Mikoshi Japanese Restaurant

好朋友就快去新加坡公幹,一年半載都見唔到佢,所以決定約佢食放題!!我選擇了充滿日本風情的神輿!!餐廳門口係一個鳥居,隔離放滿了繪馬,彷如置身日本神社!!餐廳內的裝潢一樣充滿日本特色!在這個環境下食野特別有氣氛!!點餐紙厚到好似一本字典,可以選擇刺身,壽司,卷物,手卷,小食,炸物,天婦羅,爐瑞燒,一品料理,鍋物,飲品,甜品任選!<刺身和壽司>每款刺身都充滿光澤又新鮮,肉質柔軟肥美,味道鮮甜!壽司用筷子夾一下,飯沒有散開!軍艦上的魷魚,八爪魚都擺得超滿,全部都非常不錯!!<炸物>炸物熱辣辣來到,全部都係剛剛炸好!外脆內軟並不油膩,口感十足!<榴槤球> 咬開榴槤球熱到出煙,榴槤爆漿流出,散發香濃榴槤味!!<爐瑞燒>燒物即叫即做,聞到陣陣串燒香味,海老燒得香口唔乾身!白魚丸和花芝丸沒有燒焦的味道,再配上醬汁食真的不錯!<芝士焗虎蝦> 將虎蝦分開一半,鋪上一層厚芝士燒到金黃色,刮起蝦肉後,一啖蝦肉一啖芝士,好味到真的不能錯過!<芝士焗蠔> 大隻又甜美,沒有腥味,蠔上放滿芝士,十分好味!經過一場大飲大食後,食返杯紅豆和綠茶雪糕,再加和菓子作結,實在太完美!!整體來講,餐廳環境和食物都非常不錯,值得一來再來!!…查看更多

正當諗緊今晚食咩好嘅時候，就見到呢間神輿嘅廣告牌，咦～放題唔算貴，而且相又幾吸引啵，就黎試下先。位置就係喺創興廣場，陣間食飽就可以喺門口搭巴士返屋企，哈哈一開門，門面好光猛乾淨，門外有d許願牌。再行埋入去，好似去左日本神社，內裝修風格清晰，現代感強，俾人舒適嘅感覺。食物都幾多款式，有炸物，壽司，主食，一品料理，串燒，刺身等等。叫幾多黎幾多，唔會俾少。而且上菜快，收拾速度亦一d都冇怠慢，真係值得一讚呀!刺身賣相唔錯錯，三文魚，吞拿魚腩，象拔蚌，甜蝦，北寄貝都肥美鮮甜，呢個價錢有呢種質素絶對有驚喜。壽司同手卷，細細件，唔會好快飽，咁就可以試多幾款😊芝士焗虎蝦，芝士夠多，唔鹹，好味道。海膽炒飯好香，炒得夠乾身。Sukkiri白桃汽酒/巨峰汽酒，酒味唔濃，好香果味，唔識飲酒但又想試下嘅話絕對可以飲呢個，豬喜歡飲白桃。甜品方面叫左個綠茶同紅豆雪糕，奶味濃郁，紅豆味似呀菠蘿雪糕屋嘅紅豆霸，而綠茶唔會苦，2個都好味。＄228再加一，地方企理又舒服，刺身夠新鮮，壽司精緻絕唔馬虎，飲品高質素，唔係平嘢，呢個價錢享受到咁高質又真係唔錯。…查看更多

