Forbidden Duck (Times Square)

終於去咗銅鑼灣時代廣場嘅「鴨大哥」試食啦～呢間係廚魔搞嘅粵菜館，仲加入咗「少鹽少糖食店計劃」，食得健康又好味，一定要同大家分享下我試嘅菜式～🍽️食咗咩：1.北京烤鴨：鴨皮燒到油亮酥脆，咬落「咔嚓」聲好治癒，鴨肉嫩到出汁，同薄餅一齊卷，經典味真係無得彈～2.梅子荔芋鴨煲：鴨肉炆到一夾就散，梅子嘅酸甜、荔芋嘅綿密全部融喺濃稠醬汁入面，每一啖肉都掛住醬，撈飯簡直絕配，默默食多半碗飯～3.荔枝山楂咕嚕肉：塊肉外層脆卜卜，裏面又嫩，醬汁酸甜得嚟仲有荔枝嘅清甜同山楂嘅微酸，仲有彩椒同蝦仁墊底，口感好豐富～4.欖菜肉碎炒秋葵：秋葵保持住脆嫩，欖菜同肉碎嘅鹹香滲晒入秋葵度，夠晒鑊氣又清爽～5.五柳鴨絲炆鴛鴦米粉：米粉吸晒醬汁，軟滑得嚟又有咬口，鴨絲好嫩，配五柳菜嘅酸甜，食到停唔到口～6.海鮮鴨湯泡飯：湯頭奶白濃郁，鴨香同海鮮鮮味夾埋一齊，泡飯食暖笠笠，好夠飽足感～7.黑白木耳剁椒蒸龍躉腩：龍躉腩肉好實淨彈牙，剁椒嘅鮮辣包住木耳嘅爽脆，蒸得啱啱好，鮮味全部鎖喺肉入面～間店環境幾雅致，服務都好貼心，人均大概101 - 200港幣，約朋友或者屋企人食飯都好適合～鍾意粵式創意料理又想食得健康啲嘅朋友，真心可以試！#香港美食 #銅鑼灣美食 #香港探店 #粵菜 #北京烤鴨 #少鹽少糖 #廚魔 #時代廣場美食…查看更多

朋友臨時約食飯聚會, 加上又係星期五, 最後只有8點半時間入坐.原本想食埋甜品,  可惜時間唔夠, 9點半未夠要CUT單, 加上上菜勁快, 食物一次過上晒臺,  又涼得快,  檯上又沒有太多空間, 唯有盡快食完.  食物方面, 烤鴨吾錯, 上檯時已是凍左. 稍為感覺'漏'一點. 黃魚; 小籠包唔值得推介, 前者好腥, 後者湯; 豬肉小, 沒有特別, 加上食唔切; 涼了沒有口感.值得推介 : 海鮮鴨湯泡飯, 足料和味道平均; 加埋有脆米放在飯頂, 好夾, 好味.…查看更多

