Samsen 泰麵

呢間餐廳係米芝蓮推介，長期都大排長龍，要等一陣先入到去食~中環同灣仔都有分店，今次黎左灣仔食~餐廳環境係半開放方式，庭位與座位之間係相當逼，而且都比較嘈雜，都比較難傾計🧐~~泰式虎蝦炒金邊粉($158)食落好有鑊氣，香氣濃郁😋虎蝦有4隻，都夠大隻，食落新鮮彈牙~配合炒蛋和豆芽，層次豐富，仲有青木瓜開胃爽口👍🏼泰式蟹肉炒飯($168)炒飯粒粒分明，油香十足但唔膩。蟹肉大大舊，鮮味突出，與蛋香和青蔥完美融合🥰仲有個辣味魚露比你配搭，不過加咗好似有D鹹，所以都冇加~-芒果糯米飯($98)全餐最好食嘅！芒果新鮮香甜，切件厚實，果肉滑嫩😍糯米飯煙韌，椰漿香濃但唔會勁甜👍🏼表面仲鋪D脆脆好食~📍 Samsen 泰麵 (灣仔)灣仔石水渠街68號地舖…Read More

位於藍屋附近，不算就腳。 5時55分到，見一條排隊龍，晚飯6時開始，所以不用企太耐便入座。三排木枱橫向門口，第一排是4、4陣（每邊坐4人），第二、三排是6、4陣。另一邊水吧可坐5人，整店座位可見一斑。簡單的木枱配四腳櫈，燈光較得偏暗，很有晚間在街頭吃小食的感覺。如此擠迫環境都見排隊人龍，令人滿心期待⋯⋯餐牌食物有限，前菜而至甜品，通通印在一張枱墊紙上。碗有漬沒洗好呀！泰式虎蝦炒金邊粉 $158落單後不久炒金邊粉火速送上。Pad Thai 講求的甜酸咸味道都控制得很平衡，金邊粉有咬勁但略嫌比較油，要榨點青檸汁解膩兼提升味道。明白金邊粉不可炒太久，但上菜時熱度實在不足，鑊氣亦欠奉。雖然虎蝦肉質很鮮嫩彈牙，很有驚喜，但整體來說這道菜只是不過不失，建議試其他。招牌泰式和牛濃湯粉侍應熱心推介。深褐色的湯底濃郁，味道調教適中，不會偏酸或偏甜，滷水料/香料適量，不會過咸。後勁有微辣，足夠刺激起味蕾，湯底做得出色。對於食客來說，一碗$158 的船麵，除了湯底，和牛一定是焦點。在被熱湯浸熟前，大家趕快把最矜貴的和牛送入口，肉質是嫩滑的，失望是牛味不濃。而牛腩則只是煑得腍，沒驚喜。麵底方面，侍應告知是檬粉。吸飽滿滿濃湯的檬粉滑過喉嚨，再配一塊腍中帶酥的炸豬皮，令口感變得有層次。大啖大啖吃的話差不多兩、三口檬粉己吃完！雖然牛肉份量足，吃完整碗還是沒有飽足感。本來船麵份量就是細細碗的⋯⋯芒果糯米飯$98用上泰國芒，果肉挺身又新鮮。糯米飯有一定的爽滑度，不會黏口。裹在椰漿的脆綠豆仁，增加口感。略嫌椰槳只是死甜，不是鹹中帶甜。而材料只用白糯米，沒混入硬實而Q彈的黑糯米，令整個甜品味道單一，層次感不足，而且偏甜。有期望有失望😞，坐近門口，燈光相對中間位置暗，入夜後更有點不是浪漫的黑暗感。坐在沒椅背的四腳凳，還得與其他食客搭枱排排坐，感覺既侷促又拘謹。有大排檔feel但不是付大排檔價錢！整頓飯就在「想快啲食完走人」的心態下完成。…Read More