又在旺角附近找好吃的日本料理，這次來到這間。這間的裝修真的很有日本風格，入口依神社的設計而做，內裡是燈籠，店內中間留了部份空間作擺設。在寸金尺土的香港，一般餐廳較少用大量空間作擺設。門口的宣傳拉架清楚列明價錢，星期一至四正價每位$228。室內有具日本特色的裝潢，空間寬敞。侍應先送上一杯綠茶，過往喝的綠茶主要是茶包的茶，這裡比較接近平時買的日本綠茶粉。我點了熱玫瑰花茶，熱時帶玫瑰花香，冷卻後口的味道帶甜，用來消滯不錯。友人點了一杯熱天然菜蜜，如喝蜜糖，還是玫瑰花茶較好喝。另點了一罐鮮蘆薈樂及一罐蜜桃忌廉鮮奶，蜜桃忌廉鮮奶難喝，不知是甚麼味道，還是鮮蘆薈樂較清甜好喝。先吃開胃菜，燒過的菠蘿特別甜和多汁，補充一下纖維。芝麻醬豆腐如山水豆腐，芝麻醬味淡，作開胃前菜。聽說這裡的雪糕好吃，尚未吃正餐便急不及待點雪糕來吃。綠茶雪糕綠茶味濃。芝麻雪糕的黑芝麻味重，如要二選其一，還是綠茶雪糕較香濃。芝士焗虎蝦是必點食物! 甫上桌已帶香濃芝士味，沙律醬與芝士配搭比例恰當，蝦肉實而爽，之後再點了兩次。芝士焗蠔的芝士味濃，蠔肉有點小但新鮮，醬不會做得太濃。然而忌廉焗帶子做得更出色，帶子爽腍，以忌廉做調味令帶子更嫩滑。關東煮的份量頗多，幸好這是一開始上桌的幾道菜之一，否則吃不下，最好吃是軟腍吸湯的白蘿蔔。日式千島蝦薄餅是友人點的，口感和味道不遜色於薄餅店。厚身薄餅外脆內軟，千島醬份量剛好，不會令人覺得油膩。但要注意份量頗多，建議三人以上食用。怕份量多吃不完，故只點了一個主食—海膽炒飯。約兩人份量，海膽不多但分佈十分均勻，每一口都可吃到海膽。炒飯不乾，味道細膩，盡顯廚師功架。如多一點海膽更佳。花之戀、龍蝦和牛卷、鰻芝卷、牛油果蟹棒卷、黃金蟹卷。花之戀用醬太多，雖好看但多吃兩件會覺飽滯。黃金蟹卷為軟稔的壽司帶出脆口感，在五件壽司中凸顯其味道。另鰻芝卷在頂層加上炙燒芝士後，不但賣相好看，味道更勝一籌。還點了些其它壽司，以火灼芝士三文魚和黃金魷魚的味道較突出。鹽燒魚丸其實只點了一串，但不知為何給了三串。既然來到，就不作更換了。就是普通的魚丸，燒得不錯，魚丸爽脆帶微焦香。天婦羅以秋葵外脆內滑最特別。芝士年糕也做得不錯，但容易飽滯。最後點了刺身作結，當中以象拔蚌最爽口新鮮。試了多款不同種類的食物，各樣皆有水準。另上菜快，可先吃熱食。…查看更多

