Mango Tree

前幾天，好朋友黎香港玩，塔完高鐵之後，我地去了西九龍高鐵站旁的圓方逛了一會。經過Mango Tree這家餐廳，給它高貴且有格調的裝潢風格吸引進去，望著落地玻璃窗外面的景色享受晚餐，絕對是約會和聚餐的好去處。我們叫了幾款招牌菜式，簡直震懾了我們的味蕾！🔸冬蔭功湯酸辣鮮美，一口下去，彷彿瞬間穿越到泰國街頭，熱帶風情撲面而來！🔸招牌泰北燒雞配糯米飯菜式非常驚艷，燒雞肉質鮮嫩多汁，配上糯米飯的口感非常有嚼勁，而且還有一種淡淡的甜味配料和調味非常恰到好處，讓我地能夠品嘗到地道的泰國風味！🔸海鮮鳳梨炒飯炒飯味道好鮮味，而且飯粒不會偏硬，海鮮數量好多，而且種類多，鳳梨的酸甜配上海鮮炒飯簡直一流！🔸泰式蝦餅蝦餅外層香脆，內裏彈牙多汁，配上特製的醬料，酸酸甜甜，口感豐富。🔸芒果糯米飯芒果又甜又大塊，配上軟糯的糯米飯加上旁邊的椰漿作點綴，十分香甜!🔸粟米椰子新地外表很精美，用了原個椰皇掏空後放入幼滑細膩的自家製椰子雪糕、椰子肉、花生及粟米，賣相別緻，口感豐富味道清新，每一口都散發椰子香氣，感覺置身於泰國😌…Read More

2023.5.25 星期四 3pm已經來過多次，這次都一早訂枱，所以有落地玻璃窗口位置，坐得很舒服。點了afternoon tea set，約五至七分鐘就上菜。••••••••••••••••••••| 尋味泰國下午茶 | $468 兩位- 鹹點 -冬陰功雞尾酒大蝦🌶️🦐大蝦爽口，浸著冬陰功汁，好輕微的酸辣味很開胃。軟殼蟹柚子沙律🦀🥗軟殼蟹夠大件香口，柚子沙律很甜很清爽。蘆筍蝦春卷🦐🫔春卷皮很軟，可能是一早預備了，放置時間長，只有頭尾位置有點脆口。餡料味道中規中矩。豬肉串燒伴糯米飯🔥🐖🍚豬肉串很香，汁醬惹味，不過糯米飯比較乾和硬。紫蘇葉辣炒豬肉碎撻🌶️🐖🥧辣炒豬肉很香口，撻底比較腍，但這個配搭不錯。泰式魚餅拌蒜蓉包🐟🌶️🥖魚餅加了酸辣醬，蒜蓉包正常，還保持了一點脆度。- 甜點 -芒果糯米飯🥭🥥🍚這個糯米飯比較軟糯，芒果和椰汁比例剛好，很香甜。椰汁西米糕🥥🍮椰汁味很香濃，西米分量配合得很好，是這次最好吃的甜品。班蘭椰汁千層糕🌿🥥🍰好香的椰汁班蘭味，口感Q彈，十分好吃。馬卡龍🥚🫓個人沒有特別喜歡馬卡龍，但是這個不錯，不會是死甜的。- 飲品 -Pandan Coconut Jelly🌿🥥🍵微暖，淡淡的班蘭香味，椰子味很淡，可以再濃味一點，有jelly感多了口感。服務費 10%••••••••••••••••••••很久以前試過下午茶，今次再試都覺得還可以，只是有餅皮或脆皮的鹹點可能放置時間長變腍了，如果再脆一點就會更好。每次來都各得環境很舒服，好適合聊天和慶祝😊…Read More

嗰日係Ritz-Cartlon staycation ，晚餐睇下圓方有乜好食，就揀咗泰國餐Mango Tree ，在openrice book定位，如坐到窗口位可對住維多利亞港🥰呢間有驚喜，全部野都好好食、高質、有水準。我自己唔鍾意食明爐蒸嘅魚，所以揀咗甜辣醬炸銀鰽魚，好脆口，甜辣醬味道啱啱好😋😋😋另特別推介炭燒豬頸肉、芒果糯米飯🍚、冬陰功湯。如果冬陰功湯辣多少少就Perfect😋這間是我暫時食過嘅泰國餐廳最好味嘅一間👍🏻👍🏻下次好想試吓佢個下午茶好似幾抵食🤔…Read More