米芝蓮推介泰國餐廳Samsen🤩|人氣長龍和牛船麵蟹肉奄列🤤|超高水準還原泰國街頭味道🥳|Samsen 泰麵「記不記得，你將證件與機票連著一份渴望，放入這背囊」，筆者終於久違地出走呼吸一下世界各地新鮮嘅空氣，今次就係快閃曼谷四日三夜，旅途樂而忘返，亦順道想推介一間香港個人認為最好食嘅泰式餐廳比大家，Samsen於灣仔及上環都有分店，上環泰館就主打泰北料理及更多甜品選擇，而今次介紹嘅灣仔分店泰麵主打濃湯和牛船麵。-小食薑黃酥炸魷魚 3.9/5⭐️炸豬頸肉配烤蕃茄辣醬 4.2/5⭐️泰式蟹肉奄列 4.4/5⭐️我地揀咗三款小食，炸魷魚金黃香脆，配上酸辣醬汁作為前菜非常開胃。而炸豬頸肉係以切條形式上菜，同我地平時食開嘅泰式燒豬頸肉切肉唔同，依度切條豬頸肉原條入口啖啖肉，口感滿足，配埋蕃茄辣醬更加惹味。而蟹肉奄列上枱已經非常飽滿，切開更加見到蟹肉之多，配合埋奄切一齊食，啖啖蟹肉，非常滿足，十分之推薦。-主菜招牌泰式和牛濃湯河 4.3/5⭐️招牌泰式蟹肉炒飯 4.5/5⭐️和牛湯河係肉眼可見嘅濃湯深色，但濃而不膩，飲落帶有泰式船麵嘅甜香，十分惹味，而澳洲和牛亦係大方厚切嘅份量，好重和牛味，但稍稍扣分亦因為和牛同濃湯亦係濃味搶口嘅味道，令到兩者味道過於突出，但又未能夠完全融和兩者特色。而蟹肉炒飯雖然賣相同普通炒飯分別不大，但其實內有乾坤，碟碟即炒嘅炒飯做到粒粒分別不在話下，非常之夠鑊氣，而且啖啖鮮甜蟹肉令到炒飯提昇另一個層次，非常推薦。-甜品芒果糯米飯 4.1/5⭐️泰式街頭椰子雪糕 4/5⭐️芒果糯米飯係香港亦已經非常普遍，差不多間間泰式餐廳都有，但係依度完美還原咗係泰國芒果糯米飯嘅味道，糯米飯軟糯煙韌，芒果鮮甜，椰汁咸甜比例適中，加上粒粒脆米嘅畫龍點晴，亦係必食推介，少少可惜係定價稍高。椰子雪糕賣相吸晴，用椰殼盛載兩球椰子雪糕再加上椰子片栗米及花生增加口感，為依餐濃郁嘅泰國風味畫上完美句號。(稍稍一提，上環分店更加有班蘭同泰式奶茶味雪糕供應，而且仲有即叫即煎嘅香蕉煎餅，我都係大力推薦!)-總結:依間餐廳亦都算係我飯堂之一，經常想食泰國菜就會想幫襯，不過要留意多數都未必能訂到位置，要排隊齊人入座，而且擺枱擠迫，要想舒適慢慢傾計嘅朋友可能未必啱，但係食物水準非常一流，仲有其他炒闊河粉嘅味道亦係香港數一數二之選，或者等我留待下次寫上環分店再作介紹。====Samsen 泰麵 (灣仔)📍灣仔石水渠街68號地下====#Samsen#泰麵 #WanChaifood #灣仔美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#泰國菜#米芝蓮推介====有興趣睇更多好西推介，或者大家有好西Share，請大家Follow下我，比D支持✨：@healoop.foodie…Read More

朋友食過帶我黎。胃口大開既佢點左勁多野，前菜、主菜、甜品同飲品，齊晒～🤣配菜：📌香炸半熟蛋配甜辣醬 （$78）皮可以脆啲，但醬汁幾惹味。炒粉麵飯：📌泰式炒闊河粉（$128）河粉可以硬返些炒少，但整體係好食。📌招牌泰式和牛炒飯（$158）炒飯夠乾身，又多牛，唔錯。甜品：📌芒果糯米飯（$88）📌班蘭椰子湯圓（$78）帶點咸味既椰汁絕對幫呢兩樣甜品加分。飲品：📌泰式凍奶茶（$48）❗️甜度固定，如果鍾意飲勁甜既你，可以一試。總結：好味，但貴左啲...…Read More

今次黎試試最近好火嘅泰麵店，一放工就搭車衝住過嚟，到嘅時候大概六點，見佢開住門咁以為入得，但原來佢係開六點半！本來都諗住去行下再返嚟，點知企左一下竟然見到有四個人嚟排隊，我哋即刻唔敢行開去排埋一份！條隊越排越長好痴線！終於夠鐘入得！環境好特別，睇得出佢大致有保留舊環境，做到保育。樓底高就擺設一些盆栽，有心思呀！餐牌就係這麼一張墊枱紙。我地本來先叫咗炸魚皮，一碗和牛濃湯河，一碗豬肉濃湯河，脆皮燒肉青木瓜沙律，但佢話無燒肉🤢咁唔要沙律囉。泰國炸魚皮👆🏻$22唔算貴，有別於平時食開個啲，比較腥少少，不過都唔差。跟住見到大部分人都係叫👇🏻豬皮😳我地都跟隊叫左碟！比起魚皮佢係好食啲既！👍🏻👍🏻必試！招牌泰式豬肉濃湯河👇🏻$128，係貴嘅！湯好濃，真係好濃郁，好好味！粉好食，分量正常，豬肉片係白灼咁🤢，無咩味，仲有少少鞋，肉丸更加無特別，咁如果佢賣咁貴應該係貴在碗湯。招牌泰式和牛濃湯河👇🏻$138，話哂係和牛，當然貴少少，湯底所有野一模一樣，只係豬肉變左和牛。牛肉正常唔差。最有驚喜係呢個芒果糯米飯👇🏻！$78，同泰國食個啲一樣嫁！！係香港我未搵到同食過好食好正宗既芒果糯米飯，但竟然呢度食得到！糯米飯好綿好綿，總之好好食！一定一定要食呢個！雖然係貴左啲碗粉，但為左佢個濃湯底，為左佢個炸豬皮，為左佢個芒果糯米飯，一定要黎試下！排左半個鐘都值得！…Read More