KURA (Closed)

呢個星期日作為香港人喺銅鑼灣有好重要嘅任務，所以要喺出發前補一補級💪。之前上網見到有間新開嘅日式廚師發辦店，本身想聖誕嚟食餐好嘅，但都係食個lunch試試個質素先。餐廳位置非常方便，喺正銅鑼灣中心地帶，唔使入到新界😅。大堂都已經有聖餐樹裝飾了🎄，靚靚，由搭𨋢開始已經覺得個氣氛好舒服。由於訂咗枱，所以上到去好快店員就安排我哋入座，坐正喺師傅前面，而另一邊就係窗口位，望到大街。星期六日都有提供lunch set ，原來仲有做lunch的omakase($980/pp)添。午餐價格由$260-$480一份，包沙律、味增湯、茶碗蒸同甜品，類別就壽司刺身同熟食均有幾款揀，所以唔食生食都有選擇👍。首先上咗沙律同茶碗蒸先，個沙律🥗好多汁好開胃呀，每塊菜都好充滿麻醬，而且上面啲炸京蔥好好味，炸完無哂浸臭青味，仲有啲似木魚嘅口感。蒸碗蒸同樣好吸引，面頭鋪咗啲蟹肉，連埋個高湯汁勁鮮甜，而且呢個蛋嘅質感無平日蒸水蛋咁實在，口感比較fluffy，密度低啲，入口即溶。太好食喇😋，令我覺得佢好細個，唔夠喉。味增湯2個set都有，如果order丼飯就會先上，壽司set就會後上。呢個都好飲，不過就無乜特別，加分位係有好多豆卜，索湯一流。朋友嗌咗Japanese Sea Urchin Rice with American Lobster($480)，因為佢係飯桶喎🍚，所以要嗌丼飯。嘩，個丼勁有氣勢，有成隻美國龍蝦🦞，師傳已經拆好哂肉，配上海膽連埋啲金箔，造型真係拎滿分💯。我偷食咗幾啖，龍蝦肉係熟嘅、唔係刺身，肉質好爽；而海膽更加係令我溶化，好甜好正，完全唔腥。海膽呢樣嘢真係從來都係一念之差，難食嘅可以令你反胃，而相反呢到嘅海膽就正正係好正嗰種😋。至於飯本身，白醋味唔濃，無平日咁酸，唔會搶咗海鮮嘅味，而且比較特別嘅係飯入面撈咗啲蟹柳絲、紫菜同菇。餐廳好貼心，問住我哋啱唔啱食，我個friend勁厚面皮話好食呀，但唔係好夠食🙄。點知師傅勁好人，又真係睬佢，加飯比佢，仲要唔係白飯咁單調，仲話下次我哋開聲就得XD。至於我嚟就係想試下食唔食得過晚市omakase嘅，所以就order咗Premium Sushi Platter($360)，因為都係有十件由師傅發辦嘅壽司🍣，加一手卷。師傅一開始會問定我有無乜嘢唔食先，再由佢話事，逐件上，咁樣真係好好，因為可以逐件品嚐，再加上我本身食嘢好慢🙈。由於坐喺bar枱位，所以能同時欣賞師傅嘅功夫。由於掛住食同吹水，所以唔係件件都有影到相。第一件係𩶘魚壽司，師傅喺製作時已經有用上醬油，唔使點任何醬汁已經好好食。第一件好食，已大大提高了我嘅食慾。帆立貝壽司，非常厚肉。呑拿魚醬油漬壽司，最驚呑拿魚多筋，呢件完全無事，有醬油味，但唔會過濃。鰤魚壽司，即係油甘魚，上面有啲魚籽。秋刀魚壽司🥇，我第一次食秋刀魚嘅刺身，原來係咁好食。除咗鮮味外，我鍾意係佢嘅口感，比較爽，唔同其他魚咁偏淋。同師傅傾開偈，先知原來而家喺食秋刀魚嘅季節，仲話今年因為秋刀魚被人大量提早捕捉，導至失收，所以特別矜貴🤭。黑松露甘蝦壽司，蝦肉鮮甜彈牙🦐，大隻到連蝦尾都咁好肉。