Cheung Chau Bing Sutt

長洲除咗掃街之外，更唔少必試甜品！🍨小店「長洲冰室」走簡約文青風，主打手工三色圓、更有不同甜點配搭，包括刨冰、仙草、奶凍，另外更有中式糖水同日式蕨餅等😍💗泰奶剉冰 ($70)泰奶綿綿冰味道超濃郁，奶茶香超突出！🧋重點當然係三色圓，分別有地瓜圓、芋圓、紫薯圓，煙煙韌韌非常有口感，面層再鋪上紅豆、雲呢拿雪糕，非常足料🍧💗芒果剉冰 ($70)芒果綿綿冰面層鋪上三色圓、新鮮芒果粒、芒果雪糕，每一啖都充滿香甜芒果味，非常清爽呀！🥭💗椰皇芋泥三色圓燉奶 ($66)滑溜溜燉奶加入新鮮椰皇水，奶香濃郁，帶陣陣椰香🥥自家製芋泥偏漿狀，芋味濃郁香甜，再配上三色芋圓🍠💗芒果糯米飯 ($50)暖笠笠嘅原味糯米飯同斑斕糯米飯軟糯煙韌，淋上濃郁香甜嘅椰漿，再加上米通脆脆增加口感🍚大大個完整芒果香甜又多汁🥭💗雪糕多芒雙圓仙草 ($44)仙草爽口滑溜，配上芒汁椰汁、新鮮芒果粒、芒果雪糕三色圓、小丸子，超滿足呀！🥭…Read More

🍽 芒果三色圓冰💰$68🌟8.5/10➰雖然以呢個size嚟講覺得偏貴🤏🏻但食落都有驚喜因為佢個芒果冰嘅冰底係超濃芒果味好似食緊芒果汁咁🤤反而係個芋圓有少少失望冇乜味又唔算煙韌不過夏天食冰真係好似飛咗上天咁爽🤪🍽 芒果糯米飯💰$45🌟9/10➰有驚喜 推介！！！勁多椰汁 勁濃郁🤤🤤芒果🥭又好甜糯米飯粒粒分明得嚟又好煙韌！正😆整體所有配料都好match每一啖都好滿足必食啊！————————————————🏋🏻‍♀️🗣呢一餐就真係……Cheat Meal la🤣No comment-抵食指數：🌕🌕🌕🌑🌑食物：🌕🌕🌕🌕🌑環境：🌕🌕🌕🌑🌑邪惡指數：🌕🌕🌕🌑🌑-📍長洲北社海旁19C號地下-💰人均消費：$50-$100…Read More

限定每人要叫一個甜品或者飲品本身只係想來食芋圓既然係咁就叫多個芒果糯米飯🙈芋圓同埋芒果糯米飯都係細細兜掃完街食 都唔怕會好飽😝芒果糯米飯有一個芒果仔嘅肉芒果唔算好甜有綠色同白色嘅糯米飯綠色嘅糯米飯比較重味啲😋😋好似泰國綠色懷舊椰子軟糖浸味😂椰汁唔會太甜太漏整體來講好好食👍🏻反而桂花糖三色圓仙草有少少失望桂花糖唔會好甜 都食到桂花味仙草都好Fresh 但係就係三色圓差啲口感係唔錯 👍🏻但係3隻圓都食唔到應有嘅味番薯圓唔重番薯味芋圓冇乜芋頭味紫薯圓都冇紫薯味可能我對三色圓嘅期望太大了😟😟😟…Read More

又趁平日休假去左長洲行下掃下街~但發現原來都一樣咁多人!黎長洲前都順便搵過下有咩必食既餐廳, 長洲冰室就係其中一間喇!貴為某幾間出名既長洲甜品店之一, 我地對長洲冰室都不乏期望!可能係平日關係, 唔洗排隊就可以入座, 幾好。為左令個胃有多d 空間, 我地冇嗌到佢最出名既三色圓冰, 唔知係咪咁, 所以覺得冇其他人講既咁值得食.....我揀左桂花糖三色圓黑白配（三色芋圓+豆花+仙草）, 幾清甜, 整體味道就一般般。朋友點左芒果糯米飯，椰香味唔夠濃郁...白色椰香糯米飯同綠色斑蘭糯米飯個味道偏近... 本身仲期待緊有兩款口味配搭而且芒果又唔太甜.......睇黎下次都要食返大部份人都推介既選擇先得!…Read More