曾經有一段日子經常食放題，勝在唔洗諗又個個都岩食，人大左就反而唔想食咁多。 今次旺角行完街想食日本野，久違地隨意入左附近一間放題。 一坐低已經俾台上厚厚既點餐紙嚇親，足足有成隻手咁高，可算係我見過最多點餐紙既放題。 食物種類都幾多，起碼有十個類別，包括刺身、壽司、卷物、小食、炸物、鍋物、爐端燒、一品料理、主食、飲品同甜品等，淨係搣紙都搣到手軟。 店員會另外俾一張海膽軍艦同海膽手卷既點餐紙，即時叫左幾件。 紫菜仲好脆，睇得出係即製，海膽新鮮唔會腥，值得一讚係舊飯夠細，食完都唔會太飽。刺身難得地有北寄貝、帶子同馬刀貝等少見既選項。 見其他食評話野食黎得好慢，所以急急腳狂落單，但等左一陣就有得食喇喎。三文魚超級肥美，帶子夠新鮮大粒，馬刀貝亦比一般食到既爽脆大塊，全部食材都好新鮮，屬水準以上。 感覺到師傅選材唔馬虎，因為第度有時會食到鞋口劣質既蟹柳話係蟹腳，但呢度用既係滑嫩既大蟹棒。小食雖然放題叫冷盤係好傻豬，但鐘意食真係控制唔到。 居然好有驚喜，芝麻八爪魚同味付螺肉都好巨型，特別係螺肉好似一蚊銀咁大，亦好夠凍，好有衝動encore。炸物海蝦天婦羅炸粉唔太厚，仲食到爽口既蝦肉。 作為秋葵愛好者，好欣賞有秋葵天婦羅揀，不過冇咩特別味，同烚熟既秋葵差唔多。 天婦羅唔知點解冇跟天婦羅汁，再問又嫌麻煩，所以夾硬點左炸物既沙律醬算。每次放題其實我暗中最想食既係芝麻雞翼，冇呢個選項既放題我會評為唔入流，當然我一黎就叫左幾隻啦。 芝麻雞翼炸得夠脆夠透夠熱，好滿足，炸蠔正正常常啦。 全部炸物都乾爽唔太油。一品料理蒜香茄子原來係冷盤，但煮得夠淋，配埋鰹魚汁幾好味。清酒煮扇貝幾大粒，充滿酒香又夠熱。羊架燒得夠火候，全熟依然好軟腍，完全冇羊羶味，我本身好少食羊肉都接受到。我好欣賞每一款焗海鮮都配左唔同既醬汁，配合唔同海鮮本身既味道，好有誠意。芝士焗虎蝦既醬汁似蛋黃醬溝芝士醬，雖然只係中蝦開邊比想像中細隻，但彈牙惹味。忌廉焗帶子有白汁既香味，帶子面頭仲有燒過既芝士，好味。芝士焗蠔帶葡汁味，同蠔仔粥既蠔差唔多size，幾香口。七味焗雞翼係好入味又燒得香既滷水雞翼，就算食左芝麻雞翼都值得一試。汁燒一口牛好滑，濃味帶甜唔會死咸，好有日式家常小菜既感覺。爐端燒一口牛夠味嫩滑有肉汁，香得黎唔會好油。雞肉軟骨棒好有驚喜，其實大約都幻想到個味道同質感，咪就係免治肉內含有咬口既軟骨碎，最估唔到係燒得香口到外皮有少少脆，淋埋燒汁好正。鹽燒魚丸係亂叫，點知手打魚蛋大火燒到窿窿地又幾彈牙好味。鹽燒雞腎串僅僅熟好爽脆，但個人鐘意overcook既雞腎，如果可以整到金黃色脆脆地皮就好喇。飲品除左大路既汽水，仲有韓國特飲，款式好多好特別。 叫左烏龍茶、+C檸檬汽水、蜜桃忌廉同蘆薈特飲，全部冇伏好好飲，估唔到連烏龍茶都係罐裝，全張紙得綠茶係水吧沖架咋。 酒類飲品要加$28。甜品 甜品有和果子同雪糕，見係畢出黎都冇咩期望，點知又好食過雀巢喎，仲encore左次，叫左芝麻、綠茶同紅豆雪糕。 雪糕幼滑濃郁，入面有芝麻碎同真紅豆，好味。除左燒物需時外，其他食物都黎得幾快，食得好滿足。全店都有好多日本裝飾同打卡位，坐得舒服，入口同店內都好靚~今次平日最旺時段黎食，下次試下一至四6點前過黎先~…查看更多

