晌屯門三聖村嘆完海鮮，食埋個美心Line Friends蛋糕，一班死佬話飽話飽，咪又喺專登揸程車落去元朗食B仔涼粉 
。因為今次食海鮮揀頭輪，食完未夠8:30pm，所以，去到「佳記」九點未夠，等位嘅人唔多，我哋都喺等咗幾分鐘，老闆就安排咗張三連枱俾我哋 
。除B仔涼粉，「佳記」仲有唔少招牌嘢，今次都睇準埋個榴槤糯米卷！雖然話門外等位唔多，但鋪內依然坐滿人。不過，攞位期間都發生咗段小插曲，因為我哋成13個人，兼大部份人有番咁上下身形，真喺要3張枱先夠坐。老闆先安排咗兩張，而另一張有個後生仔坐緊，無點嘢，一個人霸住成張枱，話啲朋友嚟緊，即時被老闆鬧啦 
，叫佢齊人先再俾枱佢。講真，「佳記」啲客流量超快，個個食十零廿分鐘就走，使唔使咁自私霸住啲枱呀 :( ！ 
B仔涼粉 $72 
對照舊年嘅食評，事隔一年多，都只喺由$70加到$72，絕對溫和，對番啲相，份量一樣咁大堆頭，唔會有種加你少少錢，但減去多多份量嘅搵笨現象 
。唔使多講，一定B仔涼粉x3先夠我哋食，與其叫嚟食飯後甜品，我就覺得喺食飯後果喇。一排3大兜B仔涼粉，香蕉、奇異果、水蜜桃、蜜瓜、哈蜜瓜、西瓜、大樹菠蘿、椰果、蘆薈、木瓜、龍眼、菠蘿堆到滿一滿，繽紛七彩，實在有啲氣勢 
。估唔到大樹菠蘿咁受歡迎，小弟一粒都搶唔到，但點都好，淋上大量花奶，涼粉夾生果，食起嚟香夾滑。 芒果糯米卷 $36 原本喺想試榴槤糯米卷（$42），可惜乜榴槤產品都無，退而求其次就喺芒果糯米卷。一盒有6件，橙色糯米皮本身已加入芒果汁去做，入口又煙煙糯糯 ，再捲住大大嚿原條芒果肉，芒果嘅香味實在澎湃香甜 
，而外層沾滿椰絲，椰香成為出色嘅襯托配角。清晒3大兜B仔涼粉，大家都撐住肚皮走，真真正正滿載而歸，皆大歡喜 ，而今夜嘅死佬飯局，又至此結束，要等下回再有大局，期間有時間就搞住啲細局先 。…Read More
。因為今次食海鮮揀頭輪，食完未夠8:30pm，所以，去到「佳記」九點未夠，等位嘅人唔多，我哋都喺等咗幾分鐘，老闆就安排咗張三連枱俾我哋 。除B仔涼粉，「佳記」仲有唔少招牌嘢，今次都睇準埋個榴槤糯米卷！雖然話門外等位唔多，但鋪內依然坐滿人。不過，攞位期間都發生咗段小插曲，因為我哋成13個人，兼大部份人有番咁上下身形，真喺要3張枱先夠坐。老闆先安排咗兩張，而另一張有個後生仔坐緊，無點嘢，一個人霸住成張枱，話啲朋友嚟緊，即時被老闆鬧啦 ，叫佢齊人先再俾枱佢。講真，「佳記」啲客流量超快，個個食十零廿分鐘就走，使唔使咁自私霸住啲枱呀 :( ！ B仔涼粉 $72 對照舊年嘅食評，事隔一年多，都只喺由$70加到$72，絕對溫和，對番啲相，份量一樣咁大堆頭，唔會有種加你少少錢，但減去多多份量嘅搵笨現象 。唔使多講，一定B仔涼粉x3先夠我哋食，與其叫嚟食飯後甜品，我就覺得喺食飯後果喇。一排3大兜B仔涼粉，香蕉、奇異果、水蜜桃、蜜瓜、哈蜜瓜、西瓜、大樹菠蘿、椰果、蘆薈、木瓜、龍眼、菠蘿堆到滿一滿，繽紛七彩，實在有啲氣勢 。估唔到大樹菠蘿咁受歡迎，小弟一粒都搶唔到，但點都好，淋上大量花奶，涼粉夾生果，食起嚟香夾滑。 芒果糯米卷 $36 原本喺想試榴槤糯米卷（$42），可惜乜榴槤產品都無，退而求其次就喺芒果糯米卷。一盒有6件，橙色糯米皮本身已加入芒果汁去做，入口又煙煙糯糯 ，再捲住大大嚿原條芒果肉，芒果嘅香味實在澎湃香甜 ，而外層沾滿椰絲，椰香成為出色嘅襯托配角。清晒3大兜B仔涼粉，大家都撐住肚皮走，真真正正滿載而歸，皆大歡喜 ，而今夜嘅死佬飯局，又至此結束，要等下回再有大局，期間有時間就搞住啲細局先 。…Read More