長洲近年來都開了不少新派的小店，美食絕對不只大魚蛋和紅豆餅，今次到來目標就是試這間甜品店。最主要吸引我的是這裡有很多芋圓的甜品，另外我還點了芒果糯米飯和心太軟。首先要試我專程來吃的芋圓，我們點了多芒三色圓仙草，三色分別為紫薯、地瓜和芋頭，每種都吃得出原味，其中地瓜的香味最出，而芋頭更有顆粒口感，丸子煙靭有咬口，感受到餐廳的用心製作，配上香甜的芒果、香滑的花奶和仙草吃，味道的層次更豐富。芒果糯米飯的有糯米飯有兩款口味，分別為椰汁原味和斑蘭味，個人對斑蘭味感到十分有驚喜，比較上香甜和帶有斑蘭清香，配上又大又甜的新鮮芒果和脆米吃，口感一流。心太軟配雪糕其實就沒有太大分別，不過吃到軟心熱辣辣的朱古力加上雪糕吃就感到十分幸福，是我十分愛的甜品。我覺得這家店的芋圓甜品的確出色，吃得出用心機做每種丸子，用的食材亦有份量和質素，很有誠意，下次再想吃芋圓絕對想回頭光顧這間店。…Read More

連續幾日放假，就去咗長洲玩啦，當然食咗長洲魚蛋啊墨魚丸呀，炸薯圈呀，咁但係我就第一次嚟呢間甜品店食嘅。咁聽朋友講呢其實呢間舖頭係要排好耐隊嘅平時，但係我哋去嘅時間呢就揀咗係朝頭早，所以呢就唔使等位，但係呢都每張枱都有人㗎喇佢。我哋首先叫咗抹茶紅豆三色圓冰。冰咁佢嘅芋圓呢都幾有咬口，係我鍾意食嘅。另外呢我哋去嘅時候佢就話未有呢個芒果糯米飯，因為啲貨仲未到啊！跟住我哋就見到啲貨呢新鮮運到之後呢，就我哋就有呢個芒果糯米飯食呀開心！糯米飯嘅質感啱啱好，唔會太黏或者太乾。芒果呢都算甜唔酸。值得推介！…Read More

一早Bookmark左好耐既網紅甜品「長洲冰室」終於一試😍😍📍位置很好找，出左碼頭左轉沿海旁路行大概5分鐘到就見到小店指示牌。小店裝修很清新優雅，感覺比長洲一般食市較大，坐位都幾多下，但又唔會感到好迫，重點係「超強冷氣」朋友們表示比冷氣包圍超爽，值門票價！❤️❤️❤️❤️❤️❤️雖則近日示威影響，但小店人流倒是不錯！幸好，朋友們同我等了一會便有位置！特別一提，小店設有最低消費一人一份。明既，香港地租貴人工貴，個個位都係成本，反正都是那30-40蚊，我地點都支持小店生存既！💪🏻💪🏻💪🏻如果你係芒果愛好者🍋，「長洲冰室」實在非常適合你！Menu 一打開近8成都係芒果既甜品，難怪見到小店內有10幾廿箱呂宋芒，種類多到好難揀，有剉冰、豆花、仙草、奶凍、糖水、更特別既係有""飯"" 係我最鍾意食既「芒果糯米飯」！😍😍😍😍◤芒果糯米飯◢   好味指數：9/10😍😍😍可能係香港最好食既芒果糯米飯！芒果去心後係一整個芒果放上碟，芒果非常香甜，小店仲好特別有原咪椰汁味同斑斕味，飯既口感軟熟，配上特製既椰汁，味道非常濃郁格外香甜 (唔夠椰汁仲可以問店員取)，重點係有我地最愛既脆脆！要食就要早，我地眼見每台都有一叫，好快賣曬！！◤芒果三色圓冰◢   好味指數：8.5/10😍😍😍不用多說，芒果控既你一定要一試，因為芒果肉多到爆！三色圓味道分明，好有口感又不粘牙，冰底是用芒果汁整成，而唔似出面個D甜品店淋芒果汁，甜度好適中，絕無死甜感覺。◤芒果雙圓椰皇燉奶◢  好味指數：8.5/10😍😍味道好特別😍非常好吃！椰皇燉奶好香，唔會過甜，配上爆多芒果肉，加食埋最愛既芋圓同小丸子，簡直絕配👍🏻👍🏻👏🏻 一次過滿足我四個慾望😋😋📋終結：「長洲冰室」如果一經試過，必然會回頭一食再食😍😋 性價比高、環境舒適、選擇非常之多！下次再試😋😋…Read More