食完即刻要寫食評！！🤣 聽過朋友講泰國菜黎講Mango Tree好食得黎又環境舒服，當然價錢都自然貴啲👀 一直未有機會去，諗住慶祝就試吓😬 可能係疫情嘅關係，撞正而家有海鮮二人套餐$598，有得買一送一🤩 但唔知做到幾時，所以快啲俾大家鍾意食泰國嘢嘅人知道，岩嘅快啲去😋 心入面諗套餐多數會夾啲冇咁好嘅配搭，但竟然出乎所料，每樣我都覺得好想試❤️辣椒膏原隻帶子，大大隻帶邊嘅帶子新鮮有彈性，配上嘅醬少少辣得幾惹味，啱重口味嘅我🤤原隻椰王雞燉翅🥥 清新嘅椰汁水加上雞嘅鮮甜味，加上魚翅，感覺高級咗又清甜好飲嘅湯😋黃咖喱炒龍蝦🦞 係我最期待嘅主食，咖喱香濃有椰香，龍蝦身夠彈口而且有超多膏！係超多！但男朋友嗰邊就冇😂 美中不足就係個蟹鉗嘅肉質唔夠彈牙，點番多啲汁都加番滿足感嘅😛青檸辣椒明爐蒸銀雪魚🐟 上菜時條魚啱啱好夠嫩滑，個底湯酸酸辣辣咁，即使唔點佢提供嘅酸辣醬都好夠味道，兩人食都幾大條👀砂鍋粉絲焗鮮鮑魚 面頭有三粒細細地嘅鮑魚，同我expect差唔多😆 口感柔韌有彈性，但本身冇乜味，加上粉絲就岩岩好😜芒果糯米飯 又甜又大嘅芒果，加上暖暖地嘅糯米飯，簡直係心目中最標準嘅配搭🥰 一個超好嘅endingPassion Fruit Mango Mojito同Mango Tango都幾靚又好飲😬 都有買一送一✌🏻環境舒服，但因為窗邊都係四人座位，兩個人預先要求都安排唔到坐窗邊，少少失望但都明白嘅😗 安排咗一個較近窗邊嘅位置，其實窗外冇乜特別嘅景，但因為再加上高樓底，呢到空間感非常好👍🏻 本身食泰國嘢一定會食生蝦、軟殼蟹嗰啲，今次冇呢啲菜都好滿意，有機會都再encore😊 有興趣可以去佢官網睇menu👀 我都係訂枱問問下先知，睇番係匯豐信用卡或者1957 & Co.會員都做到買一送一，加一跟原價…Read More

情迷泰國料理的為食妹，當然要同朋友一齊試吓芒果樹！入到去，雖然燈光好暗，但環境好舒服！一早經OpenRice訂定位，非常方便！餐廳職員好友善，仲安排到坐window seats!朋友非常滿意！而且經OpenRice 訂位，還有買一送一飲品！椰青，cocktail 都有買一送一！非常抵！主菜一定要嘗試咖喱麵包同埋大蝦炒金邊粉！呢2樣真心正！冬陰公湯就係食泰國必叫之一！炸蝦餅就正常囉！冇乜特別！最期待都係個甜品！芒果糯米飯！…Read More

很想試這間好耐，總有機會試吓環境感覺很好，可在訂枱時指明要窗邊位，可以望到中環景色；服務員親切有禮；食物質素高，份量也剛剛好，性價比高呢當日試咗出名的泰北燒雞，雞肉嫩滑入味，不用點醬汁已經好好味，還附帶香軟糯米飯；香蕉花沙律，比較少地方有，感覺清新特別；青咖哩大蝦，有點辣但十分野味，蝦的份量也十足十；甜品選了芒果糯米飯 椰子荔枝雪糕 泰式班籣千層糕，不太甜但味道十足，太好味大滿足下次可以試吓他們的泰式tea set, 好吸引呀…Read More

