Fong Waa Parlour

係附近行街買了盆栽，見到尼間裝修好港式，翻開菜單先知是泰國菜，都幾特別。先上佐泰式青木瓜沙律。青木瓜切成細絲，與豆角、番茄撈在一起，醬汁酸酸辣辣，加佐蒜汁，開胃又減肥的感覺。泰式炒通菜好香，鍋氣足，通菜顏色青翠，口感又唔會太軟，炸的蒜蓉又香。泰餐點少得椰汁雞湯。雞湯顏色濃白，椰汁香味撲鼻而來，但是尼款椰湯完全唔會有雞湯的膩，表面也睇唔到雞油，抵讚，唔驚熱量爆棚。飲落椰湯甜甜酸酸，非常開胃。湯裡的雞肉好㜛，浸滿椰汁的甜香味，好特別。燒烤串燒每樣兩串，有雞肉，牛肉，肉質幾嫩，蘸沙爹醬唔錯。炸魚皮好大舊，幾脆卜卜。甜品是重點，點了芒果糯米飯加個雲尼拿雪糕。將椰奶淋系糯米飯上就可以開始食啦。糯米飯糯唧唧，甜甜哋。芒果是新鮮的芒果，甜中帶了少少酸。雪糕都好滑。…Read More

一早係OpenRice book好枱，嚟芳華絕代同朋友慶祝生日🎂🎂一出地鐵站轉個靚彎🛣就見到佢青綠色💚💚嘅霓虹燈牌，一嚟梗係喺佢個燈牌前打個靚卡先啦📸📸 唔知個燈牌咩樣? 去食下你就知 @fongwaaparlour 因為book咗枱，入到去已經可以上1樓食野😂 冇咗掟飛鏢位😳而家仲多咗枱😆😆 掃QR code用App落單方便又快捷📲📲 之前食過芳華絕代，覺得好好食😂😂所以今次叫左好多野食😂 店員好快手，上到嚟啲嘢食又熱辣辣🔥🔥小食拼盤🍤 $98 (包咗蝦餅魚餅春卷同雞翼🤤🤤)豬頸肉🐷$98 勁惹味😍😍😍 串燒拼盤🍢🍢$54（牛雞豬六條）金邊粉🍜鹽燒烏頭魚🐟$188芒果糯米飯🥭🥭$39 全部都勁好食💛💛💛💛 *留意番烏頭要六點後先有我自己最鍾意呢，就係個小食拼盤同埋個串燒拼盤啦❤️❤️❤️我出名食肉獸😂😂小食拼盤啱啱炸起熱辣辣又夠脆口，串燒連埋個沙嗲醬一齊食超級好味😳😳😳 嘢飲叫咗珍多冰同荔枝菠蘿梳打🍹🍹 好好飲😍😍珍多冰椰奶味足，荔枝菠蘿梳打甜度適中👍🏻👍🏻臨尾食埋個芒果糯米飯就好似去咗轉泰國咁✈️✈️ 我哋拎咗蛋糕黎切，需要加收切餅費，只係$50，勁抵食👍🏻👍🏻 …Read More

💛好耐之前同咗五個朋友去芳華絕代食晚餐慶祝其中一位嘅生日😚 叫咗好多嘢食，呢度環境好大好舒服😆 佢門口有光飾，入面又播英文歌，但原來係食泰菜嘅，選擇都幾多💛🍢 小食拼盤包括雞翼、春卷、蝦餅、雞卷丸，小食多滋味😙🦀 咖喱軟殼蟹咖哩好香好味！軟殼蟹好大隻😆🥭 芒果糯米飯都算大份，芒果夠甜，飯夠煙韌👍🏻🍍 菠蘿炒飯有菠蘿、肉鬆、提子乾，酸酸甜甜好豐富💛🍝 泰式炒金邊粉條條分明又美觀，好味又開胃～而且仲唔會油膩～…Read More