一星期前的星期天，和男朋友睡到中午十二時才起床，事先近並沒有想到那天的下午應該去哪兒、有什麼活動，竟然被我想到即興去好久沒去的長洲走一走。回想也覺得瘋狂，這個年紀就是任性。由中環坐快速船都長洲，只需半小時的時間，比我到灣仔上班還要快😨來長洲之前，已想到近半年有名的「長洲冰室」，開始的時候也害怕會不會找不到該冰室，但原來位置很明顯，因為長洲地方很小，基本上在大街附近，不難發現。冰室原來有分室外和室內，當天沒有下雨，而且室外也有簷蓬，是另一種感覺，靜靜的，很是悠閒。室內和室內是打通的，沒有玻璃隔著，給人的感覺更寬敞和自在呢。長洲冰室主打甜品，有心太軟、芋圓、蕨餅等種類，就這樣看，似乎是同時混合了港式、西式和日式甜品的元素。在openrice看見有很多人推介芒果糯米飯，而且餐牌上又顯示這款是期間限定的，怎麼能不試呢？芒果兩件也很大，清甜，不會因為未到夏天而不「當糙」。白色就是傳統味道的糯米飯，黏黏的，有很重的椰汁味，綠色的則是班蘭味的糯米飯，大概是這間冰室自創的，連同表面的脆米一起吃，真的很適合，多希望它不是期間限定的，好讓大家日後來到長洲也有機會嚐嚐嘛。原本自己覺得芋圓配芒果並不會太適合，但男朋友想試，那就試試吧。頂部是大大的芒果雪糕球，芒果雪糕並不像雪糕，應該是雪葩，香甜可口，質感細滑旁邊還有很多芒果粒同樣清甜，炎炎夏日吃最適合。雙圓即是芋圓和蕃薯圓，兩者的味道也很明顯，質感也煙韌。美中不足的是芒果西米露跟芋圓不搭配，有機會再來的話，還是選擇芋圓和其他食材配搭的較好。…Read More