友人們常取笑我是個路痴，而Elements 就是我的死穴之一。最近在Elements走動多了，對這「迷宮」也沒那麼抗拒了。第一次來到Elements， 就是為了Mango Tree的泰式下午茶。水準之高使我對Mango Tree留下極佳印象，而這晚對Mango Tree同樣充滿期待。本身就是副線Mango Tree Cafe的粉絲，而Mango Tree則承襲了泰國總店的傳統，著重於地道食材、環境、服務，將總店的地道傳統呈現，消費門檻不可跟副線同日而語，但難得這晚為好友慶生而聚首，那就能一嚐過江龍Mango Tree的水準了。的穿過名店群之後， 路的盡頭便是Mango Tree的所在。位置隱祕，卻是Elements少有特高樓底的餐廳，窗前的西九龍夜色份外迷人。中央的木樹配上型格吊燈， 營造了「芒果樹」的意象，感覺是出自名設計師手筆。若然中午前來，Mango tree的藍天海景跟Ritz-Carlton的居高臨下是平分秋色， 到晚上華燈初上，動人夜色又帶一點浪漫感覺。都是性好嚐新之徒，除主餐牌外， 期間限定的東北美食就成為了這晚的主角。餐廳正在推廣泰國東北菜式－依善菜，依善是遠離城市的泰國山區，地理限制下令食材偏向平民化，但憑藉獨創手藝和樸實的風味，令山區泰菜一躍成為國人熱愛的美食。以前菜開展這場東北之旅，特色前菜衝擊眾人的味蕾。最愛酸芒果伴特色醬汁($88)，那稠如焦糖的醬汁，以魚露、椰糖、乾蔥、蝦米、辣椒煮成，而薄片青芒爽脆帶微微的酸澀，無論食材、味道都走偏鋒路線，未必是眾人皆愛的口味，但肯定是前所未見的配搭。以青芒蘸點醬汁同吃，那咸甜酸爽的滋味妙不可言，再矜持也忍不住多吃幾片。另一道粟米咸蛋木瓜沙律($98)是親和感十足的前菜，就是在木瓜沙律的基礎上加上咸蛋、粟米，輕輕一筆已有畫龍點晴之效。酸甜微辛的木瓜沙律，加上粟米的濃甜、咸蛋的咸香，提昇了傳統木瓜沙律的味覺層次，如果說前一道前菜是前衛邊鋒，那這一道便是人見人愛了。山區菜以糯米、肉類為主食，講求的是手藝和心思。傳統烤肉串配木瓜沙律及糯米飯($118)，烤肉串以梅頭肉加上椰糖、香料醃製，以傳統炭火燒烤的方法，烤肉串不配任何醬料，但吃起來香料交織着肉香，加上梅頭肉表層香脆肉質稔軟，跟傳統泰式串燒是別樣風味。隨肉串伴吃的糯米飯口感煙靱，好此道者不要錯過。酸辣牛雜湯($128)屬泰國農家菜，當中有牛腩、牛筋、牛肚和牛柏葉，牛雜沒有一點羶味，吃着倒不錯，反而更喜歡那鮮甜酸辣的湯汁，滿滿是牛香和香料的氣息。蕉葉海鮮卷($158)看着有點眼熟，在新加坡吃過名叫烏咑(OATH)的跟這海鮮卷十分相似，不過這海鮮卷混入了雞蛋、椰奶、紅咖哩、海鮮，口感比烏咑更為豐富一點。海鮮卷裹着不少蝦粒、魷魚、蟹肉和帶子，軟綿綿的帶蕉葉的香氣，風味十足。招牌泰式燒雞($198/半隻)是吃泰菜必點菜式，炭火燒雞帶炭火的香氣，雞皮未算脆口但雞肉挺嫩，這烤雞同樣有甜甜的蜜糖香，似乎東北菜味都是以甜調為主。因為依善人慣以糯米作主食，這烤雞也是配糯米飯的，燒雞配一口糯米飯，再佐以泰式烤雞醬汁，同樣滋味。黃咖哩河蝦炒麵($138)，大頭蝦鮮甜而多膏，配上黃咖哩香甜不辣，汁醬份量之多很能掛麵，再加上油麵份量不少，就價位而言十分抵食。適逢友人生日，以芒果糯米飯($98)來代替生日蛋糕，免切餅費又夠別開生面。軟綿的糯米飯配新鮮芒果，永遠是不敗的組合。泰式自製雪糕($68)是Mango Tree必食之選，每家分店都有其獨家口味，Elements店有芒果、椰子及荔枝口味，選了芒果口味雪糕，果味十分香甜。是夜的泰國東北地道美食之旅，把思緒帶到泰國山區的旅遊回憶當中，那段漫遊古廟市集、學習泰北菜式、走訪地道市場的旅程，沒有曼谷的繁華，那份樸實卻叫人難忘，而依善菜有山區簡樸自然的特色，但當中的酸、辣、鹹、香，卻比傳統泰菜更有層次，這夜對泰國菜系又多了一份認知。泰國是港人熱門的旅遊地區，但精彩的不止於城市、小島，少有踏足的泰國東北地區，可會是你的旅程的下一站？…Read More

