Lab 66

今日放工來到旺角同朋友行街，行到累累地就上網睇下旺角有咩好食。發現呢間Lab 66都好似幾多好評，但價錢又唔算好平，而且位置都唔係坐落於旺角既中心，咁點解都會咁多人去食呢？我決定要親身去探究一下。原來改名叫Lab 66係有原因，因為餐廳既裝修真係好似模仿緊一個實驗室咁樣，工業味濃。牆身上有類似水喉水管嘅裝飾，都幾特別。原來呢間餐廳既面積都幾大，係有兩層架，我六點幾過到黎，都未到最繁忙既晚飯時間，就已經坐到半滿了，睇來呢間店真係有佢既吸引力。食物唔算好多款，但都好清晰咁樣印晒係呢個紙板上面。食物有好多得意既配搭，例如芒果軟殼蟹卷、鴨肉饅頭等等，有好多我都幾有興趣架。不過兩個人試唔到咁多，今次試住兩樣先啦。Dark Choco $68首先叫咗一杯特飲，朱古力怪飲朱古力係理所當然既事lol上網睇既時候見到好多人叫呢杯嘢，我都已經立志一定要是黎試呢杯超級朱古力。果然真係滿到瀉，所以店員係杯下面都會連埋隻碟一齊俾你。滿滿既朱古力加埋上面厚厚既忌廉、朱古力醬、碎朱古力等等，好吸睛。飲落口有超濃既朱古力味，唔係好似出面啲朱古力加冰畀你，越飲越淡，最後變左水咁既味。濃濃既朱古力背後散發住淡淡既香蕉味，成件事好匹配。鑊仔廣島蠔餅 $78跟住我揀咗呢個蠔餅，係成個鑊咁樣上架。上台時仲係熱辣辣，聽到啲油聲彈下彈下，完全係即叫即整好新鮮。其實叫呢個蠔餅都有原因既，因為我本身真係好鍾意食蠔餅XD。但係除左去廟街或者一啲打冷既舖頭，平時基本上都好少機會食到，所以一見到當然要叫啦。呢個蠔餅比起打冷食到既蠔餅一啲都唔輸蝕，蠔量好多，又唔會太厚咬落去成口粉。味道適中，唔會過咸，而且啲蠔仔仲有淡淡海鮮甜味添！芒果軟殼蟹卷 $88第二樣係叫咗呢個芒果軟殼蟹卷，都係一個幾特別既配搭。外面包住個層餅皮，同KFC食嗰個炸雞卷既餅皮一樣，呢個稍為厚啲啲，入面包住既餡料就冇咁容易跌出黎。卷物入面有芒果、沙律菜、軟殼蟹等等。味道好清新，因為餅皮本身無味，咁就唔會搶左餡料既味道。芒果一啲都唔酸，不過沙律菜偏多，軟殼蟹又偏細隻，所以有少少變左得芒果一個主角咁樣。…Read More

今晚同朋友係旺角球場睇完波, 行過隔離街睇有咩食, 再Search下openrice, 發現呢間餐廳食評唔錯, 所以就決定去呢度食dinner~ 呢間餐廳分為兩層, 每張檯與檯之間幾寬敞。Menu上好多款式都好吸引, 忍唔住點多幾款大家share食。【黑牛】HK$48呢款台式飲品已經好少可係Cafe可以飲到, chocolate 雪糕溝可樂, 解渴一流~【芒果軟殼蟹卷】HK$88除左台式飲品, 呢度更有墨西哥卷, 包住新鮮沙律菜、少少芒果肉同埋軟殼蟹, 軟殼蟹雖然脆, 但份量比較少。因為沙律菜比較多, 所以卷埋一齊食都食到入面既爽脆口感【芝士薯條】HK$48薯條份量多, 不過芝士比較少, 拉絲效果不太明顯【炸魷魚鬚】HK$68炸皮唔太厚, 即叫即炸, 唔算太油, 雖然呢隻炸漿炸起唔太脆, 不過魷魚鬚極之爽口, 而且份量幾多, 抵啊!【咸牛肉芝士吐司配薯條】HK$58薯條份量好多, 岩哂閒聊/送啤酒。而吐司烤得表面金黃, 咬落表面脆而內裡鬆軟, 吐司夾住咸牛肉, 牛肉比較少, 不過熱溶既芝士味很出, 依然食到包入面咸咸地既味道~【香草醬燒豬軟骨】HK$198汁醬味道類似中式既薑醋, 甜甜地...香草醬平均咁包住豬軟骨, 豬軟骨好夠林, 連軟骨位都好林, D肉又夠哂入味。同埋都有薯條伴碟。【Lab66原條芝士鰻魚鐵窩飯】HK$148個人推介呢款主食!! 原條鰻魚已經很吸引!! 而且鰻魚已被去骨, 鰻魚下有厚厚既芝士, 拉絲效果十分明顯, 很邪惡啊! 啖啖芝士連飯一齊食, 口感軟棉, 大愛!!【低溫慢煮安格斯肉眼扒(10oz)】HK$218好大塊安格斯肉眼扒啊!! 落order時雖然冇問我地想要幾成熟, 切開見到仲有些少血水, 肉眼扒好夠林, 由於慢煮關係, 肉汁鎖住, 所以入面非常juicy, 牛味亦很重, 扒既邊位有少少肥油連住, 配上扒上既係芝麻醬+芥末,味道更加提升, 正啊~…Read More

