三姐松記糖水 (Closed)

假期第一日，訓醒食完brunch就行咗來深水埗，想嘆碗糖水做下午茶。附近幾間都食到冇新意，喺開飯仔發現lee間三姐松記糖水，剛開始唔知仲以為「三姐松記」係假松記，後來Google咗一下發展史，原來「三姐」喺1994年自立門戶，數下手指，都有廿幾年歷史啦～ 既然係老字號，又點可以唔試～近段時間忽冷忽熱，好容易作病，最啱就係食d暖暖燉品，暖心，補身每日開舖前，必定做足準備功夫我哋來得早，只係下晝三點，所以舖頭暫時冇乜食客，但據住喺附近來買外賣嘅街坊太太所講，夜晚先至多人吖！齋睇嗰咁有歷史嘅招牌，仲以為入面嘅裝修好懷舊，但原來推陳出新嘅唔單止係糖水甜品，仲有裝修～ 舖頭lee兩年裝修過，乾淨整潔，小清新嘅style，無論一家大細，三五知己，定係甜蜜愛侶都非常適合。Lee度d甜品，無論傳統定新派都有，老少咸宜，睇相睇食評都覺得餡料足，份量實惠。不時又有飲食達人推介，就算有選擇困難症嘅朋友，都唔洗擔心～ 如飲食達人推介都唔夠，仲有人氣熱賣，集百家之所長就連雪糕口味都唔普通，除咗熱門口味之外，仲有供應商Fruttato嘅幾款特別口味：- 益力多，出面唔係成日食到啦掛? 本身飲品都越賣越貴- 蜂蜜牛乳，滋潤嘅代名詞- 青檸雪葩，清新嘅代名詞- 薑味雪糕，坊間少有- 紫薯雪糕，薯迷豈能錯過今次揀嘅甜品，分別選配咗青檸雪葩 & 薑味雪糕，眞係好期待吖～ 首先送上嘅係*芒果腸粉*，晶瑩通透，灑上炒香嘅白芝麻，賣相眞係幾可亂真～ 淋上香濃嘅芒果汁，迫不及待要試食～ 果肉夠熟，香甜，必須要有返咁上下經驗先可以揀選靚生果作食材！「腸粉皮」夠薄，又滑，忍唔住問下職員到底有咩商業㊙️密原來佢哋用咗海藻粉同椰汁，有別於坊間其他所使用嘅蒟蒻粉，口感自然零舍不同啦～ 跟住落來嘅係*法式脆糖燉蛋 配 檸檬青檸雪葩*。Custard喺每日開舖前準備好，雪喺雪櫃備用。當收到客人order，會由雪櫃取出，喺custard表面均勻撒上黃糖，然後用火槍將黃糖燒成脆皮糖衣。即叫即燒的焦糖燉蛋如何令人不興奮，香脆的焦糖糖衣，配上軟滑的custard 還混合著幼細嘅黑色雲喱拿籽，真叫人回味。青檸雪葩都唔弱，又fresh又醒神，如果可以再酸d就更好啦！溫馨提示：法式焦糖燉蛋需於燒起糖衣後的 45分鐘內食用，因為焦糖會自然溶解，放耐咗，脆皮糖衣就會變成一攤糖水。外賣嘅朋友記得要留意啦～噔噔噔噔～ 壓軸出場嘅就係*朱古力心太軟  配  薑味雪糕*啦～ 心太軟嘅迷人之處，盡在一刀切落去嘅時候，裏面嘅朱古力漿慢慢流出，有如火山熔岩般，慢慢流動。薑味雪糕，坊間本身就少有，雖然唔係個個都接受得到，但如果喜歡嘗試新嘢嘅話，絕對值得一試。雪糕唔會太creamy，細心睇睇，仲可以見到一絲絲嘅薑蓉，但食落去唔會感覺「有渣」就係佢amazing之一。辣度，也比較出，而且會喺口腔停留一段時間，一啖心太軟，一啖雪糕，冰火兩重天，你都咪話唔過癮。「三姐」仲會不時調整可選雪糕口味，令食客keep住有新鮮感。聽講來緊會推出芒果肉雪糕，市面通常係芒果味雪糕，但可以食到芒果肉嘅雪糕窩！聽到都流口水🤤～ 芒果控咪走寶啦～ 唔怕唔識貨，最怕貨比貨。「三姐」大不同，除咗全港只此一間別無分店之外，仲係三哥每日親手新鮮製作嘅用心出品而非連鎖店的流水作業；緊貼都市人口味及潮流變化經常推陳出新而非一成不變的菜單；與時俱進，連外賣都推出和網上外賣平台 & 近年跑出嘅Ubereats合作，在家也可輕鬆等到三哥出品。「三姐」糖水甜品堅持自家製，真材實料，性價比高，值得食過返尋味。大家記得認住lee嗰註冊商標啦～ …Read More