當初為左慶祝朋友生日而揾到mango tree呢間餐廳，可以望住維港食飯，又可以食到最愛嘅海鮮龍蝦。可惜，最終無選擇到嘅原因係因為食物偏貴同地點與當天行程唔太配合，最終無去到。今次有機會捉住米飯班主爸爸，當然點都要去食啦😆好好彩店員俾左窗邊位我地，可以望住海景食飯，未食就己經先加分。我地叫左泰式辣汁鮑魚做前菜。其肉質煙韌有咬口，泰式辣汁亦非常惹味。唯本身唔太食得辣，食1隻鮑魚飲左3杯水。唔食得辣又想叫嘅要有心理準備呀。另外，食泰國野一定要叫冬蔭公，就知道菜國野食正唔正宗。佢嘅冬蔭公份量夠2-4人飲用。mango tree嘅冬蔭公就我認為唔太正宗，佢需要有辣香，卻十分之少南薑香茅等香料嘅味道，不過佢入面嘅公亦即指蝦就大隻多肉鮮甜，為佢加返少少分啦。沙律方面，爸爸發板叫左小墨魚脆海鮮沙律，個人認為味道普通，脆海鮮係脆魚肚同魚仔乾，唔算太推薦。最後主菜我地叫左黃咖哩龍蝦，份量適中，一碟有2隻龍蝦，黃咖哩味道偏甜，不會太辣，幾易入口，龍蝦肉亦新鮮爽嫩，好味。至於飲品方面，我叫左lychee smash 味道清新，除左荔枝味亦有青檸汁，再加入薄荷葉同梳打整成，有泰式風味。而爸爸叫左mango tango,係橙汁mix 芒果汁，味道香但唔會太甜，都唔錯。最後就叫左芒果糯米飯作結尾，原本見幾多人推薦就叫左，但係個人覺得一般，同其他泰國餐廳比差唔多，芒果甜但無咩芒果味。不過整體而言係幾愉快嘅用餐經驗。…Read More

今日一行六人黎到圓方食泰國菜。位置上mango tree係ICC下面被名店圍繞，唔算好搵～但換黎感覺清靜，格調幽雅。由於有朋友遲到，服務員提議先上頭盤同沙津～ 其中一個係燒豬頸肉，呢到豬頸肉比平時食既冇咁油膩～ 肉質偏向軟滑型，比較適合而家追求健康既港人口味！之後係青芒果軟殼蟹沙津，其實相片都見到係軟殼蟹多過沙津既～ 佢既炸物唔油膩係佢既最大優點，入面蟹肉豐富～ 燒石班魚比人感覺完全唔似燒式燒肉，入面魚肉軟滑，有種好似食緊蒸魚既感覺，點呢味餸時服務員話要等40分鐘，的確係有佢既價值椰汁雞湯重點係多雞肉，但缺點得一種size一個湯只夠兩碗，同埋椰汁味唔夠突出都係佢既不足蝦膏炒飯最怕係太過重味太難入口，呢到調味好好，食得多都冇口乾既感覺，旁邊好似臘肉一樣既肉味道好甜，提升左整個炒飯既風味咖哩農夫包同出面既農夫包分別係佢嗎係好乾脆既表面，但反而更加同咖哩汁同蟹肉配合，吸收好多咖哩既味道，如果咖哩更濃味同辣會更好椰菜苗冇咩特別，反而呢道菜佢做得有啲油燒雞好似以前係超市買既燒雞，出面醬汁甜甜，都係行清雅味道路線最後芒果糯米飯係泰國野既必點甜品，糯米係熱同好煙韌，芒果好食～總結，位置係圓方同名店之中，價錢算係高檔路線，味道上清新既感覺係其他泰國菜館難搵到既，但今日係服務上有少插曲，店員係送飲品既時候唔清楚送上既係咩飲品同問我地有冇叫到呢杯飲品，我認為係呢個收費等級上，店員要有自己既專業，希望佢之後會有進步啦💪🏻…Read More

