朋友話呢間串燒嘅炒米粉超好食，黎到荃灣就專登去左食！食完發現其實好多款串燒都好高質😍┄┅┄┅┄┅┄┅┄𖣒 川燒特級茄子 $45超大條茄子😍 茄子上面落左超多蒜頭，勁香蒜味仲好juicy～評分：🌕🌕🌕🌕🌘-𖣒 燒皇炒米粉 $41朋友極力推薦所以叫左，米粉炒得好香，而且好爽口。睇落好似冇咩特別，但食到唔停口。評分：🌕🌕🌕🌕🌘-𖣒 燒翠肉瓜 $30燒翠肉瓜真係冇得輸，一咬落去爆哂汁，仲要舊舊都咁厚切，食落好有口感！評分：🌕🌕🌕🌕🌗-𖣒 川燒蒙古羊肉 $18/串本身好驚羊肉有羶味，但呢個完全冇！一咬落d肉汁同肥膏嘅香味係口腔湧出嚟，食完好想encore!評分：🌕🌕🌕🌕🌖-𖣒 汁燒京蔥牛舌 $15/串牛舌多汁有嚼勁但一d都唔韌，因為汁燒既關係所以京蔥都好入味！評分：🌕🌕🌕🌕🌘-𖣒 蒜蓉牛油燒生蠔 $55/2隻同前面個d比呢個反而冇咁突出，不過生蠔好新鮮完全冇腥味，用蒜蓉牛油燒基本上係一定好食。評分：🌕🌕🌕🌗🌑-𖣒 燒韭菜 $30超鹹，同埋感覺d韭菜好淋又韌。評分：🌕🌕🌖🌑🌑-𖣒 燒法式鵝肝多士 $45/件食落香口但好油，好彩下面擺左塊多士，但冇咩特別。評分：🌕🌕🌕🌘🌑-𖣒 芝士牛油焗金菇 $40麻麻地，芝士唔香反而有少少膩。評分：評分：🌕🌕🌕🌑🌑-好多食物都好高質，頭5樣必叫！但價錢有少少貴，同埋坐2人位係勁迫😂…Read More
