616 Hot Pot (Chik Fu Street)

上次同姐姐去完尖沙咀嗰間616分店食晏覺得好好味,啲牛肉嘅質素真係好有水準,今日見好友要去沙田某間醫院做檢查,就拉佢嚟大圍呢間分店再食啦!有好嘢梗係要推薦大家架嘛係咪(?!)原來呢間店相比起尖沙咀嗰間就細小咗啲,朋友話呢條街啲舖頭間間都係咁細架~果然係個<沙田友>,呢區真係佢仲熟過我。小店入面嘅裝修都好似襯番個地區風格咁,一樣咁有老香港嘅情懷,無論牆身抑或枱櫈都係好似七八十年代嘅冰室咁,最近中秋將至,佢哋仲傳統燈籠高高掛,寧舍有味道睇一睇個餐牌,原來呢間分店嘅午餐就只做三個套餐姐,質素好嘅嘢,通常都係專注做到最好,自然會有忠實粉絲支持~我好友見我講到個芝士紅燒牛肉麵咁好食,所以佢就嗌咗呢個啦~咁我當然要試第二款,所以就叫咗個牛四寶湯飯喇。牛四寶湯飯$48蚊,牛四寶係咩呢?原來即係牛筋+牛腩+牛腱+牛仔骨,食呢個飯嘅感覺同個牛肉麵完全唔同,上次食麵係覺得好惹味同埋係濃味嘅一款嘢嚟。今次食呢個飯覺得好清新,因為佢裡面個湯原來係好清甜好好飲,唔好見佢個盅細細,我撈極都仲有嘢食,裡面又有紅蘿蔔又有西芹又有白蘿蔔,呢啲蔬菜全部都吸收哂湯嘅精華,入哂味又夠腍,啲四寶牛又好正,塊牛腱我食完仲想再食,牛仔骨嘅牛肉好似入口即化咁,一面用啲湯嚟撈飯一面食呢四寶簡直就係超級享受,個湯好似係將啲牛味逼哂出嚟咁芝士紅燒牛肉麵$48蚊,我個fd一向都係口味偏重嘅人,呢碗麵就真係啱哂佢啦~同埋佢又咁鍾意食辣嘢,呢個紅燒湯底帶啲辣味,連我個fd都話我冇介紹錯,佢都好同意啲牛肉好入味,肉質又夠腍,真係好似同我去咗台灣食牛肉麵咁,佢住喺呢度附近就可以成日嚟食啦。女仔都係比較鍾意均衡飲食,食餐飯又點可以冇菜落肚呢?一人點一碟唔洗爭,跟餐加$9蚊就得喇,如果怕佢白烚唔夠味,職員都俾咗一小碟豉油唔洗驚。我就唔點豉油嘅,啲菜夠新鮮就咁淥完已經好鮮甜…Read More

之前都去過屋企附近既616打邊爐，同同事講起佢都有去過大圍呢間食! 😮咁我地就話不如lunch搵日過來食，牛肉麵好似都好唔錯咁😛原來呢間走既懷舊風同我去黃埔個間又有少少唔同，個間似涼茶舖，呢間似雜貨舖😗😝哈哈，虧佢諗到! 未有野食都會忍唔住打下卡! 原來午餐個menu好簡單、得3款揀😂不過價錢好實惠wow，48連飲品同甜品！👍🏼👏🏼👏🏼我地就叫左芝士牛肉麵同個湯飯試下，芝士🧀牛肉🐮麵🍜好香! 佢將D芝士刨到絲裝放係牛肉上面好似蔥! 但有熱湯所以好快融左落塊牛肉度，真係色香味俱全!🤤🤤牛肉係用左牛肋條，一D都唔韌，但又好有口感同牛肉香🐮🤤🤤湯底都夠哂香、有少少辣令到成碗麵更惹味，但正正有芝士又會中和返個辣味。但最讚既係個麵🍜呀，好有口感同埋甜甜地咁，同個湯、牛同芝士都超夾!!!!牛四寶湯飯🍚都好唔錯，比起個麵，呢個就係清甜之選！湯入面有好多款🐮🐮🐮🐮有牛仔骨又有牛筋牛展同牛肉，滿足哂你所有願望😆怕食濃味人就啱食呢個，佢個湯底就好清甜好潤，有D紅蘿蔔🥕同西芹，令牛肉既鮮甜味道提升👍🏼我地加個油麥菜仲連個牛上湯，點菜食超甜呀🤤👍🏼佢D飲品都似自家製、仲有個跟餐送既菊花冰粉，呢個我就覺得有少少甜，但如果怕食完紅肉會燥，食返就感覺良好! 呢餐真係平靚正呀😂😆👏🏼…Read More

