美人姐姐同迷人uncle收到風，得知前「順德聯誼會」位大廚新哥最近喺灣仔有新搞作，新店「星月居」將於11月29日正式開張。打鐵要襯熱，二人即襯上週餐店剛開始試業大宴親友一圍，順道為其居美返港遊玩o既長姊餞行
。餐廳佔用大廈三樓圓月形o既面積全層，現階段仍有地方正在裝潢中，故牆上都只係簡單掛出抽象o既水墨畫作裝飾。由於店子只招待預先訂座之顧客，所有菜單要提前寫好，大堂並無設置任何散座，用餐處基本上只有六間可打通o既廂房，每間都可坐十幾人，間隔巧妙地砌成彎月形，設計同個店名「星月居」真係好夾
。當晚十四人被安排入座圓月星光燈下o既弧形大房，餐具酒杯齊全，中西合璧得黎感覺光鮮企理。就連白雪雪o既餐巾都衛生過人。全新o既碗碟都印有不同o既國畫圖案，極富中國色彩
。因樓面好多運作仍在適應中，晚宴o既菜譜都未黎得切印出，不過單憑轉盤上o既菊花及卜卜脆，全枱人都估到晚餐將由蛇羹打響頭炮
。
花膠拆燴五蛇羹：熱辣辣o既蛇羹好大鍋，每人分咗一大碗都仲有得添。羹中o既蛇絲幼嫩甜美，花膠爽脆潤滑，蛇羹鮮香濃郁，窩心暖胃，滋味無窮
。黃皮老虎斑兩味之莱遠炒球：老虎斑球厚肉得黎一啲都唔實，入口鮮甜嫩滑，魚皮亦柔韌可口，實屬好魚也！大良鲜蟹肉炒鲜奶：其實菜式早已喺「順德聯誼會」食過，當時都覺得好正，真係估唔到喺新廚房煮製o既大良鲜蟹肉炒鲜奶可以更上一層樓
，雪白o既炒鲜奶清麗脫俗，柔潤滑溜，混入松子仁及炸米粉能增添脆脆o既口感，伴入鲜蟹肉及磨菇粒味道則份外清甜，靚餸轉唔夠兩圈已清碟，美味程度不言而喻
。瑤柱扒豆苗：豆苗翠綠又脆嫩，簡單以瑤柱芡汁點綴已夠醒神。黃皮老虎斑兩味之薑葱頭腩：XO仔怕骨唔敢食，不過長輩都大讚薑葱頭腩乾巧惹味，送酒一流。脆皮妙齡乳鴿：乳鴿每人有半隻，可食齊鴿肶同鴿翼，餐具中更早已附上即棄膠手套，用手食都唔怕污糟。乳鴿上手仍熱力十足，證明新鮮燒起。乳鴿皮脆肉嫩軟骨脆，香口非常，且毫不肥膩，新哥名菜果然有料到
！美極煎大蝦：蝦隻爽厚彈牙又脆身，美極甜甜o既味道很是討好
。生炒臘味糯米飯：金黃色o既糯米飯炒得好夠乾身得黎仍能保持光澤，臘味量足香濃，食落除咗唔會成口油之外，亦一啲都唔滯口，師傅功夫當真了得
！養顏蛋白杏仁茶：甜品杏仁茶白滑微甜，女士們都話好滋潤，其中有幾位仲食埋老公嗰碗添
，真係唔講得笑。飯後每人仲有杯新泡o既靚茶，甘醇消滯，實令腸胃舒暢不少。美人姐姐同迷人uncle為隱世食家，不時都會與親友分享及介紹自己愛好o既餐店美食，今次一知悉「星月居」快將開業，更第一時間誠邀肥肥家族食星級粵菜，小肥有份參與亦深感榮幸萬分
。由於大廚曾任職「順德聯誼會」師傅，故一邊食飯時都難免會將兩店略作比較；雖則餐廳試業期間好多方面都未準備就緒，幸好評論都係有讚冇彈，大家都覺得「星月居」除咗地方更為高雅、舒適、衛生之外，服務及食物質素亦有所提升，每位五百蚊有找一啲都唔算貴，絕對值得推介
