Commune X

聽朋友講哩間小店啲野食好好食 嚟到屯門就試試佢 果然真係冇失望🤩挪威煙三文魚凱撒沙律🥗一嚟到嘅時候就覺得佢好靚🤩成個擺盤都好靚 要好多唔同種類嘅沙律菜 啲菜都好新鮮 唔會見到啲菜會好黃咁🙈卡邦尼蟹肉蟹籽意粉🍝一嚟到都真係忍唔住嘩左一聲 真係好多蟹肉同蟹籽🤩🤩🤩個意粉就偏硬身 好啱我口味 好creamy 我同個朋友都食到汁都清埋🤤🤤芝士溶岩極上和牛漢堡🍔個burger好大個 塊牛肉都好厚 佢仲要有好多唔同沙律菜 再加埋佢秘製嘅沙律醬 成個口感好豐富 最特別嘅係佢唔係配薯條 而係配薯寶 姐係薯餅仔 外脆內軟 好好食😋雞泡魚干🐡第一次食雞泡魚干 幾特別 唔會太硬 甜甜地咁 係送酒一流嘅小食👍🏻Cocktail -- Sangria🍹我哋聽到隔離枱嘅人話哩杯好飲 所以就同個frd叫嚟試下 不過我哋都唔係好飲酒嘅 所以就叫左少酒 不過啲酒同啲水果味都好夾 仲要啲蘋果同橙喺杯酒入面可以食 真係好似酒釀水果咁😋Mocktail -- Transformer🍹我係比餐牌個樣吸引之後先會叫嘅 佢用芒果汁做base 之後再加蝶豆花茶 做到橙汁慢慢漸變到紫色真係好靚 兩個味都好夾 唔會話有一隻搶左另一隻嘅味 再加埋soda water 好爽😋牛角窩夫配雪糕🍨佢有乾冰作伴 即刻令個甜品變得好夢幻 食埋個甜品令成餐飯變得好完滿🥰店員姐姐都好好禮貌 笑容都好好 值得嘉許！…Read More

約咗朋友喺屯門睇戲，睇戲前先醫肚，行過見到呢間野裝修睇落幾新潮就入去試一試。本身想同朋友坐出面，好似有feel d，但因為出面落緊毛毛雨，驚一陣會落大雨，最後都係選擇室內。點咗豬手，漢堡同焗蘑菇，都幾大份，兩個人食唔曬😂😂首先上枱嘅係南瓜湯同牛角包。南瓜湯入面有d蟹肉，而且數量唔少，每一啖都食到😋 跟住就係焗蘑菇，蘑菇上面有好多芝士同肉粹，個汁酸酸哋，幾開胃。而個蘑菇都好juicy ，作為餐前小食一流👍🏼👍🏼至於個漢堡，中間塊肉好濃牛味，如果係牛魔王一定好鍾意🤪漢堡包微微煎過，比較香同微脆，唔錯！最後就係個豬手。本身以為「火焰」只係個名，原來上枱之後，店員會淋上酒精再點火🤭豬手味道唔錯，半肥瘦，可以一啖食到瘦肉同少少肥肉，口感幾好。唯獨豬手最底嗰個位，可能係燒得太耐，有少少燶。飲品方面，叫咗一杯榛子朱古力同荔枝梳打。榛子朱古力嚟錯咗咖啡，不過味道都幾好就冇同店員講，荔枝梳打配豬手都唔錯，食肉食到成口油，可以飲一啖清一清口入面d油。其實呢間鋪主打應該係手工啤，見到餐牌有好多特色手工啤，但因為唔係幾舒服，所以冇叫到，下次一定要試試！😋😋…Read More

收工後同朋友入屯門試好西～之前嘅「蕃茄店」轉咗做酒吧，經過幾次都覺得好吸睛，竟然喺新墟都有啲咁好feel嘅餐廳難得要慶祝有新工返，一於食餐好嘅慶祝吓我哋book咗7:30，去到餐廳未算多人，直接入得場內燈光偏暗，牆上有霓虹燈裝飾，見到店員有定時去轉吓顏色，配埋高木櫈，零舍有feel可惜當晚外面落緊毛毛雨，冇得坐店外，不過嘆住冷氣望街景，更好！Drink menu 以酒精類為主，有唔少特色啤酒，「鹹檸啤」、「陳皮啤」、「花露水小麥啤」等，真係大開眼界檯上貼紙寫星期一至四打卡+like fb +share 額外有免費迷你啤酒一杯，可惜同朋友唔好飲酒，最後只係叫咗普通飲品，冇試到啲啤酒餐牌食物款式都幾多，最後俾豬手、漢堡同大蘑菇嘅圖吸引咗，另加飲品兩杯。因為嗌正價飲品，額外會送湯同迷你牛角包，見飲品都係$3x杯，就每人嗌咗杯送嘅鮮打濃湯係蟹肉南瓜湯，好濃蟹肉味，有一絲絲蟹肉混和係湯入面，鮮甜中帶少少蟹肉嘅咸香南瓜蓉都好濃郁，口感比較綿密牛角包雖然係迷你size，牛油味香濃，食完都幾飽肚火焰豬手由店員上檯後，係面前倒少量酒再點火，估唔到真係好大火，非常吸晴引到隔離幾檯食客都望一望豬手份量好大隻，入口有些微焦香，外皮好脆同有膠質口感沾點唔同醬汁可以解油膩感，都係黃芥未最夾配有薯波，形狀都幾得意，入口香脆另一主食和牛漢堡，size 都好大厚切蕃茄加生菜食落解濟～和牛嘅肉味非常濃烈，有肉汁爆出好邪惡因爲叫正價飲唔送湯同牛角包，就嗌咗榛子朱古力奶飲落有微微咖啡香味，原來唔係純朱古力奶，係咖啡！朋友提一提先見到飲管曲成心形，突然覺得好有心思朋友嗌咗荔枝梳打，好啱配豬手食！完全係解濟去油膩，甜度唔算太高大大杯夠曬飲埋單每日$250左右，以環境同食物質素計都ok…Read More