City of Darkness

這間人氣火鍋店是叁嘗的副線，位於天后的樹林銀座，主打港式火鍋，裝潢以八十年代老香港為主題，有仿九龍皇帝的字體牆及港漫巨型油畫等，充滿港式的獨特風味，適合多人聚會。限時優惠完成指定任務可享$1/支啤酒，可跟齊一班朋友聖誕飲勝～醬料 - $18位排列得整齊有序的十種醬油配料，其中蔥頭油最為有特色，酥香四溢、餘味悠長；自家製沙嗲醬亦值得一試，有濃厚的花生香氣又帶點微辣。開胃小食 - $20/碟莫生氣椰椰雞湯 - $178奶白色的鮮雞湯細火熬煮而成，內有一絲絲椰子肉，倒入一整個優質老椰子水，再加入半份肥美飽滿的鮮雞，椰子雞湯的清甜不膩，口感順滑，充滿豐富營養又滋補清潤。牛魔王拼盤 - $488六個不同部位各有六片。極級本地手切肥牛肥瘦相間，肥而不膩，瘦而不柴，嫩滑又多汁；頂級安格斯牛頸脊密密分佈著雪白的油花，肉味濃郁，肥嫩而具彈性；牛脷托取自牛舌最近喉嚨最厚肉的部位，外層軟腍，內裹煙韌有彈性，油香及肉味極濃；手切封門柳結實而有嚼勁；鮮牛肉粒油花雖少，但極軟腍多汁；黑安格斯牛板腱有一根透明的嫩筋，脂肪少肉結實。日本扇貝 - $38/隻雪白肉厚的鮮帶子有著純淨的清甜，裙邊帶爽脆，月牙位軟糯。海中蝦 - $88/半份爽口彈牙且易去殼充滿鮮味。蘇格蘭蟶子 - $58/隻色白鮮甜的蟶子肉嫩且肥厚，入口無沙啖啖肉。大連鮑魚 - $38/隻厚身爽身的鮮鮑魚切去內臟，有明顯的鮑魚鮮味。雙拼豆卜 - $70軟綿綿的豆卜好掛湯，免治豬肉軟腍多汁富鮮味，而鯪魚肉則嫩滑起膠富彈性。水魷 - $68魷魚肉身較厚，口感爽滑，而魷魚鬚則較爽脆，兩者均好鮮甜。唐生菜 - $42新鮮翠綠的蔬菜平衡油膩感。藍妹 - $42/支源自德國的藍妹啤酒味道較為清新淡雅，啤酒花苦味則偏淡。夏枯草 - $48/榨甘甜可口，有清熱解毒之用，最適合火鍋。…Read More

🙋🏻‍♂️餓底探員今晚去咗天后調查呢間懷舊火鍋店，店內裝修好懷舊，好有80年代嘅感覺，店員服務好周到，由講解餐牌，介紹食物，煮嘅時候有咩要注意都詳細說明，喺度用餐感覺好舒服🥥莫生氣椰椰雞湯 $178📸表示個湯底入面已經有椰子同粟米，仲有半隻雞同個椰青，店員會幫忙倒個椰青水落個湯底度，好貼心🙋🏻‍♂️表示個湯底本身已經有滿滿嘅椰子味，倒埋半隻雞落去煮，飲落更加鮮甜，未開始打邊爐已經飲咗成碗湯，好滋潤🥩牛魔王拼盤 $468📸表示個拼盤有極級本地手切肥牛，頂級安格斯牛頸脊，手切封門柳，鮮牛肉粒，牛胸尖同牛脷托，一次過食到6種唔同嘅牛，牛魔王絕對唔可以錯過，成個拼盤好震撼眼球🙋🏻‍♂️表示個拼盤餓底最愛係牛胸尖，佢係牛心臟旁邊嘅脂肪膜，睇落好似嚿油脂，但食落唔油，口感爽脆，另外牛頸脊餓底都私心推介，口感非常嫩滑，牛味好重🥟招牌午餐肉餃 $80📸表示個午餐肉餃一碟有8粒，每粒都包到好豐滿，睇見都流晒口水🙋🏻‍♂️表示個午餐肉餃入面包住午餐肉同豬肉，食落好juicy，用午餐肉做餡幾特別🍡爽彈牛筋丸 $78📸表示個牛筋丸一碟有8粒，每粒都算大粒🙋🏻‍♂️表示個牛筋丸食落爽口彈牙，味道唔錯嘅🦐蝦膠油炸鬼 $78📸表示個油炸鬼有兩隻味，一款係鋪滿蝦籽，另一款鋪滿咗海苔，一橙一綠顏色好鮮艷🙋🏻‍♂️表示個油炸鬼食落都仲酥脆，蝦籽味食落鮮甜，海苔味食落好香口，各有特色，店員仲溫馨提示要將個油炸鬼反轉嚟煮📈吃貨指數😋好味度 8.5/10🔙返啅度 8.5/10…Read More

火鍋店嘅裝修走懷舊路線，一岀𨋢就見到好搶眼嘅霓虹燈招牌，店內除咗大排檔設計嘅木座位，連點餐紙都好似舊報紙咁好有feel😍一邊食仲會一邊聽到8、90年代嘅經典廣東歌曲🎤另外餐廳仲提供竹蘿筐俾客人擺放衣物，細節位都做到足，充滿港式情懷👍🏻🍴醬料 ($18/位)一共有十款，任君選擇，推介試下蔥頭油，加落野食度勁惹味呀～🍴開胃小食 ($20/碟) - 青瓜雲耳及花生🥜🥥莫生氣椰椰雞鍋 ($178)呢到嘅湯底有好多選擇🤩今次揀咗椰子雞湯🐓店員會喺客人面前，倒入原個椰青作湯底，湯料仲有粟米、椰青肉等～店員特別叮囑落雞肉之前可以先試試個湯底，味道好清甜，唔會太咸太油膩，岩晒養生人士🤣雞肉好嫩滑，完全吸收晒椰子湯底嘅精華，濃濃嘅椰子雞香味，仲好鮮甜，正！🐂頂級安格斯牛頸脊 (例) ($268)呢到嘅牛頸脊有兩個size，因為同朋友兩個人食，叫左個例牌，但其實份量已經好足夠，牛肉好大碟😍色澤、肥瘦均勻食落牛味濃郁，椰子湯底仲可以中和返牛肉本身嘅油膩感👍🏻🐖豬頸肉片 ($68)豬頸肉係抵食之選🤩只係$68就有大大碟🤣豬頸肉望落雖然薄薄地，但淥熟咗之後竟然出奇地有咬口，夠晒彈牙！🫔紫菜炸響鈴 ($68)紫菜炸響鈴即叫即炸，好脆身😍有紫菜嘅響鈴特別有口感層次，識食響鈴一定係淥3秒🤣可以保持到少少脆感又吸收到湯底嘅精華！🥟韮菜餃拼招牌午餐肉餃 ($80; +$10雙拼)兩款餃都係人手包，絕對係真材實料，脹卜卜好吸引😍韮菜餡料滿瀉，中意韮菜嘅朋友必點🤩午餐肉餃好少地方見到，夠晒特別👍🏻⚪️手打五寶丸 ($98)(豬肉丸、鯪魚丸、牛丸、墨魚丸、蝦丸)每款丸有2粒，都係全人手打成🥰每粒都好彈牙有口感😍特別要讚嘅係墨魚丸同蝦丸，兩款丸嘅鮮味都好突出，而且食到粒粒蝦籽及墨魚籽😚🥒萵筍片 ($48)今次揀咗萵筍片作為綠色代表🤣萵筍片口感好爽脆，同椰子湯底好夾，食到清甜嘅味道～🧉竹蔗茅根海底椰 ($48)大大榨好清涼，打邊爐必備！最後店員仲送咗冰菠蘿同冰蜜桃做飯後果🤣聽講遲啲menu會有，食完解渴一流！總結：舊香港主題好有特色，由門面到店內裝修每個佈置都充滿心思，所有野都做得好細緻好有8、90年代嘅feel，想打邊爐嚟呢度感受下氣氛都唔錯😆…Read More

