Lagom Kaffe (Closed)

週末約咗朋友見面，都係揀去cafe食野傾下計。之前都知呢間cafe人氣好高，12點去到仲可以直接入座，大概到1點鐘左右就見到已經坐滿。睇完menu就可以直接網上落單，操作好方便。台北燉牛肉意粉 $98一上枱見到外形上唔係咁吸引，期望都唔太高。食落反而覺得好好味，完全想像唔到中西結合嘅煮法可以咁夾，醬汁仲帶有少許麻辣味。牛肉分量都唔少，而且仲有啲牛肉碎可以撈埋一齊食。奶油花雕酒燉雞意粉 $98呢個意粉偏軟身，而且比較多汁，味道較為偏淡。雞件好嫩滑，食落會有淡淡嘅酒香味。炸魚薯條 $88炸魚薯條分量唔少，炸魚只有薄薄一層炸粉，薯條點埋辣辣嘅千島醬食，都幾惹味。莓莓乳酪燕麥奶搖 $48燕麥奶搖都幾特別，味道酸酸甜甜，表面會有埋士多啤梨做點綴。總括嚟講，環境舒服，食物都好食。只不過食完店員即刻收盤就會有啲心理負擔，感覺要即刻交枱。

牛頭角的Lagom早幾個月吃過了，今日發現原來有一間新分店在觀塘，超近我呢～主菜menu好似有少少不同，但竟然沒有疏乎厘pancake可以點，有少少失望。但食物質素都維持一貫水平。*台北燉牛肉($98)以為是普通燉肉，誰不知是味道麻麻辣辣的肉醬底再加燉牛肉；這個辣度對我來說很適中；似肥牛的燉肉，亦很嫩滑。*豬肉蘋果楓糖三文治($88)我覺得用上「吐司」會比較貼切；因為只有一片麵包，再放上配料；除了豬肉和蘋果，還有煙肉和溫泉蛋；刺穿溫泉蛋之後，麵包底吸收了蛋汁；因為吐司塗上了楓糖，整體咸咸甜甜的，頗開胃。*莓莓乳酪燕麥奶搖($48)燕麥奶的味道就不太飲到，可能被莓類和乳酪的酸甜蓋過了。*菠蘿香蕉燕麥奶搖($48)老公點的*伯爵茶芝士蛋糕($62)原來芝士蛋糕不是一件件的那種，而是像巴期克芝士蛋糕，配上伯爵茶醬；芝士蛋糕很厚實，芝士味濃；伯爵茶醬很香，配上芝士蛋糕食都是第一次。

一直想試試位於牛頭角嘅Lagom Kaffe☕️原來喺觀塘開咗新店🤩 所以就約咗喺附近返工嘅朋友去食tea💛 觀塘分店同樣空間感充足 仲有室外位置添🍃 餐廳採用QR code落單 方便快捷👍🏼 食物款式唔多 不過味道幾有驚喜！🔸鮭魚牛油果香草三文治🐟🥑($98)煙三文魚幾厚 唔會好咸👍🏼上面鋪滿大量香草🌿加埋牛油果 溫泉蛋 芝士粒 仲有三文魚籽提鮮 味道清新得來又好豐富🥰份量亦比想像中多 略嫌個包硬咗啲🔸台北燉牛肉意粉🥩($98)呢款燉牛肉意粉 用上薄身嘅牛肉片同免治肉碎 牛肉食落幾嫩滑😋但肉碎較肥 意粉軟硬度適中 醬汁帶有微微嘅麻香🤤好特別！🔸莓莓乳酪燕麥奶搖🍓($48)好靚嘅奶昔💕甜度適中 有少少冰凍 質感綿密 飲完好飽肚🤣－－－－－－－－－🍴食物：4/5🏝環境：3.5/5🛋服務：3/5💲價錢：3/5💥翻兜指數：3/5✨CP值：3.5/5

雖然疫情冇得去旅行，但係香港都係個幸福嘅地方，好多海外嘅餐廳都嚟到香港開分店。呢日我哋就嚟到台灣式cafe：樂感餐廳有室內及室外嘅位置，我哋坐咗喺近出的位，望到出邊嘅景色，亦享受到室內嘅冷氣。餐牌好簡單，亦已經好足夠及吸引。我哋之前去過牛頭角嘅分店，印象中兩間店嘅餐牌有少少唔同。本來希望食鬆餅，但係呢間店好似冇。都唔緊要，我哋點未食過嘅菜式每次食全日早餐都好開心，食物種類多，雖然常見但穩陣而好味。呢度嘅菇類調味唔錯，好有台灣特色，比較厚身有咬口。而佢嘅香腸係有少少辣味，幾香口。特別令我哋有驚喜嘅係佢嘅麵包。麵包應該係新鮮焗起，切出的形狀好隨性，有有屋企做嘅原味。包嘅外皮香脆，麵粉味濃郁，側邊醬汁係有好香甜嘅肉桂味，超正！呢個中西合璧嘅意粉好有驚喜！牛肉味道有台灣嘅特色，有中式嘅香料以及有少少麻辣嘅味道意粉係粗身，連同埋牛肉嘅醬汁味好配合！草莓味香濃，配合埋燕麥奶以及乳酪好夾，清新健康，酸酸甜甜。咖啡味香醇，我哋轉左唔要鮮奶，要燕麥奶，兩者都好配合。呢度嘅食物質素唔錯，環境都幾舒適，係大約朋友聚會嘅好地方。