今日返左舊居拎野，所以黎左大圍。lunch time唔知食咩好。經過616牛肉火鍋專門店。發現原來佢地都有做午市，仲好似幾吸引！我叫左芝士紅燒牛肉麵（$48）一上枱我就心心眼，佢d芝士有勁多，而且芝士味香濃。紅燒牛肉亦食落好柔嫩！麵條煙韌有咬口，份量都幾多！娃娃菜（跟餐叫+$9）就咁普通烚菜，所以我將佢放落湯內，吸滿湯汁嘅娃娃菜份外好食！飲品就叫左自家製菊花桂圓露，呢排熱氣要清清熱XD估唔到616嘅lunch水準都咁好，下次要黎食多次！…Read More

今次來616是第二次了但這次是在午餐時間來，便打算嚐一嚐他們邊爐以外的食物我們大概下午一點來到餐廳，充斥著不少在附近上班的人士，感覺這裏成為了不少上班一族的飯堂餐廳用了富有香港舊年代特色的裝飾如膠水筒和一此復古香港畫報，大大增加了餐廳的特色，也能令上班一族在短短的午飯時間輕鬆一下午市的飲物種類有三種，全部以牛肉為主，送飲品一客，如果早些來到還有菊花冰粉送我點了一個芝士紅燒牛肉麵配檸檬茶湯底方面，因餐廳用了荷蘭芝士，芝士融於牛肉湯底裏，非常濃郁也不會蓋過本身牛的鮮味牛肉煮得很入味和非常腍，入口即融面質也適中朋友點了一個牛四寶飯，湯是另上的喝第一口湯時牛的鮮味直逼味蕾，咸度適中温度也是熱熱的牛四寶湯裏有牛四個不同部份，當中最好吃的我認為是牛筋牛筋夾滑冇渣，非常入味湯裏還有紅白蘿蔔和西芹，也是煮得十分腍和入味另外，我們還加了9元點了一個油麥菜，非常新鮮抵吃我點了一瓶菊花桂園露，味道十分清新，有淡淡的桂圓香綜合以上，616無論午市或晚市都十分抵吃，牛的質素也能保持在高水平…Read More

最近經過大圍呢間牛肉火煱專門店, 原來有lunch 食架喎~不過~lunch唔係火鍋~~梗係入去試下啦~入到去, 發現餐廳走70年代懷舊風格, 充滿舊時代既裝修!lunch 主打3款, 而我就嗌左芝士紅燒牛肉麵!好快侍應生就捧上熱辣辣既麵! 湯底微辣, 配上彈牙既上海麵, 夾!麵量都唔少。牛肉方面係用腩肉, 所以好淋, 好易咬開, 而麵面鋪左芝士碎, 將芝士㩒落熱辣辣既湯, 芝士慢慢溶落麵入面, 撈埋一齊食, perfect池啊～之後加左油菜, 健康之選天氣熱餐廳好貼心送食客一碗菊花冰粉~~涼晒…Read More

616平價午餐‼️👍🏻616專門食牛肉火鍋 都食過好幾次了午餐都唔例外 離不開牛肉呢👍🏻非常推介呢到嘅牛餐 因為夠唒平 $48喳🎉呢到有三款午餐揀 同同事一人嗌一個 試唒佢😊芝士紅燒牛肉麵 $48呢個係新產品來的 唔知芝士加埋牛肉麵係點架啦湯底比較淡 不過加埋芝士 變返rich d 🙈牛肉真係無得輸 夠唒淋呀👍🏻咖哩牛筋腩飯 $48我比較喜歡這個 咖哩係結身嘅 味道好夠份量多 撈飯好好食牛筋 夠唒膠🙈🙈 好多骨膠原🤭牛四寶湯飯 $48牛清湯配上牛腩 牛筋 牛𦟌 牛仔骨清淡得黎食到牛嘅真正味道湯亦好好飲👍🏻🍽 616牛肉火鍋專門店🔎 大圍積富街33號積康樓地下C及D號舖…Read More

呢個店舖平時做開晚市火鍋，最近做埋午市主打牛肉麵，大圍呢到餐廳最多，而且佢位置唔太近地鐵站，等我試下佢如何先😋午市去到見到有啲西裝人士食嘢，但大圍無office，我估係地產或者銀行放lunch嚟食，對於有番工人士嚟食，感覺起碼一定唔差先！芝士紅燒牛肉麵第一次食有芝士嘅紅燒牛肉麵，啲芝士係舖滿哂成個面，湯麵嘅熱力令到芝士溶晒痴咗係啲牛肉上面，所以之後每一啖牛肉都充滿芝士🤤 麵質正常，湯底淡淡的帶肉嘅鮮味，唔會好濃好鹹咖哩牛筋腩朋友試呢款嘢食，配飯嘅，呢款餸菜平時茶餐廳都有得食，但呢到牛筋腩都煮到鬆同易咬，咖哩味道香濃不會膩，朋友覺得呢款比得上芝士紅燒牛肉麵～菊花桂圓露裝修以懷舊為主，入面放咗一啲舊式餐廳嘅物品，例如竹筲箕、水壼、瓦煲等等，全新嘅裝修配合舊時用品，感覺似係由現代進入咗時光隧道，回到七、八十年代。呢到午餐價錢相宜，如果款式再多啲相信一定更多客人幫襯🤤…Read More