每次同大班朋友聚會，如果係揀旺角的話，唔使問一定係去創興廣場! 因為廣場入邊有大量選擇日韓台式乜嘢種類餐廳都有! 所以我今次同朋友就揀咗呢一間日式放題—神輿日本料理 嗰名唔太識讀~呢一間個價錢同其他連鎖放題餐廳差唔多 所以今次就試吓呢一間睇吓水準如何。一上到去，佢個裝修格局好似真係去咗日本神社一樣 前邊大大個鳥居⛩ 感覺好正 入面個setting 好和式! 店員就帶我哋兩個坐低 但一坐低二人枱擺咗餐牌調味就已經冇乜位...位置比較窄..如果係兩個大肥佬一定會好迫...好喇都開始肚餓...即刻睇下呢間放題店有咩食物值得推介同好食先! 第一輪嘅刺身都係大路嘢～三文魚八爪魚筆北寄貝象拔蚌帶子等等～一如以往都淨係會叫三文魚帶子同埋甜蝦 三文魚保持水準厚切肥美 帶子亦都新鮮小食就叫咗螺肉田園沙律同蟹籽沙律份量適中間但始終係要點既～ 因為大路所以無影低haha每次去食放題我都會好期待一品料理環節因為好多餐廳都有佢地拿手料理仲往往有驚喜!!! 呢個汁燒一口牛值得強力推介!!!本身碟牛上到台我真係反左眼 啲汁同啲油多到不得了 但係食完一啖之後就對佢完全改觀!!! 乾脆蒜片加埋牛肉粒惹味開胃 肉身軟稔加埋醬汁好夾強烈推薦～另外再試咗焗野類 :芝士焗虎蝦 忌廉焗帶子 同埋芝士焗蝦 當中芝士焗虎蝦同蠔係心水推介之二! 虎蝦上碟之前已經開咗邊 濃濃嘅芝士淋上去兩者異常地夾而且蝦肉爽身鮮甜味道一絕～忍不住不停狂叫!!! 羊架係都誠意之作朋友話好香都好味~另外爐端燒系列嘅一口牛肉都係整得好精彩牛肉有香烤味 肉質軟稔正正 至於卷物我就試咗龍蝦和牛卷起初以為真係有龍蝦肉hahaha點知原來係龍蝦仔沙律 不過都好香口好味 size偏細 可以一試～最後呢個燒菠蘿又係一絕 菠蘿外皮微微烤焦 但全面極度鮮甜 完全無渣 誠意之作又停不停encore系列!!! 總括而言 食物水準之上 但位置真係好窄...希望可以活動空間可以多啲 咁都食得開心啲!!…查看更多

老實講，對日式放題頗有戒心，中伏太多，偏偏大胃王男友又鍾意食，聽佢肥仔朋友介紹叫我地去創興五樓食放題，好啦好啦，又接完佢收工，去完信和睇公仔 ( 點解男人個個星期都有公仔睇? )，就去左神輿日本料理到食晚飯。門面好靚，環境開揚，座位寬敞，有啲餐廳係你早成個星期book都比好差好迫嘅位你，食餐飯都唔自在，畢竟放題係食幾個鐘嘅飯，我覺得坐得舒服其實好重要。先叫左一輪刺身，師博好聽話，寫幾多片就出現幾多片，有少見啲嘅帶子同象拔蚌，象拔蚌令人驚豔，好鮮美，我以為會冇咩味，驚了個喜！其他都新鮮有水準，甜蝦夠大隻。炸物有秋葵（心心眼），唔係到到有，一見到點餐紙馬上落order，炸蠔非常不得了你睇個炸漿薄到！放題好少食到咁薄嘅炸粉，必叫！壽司細細件可以叫多幾款，不過我有嚴格唔比自己夜晚食太多澱粉，就冇叫太多一再encore嘅芝士焗虎蝦，芝士、沙律醬加上焗蝦，必勝組合。我食太多蝦會敏感都偷雞食左兩隻，請小心挑肉唔好整甩上面啲醬！薯蓉帆立貝，都係少見啲嘅野，帆立貝有鮮味(驚喜)，薯蓉夠滑。勁大碟牛油炒雜菇，拉麵碗黎，上枱時震驚，男友仲問我做咩嗌麵食，......其實成碗都係菇，唔緊要！肉就考起我啦，菇唔會肥，我包底！牛油炒卻不油膩，菇怪請隨便order，你不會後悔。芝士焗蠔，蠔係痴殼的，唔係裝假狗，真係原隻焗比你，好感人，我未食過放題嘅焗蠔係冇撈洋蔥/雜菜，真係得蠔肉。蠔肉都幾大粒，鮮甜！甜品要左芝麻雪糕，又係一個細心位，我好少放題食得完一個雪糕，因為間間都雪得太硬，畢到手軟，呢個雪糕軟硬好適中，唔溶但係又畢得入。必須講嘅係，服務非常好，會主動換碟，個個都有笑容，當每間放題其實食嘅野都差唔多嘅時候，要比較就係比呢啲位，食物幾好，坐得舒服，唔亂上菜，價錢中等，返工已經攰，真係唔想食餐飯都辛苦，今餐滿意！…查看更多