拖羅壽司🥉，超肥美，嗰種油脂會融入味蕾，真係會用條脷去享受，加上見到拖羅隻粉紅色已經知正。日本馬糞海膽壽司🥈，海膽量成座小山丘咁，上面已經講咗呢到啲海膽有幾好食😋。十件壽司過後，就嚟到最後嘅拖羅手卷，師傅即刻喺我面前搓。拖羅唔洗講😋，我鍾意佢個手卷入面會有啲醃蘿蔔，味道好豐富。每一件壽司都係以厚厚嘅魚生蓋上少量飯量，咁樣仲食得出各種魚嘅鮮味🤤。呢日食咗好多平日好少食嘅魚生，原來係咁滋味，而重點真係要啲來貨靚。店員話啲海鮮真係每日經飛機直送✈️。估唔到食完都幾飽，最主要係好滿足，同有幸福嘅感覺。最後就係跟餐甜品，要咗一份紅豆蕨餅，同一份自家製雪糕。前者做到預期嘅味道，夠煙韌，但唔算好特別。相反估唔到個雪糕🍨係出乎意料之外，呢日係芝麻味，本身我係勁討厭的，但都胃食試啖，點知又ok喎，愈食愈上癮，同個friend交換埋添，哈哈。因為個芝麻清清地，唔係好濃好膩嗰種！總括嚟講，今次喺Kura藏嘅午膳令我好滿意滿足，加上今餐係我請個friend食賀佢升職，俾咗錢就真係想食好啲，果然無揀錯、無令我失望。餐廳裝修簡約得嚟，又不失格調，而且空間感充足，闊落，好似有好多area劃咗做包箱。服務方面亦無可挑剔嘅地方，一坐低店員就已經送上熱毛巾，其中一位束馬尾嘅女店員更好好客，埋單時送上coupon，並介紹埋晚餐嘅幾種omakase set有乜分別，講到我都好想食啊🤤。另外，serve我嗰邊嘅師傅亦好nice(仲幾靚仔)，間唔中會同客人傾偈，成個氣氛好舒服好causal。價目方面，餐廳走高檔路線嚟講算性價比高，食好少少嘅lunch而家都要$300up，而晚市有3款omakase，最貴嗰種都只係$1680，一啲都唔誇張，即係過時過節呀生日食下都唔過份嘅😊。最後，講多次就係食物味道真係好高質，老實説，個人認為壽司set比起龍蝦丼更出色同抵食👍，每一件壽司每一種魚都好好食，而且食呢個set其實都同食omakase都有啲似啊。…Read More

星期天的中午在銅鑼灣見到這家新開的藏KURA選擇來吃個long long lunch享受一下門口已經換上了聖誕樹裝飾，深紫藍的燈是我最愛，閃亮得來又不會太浮誇麻雀雖小五臟俱全，店面雖不算大，卻有齊吧枱﹑靠窗座﹑廂座﹑個室，無論獨食享受還是一大群朋友上來，都可以得到足夠的私隱空間這次我們２人來，當然選擇坐吧枱，可以欣賞廚師的手藝嘛值得一讚是吧枱座位間隔也很寬鬆，不會太緊迫，每位客人都都有一定距離位置一坐下，服務生便馬上奉上了熱毛巾和熱茶，準備開始我們的高級享受之旅先上前菜沙律，沙律菜爽口新鮮，配上調好的沙律醬汁非常清新，和上層的魷魚鬆非常搭配而特別少見，單是前菜也絕不馬虎，帶來了驚喜再來茶碗蒸，打開碗蓋已聞到陣陣蛋香，以上湯蒸成的蛋份外綿滑，口感只能說一個滑字，高水準之作配以元貝絲、雞肉粒、冬菇粒等，令口感更為層次豐富馬上就到戲肉，最喜歡欣賞廚師認真製作時的樣子看著廚師純熟地製作每件食品，尤如看著每一件作品的誕生，實在是視覺享受那紥實的功力，令人不禁油然生出一種讚嘆欽佩令食物味道上更添一份誠意，用心品嘗，定能嘗出箇中的心意及水準厳選すし１０貫 + 手巻１本 $360吃一個三百多元的Lunch也許會覺得貴，但中午三百多能吃一個小小的Omakase，實在是一整天的小確幸壽司由廚師親自挑選食材，即席製作，原本是應該逐件上，廚師見我想和朋友一起share，很貼心地幫我們一次上連手卷都幫我地換成了小卷物，看起來更為豐富廚師非常親切，先仔細介紹了每件壽司，每件都是光澤透亮飽滿，食指大動！