PUTIEN (Tsuen Wan Plaza)

每季都有當造Menu📖今期梗係食大閘蟹啦🦀同朋友仔食左個2人餐👯‍♀️💁🏻‍♀️有齊前菜 • 大閘蟹 • 小菜 • 主食 • 糖水份量好足，大家都食到好滿足😌~•~•~•~•~•~•~•~•~•~•~•~•~•~•~•~•~•~•~• 🦀大閘蟹2人餐 (蟹乸~4兩 • $558 / 蟹公~5兩 • $598)🦀包前菜 • 大閘蟹2隻 • 小菜x2 • 主食 • 薑汁紅棗燉雪燕🈹堂食金秋大閘蟹套餐 ，每位送薑茶1杯🍵.▪️精美雙拼燜筍🤎 (已去粗纖維部份) • 水晶肴肉💖(細細粒 • QQ彈彈).▪️大閘蟹 • 2隻 (口味可揀 : 清蒸 / 熟醉)揀左💁🏻‍♀️蟹乸 : 雖然依個月份蟹公當造，但依2隻(乸)都好多膏。熟醉口味 : 濃濃酒香 • 回味甘甜🥃.▪️小菜 (2款)▫️莆田荔枝肉酸酸甜甜，仲有原粒大大粒荔枝肉🩷.▫️芥蘭豆皮芥蘭莖部嫩嫩爽口💚清淡既豆皮沾滿醬汁好食😋仲有甘筍🥕 • 珍珠筍🌽，顏色更豐富。.▪️風味主食（福建海鮮滷麵 / 興化炒米粉 / 經典包菜飯 • 揀1款）▫️興化炒米粉有多種配料 - 蜆肉 • 蝦🦐 • 紫菜 • 肥豬肉 • 小貝粒 • 菇菇 • 菜 • 花生🥜…，幼米粉乾爽鬆身🤍.▫️薑汁紅棗燉雪燕比附送既薑茶🫚辣味較溫和 • 甜度適中🥣.▪冬瓜薏米水 ($28)可揀凍 / 温。可袪濕 • 去水腫 💦.▪茶位 ($18/位)▪小食 ($12).~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~• …Read More

這間知名連鎖食府其中一間分店位於荃灣廣場，鄰近荃灣西站，主打地道福建菜，堅持選用最新鮮食材。最近推出的「莆田哆頭蟶節」以八種吃法呈現福建哆頭蟶的脆口鮮甜。蒜蓉蒸海蟶 & 椒鹽哆頭蟶 - $219/兩道天然黑泥養殖的蟶子個頭大，蟶殼完整且金黃透亮，本身就極爽脆滑嫩。一款鋪滿了濃濃的蒜蓉，再淋上熱油，突顯其海鮮味；另一款則即叫即炸茶樹菇和蟶子，金黃酥脆而不油膩，椒鹽鹹鮮味十足。芋泥香酥鴨 - $98金黃酥脆的炸衣毫不油膩，咬開有綿密軟糯的芋泥帶香甜，又有香嫩多汁而不柴的鴨胸肉，層次豐富。莆田荔枝肉 - $98福建傳統名菜，有別於常見的咕嚕肉。外脆內軟，啖啖肉鬆軟多汁，有著濃郁的糖醋酸甜，又有荔枝的清香。黃金荷葉包 - $38/片極酥脆的鮮荷葉包，撒滿了芝麻粒，絲絲油亮的肉條鹹香惹味，又有清甜的洋蔥平衡膩感。桂花陳皮燉雪梨 - $48一整個冰糖燉雪梨肥美飽滿，爽脆清甜極多汁，糖水有著滿滿的桂花香極滋潤。薄荷枇杷凍 - $48果凍以純枇杷汁熬成，薄荷葉帶點清涼，生津潤肺。…Read More

