The Hua Club (Moved)

早幾日同客人係中午試過這間的食川菜的商務午餐, 回頭值很高! 今晚又回來幫襯了這棟新式樓宇是由 Savills 管理, 我們book 了7pm, 樓下大堂的職員得知我們去那間餐廳已經可以知道我們的預約資料, 令人覺得服務超貼心, 有種似VIP 會所的感覺餐廳可能都是照顧開商務客, 主要都是sofa 的雅座, 讓人坐得很舒適, 而且職員服務都很到位貼心, 忍不住給一個讚尖椒黃金皮蛋 ($98)黃金皮蛋顏色很漂亮, 看起來金黃誘人, 層次分明, 裡面的蛋黃有溏心的感覺而蛋白金黃透明, 咬下去富有彈性, 吃起來又軟彈, 口感非常好, 加上以青辣椒, 香蔥, 醋, 紅油等調味, 帶出了皮蛋的蛋香, 味道濃鬱而有回甘的感覺紅花海皇酸辣羹 ($78)四川酸辣湯的特點是酸、辣、鹹、鮮、香。最大的特點就是酸爽開胃而且所需的食材非常豐富多樣, 有蝦、帶子、豆腐、老陳醋、冬筍、保寧醋等讓這道羹湯的口感與營養提升了不少，喝起來非常舒服過癮。而最特別的是這裡的酸辣羹更加入了紅花, 帶有藥膳功效, 氣香行散, 入血分具有活血通經, 達到祛瘀止痛的功效。 茶燻樟茶鴨 – 半隻 ($208)識食一定要食這個茶燻樟茶鴨! 樟茶鴨屬燻鴨的一種, 製作很考究不是普通餐廳能食到, 因為此鴨需經醃、熏、蒸、炸四道工序, 要求嚴格! 上菜時香熱, 鴨物色澤呈金紅, 外皮酥脆而肉身內嫩, 沒有一點肥膩的感覺, 更帶有樟木和茶葉的特殊香味，不愧是四川著名菜餚! 大廚的功力很非凡! 蛋黃豆腐 ($128)鹹蛋燜燒蟹粉是咸燒的, 還加入了昂貴的厚切冬菇及海蝦, 很好吃哦菊花茶 菊花茶香氣濃鬱，提神醒腦，也具有一定的鬆弛神經、舒緩頭痛的功效。我們用膳完畢菊花茶飲了很多轉仍是很有花香! 忍不住打開茶壺, 原來裡面有半壺份量的菊花, 真的超讚呀! 對於長期對住電腦的我, 菊花茶本身就有助緩和眼睛疲勞, 忍唔住埋單了都要飲多杯…Read More

近排天氣涼涼地想食啲暖胃中式川菜同朋友去咗呢間走上新派設計風格地方感覺比較舒適，非一般傳統中式餐廳口水雞以為好辣大，其實一啲都唔辣，色香味加咗辣椒🌶️油雞皮比較薄無乜脂肪，雞肉質好滑，用來送飯簡直係一流茶燻樟茶鴨呢款唔少得order川菜宴其中一款名菜鴨用樟茶煙燻過奇香撲鼻，沁人脾胃再煙燻過後經過油炸鴨肉，鹹鮮香濃﹐皮酥肉嫩抵擋不住食多兩件蔥油麵 面比較有廚師好香口再配合秘製豉油撈埋一齊食，少少鹹麵質彈牙一啲都唔腍，份量都唔少㗎，兩個人食啱啱好，真係好滋味❤️西湖牛肉羹鮮味可口有蛋花、豆腐碎、牛肉碎味道唔會太濃，清香開胃，一啖飲落去好順滑紅花海皇酸辣羹自己order一碗酸酸甜甜酸辣羹，有豆瓣醬、鎮江醋、豆腐碎，我自己會加胡椒粉令到酸酸甜甜味道提升，而酸辣都唔會太辣啱啱好呢間服務非常好之外仲送咗兩件桂花杞子糕甜品俾我同朋友，食埋甜品啱啱好…Read More

