有特色，環境又好。年初四，7點到步，全場只有三圍，座位舒服鬆動，環境清靜，岩晒驚嘈雜既朋友。一入去就好有古代感，清朝服飾放係門口位置，係可以著黎影相架！裝修擺設都有心思，同出面中餐明顯唔同。我地一行10人，訂左個8人餐加多2份蝦球同湯，另外仲叫多碟水煮魚，份量足。前菜係五福拼盤有肴肉、醉豬手、酸青瓜、麻油木耳、胡麻醬雞絲。當中最好食係木耳同豬手。黃金大阿哥蝦球，原來單價要加97蚊一隻！一上已經好香蛋黃味，大大隻而且新鮮熱辣辣，非常香口夠味，對得住呢個價錢。菊花豆腐湯望落真係幾靚，朵花浮下浮下咁，而且味道唔錯。松子桂花魚，酸酸甜甜，外層香脆，內裹嫩滑。水煮魚麻香味濃，同樣以桂花魚入鐉，無骨又夠滑。重點係佢有大量芽菜同薯粉，吸晒d 麻辣味，好好食。我地叫左中辣，辣度可以接受，而且麻得好過癮。唯一要挑剔既係薯粉可以稍稍再淋身少少同入味少少。蔥油炸子雞一啲都唔鞋口，外皮香脆，水準都係高於預期。至於紅燒小元蹄，份量一啲都唔小，佢會幫我地切開晒一嚿嚿，方便入口。元蹄嘅肉質好淋易入口，肥而不膩。高湯浸菜苗都正常水準。格格府炒飯聽聞幾好食，反而食落有啲不足，飯粒確係炒到好乾身，粒粒分明。但係味道可以再濃郁少少。可能因為前幾道菜味道都好濃烈，呢碟飯就顯得有啲清淡了。最後嘅甜品係桂花酒釀丸子，都係一個唔錯嘅選擇黎嘅，唔會死甜，清清地，幾好味。全程嘅服務都唔錯，該換碟嘅換碟，加茶既加茶。如果一定要抽一樣嘢出嚟講，就係上菜上得有點過快，前面幾碟都未食完，就已經上另外一樣了，好似有少少趕咁，不過其實都係小小問題姐。重點係以呢個質素來講，價錢得宜，環境又好，服務又唔錯，食物又精緻。十人份量 set dinner 加水煮魚，包埋加一都係51xx。有得食有得睇有得玩，相信好多出面嘅餐廳都做唔到，下次一定會再嚟。…Read More

以前到國內旅行，不少旅遊景點附近都會有戲服租借給客人拍照，通常我都興趣不大，但早排的延禧攻略實在好看，大大增加了我對清朝故事的興趣，得知銅鑼灣有間飯店，可以任玩皇上皇后格格皇子的戲服，心癢癢好奇去了一趟。 格格府御膳店名高檔，配合形象，店內細心佈置，頗有特色。 價位如是，每人$498 的套餐，六款食物加甜品，散店的菜都要兩三百蚊一道，選擇不多相信大家都會選套餐。 江南三小碟看來精緻，木耳、肴肉及蘿蔔各一粒。 菊花豆腐湯吃手工，切成菊花狀的豆腐很搶鏡，湯清味道可以。 宮保大阿哥蝦球名副其實的大阿哥，蝦球新鮮大隻，炸得有水準，皮脆肉彈，宮保汁甜酸惹味，並不辣。 麻婆豆腐沒有出錯，辣道輕微，豆腐滑溜。 松露醬獅子頭一人一粒，肉質軟滑松露香，味道幾好。 格格府炒飯是有味飯一碗，裏面有少少蛋絲、蔥粒及魚子在面頭，不過不失。 桂花糕是另一道手工菜，金魚眼仔碌碌，栩栩如生，另有蝴蝶及花形，內藏一粒杞子，甜度適中，但質感過硬。 菜式味道其實不錯，但份量偏小，而且上菜速度極之有效率，服務一般，不過來這裏是為玩戲服，吃一餐，都冇咩所謂啦！…Read More

啱啱去完一年一度長旅行，又參加了馬拉松，又有幾個展覽去看，屋企又有私人事務要辦，真係周身唔得閒！.....仲有！要追看番之前我不在香港的「延禧攻略」劇集🤓朋友見我咁忙都捱眼瞓煲「延禧」，即時約我去這間富有清朝裝飾的餐廳😻嘩！真係好有回到清朝的感覺😻格格三小碟（由遠至近）：爽脆黑木耳、麻香雞絲粉皮及酸青瓜😋菊花豆腐湯： 師傅刀功一流，賣相已帶動了胃口🤩👍🏻，湯清甜可口😽松子菊花魚：呈現菊花形狀，酸酸甜甜，很醒胃😸松露獅子頭：肉味濃厚。高湯翡翠苗：翡翠苗新鮮，有金華火腿絲配襯，味道不錯😺酒釀丸子：濃濃的酒釀熱湯再配合煙煙韌韌的丸子，為這格格飯局作完美的句號👻…Read More

餐廳環境優雅，古色古香，有好多可以影相嘅位，明顯有特別設計過，帶朋友食中菜就啱哂，尤其外國朋友，一定鍾意。侍應服務貼心，有禮，招呼唔錯。菜式相當精緻，味道唔錯，尤其宮保大阿哥蝦球、醬燒牛肋條，好值一試，桂花豆腐湯，刀鋒勁，賣相幾好，味道清清地，可以。甜品桂花伴大海好好食，至於格格府炒飯，雲吞雞味道係可以，但無咩驚喜。晚飯每人平均400-500，係銅鑼灣食飯係呢d價錢，食環境同格局，一句講晒，銅鑼灣價錢。…Read More