天氣開始變涼，又嚟到打邊爐嘅季節。之前網上見到位於天后嘅「叁不館」好似唔錯，呢晚我哋專登訂定枱到訪。雖然係平日晚上，不過餐廳人氣好高，全場滿座👏🎬。店家花咗好多心機去裝修，令到每一個角落都成為打卡點，門口擺放咗閃亮燈箱、牆身油咗壁畫🎨、貼上海報以及寫滿大字等，盡顯懷舊復古風格。餐牌設計同樣精美，成份馬經咁📰，另外又有廣東話揭後語玩。呢度所提供嘅食材款式多完化，價錢就屬中上水平啦，不過啲料係靚嘅。即使全場都滾啊滾啊、烚啊烚啊🔥，但食完離開個身竟然冇一大浸味，證明餐廳抽風掂。莫生氣椰椰雞湯($178)，喺冇睇過餐牌嘅情況下，我哋已經決定揀呢款湯底😎，主因係餐廳充斥住好香嘅椰味。椰子雞湯真材實料，店員喺客人面前將新鮮椰水倒入湯底🥥，然後等佢滾多陣，再放雞肉🐔，啲雞淥完都仲好嫩滑。店員溫馨提示我哋先品嚐一碗原汁原味嘅雞湯，再打邊爐。佢果然無介紹錯，🍲湯底好好飲，唔會過鹹、亦唔肥膩，最終忍唔住飲咗半鍋。頂級安格斯牛頸脊($268/例牌)，🥩就咁睇價錢會覺得牛肉定價唔平，但考慮到質素同份量，尚算物有所值。估唔到例牌都咁大碟，我諗有超過廿幾塊😳，唔使慳住食。每塊牛頸脊大小厚薄適中，紋理平均，食落肉味濃郁，幾有滿足感。手打五寶丸($98)，🍢五寶丸包括墨魚丸、蝦丸、鯪魚丸、牛丸同埋豬肉丸，每款各兩粒。佢哋全部經手打，誠意十足。其中以牛丸最為驚喜，佢唔係傳統牛筋丸好爽彈嗰種，反而肉嘅成份高，肉味好強；另外鯪魚丸亦難得唔腥。手打墨魚滑($88)，🦑墨魚滑好大球，可以分到八至十粒。墨魚滑再加蟹籽，相當鮮味，而佢口感亦好正，彈牙不在話下，仲要食得到墨魚肉。油麥菜($42)，💚菜就冇乜好講，不過肯定嘅係佢洗得乾淨。竹蔗茅根海底椰($48/榨)，打邊爐熱氣嘛，所以要飲返啲嘢清潤一下，竹蔗茅根就幫到手。$48大大榨，抵飲。佢冰冰涼涼，甜度得宜👍。題外話，醬油費每位$18，餐廳自家整嘅蒜油好惹味，值得一試。餐前小食$20碟，有青瓜同花生，青瓜嘅麻辣味好正宗🥒。總括嚟講，叁不館係美食與打卡並重嘅代表🚨，嚟呢度並唔係齋食裝修，食物質素同樣有水準，個人私心推介椰椰雞湯。…Read More

好耐都無去打邊爐喇 今次食呢間真係令我難忘🤤難忘個種程度係想即刻encore個種念念不忘🥲論環境 係一個抱有香港懷舊風格設計既火鍋店🍲淨係影相打卡📸分分鐘都有排你玩每一個埸景都做得好細緻 恍如置身八九十年代既大排檔💃🏼燈光 佈置 音樂 全部都令你融入當中🕺🏼環境攞晒分😍由出lift既一刻開始就已經要好好準備相機🫢連佢個張落order既menu都係入形入格 成份馬報咁🐎完全將個種舊香港既風味表露無遺🤩戲院售票處🎞電影海報 街招 每一樣野都好吸睛😍➷食物選擇方面唔洗擔心喇 