打卡點點心專門店 (Closed)

好耐冇食點心喇~出開紅磡見倒哩間點心店好多人幫趁，加上見佢啲點心款式幾特別就入去試下。紅假lunch hour坐滿人，好彩等左一陣就有位。店面雖然唔大，不過以新派中國風做裝潢，感覺都幾骨子。茶錢$5/位，除左普通普洱香片，哩度仲有點心店少見嘅洛神花、碧螺春等等，我地就揀左瑰荔堂皇，雖然茶色比較深，但飲落又唔會澀，仲帶少少荔枝香味。花膠碗仔翅($38) - 碗仔翅杰度適中，入面有大大條花膠同好多冬菇絲，都幾足料，加埋紅醋食幾好食。炸蝦三文治($36) - 三文治連蝦一齊炸，炸到脆卜卜但又唔會太硬同太多油，炸蝦蝦肉仲keep倒爽口結實，必點！南瓜米網卷($30) - 米網卷入面係香甜軟腍嘅南瓜蓉，米網卷外皮鬆化唔會過硬。老干媽蘿蔔糕($36) - 蘿蔔糕輕煎過，鹹鹹香香好惹味，只係略嫌比較多油。八寶蟹蓋釀糯米飯($38) - 以糯米飯釀入蟹蓋，上面再加左隻冬菇，店家為左令賣相更吸引，特別加左豌豆同紅蘿蔔粒，賣相幾精緻，令人食慾大開。黑金流沙包($36) - 流沙包好軟熟，就算上左枱一段時間，咬開仍然好流沙，鹹蛋黃味都好香好突出。紫薯煎堆仔($32) - 煎堆仔脆得黎口感軟糯，除左香甜紫薯味，原來中間都一樣有流沙，都幾好食。竹燕椰汁糕($30) - 下面係椰汁糕，上面係類似桂花糕，唔會太甜，椰汁味幾香。雀巢咖啡($12) - 唔想飲茶嘅話，除左普通啤酒汽水，哩度仲有雀巢咖啡同綠茶可樂揀，雀巢咖啡都幾滑，味道以罐裝咖啡黎講算唔錯。除左一般點心，佢地都有幾多創意點心，而且味道都係好食同熱辣辣嘅，價錢大部份都係三十幾蚊，去開附近好值我試下。…Read More

紅磡站📍打卡點點心專門店-間唔時都會想一盅兩件，飲下茶食下點心🍵花膠碗仔翅（$38）呢碗花膠碗仔翅真材實料！平時食普通碗仔翅都要$20碗，今次$38有一大兩細花膠，花膠仲要唔薄身，厚肉！碗仔翅味道豐富，冬菇片都大大片😎一碗兩個人share岩岩好🤪黑金流心包（$36）今次我醒，等左一陣先食，廢事辣親個嘴😅😂雖然擺左一陣，都仍然好流心，仲食到鹹鹹蛋黃香😙招牌六寶燒賣拼盤（$88）呢個拼盤有蟹籽燒賣、鵪鶉蛋燒賣、爆汁墨魚燒賣、麻辣燒賣、帶子燒賣、鮑魚燒賣各一件。最推薦當然係鮑魚燒賣，吸睛又入味，另外麻辣燒賣都好惹味😋燒賣唔多麵粉，啖啖魚肉、蝦肉，最中意呢種口感豐富既燒賣😍不過鵪鶉蛋燒賣真係要趁熱食，我擺左陣凍左少少，比較硬身🥲鮮蝦腐皮卷（$32）、晶瑩蝦餃（$32）、老乾媽蘿蔔糕（$36）、鳳爪排骨飯（$32）以上呢四款點心正常發揮。鮮蝦腐皮卷香口脆身，蔬菜較多；老乾媽蘿蔔糕香辣惹味，如果再脆身d更好食。我飲茶點都要叫個蒸飯食，睇落唔算大碗，不過兩個人share都好足夠，我最中意落埋豉油撈飯🍚飲茶🫖當然少不了茶，見到店舖都有啲比較新穎既茶，好似洛神花、白桃烏龍、桂花烏龍同瑰荔堂皇。我叫左個瑰荔堂皇試下，清香玫瑰荔枝味，解膩一流👍🏻環境方面，店舖古色古香嘅裝修好有特色，座位唔算多，不過都幾多街坊幫襯。…Read More

古色古香的裝潢吸引左我地入去，招牌叫打卡點點心專門店，岩唒鐘意食點心又鐘意打卡既人，點心係即叫即做，而且細心在茶葉款式多種可供選擇👍🏻有成十款可供選擇茶葉白桃烏龍，你倒落茶杯已經好香桃味，白桃+烏龍=好夾蝦餃皮薄餡靚，入面蝦仁大粒彈牙老干媽蘿蔔糕XO蘿蔔糕食得多，老干媽伴蘿蔔糕第一次見，香而不辣，原來可以咁夾，好吃 紫薯煎堆仔用紫薯皮做外皮，內有乾坤，裏面竟然係邪惡嘅流心蛋黃醬，好有驚喜，不過食時小心爆醬，太熱辣親口花膠碗仔翅38元一碗，好耐未食過咁足料嘅碗仔翅，有成三大舊花膠，好多木耳，雞絲有齊，呢個價錢性價比非常高牛肉球口感嫩滑鮮甜，不是滿口粉哪種鮑魚燒賣兩粒貴精不貴多😊，大大粒，一粒已很滿足爆珠楊枝甘露太多料吧，滿口都是芒果，爆珠，柚子和西米，不太甜，口感豐富，份量好多，一個人食唔唒要share…Read More