Lo Dim

朋友相約我在旺角食下午茶選擇一盅盅點心 ~ 老點竹筒飯。 在星期六下午約四時左右來到,想不到有那麼多客人。 睇餐單有好多創新特色點心選擇。 【芝心脆炸蝦丸】$29 蝦丸香脆彈牙,咬落啖啖JUICY流心芝士,為味覺、口感帶來雙重滿足,食時也可蘸甜酸醬,令人一試就愛上。* * *【戚風班蘭馬拉糕】$22 馬拉糕平日都食得多,但班蘭味馬拉糕都是首次食,淡香班蘭味,口感綿密,香甜柔軟,實在是太香太好吃了,想起都流口水呢!* * *【高湯素魚翅灌湯餃】$38 灌湯餃十分之足料,餡有大隻蝦肉及帶子, 鮮味十足,充滿鮮味,而高湯十分清甜不油膩。* * *【金腿高湯鮮竹卷】$22 鮮竹卷醮上的金腿高湯, 咸鮮的金腿味配合鮮竹卷彈牙多料口感, 不甚油膩,味道不錯。* * *【鮮上肉響鈴腸】$28 極力推介這個鮮上肉響鈴腸,非常特別, 最內中心是彈牙鮮蝦, 接著最特別是脆口響鈴,最外是透滑簿腸粉, 十分有層次口感,味道超正。…Read More

有成年冇去喇，皆因坐得迫，啲坐椅又頂腳，但勝在好食同久不久有新嘢~瑞士汁炸鯪魚球 - 瑞士汁甜甜幾好味，鯪魚球唔粉但有我至憎嘅馬蹄粒粒，整體味道ok芝心脆炸蝦丸 - 哩個頸正，脆脆嘅外層，裏面係juicy嘅蝦肉，仲有軟韌嘅芝心，yummy~清酒雲吞雞 - 撲鼻嘅酒香，滑滑嘅雞肉，迷你小雲吞，湯一飲而盡，每次必食~高湯魚翅灌湯餃 - 餃裏面有兩隻蝦兩粒小帶子，湯未至於好清甜但還算可口鮮上肉響鈴腸 - 每次必食之2, 軟滑粉皮裏面係炸得超脆嘅腐皮，加上裏面嘅蝦(定魚？) 膠，口感層次豐富~咸香黑魚子燒賣 - 黑魚子有幾咸香就感受唔到，得嗰幾粒點食得出！？普普通通後記：雖然寶號叫包含竹筒飯幾隻字，但之前食過兩三次不同嘅竹筒飯都乏善可陳，但久不久推出新點心可以留住熟客，如果坐得舒服啲都會去多啲嘅，不過 ......…Read More

以為六點半咁早一定冇乜人啦，點知行慢半步都出事🌝 爆場！！封得做入圍熱店，當然要試試佢👊🏻 我地三個人叫咗十二樣野大部分食物一份有三件，好方便我地呢啲三人行去分😁 整體黎講，呢間的確比出面好多點心鋪好食，冇呃你架，值得一試👍🏻…Read More

夏日炎炎，跟女友在旺角逛商場。問她想吃什麼？她竟然說要吃點心！天氣已經夠熱...還要吃熱辣辣的點心？！從商場到 "老點" 的路程並不遠，但站在沒有冷氣的街道，1分鐘也十分難捱!難得今天不用等位，以為有好日子過…怎知裡面的冷氣好像壞了一樣，十分悶熱。女友在點心紙寫點心，但我熱到完全沒有胃口，餐廳內空氣侷促，比街外熱空氣還差! 只想快快吃完走人鮮竹卷內裏有豬肉、冬菇及筍等，煎香的腐皮包裹著餡料一起蒸，再以上湯作茨汁，內餡多汁。蝦丸熱騰騰上枱，放了好一會才吃仍然是熱的...我都好熱><!!蝦丸脆口，流心芝士充滿鹹香，味道頗夾。玉子豆腐一碟有三件，豆腐上有蝦膠及小許蟹子作裝飾。蝦膠爽口彈牙，玉子豆腐十分嫩滑。看著女友一口一口地喝燉湯，真是佩服她的耐熱能力! 可能我的表情太過明顯，她也快快趣吃完便叫埋單。餐廳應該正視這個問題，夏日炎炎客人在這樣的境境下進膳是十分難受的!…Read More

