Taiwan Restaurant (Closed)

又食台灣嘢啦，但睇完餐牌發覺呢間台灣館又唔只台式咁簡單喎，連烤魚同酸菜魚都有，甚至連香港中式食肆必有嘅小炒王都有。就叫個小炒王試吓，睇吓台灣嘅小炒王有咩唔同先。😅呢碟🔪招牌小炒($82)王其實由上枱到入口，我都係搵唔到有咩台灣嘅味道，雖然如此，但唔失望嘅，因為都幾好食。韮菜花好靚無渣，仲好爽脆;其他配料仲有小炒王必有嘅腰果同蝦干、魷魚鬚、仲有冬菜(好似係😅)。味道十分濃郁惹味，送飯🍚非常適合。台灣館點可以唔食台灣餸?!我地仲叫左🐓台灣三杯雞($72)。入口有非常香嘅九層塔味道，雞肉好彈牙，配料嘅紅洋蔥好甜，整體係煮得非常入味、香濃。整晚亮點所在，亦係吸引我同朋友入嚟嘅係飲品🥤，朋友嘅椰島珍珠奶茶($27)，同我果杯草莓珍珠奶茶($27)都好好飲。 朋友話佢果杯椰子味幾香，入口唔會太甜，啱佢口味。至於我果杯，我會形容似食緊士多啤梨雪糕嘅感覺，香甜、滑溜。我同朋友都大讚嘅係灑喺面嘅胚芽好香麥味，伴著飲料進食，十分正! 整體評分係:雖然未嚐到地道台灣嘅感覺，但有驚喜，晚飯小菜可媲美大酒樓菜式，但裝修感覺比酒樓雅致得多。…Read More

位於淘大附近，在得寶商場內的平民台灣小館。不但價錢公道，食物又多選擇！店內仲有不少靠窗卡位，坐得幾闊落☺️🐟酸菜桂花魚 好足料的酸菜魚😍 除了有挺多的桂花魚片外，還有不少如萵筍、芽菜、雲耳、蓮藕等配菜。而魚片幾爽口，酸菜湯底酸辣適中，好啱送飯👍🏼 睇落好似唔覺，但食食下原來都幾多，幾正！🍍鳳梨甜酸肉配白飯肉的份量不少，而且個外皮炸得OK脆又唔厚。件件都係肉，酸酸甜甜的好開胃🥰🍑水蜜桃紅茶 跟套餐可用半價加配，甜甜的幾refreshing🙈🍓草莓珍珠奶茶 呢個好邪惡😈 因為有大pat cream係個面度。草莓奶味道同m記士多啤梨奶昔個味差唔多。但較甜少少，個cream融左會令成杯野更creamy！珍珠煮得剛好，可以當甜品咁嚟食🤣睇見附近嗰幾枱點的烤魚同雞煲都幾吸引，有機會下次再嚟試下先😬…Read More

今日去開牛頭角嗰頭做嘢，見到呢間台灣館，就入去食個lunch試吓。午市有精選午餐餐牌，分台式同港式，分別有八同十款揀，餐包熱飲，可以加錢叫凍飲，汽水或者其他特飲，又可以加錢要涼拌小食。另外又有廚師每日推介餐牌，每日五款，跟白飯同熱飲。白飯可加$5轉滷肉飯。又可以加錢升級涼拌小食跟特飲等。價錢全部喺$48至$63呢個range，非常親民。我地第一次黎，叫左兩個廚師每日推介。沙茶芥蘭炒牛肉 $58牛肉大概有十塊左右，味道夠入味，唔算太鞋。芥蘭就好鮮甜。沙茶味道就得啱，齋食就有少少鹹，送飯就啱。仲有少少燈籠椒一齊炒。香辣干鍋雞 $61呢個餸好認真咁成個鍋仔咁上，好有鑊氣。主角雞肉連皮有幾舊，好似由一隻雞脾切出黎。其他配料有薯仔，洋蔥同大量辣椒。薯仔粒可能炸過，少少外脆內軟。食落唔算太辣，都算係幾惹味。跟白飯一大碗，我食唔哂。胚芽珍珠奶茶 跟餐加$12黎得食台灣野，梗係要飲返杯珍珠奶茶。呢度嘅奶茶都算滑，茶味同奶味夾得唔錯。黑色珍珠都有啲嚼勁，雖然個人鍾意更Q彈嘅。面頭灑上適量胚芽。草莓珍珠奶茶 跟餐加$12其他地方唔覺有草莓味嘅珍珠奶茶，等我試吓啦。草莓味都唔錯，唔會太假，上面加左一pat邪惡嘅忌廉同少少碎碎，令杯野飲更加滑。整體上我唔覺得飲緊奶茶，似草莓味奶多啲。平日午市幾多人，我哋等左好幾張枱，太約二十分鐘左右。…Read More

今天與朋友經過得寶商場，剛好又想吃小炒菜，誤打誤撞就來到了台灣館。不得不說得寶多了不少餐廳👍🏼 店鋪的座位很寬敞，亦有卡座。員工的服務態度也不錯👍🏼————————————————鳳梨甜酸肉 $68當中有三色椒、菠蘿🍍。豬肉的口感很結實，不再是吃到厚厚的粉漿，酸甜掌握剛好，相當不錯。黃金日本南瓜 $88黃金即是用咸蛋黃，如果有吃過咸蛋魚皮，大概就知是甚麼味道了。配合上日本南瓜，鮮甜得來又香口。草莓珍珠奶茶 🍓珍珠有Q彈的口感，非常大大一杯！而且粉粉嫩嫩的顏色看得很舒心💖不會太甜水蜜桃紅茶 很香水蜜桃🍑味，夏天喝非常解暑！————————————————環境：👅👅👅👅食物：👅👅👅👅性價：👅👅👅👅👅服務：👅👅👅👅…Read More