估唔到2023年係香港覓食嘅第一餐就咁有驚喜！睇黎今年要行好運了！ 位於跑馬地嘅壹玖捌叁最近請來 曾擔任富豪私廚長達廿年嘅Chef Silas Li，於經典中菜之中加入創新元素，破格得黎不失傳統中菜精碎，賣相仲極之精緻。▪️拔絲伊比利亞豬咕嚕肉配豬油渣 $380家姐阿妹極度推介！咕嚕肉外層薄脆，內𥚃軟彈多汁，仲有拉絲效果！豬油渣口感超脆，已經好少地方有得食。醬汁甜而不膩，好正！▪️脆皮炸雞 $680/隻數量有限，記住預訂呀！雞皮超薄脆，同時肉質超滑，一路食一路滴油滴汁，仲有少少入口即融嘅肥膏位！▪️醬炒和牛陳村粉 $228和牛軟嫩濃牛味，陳村粉富彈性，鑊氣十足，唔會太油。▪️鮮花蟹炒大良牛乳水牛奶 $380/位廚師採用新鮮花蟹，並加左大量順德水牛奶炒，口感超滑嫩！啖啖鮮甜蟹肉▪️黑芝麻及花生慕絲配白芝麻雪糕及鹹焦糖花生黑芝麻控必食！本身覺得芝麻雪糕已經好香，點知原來旁邊粒菇上面嘅黑芝麻mousse仲香濃！入面仲有啲流沙黑芝麻醬！▪️吉士冰花蛋球 $58懷舊嘅冰花蛋球 外層薄身帶蛋香，加入超滑嘅custard，忍唔住encore左粒！▪️椰糖馬拉糕配花生椰絲牛油 $58一開蓋超香！馬拉糕口感軟綿濕潤，加埋花生椰絲牛油，呢個combo又幾得意幾夾~▪️焗法式焦糖蛋撻 $58/兩件撻皮好香好薄脆，入面嘅custard口感軟滑。————————————————————⠀晚市套餐Tasting Menu $2180 pp1️⃣醉鮑魚配日本青瓜、脆米紙花配三文魚籽脆米紙花真係成朵花咁，口感薄脆。下面嘅鮑魚軟彈，青瓜爽口，配上海苔牛油汁，增添鮮味之餘，又唔會喧賓奪主。2️⃣日本帶子粒薯蓉慕絲配頂級鱘魚子醬帶子軟滑，薯蓉慕絲綿密帶軟綿薯仔粒，加埋瑤柱油、香脆瑤柱乾、魚子，鹹香富鮮味。瑤柱味突出之餘，又唔會冚過左薯仔味。3️⃣花雕蟹蒸蛋白配百合泡無得散嗌嘅花雕蟹蒸蛋白果然夠晒驚喜！蒸蛋好滑好濃蛋味，蟹肉份量十足，加埋自家製嘅蟹油，整道好香好重蟹味。面頭嘅百合泡甜甜地，可一添輕盈口感。旁邊有隻新鮮炸起嘅澤蟹，香脆得黎唔會太硬，入面仲注入左湯汁，超有心思！4️⃣炸雞皮糯米雞炸雞皮超脆！入面嘅糯米黏彈唔痴牙，有唔少爽彈嘅菇同臘肉，帶雞油香。5️⃣金蒜虎蝦配櫻花蝦醬、蔥油虎蝦超大隻彈牙！蘸埋櫻花蝦醬，蝦味更濃！6️⃣鮮花椒蒸釀星斑卷配香蔥鮮百合蓉星斑好鮮！入口軟滑有彈性，一啲骨都無，餘韻帶微麻，幾開胃~7️⃣茶燻豉油皇鴿胸配蕃薯蓉、椒鹽鴿腿鴿胸軟腍唔柴，茶味超突出！椒鹽鴿腿則外脆內軟~8️⃣無骨排骨飯配脆皮流心蛋黃醬汁香甜有肉絲，蛋黃流心，更注入豉油調味，撈飯唔錯~9️⃣薑汁撞奶配蒸蛋白、黑糖漿、薑汁蛋白脆薑汁撞奶好軟滑，好濃蛋味之餘，薑味突岀微辣，又唔會太嗆，連奶泡都有薑味…Read More