！…Read More
。餐廳佔用大廈三樓圓月形o既面積全層，現階段仍有地方正在裝潢中，故牆上都只係簡單掛出抽象o既水墨畫作裝飾。由於店子只招待預先訂座之顧客，所有菜單要提前寫好，大堂並無設置任何散座，用餐處基本上只有六間可打通o既廂房，每間都可坐十幾人，間隔巧妙地砌成彎月形，設計同個店名「星月居」真係好夾。當晚十四人被安排入座圓月星光燈下o既弧形大房，餐具酒杯齊全，中西合璧得黎感覺光鮮企理。就連白雪雪o既餐巾都衛生過人。全新o既碗碟都印有不同o既國畫圖案，極富中國色彩。因樓面好多運作仍在適應中，晚宴o既菜譜都未黎得切印出，不過單憑轉盤上o既菊花及卜卜脆，全枱人都估到晚餐將由蛇羹打響頭炮。花膠拆燴五蛇羹：熱辣辣o既蛇羹好大鍋，每人分咗一大碗都仲有得添。羹中o既蛇絲幼嫩甜美，花膠爽脆潤滑，蛇羹鮮香濃郁，窩心暖胃，滋味無窮。黃皮老虎斑兩味之莱遠炒球：老虎斑球厚肉得黎一啲都唔實，入口鮮甜嫩滑，魚皮亦柔韌可口，實屬好魚也！大良鲜蟹肉炒鲜奶：其實菜式早已喺「順德聯誼會」食過，當時都覺得好正，真係估唔到喺新廚房煮製o既大良鲜蟹肉炒鲜奶可以更上一層樓，雪白o既炒鲜奶清麗脫俗，柔潤滑溜，混入松子仁及炸米粉能增添脆脆o既口感，伴入鲜蟹肉及磨菇粒味道則份外清甜，靚餸轉唔夠兩圈已清碟，美味程度不言而喻。瑤柱扒豆苗：豆苗翠綠又脆嫩，簡單以瑤柱芡汁點綴已夠醒神。黃皮老虎斑兩味之薑葱頭腩：XO仔怕骨唔敢食，不過長輩都大讚薑葱頭腩乾巧惹味，送酒一流。脆皮妙齡乳鴿：乳鴿每人有半隻，可食齊鴿肶同鴿翼，餐具中更早已附上即棄膠手套，用手食都唔怕污糟。乳鴿上手仍熱力十足，證明新鮮燒起。乳鴿皮脆肉嫩軟骨脆，香口非常，且毫不肥膩，新哥名菜果然有料到！美極煎大蝦：蝦隻爽厚彈牙又脆身，美極甜甜o既味道很是討好。生炒臘味糯米飯：金黃色o既糯米飯炒得好夠乾身得黎仍能保持光澤，臘味量足香濃，食落除咗唔會成口油之外，亦一啲都唔滯口，師傅功夫當真了得！養顏蛋白杏仁茶：甜品杏仁茶白滑微甜，女士們都話好滋潤，其中有幾位仲食埋老公嗰碗添，真係唔講得笑。飯後每人仲有杯新泡o既靚茶，甘醇消滯，實令腸胃舒暢不少。美人姐姐同迷人uncle為隱世食家，不時都會與親友分享及介紹自己愛好o既餐店美食，今次一知悉「星月居」快將開業，更第一時間誠邀肥肥家族食星級粵菜，小肥有份參與亦深感榮幸萬分。由於大廚曾任職「順德聯誼會」師傅，故一邊食飯時都難免會將兩店略作比較；雖則餐廳試業期間好多方面都未準備就緒，幸好評論都係有讚冇彈，大家都覺得「星月居」除咗地方更為高雅、舒適、衛生之外，服務及食物質素亦有所提升，每位五百蚊有找一啲都唔算貴，絕對值得推介！…Read More