秋風起成日都見到身邊朋友食緊大閘蟹，今次我又心思思搵咗間可以食大閘蟹嘅地方 。莆田主打福建菜，呢度更會因應唔同嘅季節會換上當地時令嘅菜式，大閘蟹嘅季節又到喇，當然嚟食大閘蟹啦。2人大閘蟹套餐 $598(配母蟹) 2人大閘蟹套餐 $698(配公蟹)。✨蝦苗拌頭水紫菜選用中國海域嘅特等蝦苗，每粒蝦苗都有香滑爽口嘅味道，頭水紫菜營養價值比較高，口感鮮嫩爽口，加咗啲醋去除了腥味，作為頭盤酸酸地特別開胃醒神。✨莆田荔枝肉有啲似咕嚕肉嘅做法，這個使用荔枝醬汁，食起來會先酸後甜，荔枝肉食落肥瘦適中，有肉汁，酸酸甜甜好開胃。✨莆田扁肉湯扁肉湯係一道有數百年歷史嘅福建手工菜，用一層薄薄又通透嘅燕皮包住新鮮手打嘅豬腿肉餡，口感鮮味彈牙，再放上湯加少少蔥花就食得。✨大閘蟹每位一隻，我地選擇食母蟹，每隻都爆晒蟹膏，蟹膏味道鮮甜又甘香，實在太邪惡了，食落絕對充滿幸福感😋😋✨興化炒米炒當地特色小吃之一，配料非常豐富，有蝦肉、香菇、紫菜、豆卜、蜆肉、瑤柱、蝦米、菜等，用上全手工製嘅幼身米粉，食落口感較乾身彈性，用咗上等嘅濃湯燜炒，食起來更惹味。✨薄荷枇杷凍枇杷係莆田當地嘅名產，鮮嫩又多汁，將其製成果凍，味道酸酸甜甜好特別。✨建蓮雪耳湯雪耳湯味道清甜又滋潤，食完好滿足。✨薑茶最尾當然要飲返杯薑茶啦。…Read More

感覺莆田就像一個美食嘉年華，經常舉辦唔同嘅美食節，亦會舉辦廚師爭霸戰去發掘新菜式！裝修過的莆田，光鮮亮眼，地方舒服整潔！趁住莆田鰻魚節，帶埋父母來荃灣廣場，品嚐最新鮮的鰻魚！先來2 杯飲品消暑，蕃荔枝汁口感清新酸甜，大家都愛！🐷 莆田荔枝肉 $98外型有幾分似荔枝的炸酥肉外脆內軟！包滿甜酸汁，愈食愈開胃！🥬 大白菜燉軟豆腐 $128自從飲過一次之後，真係每次必點！用上大骨熬製8小時的上湯，再加入大白菜，軟豆腐，豬肉，蟶子等食材，湯頭鮮甜滋補，好啱繁忙都市人飲！🐠蒜蓉豆豉蒸鰻魚 $188餐牌標榜出口級的活鰻魚，令人份外期待！上枱鰻魚不負眾望，厚切大件，趁熱食，魚肉肥美鮮嫩，魚皮油脂香滑，連腐皮亦吸滿蒜頭豆豉香，很滿意！🍮薄荷枇杷凍 $48清熱止咳的一款甜品，入口涼浸浸，薄荷香味獨特，爸媽亦喜歡！🍐桂花陳皮燉雪梨 $48原隻雪梨燉桂花陳皮，潤肺止咳，很滋潤，不會太甜！🌙月光太太…Read More

