Thaiology (Causeway Bay Plaza 2)

————————————————————————泰地址：銅鑼灣駱克道463-483號銅鑼灣廣場2期6樓這家泰餐廳提供美味的泰國料理，推薦他們的明爐冬陰功海鮮湯、青木瓜沙律、泰式沙爹串燒、原條青檸明爐烏頭魚和泰式鮮蝦炒金邊粉。湯品濃郁，菜品口感豐富，味道正宗。特別推薦他們的榴蓮麻糬甜品，麻糬外皮Q彈，內部充滿了濃郁的榴蓮果肉，每一口都令人陶醉。🟠推薦食物 Recommended 🔹明爐冬陰功海鮮湯（+$12）：湯的賣相美觀，濃郁的湯底中融合了海鮮的鮮味，微辣的口感令人舒適，是一道經典的泰國湯品。湯中的海鮮份量十足🥣🔸青木瓜沙律：沙律帶有清新的口感，青木瓜爽脆，搭配醬汁的酸甜味道非常開胃🥗🔹泰式沙爹串燒4串：有雞豬牛選擇，沙爹串燒烤得剛剛好，肉質鮮嫩多汁，外層炭燒的香氣不錯，調味料讓每一口都充滿了泰國風味🍢🌶️🔸原條青檸明爐烏頭魚（+$38）：這道烏頭魚經過明爐燒烤後，魚肉保持了鮮嫩的質感，表面呈現微微的焦香。搭配青檸的酸味，給予了魚肉更豐富的層次感，非常美味🐟🔥🔹泰式鮮蝦炒金邊粉（+$48）：炒得香氣四溢，鮮蝦的鮮甜和金邊粉的彈牙口感完美結合🍤🍜🔸榴蓮麻糬：絕對不能錯過，麻糬外層Q彈，內部填滿了濃郁的榴蓮果肉，每一口都充滿了榴蓮的濃郁香甜🟡不推薦食物 Not Recommended 🔹無 No🟠員工 Waiters有效率 熱心🟡環境 Environment 充滿泰式風情🟠總評分 Overall (7.5/10）💰$500/person#ezukokofood #ezukokomongkok #ezukoko旺角#ezukokocausewaybay #ezukoko銅鑼灣#ezukokothai #ezukoko泰式#foodiehk #foodie #hkfood #美食 #食好西 #隱世美食 #銅鑼灣餐廳 #西泰fusion…Read More

見到有幾百個like，經openrice訂枱又有88折，就試吓。到達後，有4張窗口卡位，其中一張有4人坐，其他3張未有人，要求坐窗口，店員說已經比人訂左，我說我也有訂座，店員改口說是6人座🤔由6:15到9:10，4張枱只座了2張，仲要有1張係2人坐，我真的不明白為何要整晚hold起窗口位🤔餐廳是用QR code下單，6:15入座，8:00點了最後甜品，備註即起，但等到8:30都未有，再用手機掃QR，顯示我已經不能下單，因為限時2小時😳通知店員查單，他說我們未下單🤔同時已經過了2小時，只可以人手下單，我有理由懷疑我在8:15前的確巳下了單，不過由於系統自動在入座2小時後截單，所以同時cut走了最後點的甜品。總括，食物品質麻麻，環境一般，配合起來定價就稍為偏貴，加上看到有位都不開放，心𥚃更不爽😕我絕對有理由懷疑有幾百個like的原因🤔…Read More

好耐無食過泰菜, 收工就去左銅鑼灣搵食~呢間泰菜地方都大, 岩晒邊食邊傾計!泰式生蝦刺身 $128食泰菜又點少得來一碟生蝦刺身做頭盤呢~個汁好惹味~ 配落生蝦度一流!泰式小食拼盤 $168好多小吃都想點, 咁就來一盤小食拼盤,有齊晒魚餅、雞翼、蝦餅、春卷同串燒!我地揀左雞同豬串燒, 雞肉串燒最好食~蝦餅好香口、雞翼都炸到卜卜脆~原個菠蘿炒飯 $138都比想像中大~ 仲好多菠蘿、提子乾同肉鬆添~馬拉盞炒芥蘭 $88好香好爽!芒果糯米飯 $98如果芒果再多D更好!環境OK, 職員服務都不錯.…Read More