同家人黎這裡慶生日，早前響這幢大廈其他樓層食過，經過這層都好多人，𥄫𥄫睇落放題黎講好似幾新淨企理又聽聞評價幾好，就決定黎這裡一試地點剛響油麻地同旺角站之間，所以2站行過去都差不多！這幢大廈食店居多。溫馨提示：等𨋢時留意要搭左邊𨋢！因為唔為意一黎到樓下見排隊等𨋢，原來全部都係上高樓層的，又要再等過喇今日約左7:30，暫未見有人等位，地方企理新淨，裝修特別好大空間令人坐得好舒適一d都唔焗促放題簿A-J 任選，另店員再有張海膽手卷、壽司紙可選！食物點得太多款式，不能盡錄不過記憶深刻既有：一口牛串燒、金菇牛肉卷刺身類：甜蝦、帶子都好壽司類：紫菜林林地，脆身點會好味好多薯蓉帆立貝：雖然薯蓉質地唔似平時的咁實身，不過味道都唔錯大灼和牛壽司：一聽個名都心動但唔好諗太大期望吧！飲品類：大部分飲品都係紙包飲品。除左汽水，其他都唔係一支支一罐罐的。只得菜蜜同日本麥茶係特色d！另都有啤酒、sake：每位+$28店員收碟既速度都好快，有留意每枱客既進度同需要中途去洗手間先知原來地方真係好大時間充裕，可以食完抖下又食過埋單加一後$502，每位都係$251，抵食…查看更多

本身打算食火鍋，但實在太多人所以改食放題，旺角創興廣場食放題最少都有幾間，最後決定食呢間呢間餐廳名都幾難讀要約都幾麻煩去到餐廳見裝修設計充滿日本風味，價錢都唔貴就決定食呢間。因為貨源問題呑拿魚和帶子壽司暫停供應，咁我未問下刺身有冇呢?點知個侍應好唔耐煩咁答:未寫咗無壽司囉！有刺身啊！(問下都唔比?)入到去叫嘢飲和點菜先，清酒加28$任飲刺身方面並無咩特別，但質素唔錯尤其象拔蚌刺身幾爽甜好多人讚壽司，但我認為普通只係叫咗一次前菜方面呢個蕃茄幾開胃㗎!我認為熱食比較出，羊架大大件而最出色係一口牛，因為冇醬汁更食出肉嘅美味至於海鮮都有水準，食落啲蝦肉無爛，蠔又唔見縮水不過到最後反而主食和鍋物叫咗無嚟!追咗幾次又話無落單，計數收錢又有少少爭執服務方面有待改善…查看更多

大熱天時，火熱的任食火鍋和韓燒都要讓路，想要任飲任食，別無他選，惟有放題。喜歡放題食品選擇多，食到盡，又可以坐以待食，食品直送枱上，不用操勞。今天目標是旺角創興廣場5樓的神輿日本料理。此店地方寬敞，不同時段入座，不同收費，價錢由$168至$238不等。用餐時間2小時，由入座起計。食品款式應有盡有，點心紙由A至J，共有10張，食品有刺身、壽司、炸物/天婦羅/鍋物、爐端燒、一品料理、主食、甜品、飲品和卷物/手卷。刺身款式很多，逐樣點，先叫了三文魚、吞拿魚、帶子、八爪魚、松葉蟹棒和甜蝦等。三文魚入口新鮮嫩滑、八爪魚片和帶子口感不錯、甜蝦肉鮮味甜，整體刺身水準不錯。壽司則叫了火灼和牛壽司、三文魚壽司、鰻魚壽司和火灼三文魚壽司。各款壽司製作認真，賣相不錯，材料新鮮，味道可口。小食例牌叫了中草沙律、芝麻八爪魚和味付螺肉。八爪魚爽口，螺肉冧甜。而爐端燒、炸物和一品料理等，就要了海老、一口牛、菠蘿、雞軟骨、南蠻炸雞、芝麻脆皮雞翼、汁燒牛肋骨、新番一口牛和炒雜菜等。汁燒牛肋骨，牛肋骨燒得剛好微焦，配上醬汁，十分好味。芝麻脆皮雞翼，外脆肉嫩，好惹味。新番一口牛、牛味豐富、肉身厚冧好吃。值得一讚的是一品料理的芝士焗虎蝦，虎蝦夠大隻，肉身豐厚彈牙，芝士醬料調教適中，烤焗出色，非常好味。由於肚已半飽，主食的稻庭烏冬、拉面、鰻魚炒飯、日式炒飯和海炒飯等都沒有享用，祗叫了個面豉湯暖胃。至於飲品和甜品選擇就不算多了，甜品祗有4款，即和果子、紅荳雪糕、綠茶雪糕和芝麻雪糕，酒精類飲品任飲，每位要另加$28。…查看更多

