Uma Nota (Closed)

第一次來食特別嘅巴西 fusion 日本菜，色彩繽紛令人食指大動 (好切合巴西人熱情嘅性格☺️)，五款前菜 (煙燻牛肉、壽司、大蝦木薯炸丸、芒果油醋八爪魚軟包及烤椰菜花) 已經好特別，點知驚喜卻出現喺主菜同甜品部分😆主菜我揀左蒸海鱺魚，廚師將蒸嘅火侯拿捏得極好 (功架十足👍🏻)，魚身肉厚但嫰滑，魚皮亦稍煎至微脆，有菇同蘆筍嘅魚汁進一步帶出魚嘅鮮味，啖啖肉食唔停😋最後仲出現擺盤相當靚嘅美味甜品拼盤，有芝士蛋糕、燉蛋、雪糕同生果，為我呢個 weekend 增添豐富嘅色彩🔴🟠🟡🟢🔵呢度上菜都按步就班，唔會太快，絕對適合假期同三五知己一邊享受一邊傾計☺️…Read More

位於中上環地段，一間巴西日本fusion餐廳，捉左男朋友去食個brunch。Brunch set 好豐富，淨係starter 都已經好出色，5款食物，每一款都好有心機去設計。Starters and Petiscos• 手握壽司精選每日嘅壽司都係唔同，如果有素食嘅朋友仲可以有唔同嘅安排。• 大蝦木薯炸丸子配柚子蛋黃醋汁炸丸子配上柚子汁唔單止中和左炸物嘅油膩感，仲令到單調炸蝦丸味道層次豐富左。• 煙燻牛肉黑蒜泥蛋黃呢一個男朋友至愛，牛肉煙燻味好香，加上入口蒜泥同牛肉味衝擊口感，層次好豐富。• 芒果油醋八爪魚芒果軟包呢一個包夾住八爪魚，好特別，一個好新鮮嘅做法。• 椰菜花白豆鷹嘴豆蓉配翠玉瓜薄荷芫荽油沙律單單椰菜花配上好特別嘅醬汁，平時好少食菜嘅我地爭住食呢一道菜。Main Course • 豬里脊肉、芥末、捲心菜沙律用左炸呢個做法好處就係可以好好咁保留豬扒嘅肉汁，唔乾身柴口，加上有幾款配菜令到一道菜有4個味道層次。是日甜品甜品最有驚喜，有兩款雪糕，有朱古力蛋糕，有生果，仲有個奶味勁濃郁嘅布甸。勁fancy，二人份勁多，我地兩個差啲食唔曬。整體黎講，呢一餐brunch好豐富，而家CP真係好高，無論餐廳環境定係食物質素都好值得一試。…Read More

Uma Nota 位於中環蘇豪區，門面超靚壁畫吸引了不少遊客和本地人打卡，大門前面有室外坐位和彩色梯級，是另一打卡位。餐廳人氣很高，所以提前了幾天預訂Weekend Brunch的座位。中午12時到達餐廳，不到半小時已經差不多坐滿。餐廳運用了不少綠色植物點綴空間，感覺好清新，還有大約一半座位可望到街景，感覺舒適。Weekend Brunch 供應時間由中午12開始至下午4時，有5款前菜，1款主菜和甜品拼盤，超豐富。前菜：1.大蝦木薯炸丸子配柚子蛋黃醋汁，口感穌脆，蝦肉爽口，醬汁口味清新，是5款前菜中我最喜愛的一款。2.手握壽司精選包括3款壽司，吞拿魚山椒、帶子配海膽泡沫和煙燻鴨，賣相最有東洋風味的一款，帶子頂的泡沫充滿海膽味道，好特別。煙燻鴨頂配搭薑蓉和蔥，口味好清新。3.煙熏牛肉、黑蒜泥蛋黃醬，牛肉是半熟的，滿滿的香燻味，少少鹹，又帶少少酸。4.芒果油醋八爪魚芒果軟包，麵包仍然溫暖和軟熟，芒果粒和八爪魚粒味道幾夾。5.椰菜花白豆鷹嘴豆蓉、翠玉瓜薄荷芫茜油沙律，瓜切成薄片，舖在椰菜花上面，造型好靚好特別，而且煮得好腍，配搭豆蓉很好味。每款前菜都各具特色，並揉合了巴西菜常見的食材、醬汁和煙燻味道，加上日式烹調方式，製成了好獨特的巴西*日本fusion菜😋。主菜：巴西汁慢煮雜錦海鮮，包括虎蝦、魷魚、扇貝和青口，足夠2人份量，但味道較濃，偏鹹。甜品拼盤包括多款水果，兩款味道的雪糕，芝士蛋糕和百香果慕斯，慕斯偏酸，但芝士蛋糕很好食，尤其餅底部份。整體味道偏濃，但環境服務都十分滿意，尤其每次上餐時職員都清楚說明每碟食物的名稱，態度非常親切。…Read More