每次經過見好似幾靚，所以朋友生日諗又去試吓，餐廳地方大，有兩層，有塊霓虹燈打卡牆。主要食泰國菜，味道普通，💰價錢合理。🎂生日嗌芒果糯米飯有蠟燭，生日牌。✨味道65分，服務68分，環境65分.🔷雙人套餐($338)我地四人嗌左兩個雙人套餐，再散嗌。.🔸小食拼盤有雞翼，素菜春卷，雞卷丸，蝦餅。.🔸正宗冬蔭公湯望落好清，但味道都ok，夠酸夠辣，入面有菇。.🔸泰式去骨海南雞唔錯，肉多，未算滑但都唔鞋，幾入味。.🔸泰式香葉肉碎煎蛋飯即炒出嚟，熱辣辣，好香口，飯上面煎蛋啱啱好，蛋黃流心。.🔸馬沙文咖喱豬頸肉咖喱質感幾女，味道香，用嚟撈飯一流，不過豬頸肉唔夠juicy香口。.🔸泰式炒通菜($78)份量多，通菜咬落清爽。.🔸香酥餅配煉奶($58)原本諗住嗌黎點咖喱汁食，點知點煉奶食都唔錯，原來甜食個味道都幾夾。.🔸芒果糯米飯(餐+$58)芒果唔算好靚，不過都夠甜，至在生日有蠟燭吹下慶祝下。.🔸伯爵奶茶(餐+$8)茶底味較淡，有淡淡伯爵茶香。…Read More

在晚上，遠處已清楚看見霓虹燈招牌，而且很容易找。兩層餐廳，感覺很有空間感。訂位時，說只限90分鐘。當日早10分鐘到，店員也讓可入座，不計那90分鐘內🙂很貼心，員工很友善👍最後食到收舖🤣😅應該是無人等位點了一個一人餐，$138，如果真的一人吃，是很滿足的小食拼盤 ：雞翼2隻、蝦餅半件、春卷1條、雞卷丸1粒雞翼是迷你size，挺香口的。蝦餅可以，彈牙。春卷脆，但不算好味。雞卷一般。泰式鮮蝦炒金邊粉 以一人份量，都不錯。我覺得味道有點偏淡，但不至於不好味，可以接受。（照片的金邊粉已被吃了一點😅）芒果糯米飯餐另加$58，原價$78糯米軟軟的，芒果不似呂宋芒，甜甜酸酸，像台灣的，但可以接受。喜歡糯米飯有兩種顏色，打卡一流。餐牌…Read More

朋友喜歡吃泰菜生日第一時間想到芳華絕代因為出名入面裝修很有風味，打卡一流原來在霓虹燈下好難拍照，會染上顏色還是門外招牌那張好飛天通菜 - $71當然沒有飛天效果鑊氣十足，炒得很翠綠，但不夠辣泰式香葉肉碎生菜包 - $92生菜有篩選過，沒有爛的肉碎酸酸辣辣的不錯脆炸豬皮 - $26炸得爽脆像薯片完全沒有油膩但味道單調，有醬汁更好可以沾其他菜式的醬泰式蝦餅 - $71最喜歡泰式甜酸醬的味道生蝦刺身 - $71正常水準，味道爽甜彈牙配生蒜、辣椒、調製的醬汁芒果糯米飯 - $71最重點的芒果竟然很生味道有點酸，完全不夠甜，還有點乾水雙色的糯米飯則正常，較愛綠色斑蘭味珍多冰 - $40底部的是班蘭葉和綠豆粉製成啫哩狀再配椰漿水，頗好喝，充滿椰子味叫了太多沒有拍照，不能盡錄散叫比較昂貴，還是建議叫套餐比較划算…Read More