今天去食肆林立的創興廣場食放題，商場人流很多，有些餐廳門口已經有人排隊。我們來到這間日本餐廳，也有約10人在等位。在門外的木櫈上等了一會，便可以入內開餐了。餐廳裝修很有心思，充滿和風味，門口紅色的神社很吸睛。餐廳以日本神社為主題，木製裝飾特別多。我們被安排到一個卡位，卡位外形像小屋子，椅背高身，感覺很有安全感。厚厚一疊落單紙，任君挑選想食的食物。食物選擇很多，壽司手卷，拉麵炒飯，炸物，小食，飲料甜品等等。點餐約10分鐘，店員便陸續送上食物，眨眼間已滿桌美食了。我們點了不同款式的壽司，火灼和牛壽司，加州卷，海膽壽司，黃金魷魚壽司，芥辣八爪魚壽司，鰻魚壽司等等。好在壽司迷你，飯量不多，不會吃幾個便飽，可以多嚐嚐幾種壽司。炸蝦手卷，炸粉不多，蝦肉鮮甜，不過紫菜不夠脆。　鰻魚炒飯，珍珠米飽滿，調味恰當，可以食到鰻魚的鮮美。稻庭烏冬，奶白色湯汁，清淡不油。烏冬嫩滑彈牙。芝麻脆皮雞翼，深啡色的外皮顯示吸收了調味料的精華。雞翼烤至乾身，皮脆肉嫩，香口而不油膩，很惹味。芝士焗虎蝦，蝦肉完全被芝士覆蓋，看著很吸引。軟滑的芝士和鮮甜的蝦肉，十分搭配，味道酸甜開胃。飲品選擇也不少，有汽水，茶類，果汁等。我就點了熱菜蜜，甜度剛好，暖暖的，可以滋潤喉嚨。甜品沒有選錯紅豆雪糕。紅豆味濃郁，好味道，質感軟滑，忍不住吃了兩大球。…查看更多

日式放題, 很久沒有吃了, 這次與朋友來旺角行街, 走著走著, 就來到創興廣場. 這裏的日本放題很多, 難以選擇, 就隨意挑了一間來吃。進店, 一個開放式的壽司吧在眼前, 很多職員在裏面工作; 座椅寬敞舒服, 一疊厚的點餐紙, 款款不同, 琳琅滿目, 難以決擇;我們5人點了黃金蟹卷, 芝士焗虎蝦, 清酒煮扇貝, 刺身,羊架, 及鹽燒雞奕等這裏的芝士焗虎蝦, 芝士味濃, 鹹鹹的, 十分入味; 虎蝦大大隻的外表, 咬下去肉少, 芝士多, 芝味無窮;而清酒煮扇貝, 一大隻扇貝浸泡於清酒裏, 洁白的扇貝, 厚厚的, 肉質彈牙, 酒味不濃, 上湯鹹鹹的, 使淡淡的扇貝增添了另一份味感; 黃金蟹卷, 即手卷, 炸後的軟殼蟹, 沒有味道的, 而且紫菜不夠脆, 味道普通;三文魚刺身, 鮮紅色的三文魚肉, 魚紋清晰, 肥美, 十分新鮮, 魚油豐富; 而松葉蟹棒, 長長的蟹棒, 蟹肉厚多汁, 蟹味鮮甜; 而甜蝦, 晶瑩剔透的蝦肉, 蝦味鮮甜, 肉質爽滑彈牙;羊架, 肉嫩質地彈牙, 羊肉味豐富, 羊肉邊有少少肥粒, 肉油美味可口, 齒頰留香;鹽燒雞奕, 一串有2隻雞中奕, 燒得金黃色, 皮脆, 鹹鹹的, 十分香口;這裏的服務挺好的, 上菜快, 不且不時清枱, 是吃日本放題其中一間不錯的選擇。…查看更多