拖羅——魚味濃郁而持久，豐腴軟滑墨魚——清香彈牙，甘甜深海池魚——清甜中帶了少許柚子香甜，令層次更多，回味無窮醬油漬吞拿魚——師傅已在魚上沾了醬汁，味道同樣夠香夠肥美鰤魚——魚味很重，肉質甘甜，富有彈性甜蝦——兩隻甘蝦大大條，配點黑松露更添香氣池魚仔——超香超好味，鮮美細膩赤貝——爽身鮮味，口感緊緻彈牙燒油口魚邊——強烈的魚油香，加上肉質鮮嫩，油甘香慢慢從口中滲出，很回味北海道馬糞海膽——海膽份量超多，一口吃，瞬間滿口濃郁豐腴，齒頰留香整體來說，所有食材都是非常新鮮，媲美日本的omakase，回味無窮，值得推介日本雲丹アメリカ伊勢海老丼 $480一上菜已被龍蝦的外型吸引😍😍美國波士頓龍蝦新鮮即叫即煮，能親眼看著廚師細心把龍蝦拆肉，龍蝦肉爽甜彈口，龍蝦尾還沾上了金箔作點綴，令整個丼飯更加高級華麗；日本北海道雲丹，剛才已嘗過壽司，在丼飯中大大份更是令人讚嘆味道超級鮮美綿綿，口感濃郁而豐腴，帶著強勁餘韻。日本飯軟硬適中，夾雜少許紫菜碎，份量可不少再配上蟹柳絲﹑雞蛋絲﹑漬物菇等，撈著吃香甜非常，連wasabi和豉油都不用再點每一口都幸福得非筆墨所能形容。享受完豐富的味覺和精彩絕倫的視覺享受記得也要嘗嘗旁邊常常不受重視的薑片這裡的柚子薑片不甘平凡，是廚師親自以柚子醃製，味道沒有了平常的酸辣感，更是帶清新香甜的果味，作為一配角，它的清新能中和剛才正餐的油膩感同時也令自己成了一新星主角，令人刮目相看，忍不住清完這幾片柚子薑！接近尾聲了，服務員奉上了熱騰騰的湯飲，簡單清甜最後以芝麻雪糕及蕨餅作為結尾重點說說這蕨餅也是廚師親自製作，沾滿了黃豆粉的蕨餅口感軟糯，中間帶點涼爽感，再配上紅豆香香甜甜意猶未盡，一個視覺及味蕾之旅就此完結了......埋單時附送了樓上的Red MR和旗下cafe的優惠券，相信很快，我們又會再見面藏 KURA整體評分★★★★★地理環境★★★★★裝演時尚，環境乾淨寧靜，座位間距寬廣十分舒適服務★★★★★服務員細心貼心，服務周到，不時添茶及清潔桌面食物★★★★★高級多重感官享受，食物新鮮，高質，份量足套餐選擇也很多價位＄＄＄＄中午時段來說這個價錢算是CP值很高又高質絕對會再試…Read More

今日午餐選擇黎呢間新開既高端日本野，有高級日料裝潢。門口已經好有聖誕氣氛。今日被安排坐壽司吧位置，可以見到師傅準備食物。今日選擇海膽龍蝦飯（$480）。前菜有茶碗蒸，內有雞肉、冬菇。蛋唔會好膠或太硬。有沙律，沙律本身無調味，清清地。面豉湯，唔太鹹，暖暖胃。師傅跟住就開始拆龍蝦肉，擺盤好精緻。有兩大塊海膽，非常鮮甜！龍蝦肉好新鮮，起到原隻龍蝦鉗，好完整！仲有蟹柳啊～最後甜品可以揀雪糕或闕餅。我選擇闕餅，配左紅豆，原來呢度既闕餅係師傅自己整，口感軟糯。…Read More