今晚同屋企人一齊出去食晚飯，見到我家姐介紹呢間泰國菜，初頭冇特別留意佢個樣，以為係一般泰國菜咁樣嘅裝修，但係見到入邊就充滿着霓虹燈，個樣就一啲都同以前嘅泰國菜好唔同，咁見到入邊有好多年青人嘅，咁就好明顯呢間係一間年青人做嘅餐廳啦，所以啲裝修都係會比較有格調一啲嘅，咁就唔會話太千篇一律，俾人個印象都其實係好良好，因為其實入邊餐廳嘅打卡位真係好多，食完飯可以用多少少時間嚟打卡，因為我今次同屋企人一齊嚟食，佢哋唔鍾意影相，咁就都冇特別晒好多時間喺度咁樣嘅。今次我哋三個人，咁就叫咗好多好多嘢食，因為我家姐早餐都未食，咁我只係朝頭早食咗少少野，咁直至到夜晚都冇食過嘢啦，所以其實我哋係好肚餓嘅情況之下食嘅，所以我哋叫得比較多，咁我唔會詳細咁講每一道菜啦，咁每樣就提點兩句咁樣啦。首先上咗個冬陰功湯，冬陰功湯其實係好飲嘅，而且都可以還原到喺泰國食嘅冬陰功嘅風味，所以冬陰功湯我會俾佢中上嘅分數。之後就嚟咗個墨魚角，我係第一次食嘅，我覺得好特別，而且個味道唔差，所以我會比滿分佢，尤其是鍾意食墨魚嘅人可能會真係好鍾意食嘅，因為佢入邊嘅墨魚嘅數量係好多嘅。咁我哋嗌左個小食拼盤，小食拼盤其實就個雞翼都好好食嘅，佢做咗單骨呀，所以佢都好體貼啲食客個儀態，另外素菜春卷仲有蝦餅嗰啲其實都好食嘅，所以蝦餅食得出其實係有啲蝦味嘅，就唔似好似平時出邊食嗰啲蝦餅好多粉。咁另外仲叫咗個泰式青木瓜沙律，我嫌佢唔夠辣，佢酸味比較重，所以我覺得個味道都係一般，係食唔番喺泰國食嗰隻青木瓜沙律，一嚟佢個青木瓜沙律唔夠辣，二來個味道其實係有少少偏離左。之後我哋仲叫咗個金邊粉，金邊粉就係炒得好食嘅，難怪咁多網友會有推薦啊，所以呢點到可能要refer返其他客人寫過嘅食評，睇吓佢哋點樣評價金邊粉啦，等我呢邊都唔詳細講太多，其實我覺得個炒金邊粉係好食嘅。另外仲有個生菜包，生菜包都係一樣嘅情況，都係覺得佢唔夠辣，但係我個人本身都鍾意食生菜包，之前食過其他一間餐廳食個生菜包佢係比較好重檸檬葉嘅味道，但係呢間就反而冇咗，咁佢都比較偏重鹹味咁樣，我覺得如果係生菜包入邊嘅肉其實都係偏向多啲辣其實係會好食啲，都會惹味啲嘅，所以我都會suggest辣少少會好啲咁樣。另外炒通菜其實食落去唔夠鑊氣，個感覺就似係先將個通菜白灼左，再拎返返去個鑊度再加番啲醬落去撈勻佢就算，但係我後期都打算將啲通菜食晒佢，但因為食咗好幾啖就係好大陣嗰啲辣味，都略嫌佢有啲撈得唔係好均勻，所以飛天通菜真係令到成餐飯扣左唔少分，希望餐廳都可以見到呢個評論之後好好改善下飛天通菜嘅問題。 另外飲品個方面就係我哋嗌左兩杯青檸梳打，一杯珍多冰，珍多冰就一般嘅，但係青檸梳打係太酸，我自己就用咗出邊嘅水再將我自己本身個杯梳打再溝多啲水，令到佢個酸味中和返，咁先至勉強飲到，咁我阿媽就冇溝到水嘅，咁佢都飲到一半都頂唔順，因為真係實在太酸，所以我覺得啲青檸汁可以落返少啲。另外仲有個甜品，芒果糯米飯，糯米飯顏色好特別，另外芒果係甜嘅，上菜嘅速度都算係快，所以我覺得芒果糯米飯其實可以話係爲成餐晚飯畫上完美嘅句號。最後講吓裝修，裝修方面其實係好嘅，背景音樂係播住廣東話歌，都係啲90後會熟悉嘅歌，好適合年輕人，另外上菜速度都算係快嘅，店員嘅服務態度係良好，起碼我有陣時有啲嘢想問嘅，咁佢哋都會隨傳隨到，咁語氣都唔係話唔好嘅，同埋見到同事之間玩得都開心嘅，但係因為我見到呢其實係佢哋有時玩到太癲，咁例如話同其他食客嗰啲咁樣，所以可能呢間餐廳有時都會有喧鬧情況出現，咁可能都會嚇親其他食客，咁只係個少少建議姐，咁就希望下次唔好再咁啦！…Read More