一向不怎樣吃得辣的我，在朋友及老婆的鼓勵下，最近不時接受新嚐試，今晚挑戰泰菜，地點選在大家一致讚好的圓方 Mango Tree。現在經OpenRice 網上訂位，並於星期一至四惠顧，便可享精選菜式7折優惠。*優惠期至5月31日(節日除外)*由現在起至五月底，凡惠顧特選法國餐酒乙瓶，即可免費享用特色前菜，諸如粟米蟹肉脆餅、清邁特色煎香腸、鮮鮑魚配泰式辣汁及傳統烤肉串配木瓜沙律糯米飯。店子的樓底非常高，中間金燦燦的巨柱像極了參天大樹；而一個個發亮的燈泡猶如螢火點點，甚有氣氛。藏酒很豐的「酒牆」。打底功夫要做足，先叫杯「青檸梳打」防憂解辣也。鮮鮑魚配泰式辣汁～肉質爽而鮮，泰式辣汁的勁度將鮑魚的鮮味進一步提昇，於我來說是辣味中的新體驗。粟米蟹肉脆餅～外層微微焦香，咬下去的粟米煙煙韌韌，口感香脆；看似平平無奇，原來暗藏玄機，中間加入了少量紅辣椒及青咖哩醬，後勁絕對不可少窺，反而蘸點甜辣醬可作適度調和呢。傳統烤肉串配木瓜沙律及糯米飯～外層烤得焦香的肉串質感軟淋而不乾澀，面層微辣的醬汁更是惹味；和著軟糯煙韌的糯米飯同吃，真正合我意！冬蔭功～外表確實氣勢逼人，幸好酸辣比例是前者領先，加了大量香茅及南薑，香氣四溢！大頭蝦爽口彈牙，和冬蔭功湯真是絕配。冬蔭清湯大蜆～反倒是這道看似平易近人的湯水其實辣度更高，但湯底有大蜆的鮮味及椰青水的清甜，辣又辣得幾過癮喎。招牌泰北燒雞～皮脆肉嫩，更帶有炭火香；不用多講，吃吧！泰北香茅炸原條筍殼魚～筍殼魚的最佳演繹方式，炸得香脆肉嫩，起肉後吃得更為瀟灑，眾人也吃得不亦樂乎！辣椒膏炒小八爪魚～爽口彈牙的八爪魚份量也真不少，但其實也頗飽肚，怕頂胃，只意思意思吃了少許。黃咖哩河蝦炒麵～粗身的麵條索盡了黃咖哩的濃香滋味，非常精彩，令大家吃不停口；對不起，河蝦在此已成配角。唯一要挑剔的便是麵質稍淋，不然定會更加出色。咖哩蟹肉農夫包～已打算張開另一個胃的瞬間，居然聽到友人提議另點一個農夫包，仗著人多每人只是吃一口，也就無可無不可啦！包的外層非常鬆脆，蟹肉鮮甜，加上香口的咖哩，好吃便沒什麼難度。芒果糯米飯～終於到甜品時間！這個最具泰國特色之一的甜品要香有芒果的清甜鮮香，再來是混了香濃椰漿的微溫香軟糯米，甜而不膩，成為衆人大愛。泰式斑蘭千層糕～層層疊的口感軟中帶韌、濃厚的椰香加上斑蘭葉獨有的芬芳，是另一討喜的甜點。椰子雪糕～友人極力推薦的自家製雪糕，椰子味濃，一球真是有點意猶未盡。又多了一家具水準的食肆，以後睇戲可多個好選擇了！…Read More

