Sweet Basil Thai Cuisine

👍🏽：餐廳食物質素同味道屬於中上新鮮，足料，份量算多食物比較淡口，唔會太鹹太甜食完好耐都唔覺口渴，感覺無乜落味精食物賣相唔錯，出菜速度快餐廳環境幾有氣氛- - - - - - - - - - - 👎🏽：但餐廳待應大多係泰國人唔知係聽唔明度東話 定太多人出面等位感覺待應嘅態度麻麻地經理都好似比壓力吹你埋單咁同埋餐廳有限時 入座起計80分鐘真係揀得耐小小/叫得多野食啲/食慢小小都會唔夠時間食- - - - - - - - - - -整體來講😃可以試食，不過無太大驚喜同外面泰國菜比的話 算出色一點燒豬頸肉&菠蘿炒飯相對出色✨👍🏽…Read More

近排經常到海港城shopping和食飯， 用coupon真係幾抵😍， 星期六行完街買完戰利品就立即到金不換泰國餐廳， 實在太多人排隊了， 等了一段時間終於可以入座👏🏻。 晚餐有肉碎生菜包$178、 蛋網海鮮炒金邊粉$188、 青胡椒炒蜆$128、 芒果糯米飯$78、 泰式凍奶茶$55。📌肉碎生菜包🥙～ 生菜好新鮮， 脆口好味， 肉碎辣辣地，好惹味。📌蛋網海鮮炒金邊粉🍝～ 好鍾意吃這裏的金邊粉， 酸甜甜炒得乾身。📌青胡椒炒蜆🥘～ 都幾辣， 味道濃郁，食到停唔到口。📌芒果糯米飯🥭～ 芒果味道甜美， 糯米飯口感煙煙韌韌，椰汁熱辣辣， 一人份量已經夠二人吃。📌泰式凍奶茶🥤～ 反而泰式凍奶茶味道麻麻地， 偏淡沒有泰式奶茶的香味。整體而言金不換是間正宗泰菜🤤， 店員服務周到， 一坐低已經問飲凍水或熱水， 非常貼心。😊…Read More

逛街中...打算食埋個early dinner先返屋企…想食韓國菜…諗諗吓就變左尼<金不換>食泰菜…朋友先打個電話訂座6:15pm……店員話個半鐘要交枱呀~~嘩嘩嘩!!...數月來疫市底下…只聽到食肆叫苦連天…生意難做…摺埋左不知幾多間的...”限聚令”仍然生效o既今日……似乎影響吾倒<金不換>...睇怕實力財力雄厚過人…先能夠疫境生存…呢!!自己經己好大段時間冇尼幫襯了啊!!!...見到餐牌就樣樣都想點…但當然要斬釘截鐵同自己講…只能取捨不能貪…今次未能就待下次吧!! 哈哈!!前菜小食依舊最愛………炸蝦餅!!!...過百元…一碟4個切開8件…炸皮香脆肉厚彈牙…點埋甜酸醬…讚啊~ 大蝦冬蔭公湯…好夠濃香惹味…有點辣勁架…齋飲或滔D落白飯都好滋味呢!!...也是推介之一…..咖哩羊腩煲…羊腩吾算肥…而且經已炆到骨肉分尼…一夾都散…個人覺得可以留番DD趙口更佳…咖哩汁濃杰椰香重…好邪惡又好下飯…美中不足係…薯仔似乎幾明顯係烚熟後加...除左表面沾到o既汁…整粒係淡而無味的…雖則薯仔可以話係配角但都充滿靈魂…一道菜…只要係放得下去同煮o既材料…都會起到作用…飛天通菜…冇乜光澤…可能響應少油…同時炒得水份較多…所以整體感到冇乜鑊氣o既炒菜一碟…芒果糯米飯…最後肚有空位都要食…選用黑白兩種糯米, 軟硬恰到好處…這季芒果正是甜…加上輕帶點咸味o既耶汁…啖啖滿足! 連白飯X 2 碗…全單約$660…貴貴地啊~…Read More

今日去完假日農莊放電後大人細路玩至精疲力盡，就驅車直出尖咀海運吃晚飯。老胡姨姨提議食泰菜金不換，作為一位過氣浪子當然義無反顧地讚成啦！我們被安排至餐廳中間酒吧旁的一張長枱，原來的維港無敵海景卻被「皇家加勒比」擋住，反而別有一番雅緻。我們每人揀一道菜，我當然指定要泰式海南雞，老胡姨姨點左粉絲蟹煲（正合我意），仲有菠蘿炒飯、海鮮濕炒河粉、炒椰菜苗、泰生蝦等等等等。先講海南雞，全隻分開兩碟上（夠細心抵讚，唔洗我地搬來搬去）。雞脾肉夠滑，雞胸啖啖肉夾唔鞋口，最驚喜嘅係居然起曬骨，真係「冇牙阿婆」都食得，咁嘅價錢真係抵讚！無論係海南雞抑或生蝦，最重要一定睇個醬汁，金不換的醬汁我幾欣賞。題外話用點生蝦的醬汁點雞又別有一番風味！輪到生蝦刺身出場，呢度的生蝦即點即制，新鮮唔會有雪味，抵讚！中間粒生蒜加辣椒好辣好刺激，食完要用片苦瓜清清喉嚨。椰菜苗非常鮮嫩清新，用薄薄的五花腩片炒香氣四溢！最後又點少得講埋個粉絲蟹煲？肉蟹超大隻，肉質鮮美，加上蛋漿炒，非常Yummy!好明顯粉絲先係主角，盡索蟹的鮮味精華，中間仲有豬頸肉，唔怪得知咁鬼香，抵讚！懂「剝蝦拆蟹」的佑佑爸爸外出工幹了，佑佑要食至愛大蟹鉗就要太座琴姨姨代勞。而菠蘿炒飯賣相吸引，食落只係一般般，炒飯唔夠乾身，菠蘿太酸，但小朋友卻十分受落！海鮮濕炒河濕得黎無可厚非，弊就弊在河粉黐埋一舊，令人食慾大減！但整體而言呢間泰菜水準不錯價錢又唔算貴，可惜「海鮮控」佑佑爸爸冇黎，冇叫到明爐烏頭同泰式冬陰公湯，下次有機會一定要試下！…Read More

boxing day 三女一男晚膳入座時講明一個半鐘限時 無咩人排緊隊 lor~ 搭正夠鐘你無叫埋單佢都自己黎同你埋單.. 趕盡殺絕咁 >< 柚子沙律 - 食咁多次泰國菜都未食過呢類沙律, 於是叫下, 以為係柚子茶果 d 既柚子沙律, 上菜時見到呢 d 既柚子係自己平日唔多鍾意食既 -__________- 不過都食小小試下咩味.. 有椰汁同檸檬汁撈埋, 味道好像怪怪的 大家都唔太喜歡 hehe 泰式拼盤 (細) - 蝦餠, 好彈牙 ya~正 春卷, 味道普通, 香葉雞, 好入味~ 蛋包飯 - 外觀整得幾特別, 飯都幾好味^^ 豬頸肉炒檬粉 - 好咸, 好乾身, 食果陣 d 粉痴埋晒一齊 椰汁西米糕 - 一粒都幾大粒架, 正 !!! 芒果糯米飯 - 熱辣辣既黑白糯米飯, 配上芒果和椰汁, 無得頂.. 最愛-3-…Read More