終於有一個能好好放鬆的星期六，朋友相約去中環吃日菜兼巴西菜brunch，相當特別！由這位識食之友推介，絕對有質素保證！綠色的門面加上彩色的梯級，很有朝氣！內有酒吧區、多張二至四人枱，四處擺了綠葉，很有大自然氣息，感覺寫意自在。還可透過半開放式的廚房看到多位大廚製作，好有活力！週末及公眾假期供應Brunch，由12:00pm-4:00pm，真是可以慢慢享受。Weekend Brunch ($420/位）包有五道前菜，一道共享主菜和一份甜品拼盤。******************************前菜五道有：第一道是大蝦木薯炸丸子配柚子蛋黃醋汁（BOLINHO DE VATAPA），炸得黃金，賣相一流！外層香脆可口，內有綿綿的木薯和爽彈大蝦，頂頭配上柚子蛋黃醬和油醋汁，味道很夾，讚！第二道煙燻牛肉、黑蒜泥蛋黃醬（TATAKI DE CARNE DE SOL ）很討我倆歡喜！輕醃的牛裡肌相當腍嫩，配上黑蒜蛋黃醬和脆蔥，味道香濃，很有心思的配搭，吸引！第三道手握壽司（AMAZONIAN NIGIRI SELECTION）分別有吞拿魚山椒、帶子配海膽泡沫和煙燻鴨。最喜歡是帶子配海膽泡沫壽司，帶子鮮嫩，連濃郁的海膽泡沫醬和少許七味粉，鮮味帶辣，配搭美味！第四道是芒果油醋八爪魚芒果軟包（POLVO ROLL ），迷你版，很可愛！軟包外微脆內軟熟，中間夾着經烤的八爪魚粒、鮮芒果粒、洋蔥、蕃茄粒等，很豐富！拌了芒果油醋汁，味道有些酸香，吃起來感覺清新一點。第五道椰菜花白豆鷹嘴豆蓉、翠玉瓜薄荷芫茜油沙律（HUMMUS DE FEIJÃO）是我最愛的一道。椰菜花經輕煎，帶些香脆，面頭是新鮮爽口的黃翠肉瓜薄片，吃時蘸上綿滑的白豆鷹嘴豆泥，伴上清新的薄荷葉吃，口感和味道都豐富多變，又是一道有心思的配搭。******************************主菜四選一，㨂了巴西汁慢煮雜錦海鮮：虎蝦、魷魚、扇貝、青口（MOQUECA DE FRUTOS DO MAR)(+$60/位），非常豐富。虎蝦爽彈鮮美；魷魚爽嫩；扇貝大大隻，鮮味肉嫩；青口肥美多汁，四款都優質，配上鮮香的巴西汁及酸咪咪的油醋汁，再加上腰果泥，既豐富又美味，推介！******************************最後是節日甜品 （DESSERT PLATTER），賣相很有夏日氣息，吸引！有味道突出的椰子雪糕和焦糖脆餅雪糕；新鮮多汁的水果；酸酸甜甜的熱情果芒果慕絲；香滑的乳酪芝士餅，令人吃得很滿足，完美的總結！------------------------------近排因家中有些事情發生，日日都要頻頻撲撲，難得有一個悠閒週末跟朋友享受一頓豐富的Brunch ，為我加了不少力量！…Read More