我同chicken一向都係芝士忠實fans，有芝士既地方都逃不過我地既雙腳去潮聖，超感動既係！我地屋企附近依間rice love飯意主題餐廳，主打既係芝士熔岩蛋漿飯，整係睇張圖已經好夠吸引喇！！對依啲新派既餐廳我地都表示支持，多左選擇之餘又多個落腳點^3^而且係正屋企附近先係重點！突然芝士癮發作就可以黎依到大食特食囉～ 岩岩好食飯時間黎，所以都幾爆滿，但好彩兩人位都等得唔耐，等果陣諗好晒食乜，入到去就炸炸林點野食HAHA日本甜薯沙律菜，點左個餐廳推介既沙律菜，食邪惡野之前要食多啲菜墊底，有幾隻醬揀，而待就揀左千島醬，估唔到份量咁多，兩個人都夠食，有甜薯、生菜、粟米、車厘茄等等材料，食落清新又開胃～而且以價錢黎講都非常抵食！ 新派芝士熔岩蛋漿飯，店員會先倒入蛋漿，然後就到芝士，慢慢等佢溶化，溶到變漿狀就開始不停搞拌，芝士香味係咁撲鼻而來，聞到已經流晒口水！ 只需等幾分鐘，半溶左既芝士就開始搞拌食得～睇落係米好吸引呢A＿A？可以拉到好長既芝士絲出黎，加上鐵板既熱力幫助，每啖食落去都食出芝士既芳香。成個飯除左芝士同蛋漿外，仲有紫菜、泡菜等等既配料，蛋漿令成個飯冇咁乾身，味道係濃濃既芝士香，飯既本身都拌左韓式辣醬，微微辣，口感好豐富，每食一啖芝士都好滾動！而且以佢價錢黎講，夠晒抵食，鐵板再加瘋狂芝士$50有找，認真係街坊價。芝士濃湯石鍋，而且CHICKEN則嗌左依個石鍋配手作意，材料都好豐富，有餃子、蟹柳、年糕等等，冬天食暖笠笠好味道！睇落已經夠晒挑逗@@石鍋好夠熱，靜待幾分鐘就放芝士上去～ 依個芝士溶得比較慢，溶化後會令成個湯都變得芝味濃郁，加上芝士後個湯會愈黎愈杰身，望落已夠晒邪惡！！ 佢地既手作意有啲似烏冬，口感亦好煙韌，同石鍋好夾，而且好容易飽肚，再加上濃濃既芝士湯底，可以話係飽到上心口HAHAHA 我嗌左椰汁紫米露，椰味適中，唔濃唔淡，紫米溶幾有口感，椰汁紫米係個絕配呢～…Read More