無泥一排長洲，估唔到新開左好多文青小店，有咖啡，有cafe，有crepes.....仲有哩間好多人打卡既甜品鋪【長洲冰室】。哩到環境裝修都好靚😍， 門同窗框都用海水藍色，配以白色牆身的設計，感覺好似去左第二度旅行咁，店內仲播著好relax既歌，空間感好大，係香港真係好難搵到咁寬落既甜品鋪，同朋友都girl talks左兩個幾鐘先走。小店有最低消費必須每人叫1碗，而且甜品款式都好多選擇，最後我地叫左唔同款式試。老闆介紹我地食哩到人氣既「芒果糯米飯」，仲要講 “唔好食，唔收錢” 😆😆芒果糯米飯 $38我地本身都好鐘意去泰國，每次都必食芒果糯米飯！但估唔到香港甜品鋪會有，個味道仲好有驚喜！😍 首先飯既份量以甜品泥講算OK，有椰汁及班蘭兩味糯米飯，口感岩岩好唔會淋又煙UN，芒果又大又甜，要一讚既係糯米飯上加左脆脆，真心加分位😍😍😍😍 識食一定落脆脆，去唔到泰國又想止下口癮就黎呢到啦！***不過留意，哩到個飯係每日限量供應，我地傍晚回頭想買外賣走，點知售罄Lu 😭😭😭***抺茶蕨餅 $30哩個價錢份量算係咁，有大6件，口感食落又滑又煙靭，最吸引係個抺茶粉，又香又濃，點埋黑糖食真係好正，compare某D賣成80幾90蚊一碟出名日本既蕨餅泥講，真心覺得哩到性價比好高！😍招牌綜合三色圓 $28起初見到以為好細碗，食落又幾足料，入面有三種口味既芋圓，紅豆，西米，薏米，仙草，三色圓好彈牙食得出三隻味，糖水唔會太甜，仙草好嫩滑清新，紅豆煮得好綿，味道層次分明。正！！下次再入長洲，絕對可以再encore😋😋😋…Read More

好多年無入過長洲，一念起長洲都係「大魚蛋，芒果糯米糍 」，講真食到有D悶。前排一直見到好多人介紹長洲開了好多新店，我地專登避開聖誕假期遊長洲。結果，小島都係人流處處。今次，決定同朋友們一試bookmark左好耐既文青小店【長洲冰室】。估唔到，平日27號入去竟然都係爆滿😱！店員一見到我地一大班人，好快手幫我地係店入面搬位比我地坐。 店內設有最低消費，我地決定點唔同既甜品試。① 芒果糯米飯必食：✭✭✭✭✭味道有泰國既level，芒果份量多，係一整個芒果開兩邊切好，又夠新鮮好甜！飯分為原味和綠色班蘭味，糯米飯好煙un，重點係佢地係飯上加脆脆！！！！配埋個椰汁，芒果同飯更加香甜，帶出唔同層次的甜，食落更有不同的口感。店員仲提醒如果食到尾時覺得唔夠椰汁，可以再加添！暫時係香港泥講，我覺得好有水準既【芒果糯米飯】！！朋友食完仲外賣兩盒帶返香港比屋企人分享。② 招牌綜合三色圓必食：✭✭✭✭呢度既招牌係芋圓，梗係要叫返碗！起初睇個甜品比我想像中有d細碗，但料係好足嘅！有仙草、蜜紅豆、薏米、西米、三色圓、黑糖水底。我覺得做得幾出色，三色圓軟硬適中，而且食落去會分得出三隻味😆唔會覺得咬緊無味粉團，仙草好嫩滑，食得出有回甘味道👍店員仲細心講解，「熱」仙草不會太熱，因為個仙草太熱會溶曬，所以建議暖暖地咁食最好。③ 桂花酒釀三色圓必食：✭✭✭✭一向都好怕食上海個種酒釀小丸子，因為通常酒味太重又酸過頭，重點係個糖水口感好”杰”😑 但哩到個桂花酒釀三色圓比我想像中好，口感清新又唔杰，食到桂花清香味，唔會比酒釀搶到個味，配埋芋圓食好合！終於對哩味甜品改觀！哩到仲有得買佢地個「自家製桂花糖 」！④ 芒果三色圓剉冰 必食：✭✭✭✭✭哩個冰好有份量，配料除了基本鮮芒果肉、芒果汁、煉奶，仲有地瓜圓、芋圓、紫薯圓，哩個冰咁既價錢根本無得輸，我估夏天食仲正透心涼！ 😋⑤ 泰式奶茶三色圓剉冰必食：✭✭✭✭✭未食都知泰式奶茶係偏甜，佢哩個冰做到岩岩好，個冰底真係泰式奶茶整，而唔係好hea咁淋D醬上去，唔會太甜好香奶茶味。朋友們大愛，仲搶住食，食到底雖然有D溶，但當埋奶茶飲一流！ 絕對有質素👍🏻⑥ 椰香芋泥三色圓仙草必食：✭✭✭✭本身我對芋頭芋泥無咩特別喜好。但哩個「芋泥」真係不得了，好香又重芋頭味，甜度適中，配埋嫩滑仙草好有回甘味，整體泥講芋泥＋仙草＋椰汁＋芋圓係一絕配！⑦ 椰皇湯圓三色圓燉奶必食：✭✭✭✭✭哩個絕對要用「出色」泥代表佢😍！椰皇入面有好香滑既燉奶，係好香滑，好好好香滑！（因為好好食，所以重點要講三次！😍），配上一個好香椰汁味既糖水底，入面仲有三色圓同湯圓，成件事好豐富，每樣都好配合！不過建議同人share 住食，因為一個人食會好「濟」。⑧ 雪糕抹茶紅豆奶凍必食：✭✭✭✭奶凍唔會好甜，好濃既奶味，口感好滑！奶凍配起個抹茶好合，個紅豆煮得好有口感，絕對唔係hea! 下次可以試埋另一個芒果味，我估奶凍配芒果一定會好正！ 整體泥講，可惜佢唔係開係市區，如果唔係真係成日去食。同一大班朋友去，雖然平日客人都好爆滿，但環境坐位都好寬落，小店仲有好多懷舊裝飾擺設，裝修好文青柔和，絕對好呃like！…Read More