每個朋友都有獨有的一套口味，這個病塌多月既好姐姐，卻像老大家般鍾愛茶樓點心，但茶樓那喧鬧的環境我卻不討好，要取之平衡，我們今天放工後就選擇到旺角的點心專門店吃點心。飲茶樓一樣，採用了點心紙的形式，不同是點心紙上圖文並茂，未吃也可以先有個想像位。專門店店鋪不大，有時候還會出現搭檯情況，不過姐姐說沒有所謂，反正這是茶樓吃點心也會遇到的文化。用蝦膠打成的蝦丸，外層沾上薄薄面包糠，炸得金黃香脆，中間咬開後慢慢滲出芝士流心，配上蝦味更香口。迷你小漢堡，最欣賞的是惹味芥辣醬，配上香口蝦膠做餡，作為點心來說實在是可愛。上肉響玲腸，像炸両的做法，但換上響玲，配搭新穎。最內層釀有豬肉，令整件點心有飽肚感，不致空虛。店員點單時推介灌湯餃是必食之選。嘩，一打開蓋，餃子大到跟湯碗一樣，咬開內裡有豬肉餡再加原隻蝦肉。是我見過最具份量的餃！愛心白汁芝士磨菇雞批，芝士面被焗得金黃香口，原以為這類形的批類點心最多能在茶記找到，但原來也可以作點心。內裡磨菇粒和雞肉粒都切得細小，不過批底未夠香脆，一咬就很易碎開。朋友最愛飲湯，看到隔離檯的湯壺大大個，立即在餐單剔上一客。星期日，例湯是川貝雪梨海底椰。打開壺蓋，滿滿是雪梨肉，感覺滋潤，愛吃湯渣的我們已經雙眼發亮，雪梨肉清甜，但瘦肉卻有點過「鞋」，不過我湯底很甜而且清，沒有油份，足料。一口隨意小甜點，兩份起，為食的朋友一口氣點了4款，因為先問過份量其實不大。有綠茶，有焦糖燉蛋，有石榴，有芒果布甸。份量雖小，但用料不馬虎。如芒果布甸滿載細粒果肉，焦糖蛋認真地做到焦糖上層（只可惜略薄一點），而石榴甜點一放入口就是香濃石榴味，各有各特式，最好是每樣一兩口，可試多款而不用為肚皮內疚。對於是日下午茶朋友表示滿意到高，因為也發現集團式的酒樓點心有時都很馬虎，環境嘈雜，兩個後生上茶樓也怪怪的，所以點心店實在是個不錯的地方。…Read More

難得星期六放假，去咗旺角行街。行行下過咗食飯時間跟住就諗起好耐冇食過點心，於是就諗起老點。去到都幾熱鬧，等咗陣位先有位。上次來冇食過《鮮上肉響腸》$26，今次決定要試試。腸粉皮包住鮮蝦同響鈴，食落有鮮嫩脆上次食咗好味，今次再來《吾係老點小漢堡》$24。細細個漢堡好cute ,咬落去包同蝦肉餅好鬆軟加埋醬汁好夾。接住唔好比佢停《芝心脆炸蝦丸》$28，蝦丸好脆口，一d都唔會太乾硬，加埋中間芝士醬，好有新鮮口感。 最後來個傳統點心《百花壤魚肚》$24，雖然話係傳統點心，實際上好摩登，魚滑和魚肚壤在一齊，魚肚吸收晒魚滑的鮮味，咬落去多汁又有彈牙的口感老點個知不錯，不過可惜係服務質素退步了，需要努力改善…Read More