好味指數：0.5 抵食指數：0回頭率指數：唔會再去食❌呢排去左Time Square 買野，拎左啲coupon，就諗住去呢間睇落好似唔錯嘅鴨大哥食晚餐，估唔到服務同食物質素一樣大失所望，絕對唔會再去食...北京烤鴨（半隻） $308❌本身就係諗住試佢個片皮鴨所以去，但呢個片皮鴨係真係唔好食，收得我呢個價錢，我expect 有一定水準，但佢竟然連基本水準都做唔到，係連個醬都唔好食呀大佬🤮鴨肉冇鴨味都算，仲要有幾舊好大陣腥騷味，朋友係直頭吞唔落👎🏻鴨嘅肉質好鞋好老👎🏻鴨好油，但一啲油香都冇👎🏻鴨皮都係好油，唔算好脆👎🏻‼️最大問題!!!! 佢比果個醬帶點酸味， 極影響成舊野嘅味。本身隻鴨就有陣騷味，再加埋醬嘅酸味，大家可以幻想下對味蕾係幾咁衝擊椒鹽鮮魷 $148呢個係真係難食到難譜，先唔講148蛟得8舊，我唔知大家食嘅椒鹽鮮魷係咪呢個樣，但我都真係未見過，最多係叫油炸魷魚，其實唔識整真係唔洗勉強寫落餐牌…👎🏻冇椒鹽味👎🏻炸果個皮一啲都唔脆，係一啲都唔脆!!!! 一咬就成舊散晒，同舊魷魚完全分離🤮極油荔枝山楂咕嚕肉 $168 ((唯一一碟味道係過得去嘅👍🏻咕嚕肉皮夠脆🥲醬汁夠酸，荔枝都好酸 鴨大哥砂鍋炒飯 $180👎🏻好好好好油👎🏻冇味 得個油味🤮唔好味到完全食唔落，每人食左一啖就唔食大家可以睇下啲相，碟碟都好似食左幾啖咁，勁唔靚，我估係因為佢炒一大碟，之後分兩碟比兩檯客😓不但止食物質素低，服務都幾差下，服務員叫極唔認，好似差左佢錢咁，真係唔建議大家去試食，呢個價位絕對有好多更好嘅選擇，無謂食啲又唔好味服務又差嘅餐廳❌🤮…查看更多

早就聽聞鼎鼎大名嘅三星廚魔喺時代廣場開咗間中餐廳「鴨大哥」，碰巧早前於商場購物後獲贈多張餐飲券適用於該店，眼見九月就到期，所以就立即相約大食會一齊去試一試。店子門面光鮮企理，最搶眼就係候座區身後嘅巨鴨公仔。入座時，叔叔先提及用餐時間限定約九十分鐘，接待處其實亦有告示清楚說明。用餐大堂開揚通爽，當中以厚墊嘅梳化位最為舒適，唯一滿座時難免會覺得嘈吵。多頁中英對照嘅餐牌內附彩圖參考，其中飲品項目共有四頁。有餐飲券墊底，六人最終決定棄選套餐，並從十頁散點項目揀咗啲招牌菜黎試。北京烤鴨（$548/隻）：新鮮出爐嘅原隻烤鴨好似選美咁先繞轉盤一周展示一吓實力！服務生隨即於旁邊熟巧地片出厚薄均勻嘅鴨肉。烤鴨皮層香脆有光澤，肉質鬆軟唔嚡口，鎮店菜式果然有料到！溫馨提示，六至八人點一隻烤鴨嘅份量應該最理想。伴配嘅薄餅皮有燭光座熱，薄身得黎夠暖手。其餘嘅海鮮醬、青瓜、蔥絲等配料以兩碟拼盤呈上，量足又衛生。葡式鴨崧（$108）：烤鴨二道嘅葡式鴨崧已預先用生菜包成六件鮮亮整齊嘅鴨崧生菜包，包品外脆內軟潤，極易入口，當中嘅葡汁調味芳香醒神，同個鴨味好夾。荔枝山楂咕嚕肉（$168）：咕嚕肉本身個半肥瘦豬肉夠爽口，而且炸得夠脆皮，混以荔枝同山楂炒製，咕嚕肉黏上嘅果香尤其甜濃討好。和牛叉燒（$188）：唔知係咪受到限聚令嘅等級制影響呢，餸菜嘅例牌份量大多都係半打半打咁計，$188客嘅和牛叉燒都一樣。煮至三、四成熟嘅和牛鬆爽多汁，好似西餐咁配上原隻烤蒜頭，粒粒惹味脆口，組合滋味得很。魚腐野菌浸娃娃菜（$138）：娃娃菜清甜軟嫩，連同脆潤嘅野菌及爽腍嘅魚腐煲煮即能提升菜式嘅鮮味同口感。梅子荔芋鴨煲（$178）：以砂鍋呈上嘅鴨煲熱力十足，主角鴨肉軟腍甜美，梅子嘅微酸令其味道濃而不膩，皮層又夠滑溜，配角芋頭亦粉嫩入味。海鮮鴨湯泡飯（$198）：泡飯好有文化地湯湯同脆米分開上。嘻嘻，懶人一族當然係一次過落哂啲脆米落啲湯度啦！意外地，暖胃嘅湯底甜濃得黎一啲都唔羶，海鮮嘅鮮甜同個鴨味互相輝映，！蒜子上湯時菜（$108）：時令莧菜翠綠幼嫩，於香濃嘅上湯混入蒜子及杞子粒足以為正菜添上鮮甜。藍山咖啡糕（$36）：厚潤微甜嘅咖啡糕層次分明，個人只係略嫌甜品嘅咖啡味唔夠濃郁，或許唔用藍山咖啡其效果可更佳？！廚魔創辦嘅「鴨大哥」屬商場餐廳，開揚嘅大堂雖比較嘈雜，服務生更加係忙個不停，幸好招牌烤鴨及精選小菜質高美味，每人平均消費二百幾蚊黎講絕對可以接受。…查看更多