已經唔係第一次食松記都多位坐 店員服務都還好最正都係芒果腸粉！好Q好滑地方又乾淨成班人去傾計都唔錯，聊天好去處加上個人好鍾意食芒果不過有時候芒果要睇季節食今日食就好好食 好甜😍😍😍…Read More

好有趣嘅舖頭，有一個好中式嘅名，但行到入去又非常西式喎！其實似cafe多過糖水店。餐牌入面有中式糖水、心太軟、湯圓、pancake、木糠布甸、楊枝金露等，種類算多。上完堂餓餓哋，兩個人share三款食就啱晒芒果腸粉 ($35)條腸粉唔似平時嗰啲係用椰汁造嘅，呢個係真係似飲茶嗰款腸粉皮喎，仲要加埋芝麻，像真度更高！晶瑩剔透內裡透黃，粉皮夠韌唔易散，仲要超滑溜，真係唔小心就會瀡咗落喉嚨！再落啲芒果汁，味道更鮮甜到爆！熱椰皇蛋白燉奶 （＄34）椰香仲要撲鼻而黎，椰皇本身已經芳香清甜，加上香濃嫩滑嘅蛋白燉奶，徘徊在似椰香又奶香之間，食落滑嘟嘟又香甜；平時飲椰青好難撬到啲肉出嚟食，但食晒蛋白燉奶之後就可以好輕易咁撬起軟綿綿嘅椰皇肉呢！綠茶心太軟 ($56)個menu上得朱古力心太軟，喺失望之際突然抬頭見到黑板寫住有綠茶心太軟，即刻開心到個心都軟咗！心太軟旁邊有一球雪糕及紅豆，感覺上冇咁單調；一切開，杰身嘅綠茶漿緩緩流出；焗得幾好，外面微脆，入面質感似蛋糕，綠茶漿帶有微甘不過又唔會好甜；之後食返個食晒3款甜品滿足晒啦，唔開心都即時開心返服務好好，值得一讚！…Read More

七位好友定期聚餐，今次想找一處可以坐低一邊慢慢食，一邊傾計，而又不會被催埋單，店員黑口黑臉想你快啲走嘅地方；即時諗起松記三姐糖水店，呢度勝在座位多，鋪面大，在同區食店中較易搵位，可以容納多人。我們點了以下各款甜品，中西式俱全，有冷有熱，有飲的，有食的，更可以問阿姐每人多給一隻小碗及匙羹，方便我哋share多種甜品:)1. Summer （曲奇+朱古力味雪糕）～ 賣相吸引，富立體感，兩款雪糕，伴以鮮果加大西米，好味！2. 芒果腸粉 ～ 粉皮夠韌，不易散，包住芒果肉，似食緊甜腸粉，    淋些芒果汁，味道更鮮甜。3. 熱芝麻糊 ～ 熱辣辣黑芝麻糊，香滑，粘稠度適中。4. 幻彩明珠 ～ 多種水果撈大西米，再加花奶。（呢樣我無食到）5. 蜜糖燉蛋（凍）～ 燉蛋微甜，口感似布甸，如有熱食，會較佳。6. 雞蛋布甸 ～ 外型的骰，如蜜糖燉蛋相比，這布甸的口感更像燉蛋白！7. 泰式紫米露（凍）～ 吃不出有什麼泰式風味，莫非加了少少椰汁？    碗底有黑糯米，味道稍為過甜。8. 錦上添花 ～ 西瓜，芒果，木瓜等生果，拼涼粉加黑珍珠，    味道清爽，消暑最啱！9. 花生，芝麻糯米糍 ～ 雙拼的，兩款口味，各2或3粒，    入口感覺軟綿綿，花生味較為好吃。10. 奶皇擂沙湯圓   ～ 湯圓的奶皇餡很香滑，口感不俗，趁熱食更佳！11. 香草綠豆沙 + 百合紅豆沙（熱）  ～ 兩者味道也一般，不過不失。12. 糖不甩 （兩客）  ～ 跟湯圓不同，糖不甩是無餡的，      只在topping加些糖粉及芝麻花生碎，口感煙靭。13. 雪耳木瓜海底椰 （熱）  ～ 清甜，滋潤，聞說更可補身！…Read More

呢間鋪頭我已經幫襯左3次啦，今天再lai過真係要介紹下呢個"HELLO"先 :)"HELLO"內有好多材料架，全是我最愛食的.... 有主打 "Hello 糕" (類似椰汁糕，不過硬身d)、涼粉、彩珠、黑芝麻西米、豆類 (渣喳個款) 等 再加上椰奶同芒果醬... 真係正呀，配料豐富呢 之後我們想叫多個芒果pancake，可惜老板娘話無貨，跟手推介個芒果腸粉俾我哋... 一上枱時見到賣相幾得喎 試下先... 芒果腸粉個皮好爽滑，芒果又香甜，口感幾好的，再加上芝麻係面更加香口呢 唔錯唔錯下次有機會再lai一次！…Read More