The Cheesecake Factory

星期五收工六點半去到，等45分鐘就入得，餐廳食物份量大大碟，適合多人聚餐，今次一行四人坐底職員會比麵包，麵包有兩款，兩款麵包都係外脆內軟，配上牛油，好食，唔夠可以refill 的叫左水牛城香辣雞翼 Buffalo wings $192, 醬汁Mix雞翼比較酸同辣，可同職員講建議分開上，水牛城雞翼配上醬汁好惹味，每次嚟到都會叫芝樂坊粟米片 Factory Nachos $172,份量超大份好多塊，粟米片高上芝士醬及少量墨西哥辣椒，配上牛油果醬，紅椒茄醬及我最鍾意嘅Sour cream,可以mix 埋一齊食，又或者每塊配唔同既醬香辣路易斯安娜雞肉蝴蝶粉$228次次去叫蝴蝶粉，醬汁Creamy,辣味適中，雞肉炸到香脆，職員上菜時加即磨芝士，好正最後梗係叫兩件蛋糕做飯後甜品，蛋糕大大件好吸引，每次都會叫無敵紅絲絨芝士蛋糕，芝士味唔會好濃，出奇地同紅絲絨蛋糕好夾，另外叫咗Godiva朱古力芝士蛋糕，好食，蛋糕Muse入邊係有朱古力粒，有驚喜…Read More

美國起家嘅The Cheesecake Factory，以份量同芝士蛋糕出名！高人氣，經常排隊，人山人海。閒日晚上係冇得訂座，需要Walk-in拎位，六點幾拎飛都要等到約七點先有位。入到去光線好暗，但座位鬆動，坐落係舒服。一入座就會有免費可添嘅原味、黑糖麵包配牛油，食落麥味重，偏向有咬口嘅麵包。5個人食，叫左5樣野加件蛋糕已經好飽！🧀 熱帶風情沙冰 $78★★★★☆好大一杯，同人share黎飲都冇問題，沙冰用左芒果汁、熱情果汁、菠蘿汁及椰漿，加冰攪拌，飲落真係透心涼，唔會太甜同太漏，幾清新，啱哂夏天飲。🧀 GODIVA朱古力芝士蛋糕 $82★★★★☆朋友見呢款蛋糕寫Godiva就叫左，上層為Godiva朱古力芝士蛋糕，下層係朱古力慕斯，食落好味，香濃嘅朱古力，但食多幾啖會膩同太漏，幾個人share食就冇問題！特別要讚，因為慶祝生日，即時叫佢幫手寫字，D字寫得好靚好立體！🧀 炸魷魚 $158★★★★☆好大碟，5個人食極都仲有。魷魚係包左層炸粉再拎去炸，幾酥脆唔會有油益味，但有部分脆粉已經同魷魚分離左。魷魚爽脆，唔會霉霉地，配埋個蒜香沙律醬同雞尾酒汁都幾好食！🧀 芝樂坊粟米片 $158★★★★☆墨西哥粟米片好薄脆，面頭放滿熔左嘅芝士、番茄辣醬，仲會有牛油果醬、酸忌廉、墨西哥青辣椒、莎莎醬。醬料好豐富好多選擇，可以自行加D醬落個粟米片到食！建議有4個人以上先好點呢個菜式，因為會好漏當你食多幾塊之後，總之成件事好邪惡。🧀 卡邦尼意大利麵 $168★★★★☆上菜先驚覺原來有青豆，睇漏眼，如果唔係會叫走左佢，唯有自己挑出黎。意大利麵軟硬岩岩好，有煙肉嘅咸味，加上巴馬臣芝士忌廉汁，好好味，但唔會太膩，好快清哂一碟！🧀 烤肉眼牛扒 $198★★☆☆☆肉眼牛扒叫左5成熟。食落唔太軟腍好韌，咬到口都攰，都冇咩牛味，對比上次食，今次差左好多。薯蓉仲出色過佢。🧀松露蜜糖炸雞 $208★★☆☆☆雖然係松露蜜糖炸雞，但出到黎完全同個菜名不符！完完全全食唔到有松露味道，只有蜜糖味道；話係炸雞，但食落已經唔係脆口，淋淋地咁；炸雞係用雞胸肉，本身預期係嫩滑Juicy，現實係食落好鞋好乾，搞唔掂！個菜式有配蘆筍及薯蓉，薯蓉仲好食過個雞，細滑帶D薯仔粒粒。🌟總括：價錢適中，份量大，適合一大班人食，食得哂之餘可以叫多幾款唔同類型嘅野食，但今次嘅肉都好麻麻，下次唔會再叫，相反D意粉、前菜唔錯。…Read More