環境唔錯，裝修特別我係食夜晚10:30，好少人，上菜速度正常，都有漏一兩張單10:30入座 每位$178加一，另外可以加錢飲清酒（不過今次無加）。刺身整體質素唔錯，都幾新鮮。 手卷揀左海膽，吞拿魚同炸軟殼蟹 @軟殼蟹最好食 壽司普通 - 點解無得揀火灸左口魚，芥辣八爪魚壽司朋友話好味 串燒烤冬菇 正！超級juicy 鹽燒雞腎係encore item (不過預左咸）芝士焗虎蝦 - 隻蝦好好食，上面鋪面既沙津醬太多，食多一兩隻會好膩。建議可以撥走少少醬再食會開心啲 新番一口牛 - 牛肉夠淋，唔韌（成碟都有幾舊會比較韌）。肉係好食但個汁太甜，同個肉唔夾 芝士焗蠔普通汁燒牛肋骨同羊架都偏咸日式薄餅唔錯 炸物· 天婦羅· 鍋物榴槤球，炸雞，芝麻雞翼都好食天婦羅普通鍋物淨係叫左個 辣味豬骨餃子鍋 都唔差既，個湯都幾辣鰻魚炒飯 - 幾好食既，太飽無食哂甜品- 選擇少，得和菓子同3款雪糕綠茶雪糕好重奶味，無乜綠茶味，當係。牛奶雪糕食係幾好既選擇…查看更多

黎梗準備考試喇，所以要輕鬆一下，我同我條佬決定食日本放題，順便行埋Living Plaza⋯⋯嘿嘿！一打開lift門就係許願板，真係免費提供俾你寫架！ 我都寫左一塊丫，希望願望成真呢～門口裝修好有特色，係神社！令我突然好掛住京都旅行丫員工安排左坐近門口位置，左手邊係開放式廚房，會見到一排師父企係到架～而且大部分都係卡位，私隱度極高，有別於一般放題密密麻麻既椅桌擺設～總共10張order紙，當然先點刺身先～三文魚腩厚切超級肥美；帶子，北寄貝咬落有口感，好爽口；連松葉蟹棒都有，真係好少放題見到～全部刺身都好新鮮！壽司，卷物，手卷款式蠻多！好中意D壽司係細細件，唔會錦快飽肚，錦樣可以點多D其他食物，而且無一夾就散的情況出現～始終我地得二個人食唔到錦多壽司，所以叫左幾件卷物，要留返D空間食其他野一口牛牛味濃，肉質軟腍，加埋醬汁好和味～雖然我怕熱氣，但都叫左芝麻脆雞翼，炸到好香口，可以用外脆內軟黎形容！芝士焗虎蝦我叫左2 round 喇！將虎蝦開邊，食得好方便，鋪滿厚厚的沙律醬同明太子，肉質彈牙，推介！天婦羅新鮮炸到熱辣辣，外層粉漿不會過厚，沾上醬汁更加滋味！我一向見到紫薯就會雙眼發光，呢度竟然俾我見到炸物有紫薯餅！即刻order ！另外叫多件芝士年糕～紫薯餅炸得好香脆，哇～咬開除左滿滿既紫薯蓉之外，裡面重！有！粟！子！架～ 芝士年糕都炸到外層好香脆，入口好軟滑，非常煙韌～年糕同濃郁既芝士絕配，無辦法抗拒最後甜品我叫左芝麻雪糕，係單球上，不是杯裝，超濃芝麻味～呢度除左環境舒適，上菜快，員工都好細心，會不停幫我地添茶，不停留意我地幾時食完要收碟，又好快見到我成碟虎蝦殼，即刻幫我換碟…查看更多