兔🐰年大年初二開年，搵位食晏都好難🤯，由海之戀行去如心再行去荃灣廣場，去咗10幾間都滿，攞飛等幾十張枱，難得莆田有位，但門口冇侍應，等咗10分鐘有人得閒，點知我後面有阿嬸走去我前面大聲嗌7個，我同佢講我先，阿嬸反而話係佢先，我讓佢😅，我9人變咗第二張大枱，等前面埋單就入，等多10分鐘，係門口轉右兩張4人方枱拍埋。不過我班親戚行得慢，多次俾侍應問幾時到，話有大量客等緊，態度麻麻😅新年被開年。上枱係菊花茶，幾清。仲有4碟前菜，可惜我唔食酸嘢。驚俾侍應話，唯有叫住兩個小食頂住先：九轉小腸同家常豬蹄凍1.九轉小腸：好爽口，入味，有個蠟燭🕯️暖住，正2.家常豬蹄凍，似食啫喱第二轉親戚仲未嚟，我再叫福建紅菇海鮮鹵面、興化炒米粉、芥蘭豆皮同脆皮蒜香雞。3.福建紅菇海鮮鹵面（小），個樣睇落頹，但食落好好味😋，紅色湯底話係天然福建紅菇，鹵面感覺似燴面，冇乜湯唔算湯面，但又濕濕地咁，海鮮都多，有蜆同海蠣4.芥蘭豆皮，芥蘭爽脆，豆皮幾好咬口5.興化炒米粉（小），炒得幾乾身，好多料，好食😋親戚嚟到就再加單，侍應警告⚠️我地唔好分咁多次落單，所以要諗清楚。6.莆田荔枝肉，本人唔食酸嘢，似咕嚕肉，有粒荔枝7.酥炒芋芯，個人唔食芋頭，親戚食落話甜甜地好食8.鐵鍋包菜飯（中）上菜時真係有鐵鍋，熱🔥辣辣，侍應👩‍💼喺你面落配料即撈。size夠7個人食仲有剩想叫甜品🍮點知賣哂。埋單$1296，加埋一就$1425.6，茶☕️位都$18蚊個，前菜$48。好彩坐落就唔趕我地走，決定下年都係一早book定飲茶🫖好d…Read More

【好食中菜高質有心思】之前行過荃灣廣場見到環境餐廳不錯，有格調又唔多人，今次食晚餐好驚喜，佢啲嘢食亦都好高質，樣樣都不停讚住食！做緊discount $39百秒黃花魚，沒有數量限制，可以食魚又飲下湯，好抵👍🏻椒鹽豬手 $38/pc 👍🏻做到外脆內軟，好多膠原，蒸左八個鐘，咬落唔硬，軟淋淋莆田荔枝肉 $88Sweet and Sour Pork，開胃，好食嘅，但係其他嘢食太高質，所以呢個冇比讚🤣黃金荷葉包 $32/pc 👍🏻驚喜地好好食，麵包質地有啲似炸饅頭，外皮係脆脆地㗎豬肉絲炒得好香，有啲似乾炒牛河風味傳統海蠣煎 $119呢個類似台灣嘅蚵仔煎，蛋漿落咗番薯粉，所以食落會煙煙韌韌金湯時蔬 $78 👍🏻想不到好足料，又一推薦湯底好濃郁配上鹹蛋皮蛋💬點評二、想不到環境不錯，而且食物非常好基本上我叫嘅每一樣嘢都有讚冇彈的確好食！可encore👍🏻👅味道：4.5/5🌌環境：3.7/5👍🏻推薦：4.7/5如果大家覺得我review得ok，可以follow 我IG @hkdine360(📍荃灣) 莆田 (荃灣廣場) (荃灣)荃灣大壩街4-30號荃灣廣場4樓416舖#hkdine360 #hkfood #hkfoodie #荃灣 #中菜 #荃灣餐廳 #美食 #荃灣美食 #foodiehk #吃貨 #餐廳推薦 #打卡 #打卡餐廳 #性價比 #性價比餐廳…Read More

