深鴻私房菜

今餐真係掂過碌蔗！開波先嗌 荔枝柴燒鵝皮脆到"咔嚓"聲啖肉仲滲住陣陣荔枝木煙燻香，肥膏唔膩仲有酒香，蘸埋酸梅醬真係冇得頂！跟住個海皇冬瓜盅足料到爆，瑤柱、蟹肉、鮮蝦堆到滿晒，啖湯清甜到呢～成個冬瓜挖空嚟燉，飲到底仲刮到冬瓜肉，正到痺！ 金沙涼瓜，絕對係驚喜！咸蛋黃炒到起沙，啲涼瓜薄切過炸到脆口，完全冇苦澀味，送啤酒一流！沙巴蒸斑仔，火候啱啱好，魚肉嫩過BB皮膚，鋪滿同蔥絲，淋埋熟油豉油...嘩！鮮甜到識發光㗎！ 壓軸魚香茄子煲 熱辣辣"啫啫"聲上枱，茄子煮到腍身但唔爛，仲有啲免治肉碎同鹹魚吊味，撈飯食三碗都嫌少！ 總結：五個餸全部冇雷，燒鵝同斑仔必encore！埋單人均三百幾，抵食到笑住走～ 下次約大班friend再掃過！ …Read More

屋企人話有好食中菜，隻燒鵝好食，小菜夠鑊氣。真係咁正！好就試下睇下有幾好食。我哋一到就問我，要唔要冬瓜盅，得返3個。講緊係全場得一枱食緊，一枱剛坐低(即係我嗰枱)。又咁好食？見到個湯勁清，真係好甜，冬瓜盅最適會夏天，超清甜，飲咗暑熱都清晒。金沙美國炸桶蠔，咸蛋黃超香口，蠔又夠鮮甜。荔枝柴燒鵝，未食已聞到荔枝柴香味，皮脆肉嫩，有啖啖煙燻味。豉汁蒸鱔彈牙又滑， 仲有個蟹肉粉絲煲，啲粉絲吸曬蟹嘅味。值得再嚟。…Read More