#flashback 翻開相簿，見到呢一間CP值極高嘅泰國菜～喺銅鑼灣，食過唔少泰國菜，價錢都唔平，估唔到喺銅鑼灣廣場上面呢一間泰國嘢食，味道又唔錯喎😊先黎一個小食拼盤，入面都有好幾款，有雞翼，有串燒，有蝦餅🤭 三五知己一齊食啱啱好😏再嚟一個咖喱配薄餅，辣度適中，佢已經唔係太辣，但對於我嚟講都係辣嘅😅食咖喱重點都係薄餅，脆卜卜好食👍🏻好食😎最尾上埋芒果糯米飯，個飯好大🤷🏻‍♀️味道淡咗啲，可能未係啱季節，個芒果味唔係太濃，如果可以…會更好🤭而家餐廳環境OK，啱晒傾偈吹水，仲要衛生乾淨，環境夠光猛😊仲有杯特飲，為濃郁味道嘅飯餸帶嚟小清新😏…Read More

🌸旺角泰國菜🌸Thaiology🍽旺角有各式各樣的美食，而今天我便相約好友到了旺角一間高質泰式餐廳-「 Thaiology」品嚐是日晚餐❗餐廳鋪面寬敞，裝修精美，座位寬敞舒適，餐廳位於頂層，居高臨下，能飽覽旺角市景❗店員十分親切殷勤有禮，店員細心為客人下單及不時收拾碗碟。我們一行2人點了晚市二人套餐（$468）套餐包括以下餐點：1️⃣🌟明爐冬蔭功海鮮湯 $68冬蔭公湯即叫即製，有小明火爐座熱，湯底保持熱炳炳，海鮮湯配料非常豐富，有鮮味肥美的大蝦，味道酸酸辣辣，非常醒胃❗2️⃣🌟青木瓜沙律 $48這是一碟的健怡清新的開胃沙律，沙律配有蕃茄、脆口的木瓜、爽口青瓜、新鮮紅蘿蔔絲、翠綠生菜、清新洋蔥等豐富配料，配有酸酸甜甜的香醋醬汁，十分開胃❗️3️⃣🌟泰式沙嗲4串 $128泰式沙爹串燒可以自選豬、牛或雞，而我選了雞及牛，串燒份量十足，雞肉串燒香滑惹味多汁，牛肉肉質鮮嫩，烤得恰到好處，帶淡淡焦香，口感不會韌，配搭滋味沙爹醬，味道相當惹味。4️⃣🌟海南雞(半隻）海南雞份量十足，新鮮海南雞的雞肉肉質香嫩細滑，配合秘製海南雞醬、蒜蓉及醬油，味道十分滋味，配搭油飯一流❗️5️⃣🌟泰式炒雜菜泰式炒雜菜由多款蔬菜煎炒而成，當中包括爽口翠肉瓜、滋味香菇、爽口小玉米荀、清新椰菜及健怡蘿蔔等，味道帶微辣，配搭豐盛❗️6️⃣🌟芒果糯米飯 跟餐 + $28芒果糯米飯配有份量十足的泰國水仙芒，芒果肉香甜滋味多汁，淋有香濃椰漿的糯米飯口感軟糯，味道微鹹帶甜，微鹹的糯米飯搭配著香甜的芒果，甜中有鹹，鹹中帶甜，相當滋味。7️⃣🌟青檸梳打 青檸梳打含有新鮮爆汁開胃青檸，味道酸酸甜甜，十分開胃❗8️⃣🌟菠蘿梳打菠蘿梳打含有豐富粒粒鮮甜菠蘿肉，味道清甜，解膩一流❗9️⃣🌟泰式炸蝦餅 $98泰式炸蝦餅炸得黃金香脆，外層酥脆，蝦餅以新鮮大蝦肉製成，蝦餅質地爽口彈牙，味道鮮甜，相當惹味。🌟為是次餐廳用膳的推薦菜色❗🔖整體評分美味指數：⭕⭕⭕⭕️⭕️賣相指數：⭕⭕⭕⭕️⭕️抵食指數：⭕⭕⭕⭕️5⭕️為滿分總括而言，此餐廳的食物質素高，食物即叫即製，座位寬敞，餐廳地點鄰近旺角站，絕對是旺角一帶高質滋味泰國菜之選❗ 📍Thaiology (銅鑼灣)：銅鑼灣駱克道463-483號銅鑼灣廣場2期6樓…Read More