大概半年前曾經光顧過， 印像中食物的水準不錯， 記得飲品是分紅黃綠顏色來分配， 今次点了綠色，綠色是用蘋果，奇異果，橙提子，檸檬新鮮榨成。味道不錯原汁原味👍今次餐牌加多了晚餐套餐。朋友叫了套餐，我就散叫，因為看見有我最喜歡的芒軟殼蟹卷加。軟殼蟹鬆脆，加上甜甜的芒果和大量沙律菜是一款可當沙律前菜吃不錯😋。香草醬很入味及 豬肉夠諗，入口軟化，薯條夠脆及薯味濃。簡單好味的一餐。…Read More

今天是中秋節的前夕，選擇了在少人的日子和朋友預早慶祝中秋節。被安排到樓上雅座，座位尚算舒適，不過冷氣太凍。先來一個沙律醒醒胃。*豬不理沙律($78)這個是很有「肉」地的沙律。豬頸肉、芝士片和番茄梅花間竹地放，夾著食都不錯，有創意。豬頸肉爽口，不會太咸；芝士大概是卡夫的出品，不過不失；番茄都新解爽脆。*芒果軟殼蟹卷($88)我和朋友就是最愛吃用薄餅卷的，這個芒果軟殼蟹卷當然都要一試了！軟殼蟹的脆，加上芒果的軟身，口感有層次；芒果甜甜的，再加上少少沙律醬，整體來說不會太漏；沙律菜乾身爽脆，不會令薄餅皮吸了水。*蒜蓉芝士吐司配薯條($58)無包不歡的我們，還點了芝士吐司。因為不想太多肉，所以選了無肉的一款－烘過的吐司當然要趁熱食，蒜蓉再加上芝士混合成的咸香，出奇地夾，吃完也不會很重蒜蓉味；薯條用上了粗切的版本，新鮮炸起的薯條很脆口，而且是金黃色的，沒有炸得過火。*鹽燒牛柳粒串+孜然羊肉串($88+$88)串燒是我其中最期待的一款，不過要失望了！串燒上枱時已經不夠熱，令味道大大減分；羊肉串不夠羊味；牛柳粒的口感不錯，不會太un，但是放了一會已經涼。*香草醬燒豬軟骨($198)這個豬軟骨煮得很淋身、入味，但是部份的肉太乾，有點像煲過湯的豬肉；醬汁方面雖然不會太咸，但是個人認為太多，令到豬軟骨味道偏漏。*66 Affagato($78)這杯Affagato是我今餐最期待的！tiramisu雪糕和車厘子，配上濃縮咖啡和咖啡酒，加上蛋糕，像是吃雙重tiramisu一樣，很特別！甜中又帶點苦的，所以不會覺得太漏。*開心果手工雪糕($38)開心果是出面少見到的味道。雪糕質感不算幼滑，但是開心果的味很濃，中間吃到有點開心果碎。*1837 Black tea by TWG 1873 ($38)第一口很香，不過涼了之後就不太好飲。*黃($38)朋友點的…Read More

香港地咁多人, 想出街食飯, 但又唔想等位等成個鐘,  近排DOWNLOAD左個APPS ~~ "FOODGULU"唔需要自己親自到店舖取票等位, 只需上個APPS, 就可以取票, 個APPS仲可以見到輪侯號碼去到幾號,咁就可以預時間出發去攞位LA..LAB66今日去到LAB 66 做下白老鼠先 總共有兩層, 餐廳細細, 但坐位一D 都唔覺得逼, 牆上有許多鎢絲燈做裝飾, 工業風味, 幾特別, 又有格調個人幾喜歡有圖既餐牌, 起碼知道食物個樣, 唔需要估估下, 食物種類尚可, 但每樣都非常吸引,諗左好耐, 終於作出決定, ..豬不理沙律豬頸肉, 芝士, 蕃茄, 合埋一齊食, 豬項肉唔UN, 蕃茄又新鮮, 芝士既香濃, 味道夾又開胃芒果軟殼蟹卷 睇個名就知"必叫之選"少少甜既芒果汁, 加入脆身既軟殼蟹,被清爽既沙津菜同軟林林既薄皮包住外表同內涵都一樣咁正薑汁芥蘭忌廉湯忌廉湯口感CREAME芥蘭味唔特出, 但亦無草青味, 薑汁係分開, 比你自行加配,加埋落忌廉湯, 又幾特別喎少少辣既味, 但又無辣既感覺 帆立貝墨汁意粉雖然它食到成口都係墨汁既意粉, 但朋友介紹我必食 好大隻帆立貝係面呀,啖啖肉,上面仲放了少許蟹子 廚師火侯控制得剛剛好, 剛剛熟, 又唔會太乾水,意粉軟硬度適中, 有彈性,   香草醬燒豬軟骨份量非常大份,醬汁味道濃烈豬軟骨非常林身, 口感佳 又到甜品時間LA每次出街食飯, 最期待既一PART66 Affagato 感覺係Tiramisu 既杯裝版裏面有Lady Finger, 車厘子, 同玫瑰花雪糕(正常係Tiramisu ice-cream, 但果日售罄)出面ESPRESSO 同COFFEE LIQUEUR個入認為唔洗2杯放晒入去, 每樣1/3 撈入去就己足夠, 玫瑰花雪糕食落普通, 但aftertaste 好有玫瑰味 開心果手工雪糕覺得似杏仁味多D口感唔錯SERVICE唔錯,食物水準好好呀, 位置亦方便, 同朋友黎食下飯坐下, 感覺非常舒服…Read More

