11.06.2021上次到龍門一番-屯門店試過上海菜覺得幾好味，今晚約埋朋友一齊再嚟食。我哋三個人被安排坐喺一個猶如屋仔嘅卡位，既舒適又私隱度高，而且同其他坐位分隔開，呢度抗疫時期感覺特別安全。打開餐牌，選擇好多，樣樣都想試，雖然只係得三個人，結果叫咗五個餸加一個燉湯，真係好厲害，所以食得非常滿足。「花膠螺頭干貝燉雲吞雞湯」～呢個湯有豐富嘅餡料，雞肉煲得好淋、雲吞細細粒好味，又有少少花膠同螺頭，呢個湯唔錯呀，三個人每人兩碗有多。「洋蔥牛肉絲配小叉」～ 上次試過彩椒配小叉，今次試洋蔥牛肉，小叉加配料一定好味，惟一牛肉比較油膩，汁比較多。除咗小叉，可以配鍋巴/薄餅，我哋叫咗炸鍋巴，卜卜脆，如果有啲酸甜/辣醬點下會更美味。「咸肉白頁小唐菜」～味道無想像中咁鹹，白頁爽爽地幾特別「京蔥回鍋肉」～味道濃、美味，油多月巴死😂「雪菜肉絲炒年糕」～ 自己鍾意食上海年糕，所以一定覺得好食今次試多幾款，仍然好滿意，下次可以再來幫襯。…Read More
