Imperial

今次同班老友殺上觀塘工廈覓食，重點係！！免開瓶費‼️ 自帶珍藏紅白酒唔使偷偷摸摸，店家仲主動遞冰桶+高腳杯🍷，連我臨時叫支清酒送貨都可以代收，服務貼心到爆💯————————————🔥必食新品速遞🔥————————————🐍茅台紅蔥油蒜子碌白鱔鱔球吸盡醬香同酒香，肉質爽彈到似食緊「魚界和牛」，墊底嘅蒜頭燜到綿軟入味，連平時唔食蒜嘅朋友都搶住夾🧄！真心推薦🎉❄️冰鎮南非鮑魚鮑魚冰鎮上枱🧊，咬落「嗦嗦聲」爽脆過咬青蘋果，海鮮控必點🐚！🦀花雕雞油蛋白蒸大肉蟹聽聞係即日返貨超新鮮已經勁期待🥹一上枱全場「嘩」聲！酒香攻鼻👃，蟹肉拆好晒一啖一舊🦀，食到舔手指！🍤芙蓉海寶炒龍蝦球（雙龍蝦版）落足兩隻龍蝦起肉🐉🐉，蝦球大過乒乓球🏓，配埋花枝同蝦球三重夾擊，鑊氣足到似睇緊《中華小當家》特效！🍚臘味糯米飯隱藏boss原來係呢個！臘腸油滲透每粒糯米🍖，面頭鋪滿蝦乾同蔥花，食到最尾仲要猜拳爭奪👊🏻🐷滷水拼盤三劍客手撕雞嫩過BB肌膚🐤 + 豬大腸洗到冇半點異味🚿 + 金錢肚滷到入味又有嚼勁，送酒一流🍻！————————————🎉整體體驗：工業大廈內藏精緻私房菜，老闆仲會根據你帶嘅酒推薦菜式 pairing🥂，如果係黎慶祝生日嘅話仲送滷水鵝肝鵝腎！連散嗌都有送綠茶布丁呀🍮，成晚笑聲冇停過😂！溫馨提示：記得預早訂位啦📞！————————————————————🌟抵讚細節位：✅ 自攜酒水完全零壓力✅ 主動補冰換碟超細心✅ 工廈價錢 五星級味道✅ 私隱度高 傾偈唔使就住#御膳私房菜 #觀塘美食 #免開瓶費萬歲 #茅台鱔真係無得輸 #龍蝦控注意…Read More

朋友最近生日，我專程同佢去咗觀塘嘅「御膳」食飯。與別不同之處，這裡竟可自訂菜單，讓我們提前設計了一餐啱心水嘅海鮮餐。免開瓶費，自帶的幾支酒，侍應立即奉上冰桶酒杯，令人讚賞。店家推薦「茅台紅蔥油蒜子碌白鱔」，煲仔上桌香氣四溢，熱氣騰騰，原粒蒜子配搭茅台香，白鱔外脆內嫩，鑊氣十足，真心推介。芙蓉海寶炒龍蝦球賣相精緻＆非常足料，用咗兩隻龍蝦起肉，龍蝦肉入口爽口彈牙，與花枝蝦球炒，好好味。龍躉骨雜菌豆腐湯奶白色魚湯底鮮濃醇厚，龍躉骨邊肉細嫩，豆腐滑溜，雜菌增添口感。真材實料，每一口都是精華！古法蒜子焗大肉蟹煲仔上桌「炸炸」作響，蒜香撲鼻。原粒蒜子焗至金黃甘香，大肉蟹飽滿鮮甜，蟹肉緊實吸盡蒜香。鑊氣十足，無需醬汁，單單鮮味已令人回味！汕頭滷水鵝鵝肉深浸滷汁，色澤油亮。入口鹹香恰到好處，肉質軟嫩不柴，脂香豐腴。滷汁醇厚回甘，送酒佳品！生炒臘味糯米飯香氣撲鼻！糯米飯油潤甘香，臘腸油香滲透每顆米粒，飯粒煙韌彈牙，加上醬油炒香，鑊氣十足。店家不僅送上抹茶布丁，因我們慶祝生日更贈滷水鵝肝鵝腎。上傳美食照還獲贈汽水，加分。今餐都幾滿意，下次有機會嘅話，都會再嚟。…Read More

今日收工同同事去左觀塘敬運工業大廈”御膳”食私房菜. 餐廳開業13年, 海鮮日日新鮮運到，手工粵菜，鑊氣小炒，散點小菜樣樣齊. 但估佢唔到連澳洲廚神都黎左. 花膠響螺煲雞湯 - 味道鮮美，湯底清澈, 花膠含豐富膠原蛋白, 令湯底更加清甜. 茅台醬香炆嫩鴿 - 嫩鴿肉質細膩，經過炆煮後更加柔軟，入口即化. 富貴金龍，用原條沙巴龍躉做，做吉列椒鹽拼流沙黃金味. 蒜蓉粉絲蒸蟶子皇 - 蟶子皇的肉質鮮嫩，蒜蓉的香氣增添了層次感, 口感滑順, 煙韌彈牙. 西蘭花炒花枝 - 西蘭花爽脆和花枝鮮嫩, 非常美味荷羽雞，重點推介，清遠雞淘空，裡面有乳鴿，飯，鹿茸菌. 芙蓉海寶炒龍蝦球，燉蛋白底，澳洲龍蝦起肉，配蝦球花枝炒. 宴客，賀壽好睇…Read More

朋友介紹這間御膳私房菜😜，開左十幾年，大部分菜式都係原創，由2位到12位菜單都有，散叫小菜都得。今次我就比個budget 佢幫我設計。我what apps店主，原來可以帶壽桃，店家免費蒸。唔收開瓶費，我梗係帶埋啤酒🍻。是日菜色：🥢🍴🦞🦞🦞芙蓉海寶炒龍蝦球有驚喜，店家話哩款係新菜式，賣相真係一流，用2隻龍蝦，配搭花枝和蝦球，底係燉蛋白，好鮮味。🕊🕊🕊醬香茅台炆嫩鴿一上檯，就聞到好香，侍應就倒咗一小杯茅台酒落去，醬香四溢，食落乳鴿好入味，肉質鮮嫩，店主仲話另外仲有好多款用乳鴿做嘅新菜式。推薦🔥🦀🦀🦀避風塘炒大肉蟹朋友介紹必食之一，不能錯過，的確炒得好夠鑊氣，食完蟹，我地仲留起炸蒜繼續食。😏👍猴頭菇葯膳瘦肉湯身為湯怪嘅我，實會飲湯，哩個湯夠火喉，湯料仲另外用碟裝，俾我地睇到真材實料，不過就預定先有。🌸食得出每一道菜都用心製作，感覺係將傳統與現代結合🤝。朋友話記得食滷水鵝，可惜，店家話師傅早排研究乳鴿，暫停咗滷水鵝。下星期滷水鵝就開始有啦。搵日收工去試下，叫2個小菜，飲下啤酒。食厭咗酒樓同茶記嘅朋友值得一試。…Read More