泰國菜除了九龍城出名外，其實在鬧市中也有不少好店可去，當然質素上未必可以完全跟得上九龍城的水準，但起碼位置方便可暫時止渴，有些性價比更是算高，就好像銅鑼灣廣場二期內一間新近開業的泰國餐廳，單看偏華麗的裝修還以為會是高檔貨式，但望落餐牌其實價格尚算相宜，之前試過同一集團同層的日式和西式餐廳，其實也算是性價比之列，今趟當然試一下新店啦！店內設計以墨綠色為主調，配上啡色原木和金邊白雲石餐枱蠻有古典格調，座位間相距尚算闊落，私人空間充足，配上柔和燈光，在內用餐舒適優雅。細閱餐牌，以泰國餐廳來說選擇不算十分多但要有的都已經齊全，從必點的前菜泰式生蝦或沙律，到主食泰式咖喱和炒金邊粉均一應俱全，當中還有一些抵食套餐，涵蓋甚廣不用多想已能試齊多款泰式美食。先點來「公車腩霸」泰式生蝦刺身，份量不少有成10隻之多，單看賣相似是急凍刺身貨色，但入口仍算Q爽帶漿口，配上泰式醬汁添上酸辣和香料清新，辣勁餘韻頗強豐富了層次，開胃醒神。脆炸芝心蝦丸，一份兩件每件十分大粒，一切開芝士漿洶湧而出，熱辣辣十分療癒誘人。入口外脆內嫩，蝦肉爽口彈牙，唯芝士漿偏向韓式風味，奶粉味重而缺少了芝士應有的濃郁鹹香，個人覺得有點美中不足，但除此以外其實也算不俗。蒜香牛油雞翼，單骨雞翼一碟八件，炸得香脆又不會太乾，食起來亦較傳統的方便。入口蒜蓉味算突出唯牛油香略嫌不夠，感覺未能展現蒜蓉牛油雞翼的精髓，但味道還算不錯。黃咖喱牛肋條，黃咖喱配料甚多，內有番茄、豆角、西蘭花、椰菜花和不同的香料，感覺十分豐富。黃咖喱香滑順喉，辣度不強；牛肋條炆得鬆軟多汁，唯份量較少感覺不太夠喉，筆者還點來蒜蓉包蘸上咖喱汁同吃，香脆惹味，實行連咖喱汁也不浪費。原隻鹵水豬手，一端上來賣相震撼，$148有如此的份量實在驚喜，豬手炆得尚算入味，外皮軟腍帶咬口，肉甫鬆軟沒有臊味，蘸上滷水汁同吃口感異常豐盈。同盤還跟有一隻流心滷水蛋，畫龍點睛令整道菜更加完整，風味十足。泰式鮮蝦炒金邊粉，有齊蝦仁、豆乾、芽菜、蔥段、蛋絲、花生碎和辣椒碎，用料十足；金邊粉亦炒得有鑊氣夠乾身，酸甜適中不會像某些餐廳只有泰式雞醬的味道，調味做得不錯，入口Q軟帶韌性，口感多樣豐富，擠入一點青檸汁添上清新層次更為豐富。芒果糯米飯，最後當然要來一客泰式經典甜品作結尾，金黃的芒果熟度剛好，蜜甜厚肉，配上淋了椰漿熱辣辣的糯米飯，軟糯中帶著濃濃的椰香，少許的微鹹更突顯出芒果的甜美，相互交織出泰式風味，為整頓飯畫上了完美的句號。而除了除食品之外這裏的飲料也很出色，筆者就揀選了泰式奶茶，琥珀色的賣相對辦，入口冰涼奶香茶味適中，甜度剛好濃郁解渴。整餐出品的質素雖未算十分突出，但部分亦算到位，著實不俗。而且位處銅鑼灣交通方便，環境氣氛雅緻亦坐得舒適，定價在該區來說更是貼地，能夠間中止一下泰菜癮，絕對是一處好地方，值得推介一下。…Read More