下雨天的長洲第一次落雨都照入長洲唔知會唔會小人D呢😅行黎行去想搵新野食...見到有介紹新餐廳仲要係我最愛既甜品，當然要去試下啦！「長洲冰室」有最低消費...每人要叫一樣甜品！嘩！個奶茶勁甜...唔知係咪泰式係敢甜定咩呢...總之太甜飲左一啖我就放低左喇😅芋圓OK喎...糖水極普通芒果糯米飯😍意外驚喜...好味呀，芒果甜糯米煮得啱啱好，仲有糯米上面嗰啲脆脆咁樣配搭埋口感好好👍🏻如果糯米飯係熱嘅會仲好，仲有如果椰汁唔夠可以再叫佢另外再加tim👍🏻…Read More

31/03/2018前一日路經呢間已經想食，因為門面裝修好吸引但太飽所以留今日食，一早已經諗好要食佢個芒果糯米飯做早餐，說實話，我第一次食咋，好期待！早到咗，睇住佢開門，已經同時有三pair人即刻衝入去了心諗咁曬咁熱邊個會坐出面呀。但估唔到我落完order,已經滿座了，勁！好多款野食，好彩一心諗住食芒果糯米飯，如果唔係有排選。「芒果糯米飯」好多椰汁！職員仲話唔夠汁可以繼續添！不過我覺得好夠了，再加會變椰汁湯飯XD芒果好甜好正！綠色𠴱啲係班蘭味糯米飯，好特別。男朋友嗌咗碗「紫米露豆腐花」，豆腐花少咗啲，但個紫糯米好好食！食到好飽，佢仲有好多款甜品仲未有機會試，下次再試！題外話，職員服務好好，但因呢度係自己買飛再自己搵位坐，所以基本上職員唔知邊張枱嗌咗啲乜，成日大嗌餐no.拎住碗糖水周圍搵人，有啲亂。…Read More

自問自從去完泰國食過正宗既芒果糯米飯之後，係香港真係搵唔到一間可以滿足到我，甚至乎連可以止下心癮既質素都無！！難得入到長洲又見到依間<長洲冰室>門口有poster推介<芒果糯米飯>，本住再接再厲既心態就決定一試$38既芒果糯米飯份量不算多，但以甜品來説份量是合理的。芒果香甜軟滑，而且有厚切兩大片，好滿意！綠色既斑蘭糯米飯略嫌斑蘭味不足，較淡身，稍稍比白色的純椰汁糯米飯多小小味。但整體夠棉糯，口感煙韌，甜道亦適中，加上面頭的脆脆米一起吃，口感很好！！絕對正評，可惜要山長水遠入長洲先食到…Read More