每次去到都會被嚇一次 以為會排好耐隊先入到我地7點幾到 張飛話要排到10點幾 真係嚇一跳🕴🏻還好只係等左15分鐘到喇 就入到喇✌🏻一班人食黎呢到食就真係岩曬 野食大大碟 又好味 芝樂坊粟米片Nachos係我心中永遠有一席位 豈能不點😍粟米片上鋪滿熱溶芝士 酸忌廉 牛油果醬 莎莎醬 青椒 等味道豐富 食落有小小辣 雖然芝士分佈唔夠均勻（底個層乜都無）但粟米片夠熱再沾埋d醬 真係正👍🏼脆焗釀薯寶外脆內裡夠薯就一定架喇但薯入面仲要有埋芝士 煙肉同蔥 先夠正豐富之餘又有口感係值得order ge炸魷魚🦑又係炸野呀😂好熱氣呀但呢個又係好食🤩脆皮炸得好酥 好輕 唔係一pat炸粉咁魷魚🦑又爽 唔un 分量真係好多😂配埋個醬真係不得了意式肉腸及蝦粗管長通粉呢道食完個個fd都讚既pasta⭐️究竟有咩好呢個醬係最關鍵 番茄🍅醬夠濃再配小小辣椒🌶️食落又小小辣 好吊味食粗管粉時每一啖都有個醬撈埋黎食 粉既口感又夠適中係必點既一味原創芝士蛋糕🍰大讚👍🏼蛋糕軟滑creamy 又夠fluffy 餅底均勻返膩既感覺 可以再多d食完個個都托住個肚走 真係大滿足…Read More

朋友由美國返嚟，不停話呢間好好食，返嚟香港食生日飯都話要食佢，但係因為份量好多，又樣樣都大碟，所以兩個人一對情侶係食唔到呢間，最後我哋一行四人去食。 我哋叫咗芝樂坊沙律、芝樂坊粟米片、水牛城香辣雞翼、墨西哥乾辣椒雞肉長通粉。第一樣嚟嘅係粟米片，哇我第一次食，估唔到大碟到咁，完全係外國人份量咁。見到個份量就覺得呢個價錢原來係好抵。粟米片個牛油果醬都係餐廳自己打出嚟的，好好食。唔中意牛油果嘅可以選擇隔離的蕃茄醬，同樣滋味。 水牛城雞翼係我全餐飯裡面最中意的！佢嘅辣真係好惹味，本身我自己好中意食辣，但又唔係好食得辣，佢呢個辣度已經係我極限，但又未至於辣到辛苦，真係好中意，直頭想叫多碟添呀！不過我眼中嘅缺點係佢唔係全碟雞中翼，佢仲有雞搥的，而我對雞搥係麻麻哋。 食完個雞翼即刻覺得長通粉嘅辣真係唔夠惹味，不過都係好食嘅。但係本人係比較中意食d煮到好淋嘅意粉口感，所以佢呢種屬於中度偏硬嘅軟硬度，唔太啱我口味。但在場有中意食硬身d嘅人就話好好食，真係個個唔同喜好。 芝樂坊沙律個沙律汁好好味，不過裡面有朋友唔中意食嘅藍芝士，藍芝士係好濃味嘅芝士，唔係個個中意食，好彩佢落得唔多，都算ok。 我哋四個人只係叫咗四樣嘢，仲要只係得一個主菜，已經好飽好飽，但因為朋友生日，所以點都要叫蛋糕，而且朋友話呢度嘅蛋糕係好出名，所以最後叫咗兩個蛋糕，四人share一齊食，叫做試下味。d蛋糕件件都好大件，仲可以出去個玻璃櫃自己楝，睇實物更實際。最後我哋選擇咗Oreo非凡夢想芝士蛋糕同埋朱古力碎曲奇麵團芝士蛋糕。由於本人對蛋糕同甜品類係一般般，我淨係覺得好甜好甜同埋好濃味。 總括嚟講，真係樣樣份量都好多好大碟，無返四至五個人真係嚟唔到食。但味道真係好食嘅，不過晚市無得訂位，一定要排隊，而排隊條龍係好長好長......…Read More

Cheesecake Favtory餐廳其實係尖沙咀已經開左一段時間，但人氣繼續高企。係煩忙的晚餐時間7:30去拎位，拎住個通知器，有位個時就會震。等的期間，大家可以睇睇門外的Menu，諗定食咩好。總共等左差唔兩個鐘，終於入到去了。我同朋友兩個人，知道餐廳的份量大，所以只係叫左一份小食同一份意粉。小食就叫左份芝樂坊粟米片，芝士味非常重！加埋超香超creamy的牛油果醬真係一流！重點係粟米片上咁有醬汁配料，都唔影響粟米片的脆口感！身為芝士迷的我，叫左份芝士四重奏的長通粉(配雞肉)。芝士汁幾香，又掛到上長通粉，唯一不足係雞肉乾身左少少，不過整體都係不錯的。兩個人兩碟野，食到肚皮都破都食淨少少。如果三個人一齊食，加件Cheesecake應該啱啱好！…Read More