把握最後一晚堂食，放工後和朋友即刻約個晚餐先。我們約了在銅鑼灣等，朋友想食泰國菜，上網一搵就見到這間名字非常專業的「Thaiology」。一踏進餐廳，見到餐廳用上綠色作為裝潢色調，內裡環境相當寬敞，加上牆身的裝飾，有點像宮廷系的設計。我們看看泰國學（Thaiology）的handouts （餐牌）吧，數得出的熱門泰國菜都可以食到。我們決定「最後一餐」食得豐富一點！◨ 1. 香酥薄餅東南亞餐廳必食的其中一樣就是香酥薄餅。在泰國菜餐廳食的其中一個好處，就是可以沾上額外點個泰式咖喱來搭配，不過Thaiology 亦已配上沙嗲醬，味道相當不錯。如果你想雙重享受的話，可以學學我這樣另外再點個咖喱，將薄餅混上青咖喱雞肉一併食，口感會更加充裕和滿足。◨ 2. 青咖喱雞肉正如剛才所說，這份青咖喱某程度上是用作配搭香酥薄餅，但另一方面，原來青咖喱雞肉內亦有大量瓜類，食完雞肉之後再食些瓜類相當舒服，比起單叫咖喱雜菜更加抵食。青咖喱就比較偏向甜辣的口味，很易入口，不會辣到「噴火」的。用來配薄餅和炒飯就一流。◨ 3. 生菜飽（豬）生菜飽亦絕對少不了，Thaiology 的豬肉碎富有鹹香味，並帶上陣陣辣香，用生菜來包裹豬肉碎正好可以中和其濃味，食落恰到好處。◨ 4. 青檸明爐魚烏頭見到餐廳有明爐烏頭，我們都對此感到興趣。餐廳當然是用上泰式煮法，將青檸汁加進爐內，魚湯立刻充滿泰式味道。先飲幾口湯，甜甜酸酸的會更加開胃。原條烏頭非常鮮味，將魚肉混湯，會更加好味。另外，爐內亦有一試配料可食，例如有墨魚仔和蜆肉等等。◨ 5. 芒果糯米飯最後，來到泰式餐廳怎可缺少芒果糯米飯呢。芒果鮮甜且果肉厚實，香甜可口。而糯米飯是仍然微暖的，香甜軟熟的糯米飯，加上帶略帶鹹味的香濃椰漿，再食一口芒果，泰式味道即時重現！◨ 6. 原個鮮椰青泰國菜大致都偏濃味，這刻最好的是品嚐到透心涼的椰青。冰凍的椰青水，清甜無比，而雪白的椰子肉滑嫩有彈性，邊食邊飲就最好了。◨ 7. 椰汁珍多冰另外，椰汁珍多冰的質感爽滑，味道清甜，椰漿味道香濃。我都想每天可以進修一下「Thaiology」。…Read More