一直覺得莆田唔算抵食，但菜色勝在有特式，加上用餐環境清幽寬敞，而荃灣分店多數都唔洗等位，都係一個搵食好去處。閒日下晝嚟到，發現竟然有抵食套餐套餐選擇多，大部分推介菜式都包括在內，最後我揀咗二人B餐滷水自製豆腐：估唔到份量都幾多，豆腐好入味多汁，仲有火爐仔一邊慶住，夠熱蟹肉豆腐紫菜湯：雖然得好少蟹肉，但個湯都幾清甜莆田荔枝肉：初頭以為咩係荔枝肉⋯原來係荔枝煮嘅豬肉軟煎黃花魚：冇花冇假，原條黃花魚，肉地好嫩滑莆田滷麵：好多配料，兩個人食埋呢個麵都幾飽蓮子銀耳湯：呢個糖水比較失色，好淡，不過可能係真材實料冇加糖…Read More

老友生日，當然要一齊試新野喇！😁聽同事講左好耐「莆田」啲野幾好食，我問係食咩菜色㗎？同事既答案係「台灣菜」😂於是襯同老友們慶祝生日就去試下喇！結果睇openrice先知原來係新加坡集團開既福建菜😜言歸正傳，由於到達時只是6點多，所以不用排隊就有位。我地一行四人，連小食我地點左六個菜式同四道甜品（無錯，我地只係四個人啫😂）主菜包括九轉小腸、百秒黃花魚（呢個我地叫左兩份😁）、莆田荔枝肉、莆田扁肉湯、馬來風光（其實即係馬拉盞炒通菜😜）同埋興化米粉「九轉小腸」，就呢個小食已經可以令你感受到呢間食店既用心，上枱時會連爉燭底座一齊上台，用意唔洗講都知，係要保持食物既溫度喇！😁👍🏼小腸質感爽脆，鹵水味道適中，不會過鹹，而且一直keep住保溫，食到最後一粒都唔會有「琼」油既情況出現，令明明食緊邪惡內臟既你一啲都唔覺油膩，即時內疚感全消😂「百秒黃花魚」，如果你鐘意食魚，你一定要試呢個菜👍👍👍👍👍👍👍👍👍👍😁，我個人比10個LIKE，是關唔係講笑，我超鐘意食魚的（食左就慶幸我地叫左兩份😜，但其實又飽左啲，人生真係充滿矛盾😂），條魚其實份量唔算小，以砂鍋上枱，魚肉既熟成道啱啱好，一夾就已經feel到佢既滑溜程度，放入口，即時嘩嘩聲，魚肉鮮嫩滑溜，最後我連啲魚湯都飲埋😜「莆田荔枝肉」，有啲似生炒骨，唔同既係佢係豬柳，啖啖肉，以小鑊上枱，呢個其實係全晚既唯一敗點，雖然味道尚可，但係真係好油，食完內疚過食小腸😂「莆田扁肉湯」，好似食一口雲吞咁，但佢既皮既質感就無雲吞皮咁滑嘟嘟😜餐牌寫住有加醋，但可能因為個人其實幾鐘意唊醋，所以覺得個湯醋味不足，整體嚟講，此湯不過不失喇！一試無妨😁「馬來風光」，個名幾靚，個菜幾嫩，講完😂「興化米粉」，點講好呢？ummm....啲米粉真係幾化既，但我比較鐘意彈牙啲既米粉，而且配料方面感覺比較姑寒左少少，成碟只有一隻蝦球（同埋一堆算惹味既配料）所以........講完😜甜品方面我地就叫左番薯丸、黃金京粿、金錢粿及酥炸榴槤。「番薯丸」，即炸即食，小心「辣」咀，不太甜，喜歡番薯既，值得一試。「黃金京粿」，外皮炸得金黃香脆，真正做到外脆內軟，煙煙韌韌，好食！「金錢粿」，個人食後感係得個甜字，不過佢都係煙煙韌韌質感。「酥炸榴槤」，如果唔係已經太飽，呢個一定一人一份，可惜我地想試多幾款，所以只叫了一份share，外皮炸得金黃香脆，賣相更是無得頂，一口食落去，外脆內凍冰冰，然後就係濃濃既榴槤味，一個字「正」！下次要自己食一份先得。…Read More