星期五加班晚了，剛好朋友也未收工，居然即興約了個飯局，還特意開車到了九龍站圓方，這麼高級的地方作為Happy Friday的場地當然最好不過！十多分鐘車程就從公司到達圓方，經過深思熟慮，終於決定了去吃泰國菜Mango Tree。上一次吃Mango Tree已經是十年前在曼谷吃，當時它還未有打入香港市場，換句話說這次是第一次在香港吃到Mango Tree了。猶記得曼谷本店裝修非常高級，走Fine Dining路線，但價格相對便宜，可說是性價比頗高的一間食肆。來到香港，不知又是什麼境況呢？雖是walk-in客，但今天居然不用等位，侍應很快便安排我們入座。我們也二話不說，把食物都點好了。先來一份前菜醒醒胃，我們點的是芒果軟殼蟹米紙卷。芒果香甜，軟殼蟹炸得鬆脆，配合米紙及生菜一併放入口，胃口全開。接下來是泰式飛天通菜，通菜炒得剛剛好，外表仍能保持翠綠，非常爽口，味道鹹中帶微辣。一碟六串的沙嗲串應該是豬、牛、雞各兩串的，但吃下去才發現多了一串雞少了一串豬。我吃的是一雞一豬的組合，兩者都燒得非常惹味，而且鎖住了肉汁，沾上沙嗲汁後更加是吃不停口。大蝦炒金邊粉，單是上枱時的賣相已經是誠意十足，炒蛋織成一塊薄網包裹著炒金邊粉，盡顯廚師的手藝。把炒蛋切開便看見熱騰騰的炒金邊粉，一口吃下，酸酸甜甜的，大快朵頤。大蝦也處理得很好，爽口鮮甜。甜品是我最愛的芒果糯米飯，芒果鮮甜，糯米飯微暖，配合椰汁的清甜，為今晚的豐盛晚餐劃上完美的句號。第一次品嘗香港開設的Mango Tree，味道仍然保持泰國本店的水準，而且價錢亦像本店一樣相宜，值得再次幫襯。…Read More

放工聚會gathering 順便慶祝生日，之前行過見到入面好似幾有氣氛，特登book 定海景位！。鮮蝦柚子沙律。柚子幾甜，幾fresh~。黃咖哩雞。我地叫多左個麵包配咖哩，個包好鬆脆！咖喱就無咩特別啦～。馬拉盞炒菜苗。原本以為係椰菜仔菜苗，唔知而一款係咩菜苗呢？。芒果蟹肉炒飯。蟹肉唔算多，不過味道唔錯！芒果好甜，同個炒飯好夾啊！。燒豬頸肉。好味，唔點汁既話，有d似叉燒。鍾意佢切得薄同均勻。芒果芝士蛋糕。個人覺得無咩特別。。芒果糯米飯。個樣present 得幾好睇。 要再講一次，d 芒果好甜！好味！…Read More

一行16人的家庭聚會已經第3次黎，覺得好好食所以帶晒屋企人黎當日以下每款食物點2份，個人超級推薦麵包咖啡蟹同芒果沙冰。是每次必點的麵包咖哩蟹不算辣，蟹肉好多好多適合只叫一碗撈黎食，剩下既咖哩汁就留返比個麵包點黎食芒果沙冰完全係用新鮮芒果窄出黎，無敵鮮甜每次好飽都會飲埋佢。太好味啦另外仲有燒豬頸肉同蝦餅都好食。又係無影相記住要提早訂枱啊！次次黎都好full…Read More

店舖裝修格局一流服務又好，果然一分錢一分貨，食材用料新鮮正所謂蝦有蝦味牛有牛味，好耐都冇食過炒牛河清晒碟，炒得夠鑊氣牛肉林有牛味河粉新鮮軟滑，菠蘿炒飯周街都有得食但用心炒冇邊幾間，飯炒得粒粒分明乾身，海鮮又多又新鮮，睇落分量好小但食極都唔完，可惜個菜太老又硬又多渣…Read More

友人請食生日飯，帶我去貴價商場Elements威!! 第一次食mango tree, 因為唔多中意佢個tea set, 所以散叫左幾樣餸share食。本以為泰國菜都係食個d野，點知有驚喜，食物比想像中好食好好好多!!!!應該係醬汁比其他餐廳唔同，食落好開胃，吸引住我一啖接一啖咁食落去!!!平時個啲可能得一塊薄薄嘅肉片，呢度嘅牛肉串燒係牛肉粒，好厚肉，沾上沙爹醬，好惹味。豬肉同雞肉都好味，不過最出色嘅都係牛肉好難想像點解呢碗咖喱會好味到友人當係湯咁飲黃咖喱唔太辣，仲帶有少少甜味，望落唔係太多油，配上白飯黎食，說不出嘅『正』！！(重點係啲咖喱汁，啲肉反而唔太重要)甜品黎啦，糯米飯應該都加左唔少糖，因為一入口已經感動到甜同超好味!!!! 友人加埋啲椰汁上面，連椰汁都充滿驚喜!! 整體來說真係好有驚喜，非一般嘅泰國菜!…Read More