放工同同事搵飯開想食正宗泰國菜，同事提議近近地試下係銅鑼灣廣場二期既Thaiology。餐廳地方唔算大，以泰國傳統既深綠色做主調，所以一入餐廳已經感受到久違既泰國風情。.脆炸蝦餅 💲88⭐️3.5/5叫左好多野食，先登場係泰國必點小食之一、一客四件既脆炸蝦餅。外脆內軟既蝦餅配上傳統泰式酸甜醬汁，永遠都係絕配。.泰式沙嗲串燒半打 💲108⭐️3.7/5泰式平民美食之一，去泰國夜市時必叫沙嗲串燒，肉既質素都係其次，鍾意食佢濃濃醬汁同焦香既碳火味。呢客餐廳大廚推薦既串燒拼盤，豬牛雞各兩枝，一客六枝兩個人分享剛好。醃製過既碳香肉串，配埋甜而不辣，帶點椰香既沙嗲醬一齊食十分滋味。.豬肉生菜包 💲88⭐️3.6/5泰式豬肉生菜包豬肉碎比想像中乾身不膩，唔似平日食開既豬肉包咁會食到滿口油脂。肉碎辣度比一般版本低，好適合平日唔食得辣既朋友仔。用手拿生菜放入肉碎捲好再食，咁先最夠風味。不過如果肉碎醬汁再多點應該會更惹味。.馬拉盞炒通菜 💲88⭐️3.6/5馬拉盞鹹香味十足，炒菜一流惹味，都係泰國必點菜式。蝦醬既鹹香配埋辣椒，通菜整體微微香辣，助飯/麵一流。.泰式鮮蝦炒金邊粉 💲98⭐️3.4/5鮮蝦炒金邊粉份量想像中多好多。雖然酸酸甜甜都算開胃，但因為叫左太多野兩個人食到呢份主食已經食唔到太多。金邊粉炒得好乾身，醬汁唔算濃，無咁油膩相對較健康。.芒果糯米飯 💲88⭐️3.4/5去泰國餐廳食飯點少得必點必食既芒果糯米飯。糯米飯上檯時係剛剛蒸起仲係熱辣辣，口感清甜軟糯。配埋秘製既椰漿同埋香甜泰國芒果一齊食，為一餐劃上完整句號。.青檸梳打 💲38蜂蜜龍眼蘆薈特飲 💲48.不專業食評nei.foodie…Read More