好齊全 搞到我樣樣都想食🤣唔好放過佢啲小食 新鮮整 會令你停唔到口🫢每日既海鮮都會唔同 睇返當日既來貨喇 未必會齊🦐特別要一讚店員細心既介紹 雖然佢一腳踢但依然會詳盡講解食物同湯底🙇🏼‍♀️🙇🏼‍♂️➷❗️當晚食咗好多野 重點去講吓啲must item喇❗️🔹 莫生氣椰椰雞湯係選擇困難下揀咗呢個人氣椰子雞湯底🥥有好幾個湯底都想試 花膠雞同卜卜蜆都好想試🐓最後揀咗個好耐無食既椰子雞🤤店員會係你面前將精粹椰青水倒入個鍋入面😲滾起後 記得飲咗個頭啖湯先 鮮甜到不得了未開始食就飲到人地要加湯🫣甜入心呀真係之後落埋大大舊雞🐓 滾熟後飲第二轉又另一番風味🥥雞件唔油 所以唔會令到個湯底好油 肉質仲好嫩滑唔粗嚡👍🏼當你發現個湯底咁完美既時候 就會好放心之後咩都會好食😆🔹 頂級安格斯牛頸脊(大)好在嗌咗個大 唔係真係要搶住食🫢牛頸脊油脂分佈得好靚好平均 每一塊厚度都切得好均勻👍🏼肉味好濃郁 散發出好香既牛肉味🤤唔洗淥太耐 三十秒都夠放入口既牛香同軟腍既肉質真係令人回味 好高質素😋🔹 新鮮炸腐皮(炸響鈴)上枱個陣仲係熱辣辣嫁 大大碌又脆卜卜 咁正點搞呀😱呢個價錢食新鮮即炸簡直係值回票價👍🏼兩秒食得沾埋個湯底 試問如何可以抵擋呢個響鈴既魅力🥹🔹 手打五寶丸長話短說 唔係講到聽朝都唔完🫢有齊豬肉丸 鯪魚丸 牛丸 墨魚丸 蝦丸 乜都齊唔洗煩😆粒粒彈牙爽口 唔係麵粉一pat野個隻口感👍🏼🔹 爽彈牛筋丸出奇地牛味好重好濃厚🤤唔係手打但一樣做到爽彈仲可以係丸中食到牛筋粒 真材實料既感覺😲🔹 冰豆腐🔹 竹笙呢兩樣野本身就唔會特別有咩講既但因為個出色既湯底 叫呢兩樣咁吸湯既野就最好不過🤪海棉既效果 吸水力特強 精華盡吸 一食就愛上😍🔹 黃金鮮魷🔹 椒鹽鱔球佢啲小食係唔可以放過 點都要食一次先對得住自己🤣風味拍得住大排檔🤤看似好厚粉 但食落好通透👍🏼惹味之選 送酒一流🍻最緊要係佢即整 真係忍唔到口🫣➷無咩想講喇 淨係想講一句 幾時可以再去🥹➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼🔟🌟…Read More

天后一間充滿懷舊玩味的火鍋店，一進店就被其裝修所吸引，每個角落盡是打卡位，大排檔設計的座位旁，細心安排了放置包包的大竹籮，好有古代風味。此外，Menu上的菜名也很有創意，充滿笑點。以湯底為例，眾人皆醒醉雞湯、烏喱孖叉豬雜湯和傻豬豬豬骨湯等都讓人忍不住大笑幾聲。歡樂還有來自主動殷勤的服務和高質食材，讓圍爐的一晚超滿足！- 莫生氣椰椰雞湯 $178- 手切封門柳 $298- 白鱔片 $98 | 花枝片 $65- 手打五寶丸 $98 | 爽彈牛筋丸 $78- 自製炸魚皮 $68 | 油麥菜 $42- 醬油費 $18 | 開胃小食 $20 x 2大愛這個椰子雞湯，店員協助倒進整個Mega Size鮮椰青水，湯底濃郁清甜，就像熬製多時的老火湯一樣，基本上沒有混醬出場的機會，單吃配料已很夠鮮味。