 「老點」一般而言, 也有「搵笨」的意味; 就傳統中國人的概念來說，那有人會用此作店名!因此，單看招牌已感受到老闆的別樹一格!早已聽聞老點的大名，可惜一直被它門口長長的人龍所嚇退......今天剛好和男友也放早,故便提議提早去晚飯吧!我們6時多已到達，幸運的，門口還未有人龍。第一樣來到的點心是吾係老點小漢堡, 它給我的第一感覺是 -「細」! 但有樣東西叫: 貴精不貴多! 蝦炸得非常香脆，外脆內軟，炸粉的份量剛好，沒有蓋過蝦的鮮味，但同時帶出了香脆感。最想不到的是漢堡內含芥未沙律醬 ，吃下時滲出一陣陣wasabi 的味道，跟炸蝦的感覺非常搭，而且很開胃，這個這漢堡作為前菜，大大提升了我的食慾芝心脆炸蝦丸咬開後，內裏的芝士便湧出來了!香脆的外層配上軟滑的芝士，不得了!雖然吃的時候很有罪惡感，但同時心靈上很滿足!冬筍普通鮮蝦餃用料新鮮，蝦爽口彈牙，而且份量十足，皮薄餡靚，每一口都是滿滿的蝦肉, 但一籠只有2粒，未免有點不夠喉!鮮上肉響鈴腸 ，這算是變奏版的炸兩吧! 腸粉中間包的不是油條，而是打邊爐的響鈴!  響鈴香脆鬆化，中間更包了豬肉及蝦肉，肉質鮮味， 而最外層則鋪上透薄的粉皮, 大大提升了整個點心的層次感及鮮味，是整晚最滿意的點心。最後上場的是戚風班蘭馬拉糕! 綠色的馬拉糕還是頭一次見，自從在新加坡吃過班蘭蛋糕後，便愛上了班蘭的口味! 馬拉糕做得非常鬆軟，班蘭味也很香，而且味道不太甜，值得一試。是晚非常滿足，對於我們兩口子來說，這種新派點心更適合我們!…Read More

放假同家人黎老點飲茶，等位唔洗等好耐，幾分鐘就有服務員安排入座。點左好多樣點心，上菜速度都算快。不過就點心選擇有D少，同埋份量都好少，沒樣2~3件，好似我地4個人去就可能有點點心要叫2個先夠食。白汁芝士蘑菇雞批-幾特別既，皮吾會話好厚係薄既，内餡又足料。蝦餃係晶瑩透通，賣相相當好且好大粒。吃下去皮吾厚而且爽口彈牙又會痴牙。馬孻糕微微散發斑蘭-比個顔色吸引到，好特別！同傳統吃上去和傳統馬孻糕分別不大，都係好鬆軟同好香甜，加上斑蘭有另一番滋味。…Read More

今天突然想吃點心，所以在OR找了一間點心店來試試。老點　位於染布房街尚算方便，OR評分是大比數讚好，所以就試試這一間。平日下午2點多去到，和我預期一樣，客人不算多，可以直入。點心選擇方面略嫌種類不夠，我們２個人點了８款點心。吾係老點小漢堡見係招牌作，所以試下。 蝦膠配芥末沙律醬，雖然都係大路之作， 但係勝在夠清新。芝心脆炸蝦丸今日ＭＶＰ，蝦丸彈牙，芝士味道正。冬筍普通鮮蝦餃做得很好，有水準紅魚子海皇餃叫得海皇餃,食落都係似蝦餃賣相放得有Ｄ求其咸香黑魚子燒賣咸香唔多覺，味道還好不過感覺有Ｄ捨身同賣相又係有Ｄ求其彩絲正常牛柏葉真係正常牛柏葉，不過不失不過本人偏好再淋多些少聲音百花壤魚肚比較淡口，略帶腥味(唔知蛋白定魚肚)戚風班蘭馬拉糕 (圖片欠奉)班蘭味唔重,糕身偏實我會建議食番傳統馬拉糕服務黎講不錯,因為REFILL茶水速度神速，我係一個成日要飲水既人，亦都次次飲清。但我想飲水既時候，杯入面總已經FILL滿左，呢方面真係要比個讚！但係呢，食芝心蝦丸既時候，當我食剩一粒，服務員將裝蝦丸既湯匙直接放係台到，然後收左個底碟，呢個做法我就唔係咁鍾意喇。同樣講服務黎講,點心師傳哥哥建議練好D歌喉因為我坐係出面都聽到佢既歌聲。食物方面感覺上比較少選擇，同埋可能係我自己點野既問題，我點既8個點心，6個都有蝦。雖然佢D蝦膠都真係幾好食，不過就感覺好重覆。同埋佢既食物設計都係走精緻路線，但係出品有Ｄ好拿西下，呢到好扣分。海皇餃就求其放，燒賣捨晒身，又魚子周圍飛。柏葉就係碟邊半天吊，始終對印象分好有影響。所以評分黎講只能中規中舉比個ＯＫ…Read More