本身吾系好食得辣，川菜喺中國嘅菜黎講都幾出名。自己本身就吾系好食得辣，但為咗訓練自己可以愈黎愈食得辣😂又得知做野同一區新開咗間都有少少高級嘅川菜。話就話喺灣仔，其實位置都有啲近銅鑼灣，食完就可以去銅鑼灣行街🤓入面嘅環境已經可以睇得出佢嘅檔次，真系好中意天藍色嘅櫈💙話明川菜就緊系以辣野為主，講到主菜，第一頁已經系水煮菜式，見到都覺得辣呀🥵仲有近年好興嘅酸菜魚～多數比較多人都系北上食，喺香港好似吾多地方有。紅花椒吞脆辣雞同埋辣子雞都好似幾辣😨見到有個海鮮豆腐羹，都幾啱我食，裡面都有幾多豆腐，軟綿綿幾有口感，重點系健康。辣子雞系呢度嘅名菜，一於試吓先，吾理辣吾辣喇😂佢表面都幾多辣椒😰跟住個底就有超多腰果同埋雞肉，雖然話系好多辣椒，實際上又吾會話好辣喎。反而啲雞肉細細粒咁，每粒都系少少辣姐，幾開胃👍🏼腰果就好爽脆，我自己本身都中意食nuts，腰果啱我食。原本都獅諗住叫茶燻樟茶鴨，男朋友表示好想食，咁就試吓啦。首先食食配菜煙鴨胸，又真系冇諗過煙鴨胸都可以有少少煙燻味，又幾好食😋吾會話好鹹。樟茶鴨都系，比茶燻過嘅味道好香，口感有少少結實，冇乜肥肉部分。呢度雖然話系川菜，但都有嫩雞煨麵食，呢個系意想不到嘅。有數粒嫩雞肉喺面，雞肉嘅口感系幾嫩滑，數量吾系特別多，不過都ok。然後麵條都系正宗嘅上海麵，軟軟哋中帶點嚼勁。跟住個湯底先系重點，牛奶味好濃郁，幾乎毫無油膩感，川菜入面嘅上海菜都可以好好食。…Read More

夜闖 紅花會 皆因想食川菜，沒有陳家洛堂主，只有葉世昌師傅，早前就是看了 Viu TV 「踢館」水煮魚，垂涎欲滴，於是一行四人來！紅花會是一家走會所風格的川菜小館子，揉合傳統及創意元素，整體水準唔錯，值得推薦。 據說川菜講求百菜百味，只不過在香港吃到的川菜皆以麻辣為主，個人口味來說，一餐有辣有唔辣的川菜晚宴方才合意！ 尖椒黃金皮蛋 $78唔食唔知皮蛋都有金黃色的！平日見慣黑黑灰灰，據說因為四川醃法不同。這道黃金皮蛋賣相搶眼，見樣已經覺得好食！同樣是蛋白有點通透似啫喱，蛋黃黏黏地半溶狀態，質素好好，食落順滑順口；一片紅海的賣相好似好辣，其實我唔覺得辣，相比一般皮蛋添了蛋香，少了阿摩尼亞的霸氣，好吃，值得一嚐。 茶燻樟茶鴨 $168裸妝而上沒有雕琢，樟木及茶葉之獨特香味更出，鴨皮酥脆、鴨肉香嫩，水準之作！美中不足在於麼麼皮，稍為熱度不足，令香軟度遜色！蛋黃豆腐 $128遇上我喜愛的兩款食材，蛋黃調得恰到好處，混合豆腐滑溜非常，淨食或佐飯更一流，愛不釋手！水煮魚（海沙巴） $428果然是招牌，而且份量十足。魚肉新鮮結實，被辣油沐浴之後異常順滑，而且有曾炸過及原味兩款混合。鍋內有四川薯粉條及芽葉，吸盡湯汁，香辣非常，正常的辣度真的夠辣，如果不能吃太辣的朋友可以要求減辣。 椒麻鮮雞 $108雞肉嫩滑，胸肉亦不嚡口，處理得唔錯，但椒麻之味不強，相對比較失色。  薑米肉崧炒絲苗 $148炒得夠火喉，米飯粒粒分明，薑味足，味道亦剛好，作為辣後平衡及飽肚剛好。 裝潢基本中見鮮明風格，艷紅及墨綠色的配搭想不到合拍。有四間私人房間，大廳椅貝特別高，可見私穩度的重視。 價錢尚算合理。午市套餐更是抵食，值得重臨！ …Read More