我倆今日早收工，作為放題控當然唔可以放過任何機會，黎到美食集中營既創興中心搵美食，呢度有無數既放題及美食，而今日我倆公婆決定試間未食過既新放題呢間神輿放題位放5樓，一睇就知道係全新裝修，因為無論係裝飾及設計都別樹一格，一入門口就覺得好似入左日本既寺廟感覺!今日我們趕到6點前入座，所以可以享有超優惠價168蚊，超吸引的價格入去可能早的源故，仲有唔少吉位，但都算有人，因為好似下午4點幾就開!我們首先點左些開胃前菜，柚子沙律幾新鮮，酸酸地夠開胃，個彊超辣幾過癮， 蕃茄亦算新鮮食放題第一件事一定係點過刺身拼盤，呢个刺身賣相已經夠晒靚，以前食過好多間，呢間我覺得係頭三甲，因佢最特別係可以淨點三文魚腩，而且超肥美，一咬入就入口即溶蝦都幾大隻同鮮甜無雪味，整體滿意!籌司一黎我覺得自己去左日本，因為佢既籌司好精緻，賣相無得輸,味道更係好味， 好少放題有海膽壽司食，而且仲有咁高嘅質素太太話唔想食得太油膩， 所以點做過什菜窩，佢激讚話啲湯一啲油都冇，而且可以保持賽嘅鮮甜味羊架佢燒得夠乾身，而且超大件一啲香酥 味都冇!呢度嘅天婦羅，粉一啲都唔厚， 而且仲有我最愛嘅秋葵食， 高質呢個芝士焗虎蝦超大隻有驚喜，芝士味濃，肉質鮮嫩， encore咗兩次呢度嘅卷物細細粒賣相精緻我覺得最出色嘅係燒菠蘿， 因為佢嘅菠蘿燒得夠乾身，菠蘿入面係超juicy 甜中帶酸， 而且仲笑得好靚由於趕住睇戲，所以唔夠時間慢慢試，下次再有機會再來試…查看更多

同家人食放題食得多，今次試旺角新開既日本放題。環境寬闊，室內設計以木紋為主，因而還有新裝修木質味。環境清潔整齊。首先來碟刺身，三文魚充滿光澤肥美，鮮蝦鮮甜。檸檬夾帶子，減少帶子雪藏味，而且檸檬汁滲入帶子，令到有酸甜口感，有細心！！壽司平平無奇，大眾水準一口牛，真係可以一啖食完，牛肉嫩滑，熟而不韌。好食芝麻脆皮雞翼，熱辣辣且皮脆肉嫩，夠誠意Like 羊架，大大件，肉質嫩口，韌度適中，充滿羊腥味，鍾意食羊既 必試芝士焗蠔，芝士甜而不膩，一啖食完，大眾水準吉列炸蠔，紫薯餅，配上沙律醬，味道更上一層樓，炸蠔配上沙律醬，減輕腥味，反而增加甜味，更易入口。紫薯餅，夠新穎，香甜爽脆，讚！榴槤球，口感一流，榴槤蓉像心太軟緩緩流出，熱辣辣，正芝士焗虎蝦，充滿芝士且有蟹籽，大大隻虎蝦，肉質鮮美滋味，如減輕少少芝士醬汁會比較不太膩，但都新穎之作，配合得宜辣味豬骨餃子鍋，辣味適中不太辣，反而減輕飽滯感，辣味既豬骨湯，香甜濃郁，餃子吸收濃湯精髓，鎖住湯汁，份量適中不太大，讚！甜品比較普遍既雪糕，都ok…查看更多