朋友介紹嘅一間泰國菜，位置其實幾方便，不過因為係樓上鋪嘅關係，所以平時行街都唔多覺眼。今次同朋友叫左 晚市二人套餐($398)，即係有椰汁雞湯、脆炸蝦餅、黃咖哩(牛肋條)、泰式炒雜菜、泰式鮮蝦炒金邊粉、凍檸茶*2、芒果糯米飯(套餐加配$28, 原價$78)，另外仲叫左炭燒大頭蝦(2隻)($78)、泰式沙嗲(豬/牛/雞)半打($88)、香酥薄餅($38)裝修都新式，而且夠乾淨企理，座位亦都坐得舒服椰汁雞湯：有個爐點埋火，咁就可以KEEP住個湯熱辣辣😉個湯裡面有加入左泰式香調入去，味道層次都幾豐富，入面仲有D番茄仔、菇類、雞肉等湯料可以食下😄脆炸蝦餅：最愛嘅小食之一，咬落彈牙爽口，而且一定要點埋個泰式醬黎食，好惹味香口，唔怕熱氣嘅話真係多多都食得到🤩泰式炒雜菜：雜菜份量都幾多，而且清新爽脆，加入左泰式調味料黎煮，所以又炒得幾惹味下😄炭燒大頭蝦：聞都聞得到燒得幾香，蝦背本身已經幫你切開一半，方便食用，大頭蝦肉質唔錯，而且蝦頭D膏味道都幾鮮甜😋泰式沙嗲(豬/牛/雞)半打：今次ORDER揀左豬牛雞各2串，串燒份量足，燒得少許微焦更加香口，而且鎖住肉汁唔會乾身，雞肉好嫩滑，牛肉就味道幾濃😋點埋上菜提供嘅沙嗲醬黎食，個醬汁仲要有D椰香味喺到，食落味道就更加出色😋泰式鮮蝦炒金邊粉：金邊粉幼滑可口，唔會痴埋一堆或者散晒，輕輕唧D青檸汁將個金邊粉提一提味，蝦嘅數量唔少，口感彈牙😋黃咖哩(牛肋條)：呢到個黃咖哩啱晒我口味，唔算太辣，而且辣得黎帶點香料味，所以個牛肋條都幾惹味下，如果煮得再軟腍D就更加正😉同埋估唔到佢裡面都幾多蔬菜下，碟黃咖哩都幾足料😄補張合照先😎香酥薄餅：既然有碟餸有咖哩汁，自自然然想叫份薄餅點黎食下😜薄餅烤得好香口酥軟，點埋個咖哩汁黎食就更加滋味😋芒果糯米飯：糯米飯份量比想像中多，口感煙煙韌韌啱啱好，加上椰奶漿同埋配合埋時令當造嘅香甜芒果一齊食，作為甜品真係一流😍凍檸茶：以金屬杯上，味道正常發揮，大大杯又夠冰凍，好啱而家熱天降溫飲用😄銅鑼灣區本身都好多唔同嘅選擇，而呢間上樓嘅餐廳就有質素得黎又唔算太貴，所以都係一個唔錯嘅選擇👍🏻而且呢到D職員都幾NICE，見到椰汁雞湯個火熄左，會好主動幫忙點返個火加熱，仲有因為D食物陸續送上，枱面冇位置可以再放，我地要求更換座位職員都好樂意安排，服務細心值得讚賞😍👍🏻補MENU…Read More

標榜由資深泰廚主理的Thaiology開業只有不足半年時間，比起一般泰國菜館優勝之處在於環境簇新，寬敞舒適。起初以為銅鑼灣地段定價都會偏貴，但價格卻出乎意外地親民。脆炸蝦餅 ($68) 一份四件配上泰式甜辣醬，炸得酥脆而蝦膠扎實彈牙。生菜包 ($78) 新鮮爽脆，豬肉碎加入九層塔、檸檬葉、香茅等香料炒製微辣惹味。炭燒豬頸肉 ($78) 外層燒得略帶焦脆，惟肉質較乾不夠肥美爽嫩。海南雞 ($108) 雞皮雖稱不上特別透薄但亦不過於油膩，肉厚之餘肉質柔軟。青咖哩雞肉 ($88) 辣度溫和並帶微甜，但雞肉不算相當入味。泰式豬頸肉炒飯 ($88) 當中加入切粒豬頸肉、蛋及其他香料炒製，略欠鑊氣及乾爽但口感不會過分油膩。榴槤麻糬 ($58) 外皮偏厚而且質感粉實，不過榴槤餡料豐富香濃，真材實料。芒果糯米飯 ($78) 飯粒微暖而口感煙韌軟糯，加上椰漿濃郁醇厚，芒果亦香甜無渣。…Read More

之前見朋友食過係銅鑼灣呢間Thaiology 賣相好似唔錯 所以我哋今晚就去左試下👅 位於銅鑼灣站旁既銅鑼灣廣場 地點好便利👍🏻 卡位大大張都幾舒服😌見餐廳promote緊咖喱炒新鮮大肉蟹 我哋就決定一試 仲加埋香酥薄餅點咖喱食🦀 大肉蟹果然新鮮 肉質鮮甜多膏 可以一梳梳蟹肉點咖喱食👍🏻 香酥薄餅本身都會有一小碟咖喱配送 味道同炒蟹既咖喱唔同 比較香甜少辣😋除左咖喱蟹 我哋仲試左泰式小食拼盤同椰汁雞湯🤤 泰式小食拼盤有齊春卷 蝦餅 魚餅 雞翼同沙嗲串燒 唔駛左揀右揀 全部有得試就岩哂我哋啦🤣 當中最好食既係串燒 雞肉同豬肉燒完仲好嫩 加左蜜糖帶甜味 點埋沙嗲醬食就一流啦👅 椰汁雞湯有火加熱可以keep得住温度👍🏻 雞肉好滑 湯好開胃😋 最後都要飲番杯泰式奶茶先夠地道🤭 仲要食埋個芒果糯米飯做甜品 芒果勁大隻 幾甜幾抵食🌟…Read More