今日諗住用埋時代廣場優惠券，所以book咗一直好想試的鴨大哥。坐低5分鐘未夠，已經送咗一碟原味炒鴨崧上枱-二食來，賣相非常靚，而且味道超出預期，好好味，生菜上放滿鴨崧和脆米粉，人見人愛。片皮鴨一隻切左廿幾卅十塊皮，而亦有提供足夠的粉皮，鴨皮和粉皮兩樣質素也相當之高。荔枝咕嚕肉件件都係炸完即出，又甜又脆，還以為食緊灣仔生記。魚腐野菌浸蛙蛙菜，不過不失。最後再嚟多個海鮮鴨湯泡飯，又再嚟多個驚喜，湯味特別，而再加一碗脆脆泡米，有潮州泡飯既風味。好特別，好好味！總括來說餐廳值得推介！…查看更多

今日食鴨大哥午餐，成十個人食。嗌餸都唔洗就住就住🤣🤣海鮮鴨湯泡飯好好味囉呢個🥰🥰超濃味既鴨湯 再加上粒粒分明既米，食一碗真係唔夠。荔枝山楂咕嚕肉黑椒藕仔炒和牛粒和牛粒好滑 黑椒味夠重荔枝山楂咕嚕肉個荔枝超好味😂咕嚕肉唔肥 岩岩炸起熱辣辣👍🏻廚魔黑松露XO醬龍蝦粉絲煲嘩！呢個不得了，黑松露啲味入晒落啲粉絲度，龍蝦肉又多！抵食金銀蒜子莧菜正常水平仲有無影到既北京烤鴨 一隻、乾燒野菌伊麵、蟹子燒賣、干蒸牛肉燒賣。反而出名既烤鴨無咁出色，肉質有啲鞋個皮唔夠脆。加上無正常食開既甜麵醬有啲失色。燒賣點心唔多掂，可以不試。…查看更多

外國嘅朋友嚟到香港旅遊 🇭🇰點都要食餐中餐 🍴今日選擇廚魔Alvin Leung嘅平價之選<鴨大哥> 🦆本來期望已經相當高， 因為我哋食過佢灣仔嗰間高價分子料理中餐印像中真係好好食 但係Bo innovation每位2500蚊起，真係唔係個個人食得起 但係佢開咗鴨大哥平民化，一定要試下啦！門口有隻好醒目嘅鴨仔歡迎你1） 黑毛豬叉燒 $108 Very tender! 2) 荔枝山楂咕嚕肉非常推介可以一試!3) 慢煮烤鴨配橙皮 💯💯💯4) 海鮮鴨湯飯 外國嘅朋友本來唔食呢啲嘢，但係佢哋都話very good 一定要叫呀！以上都係我推介嘅！其餘嘅可以睇相,正常味道:)…查看更多