呢日約左班舊同學黎食飯，呢間鋪頭裝修好靚就入左。超級full呀，平日都咁多人排隊等齊人再過10分鐘左右就入得了泰式菠蘿炒飯（$92）我地五個女仔食，就叫幾樣野share，呢個炒飯非常有鑊氣，上菜聞到好香。已且份量都偏大，夠1.5個人食。裏面仲好足料，雞肉、菠蘿等等全部大大舊架！黃咖哩醬炒酥脆軟殼蟹（$124）食泰國餐廳就緊係要食咖哩啦，呢個黃咖哩夠晒香口又唔會太辣，啱晒多人聚餐食！軟殼蟹我都係第一次食，完全冇海水腥味，好味！泰式鮮蝦炒金邊粉 (辣)（$82）雖然佢話係辣嘅但其實都係炒辣，女仔一樣接受到，金邊粉炒得好香同乾身，唔會淋滋滋～泰式香葉肉碎生菜包 (辣) （$92）生菜包一樣係微辣。好正宗嘅生菜包，啲肉碎唔會油，抵讚。芒果糯米飯（$71）呢個真係不得不推介！唔止好大份，仲係香港食到泰國嘅味道！個椰汁好香濃、芒果清甜、糯米飯都好煙韌！講起都想食多次，真係必點呀！…Read More

今次再介紹抵錫黃店 其實之前已經黎過飲野同食宵夜 不過今次再戰就係食晚餐 冇令我失望～🤩雖然性價比唔算好高 但都好味道 而且同左幾個朋友一齊去可以試多啲野👻雖然每碟野份量唔算多 但最緊要係質素好 其實食既每一樣野都唔差😆個黃咖喱炒軟殼蟹香口 有啲新加坡個邊咖喱既風味 不過軟殼蟹略嫌唔脆 但用個香酥餅黎點咖喱食就一流🦀生蝦刺身就一貫新鮮好食🦐香葉肉碎煎蛋飯令人喜出望外 拮穿隻蛋 撈埋啲蛋汁落個飯到 加埋肉碎真係好正🍳蒜蓉包整得香脆 而且件件都有份量得黎充滿蒜香 我地encore左🖐🏿😻而串燒拼盤啲肉質甜美同嫩滑 豬頸肉同香茅雞翼都好出色 雞翼仲要係單骨 啱我呢種斯文人🍖甜品方面兩個都好正 我仲獨食左個西米糕 啖啖芋頭 一啲都唔偷工減料🍨成餐飯最麻麻地就係野飲 我試左珍多冰 椰味唔重 成杯野淡淡地好似水多過野飲🥛不過呢杯野飲唔會阻到我鍾意呢餐飯 因為真係幾好食 最好就多啲朋友一齊share試多幾樣野🤪…Read More

上次行過睇到個大招牌已經好有興趣，淨係睇名就睇唔出食咩，但總係覺得喺呢到食夜晚好似好有feel。今日準時收工，約埋朋友去睇吓究竟係咩葫蘆賣咩藥！門口嘅霓虹燈招牌好有特色，既有舊式味道又有新式Modern感覺，所以好多人都會嚟打吓卡。門口有放置大型餐牌同推介菜式，原來呢到係食泰國fusion菜！到步嘅時候啱啱開始晚飯時間，都有一兩個人等緊位，但暫未見有人龍。餐廳樓高兩層，用霓虹燈同香港地道設計作為舖頭主題同裝飾。 樓上空間都幾闊落，不過燈光偏暗而且枱比較細。餐牌食物種類唔算好多，但一般常見嘅菜式呢到都有，仲有做晚市套餐。我哋最後叫咗一個主食同一個dinner set，細細哋又可以試吓唔同嘢。睇落賣相都唔錯，人哋話夾埋蒜頭一齊食可以殺菌，但點都要試吓原汁原味先嘅。就咁食，生蝦少咗蝦味亦都唔係好夠鮮甜，個酸辣汁調較得尚可，點咗嚟食可以帶出蝦味。以為沙律細細地，點知都幾大份！木瓜爽口但唔會太硬，除左木瓜之外都有好多菜。套餐都係一人用，所以小食都一件起兩件止，但味道都唔錯。炒金邊粉個樣配埋個盤感覺舊式又地道，蝦嘅大小中等爽口彈牙，而且都幾多。亦都幾欣賞某幾樣重味嘅配料會放碟邊，例如辣椒粉同花生，可以因應個人口味自己混合適當份量。套餐仲包一杯指定飲品同一個小甜品，或者可以加錢轉其他飲品都得。 食咗個細細嘅椰青大菜糕唔係好夠喉，所以最後嗌多咗個食泰國嘢必食嘅芒果糯米飯！糯米飯砌成小山丘，上半係青色嘅椰汁斑蘭味，下半係蝶豆花味。芒果切好放兩邊，雖然睇落色水偏淺同乾身，但味道清甜帶少少芒果香，配埋椰汁飯甜度啱啱好。…Read More