今日放假跟女友去sogo行下，在附近找個地方食午餐，剛巧記起附近有有間日式高級料理，好想試下，就過去上到來好闊落，感覺好舒服，店員安排左我地坐bar抬睇了一會menu就決定落單每份lunch set也有沙律、茶碗蒸、味噌湯及甜品和風沙律-有火腿，沙律菜，清新，開胃茶碗蒸-蒸蛋超滑，加上有一層薄薄的芡汁令味道同層次提升Japanese sea urchin rice with American lobster 師父話龍蝦係新鮮，而非冰鮮，坐bar枱仲可以見到師父為我把龍蝦拆肉，並把龍蝦膏用一個小碟盛起，分開另上給我，服務超好，超窩心龍蝦肉爽甜，師父上碟前切成粒狀，一啖一粒，再配上北海道馬糞海膽，香氣撲鼻，還有一些金箔作點綴，整個飯，華麗而且超高質而女友選了Premium sushi platter-有壽司十貫加一手卷估唔到用類似omakase食法，逐件上就係omakase食法𩶘魚- 師傅已在魚上沾了醬汁，味道較得非常好北寄貝- 師傅在北寄貝上加了幾刀，令客人更易吃到，口感更好鰤魚-魚味很重，非常鮮美金目鯛- 油份豐富，燒一燒更香氣四溢伊佐木-味道鮮甜彈牙，加上火炙效果，魚皮的脆，魚肉的鮮，一次過混在口中深海池魚- 壽司上加了些少柚子，令層次更多碟魚邊- 油香重，而爽身，口感特別，整塊紫菜包著壽司，有軍艦的感覺黑松露甘蝦-甘蝦大大件，仲要有兩隻，配合拖羅-入口即溶，超香，超好味北海道馬糞海膽-海膽份量超多，一口吃，富貴而且霸氣最後的手卷，從師父手中接過來，味道好豐富，香脆的紫菜內有一層薄薄的飯包著一些魚蓉，好好味另外，壽司薑都係師父自家醃製，有柚子，清味之餘，仲有好清新嘅感覺甜品-蕨餅-煙韌有嚼勁，配合黃豆粉更好吃自家製椰子雪糕- 椰子極濃，極香，有椰肉絲，味道和口感也很好…Read More

朋友推介過話好味，咁我就去試試。總括黎講，食物係好高質，服務同環境都好好，非常對得住個價錢。聽完師傅同侍應介紹個menu後，決定試下個日本雲丹海膽伊勢海老丼。一開始上既係沙律同茶碗蒸。茶碗蒸蒸得好滑，有濃濃上湯味。沙律就正常發揮，菜好新鮮爽口，總之材料唔係hea。主菜等咗一陣先上，因為師傅話係新鮮龍蝦，要即劏，所以要D時間處理。主菜一上檯就俾個presentation驚艷到，同行友人表示好羨慕。至於味道呢，龍蝦肉爽口鮮甜彈牙，龍蝦箝全部已經拆曬肉，一啖咬落個龍蝦箝度，感覺超奢侈同滿足！輪到個北海道馬糞海膽，好甘好濃好鮮甜，入口即溶，少少腥味都無。仲有旁邊碟龍蝦膏，又係唔洗自己拆，可以一羹羹咁直接擺入口，真係好嘆好爽。而個酸薑都好特別，侍應姐姐話係師傅特別處理過，加咗柚子落去，所以酸酸甜甜好清新，平時唔特別食酸薑既我都食咗好多舊。最後甜品我揀咗師傅自家製蕨餅，食完真係有大滿足既感覺。總結一下，呢間餐廳係幾有heart做，師傅好有心機同你講解D食物，全程傾得好開心，侍應都好有禮貌，環境又舒服。齋睇個餐牌你未必覺得平，但食完你會知D食材有幾堅幾新鮮，其他餐廳同一質素相信可以再賣貴好多。希望keep到個質素，一定會再幫襯。…Read More