半隻份量的雞件嫩滑又有雞油香，完全發揮了椰子雞湯的精髓，開餐前忍不住要多喝幾口湯。牛魔王怎少得要Order手切牛肉！吃得Special一點，Order了脂肪較少但肉味較濃的封門柳。一上桌就被深紅的肉色和誘人的紋理所吸引！因為是薄切的關係，放進湯底快滾10秒即要食用，喜歡濃牛味的不能錯過。追求Care Free啖啖肉的可以選擇白鱔片和花枝片，濃郁的湯底輕易帶出海鮮的鮮味。廚師推介的牛筋丸確是Juicy彈牙。喜歡多種類可以一試五寶丸，一次吃勻豬肉丸、鯪魚丸、牛丸、墨魚丸和蝦丸，全部都是質素之上。邪惡小食炸魚皮即叫即製，上桌時還是暖烘烘的，即使吃到最後，脆度和味道一點失色也沒有，抵讚！…Read More

上星期天氣轉涼咗，就即刻去咗過下個邊爐癮🤣 朋友介紹咗位於天后新開嘅餐廳，估唔到係sell港式懷舊feel，而食物質素都幾高質，今次就介紹吓☺️天氣涼涼哋，所以嗌咗個暖笠笠嘅椰子雞湯，店員親自喺我哋面前倒入椰青水同加入雞件，雞件啖啖肉，仲要有好多件，非常真材實料！而且湯底好清甜☺️ 打打下成日都會忍唔住不幾啖湯嚟飲🤪上網見到啲人推介呢個小食，所以都嗌咗份！估唔到打邊爐都食到咁高質嘅小食😆 椒鹽嘅鹹味恰恰將粟米嘅甜味帶咗出嚟，比就咁食粟米更甜，真係好推薦🥰 (不過好熱氣)打邊爐嘅餸點可以無牛肉，今次試咗呢隻牛頸脊，就咁睇個賣相已經好靚✨ 呢隻牛肉食落牛味好濃，同埋偏厚身，有咬口得嚟但又唔會好韌，剛剛好😌 同埋烚耐咗食都唔會老，加上每塊都大大塊，鍾意有口感嘅人就啱晒！平時打邊爐真係好少食蚌，難得佢呢度咁啱有，就一於試吓佢😛 佢嘅桂花蚌幾新鮮，入口好爽好滑，一啲都唔腥，都幾推介，不過就貴咗少少🤏芝士控點可以唔嗌返啲芝士嘢食下呢？芝士獅子狗係以前食吉邊最鍾意嗌嘅配搭，慢慢冇食之後都好掛住佢😮‍💨 見到呢度有一定嗌！總共有八大粒咁多，每粒都脹卜卜，每次咬開啲芝士醬都湧哂出嚟，好滿足☺️ 不過食呢個好易焫親嘴😂平時好鍾意食爆汁嘅牛筋丸，咁啱佢呢度又有😋 牛筋丸每粒食落都處於爆汁狀態，好正🤤 同埋一定要趁熱食，先品嘗到佢嘅精粹！又係喺網上見到有人推介佢嘅冰豆腐，即係蜂巢豆腐。每舊豆腐都好大份，索晒啲湯汁食起上嚟超級入味，而且又好滑，果然冇介紹錯🤤另外，我哋叫咗油麥菜($42)同金菇($35)，金菇份量好多，食極都仲有，而油麥菜就好新鮮，兩者都唔錯🙌🏻總括而言，呢間港式懷舊邊爐店嘅嘢食普遍都好高質，最令我驚喜嘅係佢嘅椒鹽粟米，真係好惹味😚 而且個環境都好用心去設計，好有80-90年代嘅風味，連播嘅歌都係以前嘅老歌，邊聽邊打邊爐都幾有feel😌…Read More