今次喺OpenRice book咗七點半枱，雖然早到咗未有枱，但係職員好好，叫我哋去附近行吓，一有枱就通知我哋🥰最後七點七左右就有位😎仲要係窗口卡位 勁大張枱 坐得好舒服😚😚我哋三個女仔叫左5樣嘢再加多個甜品😅首先上菜嘅係炭燒豬頸肉，一上茶已經係暖唔係熱🥲食落肉質ok嘅 唔太乾 不過就唔多入味 可能飲食清淡人士會啱口味😅至於黃咖喱牛肉，牛肉用上牛腩（應該係😅），同豬頸肉一樣，肉質ok,只係唔夠味。咖喱方面就係接近泰國黃咖喱嘅偏甜口味，唔食得辣嘅我食落都完全無問題😎 雖然咖喱唔辣，不過甜甜地都幾好食，所以我哋又加咗入薄餅點咖喱食，舊薄餅一上係出晒煙㗎（感動mode on）😝😝 熱辣辣嘅薄餅配埋咖喱一齊食簡直好似牛油果配水波蛋一樣天衣無縫😍😍😍亦係我全晚最愛另外，我哋仲叫咗濕炒雞河粉同冬蔭雜菜湯，老老實實就無咩特別，料亦唔算多，以後再嚟都未必會再叫😕臨尾朋友話要叫個甜品食，所以就叫咗個芒果糯米飯🥭 一上菜就嘩咗一下 舊芒果手鎦彈咁大喎😦不過大就大，糯米飯偏乾，食落硬身咁少少，唔夠煙韌😣😣芒果雖然大但食落都唔夠甜😓所以下次都唔會再叫啦🙊整體而言，以銅鑼灣呢個地段呢個價錢嚟講，我覺得如果想坐得舒服傾吓偈，呢度都ok嘅🙊🙊…Read More

之前食過屬同一集團嘅Mini Friday同埋「日本野」, 兩間分別供應西餐同日式嘅食物質素味道唔錯。原來集團又再多一間泰菜餐廳「Thaiology」開左係銅鑼灣二期, 今晚就約丫妹去食dinner。只係平日晚, 接近7點多, 餐廳已經坐滿食客, 果然很有人氣。其中最抵食嘅當然係二人餐, 每項自選款式都好岩心水【晚市二人餐】$398冬陰功海鮮湯: 冬陰功湯熱辣辣上檯, 依然有個小火爐慢慢興住, 入面有兩大隻鮮甜爽口大蝦、青口等海鮮, 湯底酸酸辣辣, 味道濃郁惹味又開胃。醃酸辣鳳爪: 無骨鳳爪跟軟筋位相連, 口感爽脆, 酸味味又有少少辣。海南雞(半隻): 雞件已被去骨, 肉質很嫩很有雞味, 而且好厚肉, 雞皮富彈性, 配上三款海南雞醬油, 正!  泰式炒雜菜: 炒得頗有穫氣, 菜蔬、青豆類, 樣樣有d泰式鮮蝦炒金邊粉: 金邊粉有彈性, 唔會一pat pat, 味道甜甜地, 有大量炒蛋碎, 蝦很大隻又爽口, 再加入左類似素叉燒、芽菜, 食落很有層次。 套餐包兩杯 --- coffee/tea/汽水 (價值$18)補差價可轉特飲, 補左$20 order 泰式奶茶質感幼滑, 奶比例較重, 有泰國地道風味+$28 任選甜品一款芒果糯米飯: 芒果香甜多汁, 糯米飯濕潤有黏度, 再多少少椰奶會更好另外想試試呢度嘅咖哩, order左【咖哩炒軟殼蟹】HK$168咖哩份量好多, 蓋過了所有軟殼蟹, 大約有3隻軟殼蟹原隻開邊, 索左個咖哩汁, 甜甜地, 有淡淡椰香味, 唔食得辣嘅丫妹話有微辣, 但平時食得辣嘅我就唔太食得出。…Read More