黑布街近年來愈來愈多餐廳紛紛進駐，甜品店、咖啡店、火鍋店⋯⋯逐漸化身成一條食街，要在這裡覓食的確易如反掌。是日在附近吃完甜品，途經路過隨即被型格的鎢絲光管吸引，想到近來這間開業不久的新派餐廳評價不錯，所謂「擇日不如撞日」，既然一場經過便即興來個Fushion晚餐吧。餐廳分為上下兩層，水喉、鐵通、鎢絲燈泡、水泥石牆隨處可見，工業風的裝潢別樹一格，型格新潮。這裡餐牌上的食物種類不多，但都是坊間罕見，主打中韓泰越的Fusion菜式，更有不少店方自創的新派菜，獨一無二，就如實驗一樣將不同國家不同味道的食物互相融合，造就出創新的美味驚喜！雖然有許多菜式希望嘗試，圖文並茂的餐牌更是吸引，但是孑然一身的我只好作出取捨選了其中少數，不過已經立刻下定決心要帶朋友再度光顧，尤其是享用過後真心覺得食物味道的確令我回味無窮！ Lab66推介鐵窩飯v2.0 ($148+10%)餐牌上有兩款鐵窩飯，版本一的主要材料為韓式辣醬和牛肉，而這個新版本則是更加吸引的鰻魚芝士飯！滾燙的大鐵窩上鰻魚安睡在堆積如山的芝士之上，油潤亮澤，單是賣相經已令人感到邪惡萬分。除了主角鰻魚及芝士外，飯上更有各種配料如菠菜、蘑菇、青椒和粟米粒等，趁熱將所有材料與飯拌勻，芝士不斷拉出千絲萬縷！ 鋪天蓋地的芝士用上本身味道較淡的Mozzarella，故此芝士其實不會太濃，不過就為鐵窩飯增添了煙韌纏綿的口感和視覺享受！ 當時我先移開了鰻魚只拌勻芝士等配料和飯，邊吃飯邊逐點分食鰻魚，鰻魚份量看似不多，但後來我想其實店方應該是希望食客會將鰻魚與芝士及飯一同拌勻，以鰻魚的濃香為淡味的Mozzarella補足，這樣便能在口感與味道中間取得平衡吧。雖然沒有加入鰻魚拌勻，始終還是後悔有點失策，但是熱騰騰的鐵窩飯在加入大量芝士下變得濃厚黏稠，帶點意大利飯的感覺，又不失鐵板飯的鑊氣，確實依然無懈可擊。 芒果軟殻蟹卷 ($88+10%)這個新派小食以墨西哥捲的形式將芒果肉、炸軟殻蟹、沙律菜及沙律醬卷成，絕對是我最最最喜愛最最最推薦的菜式，不可不試！ 軟殻蟹大件足料，即點即炸，非常香脆。一咬下肉汁及油脂溢出，墨西哥餅及新鮮沙律菜吸收了油分，以致毫不乾身。芒果果肉非常香甜，而且更無半點果渣，和沙律醬一同為軟殻蟹卷帶來酸酸甜甜的清新。整體來說，想不到軟殻蟹和芒果竟然會是天作之合，更想不到化身為一道墨西哥捲後味道會是如此驚為天人，非常驚喜！   Dark Choco ($68+10%)甜品與飲品合二為一，便化身為一杯令人難以抗拒的甜品特飲！除了這款朱古力味的甜品特飲外更有一款椰子味的White Coco。這杯特飲是以雪糕和忌廉等材料製成的奶昔，上面再唧上滿滿的一座忌廉山，灑上橙皮和曲奇碎，最後再淋上朱古力醬，賣相有如藝術品一樣，更加簡直是比魔鬼更邪惡的組合！ 底層奶昔質感濃厚綿滑，朱古力味極之濃郁，然而大概是因為用上黑朱古力的關係，味道帶甘而不會太甜，加上陣陣橙皮的幽香，竟然沒有想像中的過份甜膩。雖然只嚐了三款菜式，但已經感受到濃濃的滿足感，更加感受到店方的創意，希望下次再來餐廳會從更多食物實驗中創作出更多令人驚喜的菜式！ …Read More