很久沒上茶樓關係，所以今晚相約友人前往本地備受好評的點心小店品嚐點心。碧綠帶子腸六件：吃上去覺得粉皮十分幼滑，豉油完全能做到提鮮的功用。餡料方面有帶子和綠色蔬菜為點綴；帶子鮮甜爽口，蔬菜沒有黃掉，證明即叫即蒸，火候使用得宜。後來問過店家，才知道這是正宗布拉腸粉製法。咸香黑魚子蒸燒賣兩件：黑魚子即是墨魚子，我自己第一次吃覺得甚重口味，本身味道較強偏咸。可是配上燒賣吃可是第一次。一般粵式酒樓提供的燒賣會有較多肥豬肉配以鮮蝦，務求點心蒸後會更香吃下去更滑。今次這間的肥豬比例較少，加上黑魚子較強的味道把燒賣本身微油膩的口感相互抵銷。師傅冬筍鮮蝦餃兩件：皮薄餡上乘，用澄面製作的皮不會太厚，僅剛剛好包著豐富餡料，端上來時更富晶瑩通透。鮮蝦吃下去爽口彈牙，沒有雪蝦那強烈的雪味。輔以冬筍更能突出蝦的鮮味。鴮鶉蛋燒賣三件：自己最愛、上酒樓必點點心之一。作為傳統老式點心的鴮鶉蛋燒賣，蛋有否蒸太長時間令口感太老、下層的豬肉嫩滑與油膩兩者之間的平衡都要好好拿捏。這個的蛋雖然沒有嫩身至蛋黃呈流沙狀，但亦沒摻入太多肥豬肉。吃上口肉質嫩身，蛋和肉的火候拿得恰好，實在難得。戚風班蘭馬孻糕：馬孻糕微微散發斑蘭香味，完美的融合他國飲食文化並轉化成香港風格的一道點心。吃上去和傳統馬孻糕分別不大，同樣鬆軟香甜，只在於斑蘭格外清新的味道為味蕾帶來另一番滋味。愛心白汁芝士蘑菇雞批三件：相信這道小食進一步看到店家引進融合菜到點心界的決心。芝士用了mozarella cheese，營造拉扯「剪不斷」的豐盈口感。雞肉沾上白汁再置於牛油撻皮上，和傳統的雞批有點不同。也許我是傳統港式雞批派，吃時留意到批底和餡分離，餡料和批底是可以獨立食用有別於傳統的雞批。即使如此仍看到餡料相當「足料」。賣相也相當精緻。芝心脆炸蝦丸三件：這道菜是這頓飯最滿意之作！實在是有驚喜！雖然是炸的菜式，但流心芝士和蝦丸沒有想像中般肥膩，配搭火箭菜和沙律菜更能平衡油膩感。可愛四色小甜點：店家力推之下點了一系列四式的甜品作為今餐的句號。(上至下：焦糖布甸/榴槤奶凍/石榴奶凍/芒果奶凍) 質感滑溜清甜，份量剛剛好又可以清理味蕾。順帶一提，雖然自己沒很愛榴槤但非常足料，內餡有一整匙的榴槤肉，相信愛榴槤之人會愛上這道甜點。…Read More

同老友出去旺角中旅附近買完汽車用品，都已經係晚飯時間，於是就起附近搵下有無好野食！老友左點右點，點左我去呢間點心店，個店名都幾得意！入去啦！地方有少少窄，不過旺角地段貴，係咁架啦，野食先至係最重要，看看點心紙上面有好多新穎點心，一般酒樓少見，當然要盡情點，起點心紙上剔、剔、剔啦!碧綠帶子腸，腸粉皮又薄又滑，帶子鮮甜加埋時菜又好爽脆，唔錯。紅魚子海皇餃，餃皮晶瑩剔透，未食已經見到入面橙黃色嘅魚子同蝦肉，咬落去係原隻大蝦，連埋紅魚子一啖咬入口，認真爽口兼彈牙，皮薄餡靚，絕對係食過番尋味。戚風班蘭馬拉糕，質感很鬆軟，入口有淡淡的班蘭葉味，食完感覺好清新。高湯魚翅灌湯餃，賣相已經好吸引，湯餃上面舖滿魚翅，忍不住咬了一口，餃入面有帶子和蝦，高湯又鮮甜，我一滴不漏將湯全部清哂。吾係老點小漢堡，蝦膠好彈牙，再配埋芥辣同沙律醬，真係正到冇朋友，唔怪得係招牌菜之一，真係要點點。芝心脆炸蝦丸，蝦丸很新鮮，外層脆口，內裡彈牙，一口入去，芝士仲會流出黎，說明係即點即做。愛心白汁芝士磨菇雞批，賣相非常別緻的雞批，曲奇餅皮加上芝士白汁雞肉，酸酸嘅芝士配上嫩雞肉，別出心裁。…Read More

