銘興山西刀削麵 (大同新邨)

話說我係麵控🥰🙌🏻有得揀一定會揀食麵多過食飯～而我其中一樣comfort food就係刀削麵✌🏻🧡真係可以話係自己最鍾意同埋自己一個最想食既！-🎈花雕醉雞刀削麵 $65必食💫果然係店舖既招牌推介🥰真係見每枱都有叫呢個花雕醉雞～醉雞超正，店舖用上自家秘製既花雕酒調味醬汁，酒香味濃郁，勁鍾意食🤤而雞肉好入味，夠哂嫩滑～至於刀削麵就係用上自家熬煮既清湯底，麵質彈牙煙靭，口感十足！-🎈口水雞刀削麵 $65口水雞既醬汁帶點花椒及麻辣香！惹味得黎又未至於好辣，味蕾好過癮～-🎈麻辣牛𦟌拼雞翼 $75叫左小辣唔算好辣，比較推薦牛𦟌，相對較入味～-🎈流心紅糖糍粑 $45純粹個人好鍾意食糍粑所以先叫🤣🤣份量超多兩個人share都唔太食得哂～店舖新鮮熱辣炸起，外層香脆，裡面既紅糖係湧出黎咁好流心👍🏻不錯～-🎈阿華田脆脆 $26望到都覺得阿華田脆脆正到爆😎飲落係極級濃郁，面頭仲配搭住啲脆脆粒粒，增添口感！-🔸銘興山西刀削麵📍大角咀埃華街74號大同新邨大成樓H座地下H1A及H1B號舖…Read More

銘興山西刀削麵係九龍區都有幾間分店，今次黎到大角咀分店，店鋪算幾大，menu主打既刀削麵都有上湯刀削麵、熱伴刀削麵同埋冷伴刀削麵選擇。推薦大家一定要叫佢地既花雕醉雞刀削麵！份量一啲都唔孤寒，食到好滿足。1⃣️ 花雕醉雞刀削麵（$62） 呢款絕對係必點既！花雕醉雞好似平時出面單點既份量。食落好香花雕酒味！仲配上溏心蛋☺️刀削麵食得出係人手削既，食落煙韌👍  2⃣️熱伴手撕雞刀削麵（$55） 手撕雞份量居多😳痴線食極都仲有，熱伴刀削麵配埋青瓜絲、麻醬、麻辣醬、食落煙韌感更加強！呢款更加啱重口味人士！  3⃣️包漿小豆腐 （$45） 即叫即炸，外面一層薄薄既炸衣，中間偏軟心。  4️⃣香炸Q彈墨魚餅（$45） 墨魚餅點甜酸醬食，唔錯。  5️⃣荔枝啵啵蝦球（$45） 好脆好脆！中間既蝦肉彈牙～  6️⃣涼拌海蜇（$45） 叫左中辣，辣味都幾夠！好過癮！海蜇好爽口仲有好多青瓜絲。  7️⃣蒜泥牛展（$65）（雙拼麻辣豬頸肉+$15） 佢地個蒜泥係真係好泥～好少見蒜泥係呢個狀態，食落顆粒感冇咁明顯但係蒜味好強😍牛展分量都好多。另外麻辣豬頸肉都好好食，唔算係好肥既感覺，特別鍾意佢地既麻辣醬！  8️⃣檸檬菜蜜（+$3） 叫各類粉麵都可以跟熱飲或者加錢要凍飲。  9️⃣阿華田脆脆（+$9） 呢個好正！食到阿華田脆脆，阿華田味道更加濃而且多左層甜脆既味道。、…Read More