泰式小食拼盤 $118魚餅丶蝦餅丶炸雞翼、春卷每款2件，沙嗲串燒豬肉丶雞肉各2串，好豐富～ 樣樣都唔錯，其中蝦餅有驚喜，每件都有隻蝦身，脆口又彈牙，下次要單點蝦餅！生菜包 $78生菜包可以揀豬肉或者雞肉，我就揀咗豬肉，生菜新鮮爽脆，豬肉碎嘅檸檬葉味道好出，只可惜偏鹹，魚露就可能落得重手咗～泰式生蝦刺身 $108芒果糯米飯 $68芒果夠甜，糯米飯份量多，唯一爭咗啲斑蘭香味柚子金桔檸檬特飲 $48啖啖柚子肉，金桔檸檬味濃，感覺幾fresh凍檸茶 $28呢度嘅凍檸茶一向都唔錯，茶味夠，檸檬都新鮮…Read More

之前見到呢間餐廳覺得個名都幾特別，之前都有食過佢哋公司嘅Mini Friday餐廳，個一間我就可以比到4⭐️佢地所以就覺得可以去試吓呢一間泰國嘢，我相信應該唔差得去邊但結果好似有啲意料之外😂入到去餐廳覺得個裝修都幾靜，打卡就真係一流🤩🤩🤩但嘢食就真係一言難盡😣明明睇餐牌嘅時候炒金邊粉都冇話係辣，點知嚟到嘅時候真係太辣，根本食唔落🥵重點係我都話哂係泰菜嘅愛好者，金邊粉嘅辣應該係一種吊味嘅方式。。唔應該係辣到其他味都試唔出😂食得辣嘅同行人都淨係食到辣，但其他味冇食到。。因為實在太辣所以就叫咗waiter投訴一下，所以上過一碟無咁辣，但就真係無乜味🤦🏼‍♀️個沙律就更加係精華，可以辣到我食咗一啖之後就冇食過🙂佢個種辣係遠遠超過出邊食沙律既辣🥵因為個種辣唔似係泰式既辣😓但黃咖喱配個印度薄餅就真係好唔錯但係印度薄餅(另叫)嗰個我冇影到相，所以睇唔到，佢嗰個醬其實都唔差都幾好食，幾特別😎生蝦就一眼望到，食落口感就真係同放題虎蝦冇分別，應該一模一樣😂但係出奇地泰式生蝦個醬，應該係要辣，但佢依一個醬，反而係唔辣真係好奇怪😅😂芒果糯米飯其實就真係唔錯❤️我覺得佢咁嘅價錢俾咁大個飯，都幾抵🥳總結來講呢一間餐廳我只會比65分😂雖然佢地餐廳後尾又送返一個甜品俾我，我覺得佢哋嘅態度其實係好好，只係因為我覺得應該要有嘅味道，佢又冇。。同埋有時候餐牌冇講到佢係辣，但佢又比好辣，都幾唔合理既一件事😶因為你唔食得辣嘅人你小小辣，其實都講得合理，但係你明明寫住冇，但係佢比一盤辣醬你，咁你點食呀🤯😩不過買單用咗三百幾，所以我覺得其實食到咁多嘢都係抵，為咗嚟打卡都好嘅😂但係如果你真係諗住嚟食真正嘅泰國菜就應該去九龍城食😂或者啲大餐廳會好啲。。。…Read More