最近家裡的電腦壞了，女朋友仔話陪我去旺角電腦中心睇電腦 我當然開心啦 在旺角電腦中心附近，有一間名叫老點點心竹筒飯既食店，係女朋友好友推介既 想去試食好耐了 今次終於有機會一試 我同女朋友睇完電腦就去老點進發啦 大約下午6時正到了目的地，發覺食店內位置不多，位置也差不多坐滿食客了 門面裝修美觀，大大個老點兩個字。 餐具實用美觀點餐紙1。吾係老點小漢堡:像細小既漢堡飽一樣 熱烘烘的，炸蝦餅香脆，加上蕃茄，生菜，芥辣及沙律醬，配搭真不錯 不過芥辣就勁左少少，食到差d流眼水。 2。可愛四色小甜點:有蕉糖燉蛋，朱古力慕絲，石榴布甸，芒果布甸四種。 芒果布甸:好多大大粒既芒果，芒果唔酸啊 布甸滑滑   石榴布甸:無咩石榴味囉 一般一般  朱古力慕絲:朱古力味唔太濃，一般一般。 蕉糖燉蛋，燉蛋超滑但蕉糖唔算甜，叫做還可以啦。3。鮮上肉嚮鈴腸:皮薄薄既腸粉皮包住炸鮮竹卷 勁好食啊 腸粉皮好滑，炸鮮竹卷又香又脆，而且唔會覺得太油膩。4。芝心脆炸蝦丸:蝦丸炸得像黃金金香可口，炸蝦丸內含好重既芝士流心，芝士味極重，一口咬落去，芝士流哂出來，係必食既。5。愛心芝士雞肶:曲奇餅皮加上白汁及芝士，食落同麵包店既雞肶分別不大，只係面上加了白汁及芝士，但芝士味都算濃厚。6。清酒雲吞雞:好有特色既一道菜，但味道一般， 先試湯，湯酒味就不太重，雞肉也不滑，但還好雲吞比較美味，雲吞內埋有隻大大既蝦好鮮甜美味，算做可以。…Read More

早排見到朋友既相薄，post左好多特色點心 ，一直好想去試下！星期日陪男朋友去旺角睇電腦，我即刻提議要去呢間小店~"老點"見識下！小店位處旺角染布房街，係泉章居附近，聽聞巧多人等位架，所以我地6點就去到，紅色細細間舖，内望都坐左7成人，我地得兩個人，自然唔使等喇！地方比較淺窄 ，要速食先得！我地為左d新穎點心而來，當然要盡量試勻哂  ，叫左6款點心，差不多了……1.吾係老點小漢堡($22) : 中式點心都有漢堡包食 ？！無錯！你地無眼花，係一啖既迷你漢堡包仔吖 ！不過我嘴仔細，要兩啖先得 ！芝麻包夾住相當熱辣脆口既炸蝦餅、鮮蕃茄、羅馬生菜及芥辣沙律醬。芥辣既小小攻鼻感與美味既沙律醬撞上，滋味到極！2.鮮上肉嚮鈴腸($26) : 薄薄既腸粉包住香脆既嚮鈴，即係炸鮮竹卷，脆到啪啪聲！3.芝心脆炸蝦丸($28) : 熱辣燙口，咬落有濃郁既芝士流心，芝士迷必食！4.愛心白汁芝士蘑菇雞批($26) : 通常d雞批係一件件，老點既創意係迷你個裝型，賣相巧特別呢 ！酥香既蛋撻上鋪滿左香滑既白汁芝士, 加埋蘑菇雞肉，yummy yummy！確有一點兒膩，男朋友話佢一個夠哂數！但絕對益哂我，包底 ！5.清酒雲吞雞($28): 有好香既酒味，不過雲吞、雞肉就一般貨色！6.可愛四色小甜點($33): 等左巧耐才上桌，其實全部雪係雪櫃架！迷你甜品四款，賣相可愛！最好味當然係呂宋香芒小布甸啦！  有粒粒芒果肉，布甸幼滑，仲有可愛既笑臉賣相！其次係回味朱古力慕絲，雖然d朱古力味唔夠濃郁，但還是可以的！接住係一口忌廉焦糖蛋，蛋味甜味好淡。最差係回歸石榴小布甸，食落口又係好淡, 仲唔知係乜，要睇返點心名，可是一d石榴味都無啊！真係好有創意，好創新！味道亦唔錯！只是座枱位比較狹窄，點多几碟點心既話，怕且都唔夠位擺lu………Read More

跟朋友在旺角想來個快速晚餐，因為時間尚很早，就選擇老點點，6時不用等位，食店位置好方便，鄰近火車站。現正老點點2週年，星期一至五有點心優惠，只是$1-$5，不過我當晚吃得太飽，未能嚐星期三的紅棗糕。點心盡在一張點心紙，配上相片更令人垂涎三尺，難以選擇。點菜後一會兒點心陸續上檯，上菜速度很快。斑蘭馬拉糕 $20鮮豔的綠色好引人注目，一端上檯就散發濃郁的斑蘭香味，質地鬆軟可口，跟朋友一致讚好。豉汁蒸鳳爪 $20鳳爪比一般的酒樓大隻，豉汁不會太油太濃，味道不錯。芝心脆炸蝦丸 $28炸蝦丸每粒乒乓球大小，外表金黃，賣相好討好。一咬開外皮脆鬆彈牙之餘，芝士醬湧出來，好芝味，不過小心太熱燙咀。鮮上肉響玲 $26腸粉皮夠滑，不過被腸粉皮包著的響玲太硬，感覺不是新鮮即炸。木瓜雞腳燉排骨 $45端上檯時熱騰騰的，望上去好多油，不過相當足料，木瓜、雞腳、排骨，味道不俗，至於燉湯味精較重。臘味竹筒飯 $26竹筒飯除了白飯外，還混合少許紅糙米，感覺健康。而飯一點油膩，但略嫌不夠入味，感覺是臘味跟飯分開蒸的。老點點的點心創新，不時轉換新款式，的確令人驚喜，價錢又經濟。不過今次跟上一次光顧 （2014年1月），整體點心味道不及上次，不知道是否因為新開的元朗分店而導致質素下降，希望小店能改善點心質素。…Read More

自從試過一次老點點心之後，就愛上左佢地既創意點心，特別之餘又好味，今次已經係第四次黎了，發覺都差唔多試均佢地既點心，一有新點心推出又係再去幫襯既時候。.而且咁岩小妹有位友人都好鍾意食老點，咁岩元朗又開左新分店，所以食完呢次後，相隔無耐又去左食元朗個間，認真誇張!.鱷魚肉淮山燉豬踭 $45材料很足，有粟米、蘿蔔、豬踭和淮山等一齊燉，飲落就像媽咪煲個種無味精湯，所以每次黎都好鍾意點一盎燉湯黎飲，日日都有唔同味道供應。.鮮上肉響鈴腸 $26係小妹每次去老點必點既點心，腸粉皮包住脆身響鈴，沾上些豉油，好味，但攤凍左就會差點，所以最好速戰速決。.芝心脆炸蝦丸 $28一碟三粒炸至金黃色既蝦丸，熱辣辣的放入口，香口無比，再加埋內裡的流心芝士，身為芝士粉絲的小妹，覺得好好味呢。.彩絲正常牛柏葉 $22一向都鍾意食點心牛柏葉，不過唔係度度都食到爽口，而呢度既份量都唔少，又夠咬口，唔錯。.冬筍普通鮮蝦餃 $19接近成十蚊隻蝦餃，蝦餃皮比較易穿，幸好內裡的用料頗足，每隻蝦餃裡大約有兩隻蝦在內，食落頗爽口呢。.碧綠菠菜海鮮餃 $20餃皮算薄身，內裡菠菜既份量頗多，有埋蝦肉等材料，由於包著滿滿的菠菜，整體味道幾清新。.愛心白汁芝士蘑菇雞批 $26每件迷你雞批都焗得剛剛好，裡頭的白汁蘑菇雞很足料，食落有芝士香之餘，撻皮也富牛油香，超愛，比麵包餅店做得更好味!.紅棗糕 $18食落煙煙韌韌Q彈，唔過甜，帶有陣陣紅棗味，還不錯。…Read More